ബൈഡൻ ഇടഞ്ഞു; ഗാസ അതിർത്തിയിലൂടെ താത്കാലിക സഹായ വിതരണം അനുവദിക്കുമെന്ന് ഇസ്രയേൽ |

Click here for detailed news of all items

ബൈഡൻ ഇടഞ്ഞു; ഗാസ അതിർത്തിയിലൂടെ താത്കാലിക സഹായ വിതരണം അനുവദിക്കുമെന്ന് ഇസ്രയേൽ

Friday, April 5, 2024 9:30 AM IST

ഗാസ സിറ്റി: വടക്കൻ ഗാസ മുനമ്പുമായുള്ള അതിർത്തി വഴി ഇസ്രായേൽ "താൽക്കാലിക" സഹായ വിതരണം അനുവദിക്കുമെന്ന് പ്രധാനമന്ത്രി ബെഞ്ചമിൻ നെതന്യാഹുവിന്‍റെ ഓഫീസ് വെള്ളിയാഴ്ച പ്രഖ്യാപിച്ചു.

“അഷ്‌ഡോഡിലൂടെയും എറെസ് ചെക്ക്‌പോസ്റ്റിലൂടെയും താൽക്കാലിക മാനുഷിക സഹായം എത്തിക്കാൻ ഇസ്രായേൽ അനുവദിക്കും,” യുഎസ് പ്രസിഡന്‍റ് ജോ ബൈഡന്‍റെ മുന്നറിയിപ്പിന് മണിക്കൂറുകൾക്ക് ശേഷം സർക്കാർ പുറത്തിറക്കിയ പ്രസ്താവനയിൽ പറഞ്ഞു.

ഏഴ് രക്ഷാപ്രവർത്തകരുടെ മരണത്തിനിടയാക്കിയ ആക്രമണത്തിന്‍റെ ഉത്തരവാദിത്തം ഏറ്റെടുത്തതിന് പിന്നാലെ ഇസ്രയേലിനുമേൽ അന്താരാഷ്ട്ര സമ്മർദ്ദം ശക്തമാകുന്നതിനിടെയാണ് പ്രഖ്യാപനം.

ഇസ്രായേലിന്‍റെ പ്രസ്താവന പ്രകാരം, ഗാസയ്ക്ക് വടക്ക് 40 കിലോമീറ്റർ (25 മൈൽ) അകലെയുള്ള എറെസ് അതിർത്തി ക്രോസിംഗിലൂടെയും അഷ്‌ദോദ് തുറമുഖത്തിലൂടെയും സഹായം അനുവദിക്കുന്നതിന് പുറമേ, "കെരെം ഷാലോം വഴി ജോർദാനിൽ നിന്നുള്ള സഹായം വർധിപ്പിക്കാനും' അധികാരികൾ അനുവദിക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.