യോഗി ആദിത്യനാഥിന്‍റെ അകമ്പടി വാഹനം അപകടത്തിൽപ്പെട്ടു; 15 പേർക്ക് പരിക്ക് |

Click here for detailed news of all items

യോഗി ആദിത്യനാഥിന്‍റെ അകമ്പടി വാഹനം അപകടത്തിൽപ്പെട്ടു; 15 പേർക്ക് പരിക്ക്

Sunday, February 25, 2024 3:59 AM IST

ലക്നോ: ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്‍റെ പോലീസ് അകമ്പടി വാഹനം അപകടത്തിൽപ്പെട്ട് 15 പേർക്ക് പരിക്ക്. അർജുൻഗഞ്ചിൽ വച്ചാണ് സംഭവം.

സംഭവസമയം മുഖ്യമന്ത്രി വാഹനവ്യൂഹത്തിൽ ഉണ്ടായിരുന്നോ എന്ന് വ്യക്തമല്ല. അമിതവേഗതയിലെത്തിയ പോലീസ് ജീപ്പ് റോഡിലുണ്ടായിരുന്ന പശുവിനെ ഇടിക്കാതിരിക്കാൻ വെട്ടിച്ചപ്പോൾ റോഡരികിൽ നിർത്തിയിട്ടിരുന്ന രണ്ട് വാഹനങ്ങളിൽ ഇടിച്ചാണ് അപകടമുണ്ടായതെന്ന് പോലീസ് വൃത്തങ്ങൾ അറിയിച്ചു.

ശനിയാഴ്ച വൈകുന്നേരം അർജുൻഗഞ്ച് മാർക്കറ്റ് ഏരിയയിൽ മുഖ്യമന്ത്രിയുടെ വാഹനവ്യൂഹത്തിന് മുന്നേ പോയ പോലീസ് ജീപ്പ് അപകടത്തിൽപ്പെട്ടു. 15 പേർക്ക് പരിക്കേറ്റതായി ലഖ്‌നോ പോലീസ് കമ്മീഷണർ എസ്.ബി. ഷിരാദ്കർ പറഞ്ഞു.

പരിക്കേറ്റവരിൽ പോലീസ് ജീപ്പിലുണ്ടായിരുന്ന അഞ്ച് പേരും ഇടിച്ച മറ്റ് രണ്ട് കാറുകളിലുണ്ടായിരുന്ന 10 പേരും ഉൾപ്പെടുന്നു. പരിക്കേറ്റവരെ ആശുപത്രിയിൽ പ്രവേശിപ്പിച്ചിരിക്കുകയാണ്. അലഞ്ഞുതിരിയുന്ന കന്നുകാലി ശല്യം ഉത്തർപ്രദേശിന്‍റെ അപകടകരമായ സത്യമായി മാറിയെന്ന് സമാജ്‌വാദി പാർട്ടി അധ്യക്ഷൻ അഖിലേഷ് യാദവ് പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.