കേജരിവാളിന്‍റെ അറസ്റ്റ് എഎപിക്ക് തെരഞ്ഞെടുപ്പിൽ ഗുണം ചെയ്യുമെന്ന് അതിഷി |

Click here for detailed news of all items

കേജരിവാളിന്‍റെ അറസ്റ്റ് എഎപിക്ക് തെരഞ്ഞെടുപ്പിൽ ഗുണം ചെയ്യുമെന്ന് അതിഷി

Thursday, March 28, 2024 1:49 AM IST

ന്യൂഡൽഹി: അരവിന്ദ് കേജരിവാളിന്‍റെ അറസ്റ്റ് ലോക്‌സഭാ തെരഞ്ഞെടുപ്പിൽ എഎപിക്ക് ഗുണം ചെയ്യുമെന്ന് ഡൽഹി മന്ത്രി അതിഷി. ‌

എക്‌സൈസ് നയവുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ എൻഫോഴ്‌സ്‌മെന്‍റ് ഡയറക്ടറേറ്റ് അരവിന്ദ് കേജരിവാളിനെ അറസ്റ്റ് ചെയ്തത് രാജ്യത്തിന്‍റെ ജനാധിപത്യ ചരിത്രത്തിൽ മുമ്പ് കണ്ടിട്ടില്ലാത്ത ജനാധിപത്യത്തിനെതിരായ ആക്രമണമാണെന്ന് പിടിഐയ്ക്ക് നൽകിയ അഭിമുഖത്തിൽ അതിഷി വിശേഷിപ്പിച്ചു.

തെരഞ്ഞെടുപ്പിൽ ഇത് ഞങ്ങൾക്ക് ഗുണം ചെയ്തു എന്നതാണ് നല്ല കാര്യം. അരവിന്ദ് കേജരിവാളിനെ അറസ്റ്റുചെയ്യുന്നതിന് മുമ്പ്, ലോക്‌സഭാ തെരഞ്ഞെടുപ്പിൽ ബിജെപി വിജയിക്കുമെന്നായിരുന്നു ആളുകൾ കരുതിയിരുന്നത്.

എന്നാൽ കേജരിവാളിന്‍റെ അറസ്റ്റിന് ശേഷം ഞങ്ങളോട് പൊതുജനങ്ങളുടെ സഹതാപത്തിന്‍റെ തോത് ഉയർന്നു. അതിനാൽ, അത് തെരഞ്ഞെടുപ്പിൽ ഞങ്ങൾക്ക് ഗുണം ചെയ്തതായി എനിക്ക് തോന്നുന്നു. വരാനിരിക്കുന്ന ലോക്‌സഭാ തെരഞ്ഞെടുപ്പ് ജനങ്ങളും ബിജെപിയും തമ്മിലുള്ള തെരഞ്ഞെടുപ്പായി മാറിയെന്നും അവർ വ്യക്തമാക്കി.

"ഈ തെരഞ്ഞെടുപ്പ് വളരെ വ്യത്യസ്തമായ തെരഞ്ഞെടുപ്പായി മാറിയിരിക്കുന്നു. ഇത് ഇനി "എഎപി വേഴ്സസ് ബിജെപി' അല്ലെങ്കിൽ "ഇന്ത്യ ബ്ലോക്ക് വേഴ്സസ് ബിജെപി' തെരഞ്ഞെടുപ്പല്ല. കെജരിവാളിന്‍റെ അറസ്റ്റിന് ശേഷം ഇത് "പീപ്പിൾ വേഴ്സസ് ബിജെപി' തെരഞ്ഞെടുപ്പാണ്," അവർ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.