Latest News
പൗ​ര​ത്വ നി​യ​മഭേ​ദ​ഗ​തി: ചോ​ദ്യം​ചെ​യ്തു​ള്ള ഹ​ര്‍​ജി​ക​ള്‍ സു​പ്രീം കോ​ട​തി ഇ​ന്ന് പ​രി​ഗ​ണി​ക്കും
പൗ​ര​ത്വ നി​യ​മഭേ​ദ​ഗ​തി: ചോ​ദ്യം​ചെ​യ്തു​ള്ള ഹ​ര്‍​ജി​ക​ള്‍ സു​പ്രീം കോ​ട​തി ഇ​ന്ന് പ​രി​ഗ​ണി​ക്കും
Wednesday, March 13, 2024 8:41 AM IST
ഡ​ല്‍​ഹി: പൗ​ര​ത്വ​ഭേ​ദ​ഗ​തി നി​യ​മ​ത്തി​നെ​തി​രേ​യു​ള്ള ഹ​ര്‍​ജി​ക​ള്‍ സു​പ്രീം കോ​ട​തി ബു​ധ​നാ​ഴ്ച പ​രി​ഗ​ണി​ക്കും. അ​ടി​യ​ന്ത​ര​മാ​യി വാ​ദം കേ​ള്‍​ക്ക​ണ​മെ​ന്ന് ഹ​ര്‍​ജി​ക്കാ​രാ​യ മു​സ്‌​ലിം ലീ​ഗും ഡി​വൈ​എ്ഫെ​എ​യും കോ​ട​തി​യോ​ട് അ​പേ​ക്ഷി​ക്കും.

ചീ​ഫ് ജ​സ്റ്റീ​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ മൂ​ന്നം​ഗ ബെ​ഞ്ചി​ന് മു​ന്നി​ലാ​കും ആ​വ​ശ്യ​മു​യ​ര്‍​ത്തു​ക. രാ​വി​ലെ പ​ത്ത​ര​യ്ക്ക് സു​പ്രീം ​കോ​ട​തി​യി​ല്‍ വി​ഷ​യം ഉ​ന്ന​യി​ക്കു​ന്ന​തി​നു​ള്ള അ​പേ​ക്ഷ ഡി​വൈ​എ​ഫ്ഐ​യും ലീ​ഗും ഇ​തി​ന​കം ന​ല്‍​കി​യി​ട്ടു​ണ്ട്.

കേരളവും സു​പ്രീം കോ​ട​തി​യി​ല്‍ സ​മാ​ന ആ​വ​ശ്യം ഉ​യ​ര്‍​ത്തും. സം​സ്ഥാ​ന സ​ര്‍​ക്കാ​ര്‍ ഉ​ള്‍​പ്പ​ടെ​യു​ള്ള​വ​ര്‍ ന​ല്‍​കി​യ ഹ​ര്‍​ജി കോ​ട​തി 2020ല്‍ ​ത​ന്നെ ഫ​യ​ലി​ല്‍ സ്വീ​ക​രി​ച്ചി​ട്ടു​ണ്ട്.

പൗ​ര​ത്വ ഭേ​ദ​ഗ​തിനി​യ​മം ന​ട​പ്പാ​ക്കി​ല്ലെ​ന്നാ​യി​രു​ന്നു കേ​ന്ദ്രം സു​പ്രീം കോ​ട​തി​യി​ല്‍ ന​ല്‍​കി​യ ഉ​റ​പ്പ്. ഇതി​ന് വി​രു​ദ്ധ​മാ​ണ് കേ​ന്ദ്ര സ​ര്‍​ക്കാ​രി​ന്‍റെ വി​ജ്ഞാ​പ​നമെന്ന് ഹ​ര്‍​ജി​ക്കാ​ര്‍ വാ​ദി​ക്കു​ന്നു. ഭ​ര​ണ​ഘ​ട​ന ഉ​റ​പ്പു​ന​ല്‍​കു​ന്ന തു​ല്യ​ത​യ്ക്ക് വി​രു​ദ്ധ​മാ​ണ് പൗ​ര​ത്വ നി​യ​മ​മെ​ന്നും ഒ​രു മ​ത​ത്തെ മാ​ത്രം നി​ര്‍​ത്തി പൗ​ര​ത്വം ന​ല്‍​കു​ന്ന​ത് പ്ര​ഥ​മ ദൃ​ഷ്ട്യ ഭ​ര​ണ​ഘ​ട​നാ വി​രു​ദ്ധ​മാ​ണെ​ന്നും ഹ​ര്‍​ജി​ക്കാ​ര്‍ ചൂ​ണ്ടി​ക്കാ​ട്ടു​ന്നു.


തി​ങ്ക​ളാ​ഴ്ച​യാ​ണ് പൗ​ര​ത്വ ഭേ​ദ​ഗ​തി നി​യ​മം രാ​ജ്യ​ത്ത് പ്രാ​ബ​ല്യ​ത്തി​ല്‍​വ​ന്ന​ത്. കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യ​മാ​ണ് ഇ​തു​സം​ബ​ന്ധി​ച്ച വി​ജ്ഞാ​പ​ന​മി​റ​ക്കി​യ​ത്. 2014 ഡി​സം​ബ​ര്‍ 31 ന് ​മു​മ്പ് രാ​ജ്യ​ത്ത് കു​ടി​യേ​റി​യ പാ​ക്കി​സ്ഥാ​ന്‍, അ​ഫ്ഗാ​നി​സ്ഥാ​ന്‍, ബം​ഗ്ലാ​ദേ​ശ് എ​ന്നി​വി​ട​ങ്ങ​ളി​ല്‍​നി​ന്നു​ള്ള ആ​റ് ന്യൂ​ന​പ​ക്ഷ വി​ഭാ​ഗ​ങ്ങ​ള്‍​ക്ക് (ക്രി​സ്ത്യ​ന്‍, ഹി​ന്ദു, ജൈ​ന, ബു​ദ്ധ, സി​ഖ്, പാ​ഴ്‌​സി) ഇ​ന്ത്യ​ന്‍ പൗ​ര​ത്വം ല​ഭി​ക്കു​ന്ന​തി​നാ​യാ​ണ് ഈ ​ഭേ​ദ​ഗ​തി.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

<
Copyright @ 2022 , Rashtra Deepika Ltd.