ബാറ്റുകൊണ്ട് അടിച്ച് വഴിയാത്രക്കാരനെ കൊന്നു; പോലീസുകാരന്‍റെ മകൻ അറസ്റ്റിൽ‌ |

Click here for detailed news of all items

ബാറ്റുകൊണ്ട് അടിച്ച് വഴിയാത്രക്കാരനെ കൊന്നു; പോലീസുകാരന്‍റെ മകൻ അറസ്റ്റിൽ‌

Thursday, April 4, 2024 10:13 AM IST

ജയ്പുർ: രാജസ്ഥാനിൽ ക്രിക്കറ്റ് ബാറ്റ് ഉപയോഗിച്ച് വഴിയാത്രക്കാരനെ മർദിച്ച് കൊലപ്പെടുത്തിയ പോലീസുകാരന്‍റെ മകൻ അറസ്റ്റിൽ. ജയ്പുരിലെ രജനി ബിഹാർ കോളനിയിലാണ് സംഭവം.

സംഭവത്തിൽ 23കാരനായ ക്ഷിതിജിനെ പോലീസ് അറസ്റ്റ് ചെയ്തു. സംഭവം നടക്കുന്ന സമയം ക്ഷിതിജിന്‍റെ പിതാവും പോലീസ് ഇൻസ്പെക്ടറുമായ പ്രശാന്ത് ശർമ വീടിനുള്ളിൽ ഉണ്ടായിരുന്നു.

ഇതുവഴി കടന്നുപോകുകയായിരുന്ന മോഹൻലാൽ സിന്ധി(35)യുമായി ക്ഷിതിജ് തർക്കത്തിലേർപ്പെട്ടിരുന്നു. തർക്കം മൂർച്ഛിച്ചപ്പോൾ, ക്ഷിതിജ് വീട്ടിൽ പോയി ബാറ്റ് കൊണ്ട് വന്ന് സിന്ധിയുടെ തലയിൽ അടിച്ചു. ഗുരുതര പരിക്കേറ്റ സിന്ധി സംഭവസ്ഥലത്തുവച്ചു തന്നെ മരിച്ചു.

ശബ്ദം കേട്ട് ക്ഷിതിജിന്‍റെ പിതാവ് വീട്ടിൽ നിന്ന് ഇറങ്ങിയെത്തിയപ്പോൾ സിന്ധിയെ റോഡിൽ അബോധാവസ്ഥയിൽ കിടക്കുന്നതാണ് കണ്ടത്. അവർ സിന്ധിയെ അടുത്തുള്ള ആശുപത്രിയിൽ എത്തിച്ചുവെങ്കിലും മരണം സംഭവിച്ചിരുന്നു.

ഇന്ത്യൻ ശിക്ഷാ നിയമത്തിലെ സെക്ഷൻ 302 (കൊലപാതകം) പ്രകാരം ക്ഷിതിജിനെതിരെ കേസ് രജിസ്റ്റർ ചെയ്യുകയും അറസ്റ്റ് ചെയ്യുകയും ചെയ്തുവെന്ന് പോലീസ് അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.