രാ​ജ്യ​സ​ഭാ സീ​റ്റി​ല്‍ ; പി​ടി​മു​റു​ക്കി യൂ​ത്ത് ലീ​ഗ്
രാ​ജ്യ​സ​ഭാ സീ​റ്റി​ല്‍ ; പി​ടി​മു​റു​ക്കി യൂ​ത്ത് ലീ​ഗ്
Thursday, May 30, 2024 1:06 PM IST
കോ​ഴി​ക്കോ​ട്: രാ​ജ്യ​സ​ഭാ തെ​ര​ഞ്ഞെ​ടു​പ്പി​ൽ മുസ്‌ലിം ലീഗിനു ലഭിച്ച സീറ്റിൽ ആ​രെ മ​ത്സ​രി​പ്പി​ക്ക​ണ​മെ​ന്ന കാ​ര്യ​ത്തി​ൽ പാർട്ടിയിൽ തി​ര​ക്കി​ട്ട ച​ർ​ച്ച​ക​ൾ പു​രോ​ഗ​മി​ക്കു​ന്നു. സ്ഥാ​നാ​ർ​ഥി​ത്വ​ത്തി​ലേ​ക്ക് യു​വാ​ക്ക​ളെ പ​രി​ഗ​ണി​ക്ക​ണ​മെ​ന്ന ആ​വ​ശ്യ​ത്തി​നാ​ണ് പാ​ർ​ട്ടി​യി​ൽ പി​ന്തു​ണ​യേ​റു​ന്ന​ത്.

സ്ഥാ​നാ​ർ​ഥി ആ​രെ​ന്ന കാ​ര്യ​ത്തി​ലു​ള്ള അ​ന്തി​മ തീ​രു​മാ​നം തെ​ര​ഞ്ഞെ​ടു​പ്പ് ഫ​ല​ത്തെ കൂ​ടി ആ​ശ്ര​യി​ച്ചാ​യി​രി​ക്കും. താ​ൻ രാ​ജ്യ​സ​ഭ​യി​ലേ​ക്ക് ഇ​ല്ലെ​ന്ന പി.​കെ.​ കു​ഞ്ഞാ​ലി​ക്കു​ട്ടി​യു​ടെ പ്ര​തി​ക​ര​ണ​ത്തോ​ടെ രാ​ജ്യ​സ​ഭ​യി​ലേ​ക്ക് ആ​രെ​ന്ന ചോ​ദ്യം ലീ​ഗി​ൽ ചൂ​ടുപി​ടി​ക്കു​ക​യാ​ണ്. നി​ര​വ​ധി പേ​രു​ക​ളാ​ണ് രാ​ജ്യ​സ​ഭാ സീ​റ്റി​ലേ​ക്കാ​യി പ​റ​ഞ്ഞു​കേ​ൾ​ക്കു​ന്ന​ത്.

പി.​എം.​എ. സ​ലാ​മി​ന്‍റെ പേ​ര് ഉ​യ​ർ​ന്നുകേ​ട്ടെ​ങ്കി​ലും ജ​ന​റ​ൽ സെ​ക്ര​ട്ട​റി സ്ഥാ​നം ന​ഷ്ട​മാ​കു​മോ എ​ന്ന ആ​ശ​ങ്ക അദ്ദേഹത്തിനുണ്ട്. സ​ലാം മ​ത്സ​രി​ക്കു​ക​യാ​ണെ​ങ്കി​ൽ ജ​ന​റ​ൽ സെ​ക്ര​ട്ട​റി സ്ഥാ​ന​ത്തേ​ക്ക് ക​ണ്ണുംന​ട്ട് കാ​ത്തി​രി​ക്കു​ന്ന പ​ല​രു​മു​ണ്ട്. എ​ന്നാ​ൽ, ആ ​അ​ധി​കാ​ര കൈ​മാ​റ്റം ലീ​ഗി​ലെ മു​തി​ർ​ന്ന പ​ല നേ​താ​ക്ക​ൾ​ക്കും താ​ത്പ​ര്യ​മി​ല്ല.

യൂ​ത്ത് ലീ​ഗ് സം​സ്ഥാ​ന ജ​ന. സെ​ക്ര​ട്ട​റി പി.​കെ. ഫി​റോ​സ്, ദേ​ശീ​യ ജ​ന. സെ​ക്ര​ട്ട​റി ഫൈ​സ​ൽ ബാ​ബു, ലീ​ഗ് അ​ഭി​ഭാ​ഷ​ക​ൻ ഹാ​രി​സ് ബീ​രാ​ൻ എ​ന്നി​വ​രു​ടെ പേ​രു​ക​ളാ​ണ് എംപി സീറ്റിലേക്കു സ​ജീ​വ​മാ​യി ഉ​യ​രു​ന്ന​ത്. ലോ​ക്സ​ഭാ തെ​ര​ഞ്ഞെ​ടു​പ്പി​ൽ ത​ന്നെ സീ​റ്റ് ആ​വ​ശ്യ​വു​മാ​യി യൂ​ത്ത് ലീ​ഗ് രം​ഗത്തു വ​ന്നി​രു​ന്നെ​ങ്കി​ലും യൂ​ത്ത് ലീ​ഗി​ന് അ​വ​സ​രം ല​ഭി​ച്ചി​ല്ല. എ​ന്നാ​ൽ രാ​ജ്യ​സ​ഭ​യെ​ങ്കി​ലും ന​ൽ​ക​ണ​മെ​ന്ന ക​ടു​ത്ത നി​ല​പാ​ടി​ലാ​ണ് യൂ​ത്ത് ലീ​ഗ്.


യു​വ പ്രാ​തി​നി​ധ്യ​മെ​ന്ന ആ​വ​ശ്യ​ത്തോ​ട് ലീ​ഗ് സം​സ്ഥാ​ന അ​ധ്യ​ക്ഷ​ൻ സാ​ദി​ഖ​ലി ത​ങ്ങ​ൾ​ക്കും അ​നു​കൂ​ല നി​ല​പാ​ടാ​ണ്. അ​ങ്ങ​നെ​യെ​ങ്കി​ൽ രാ​ജ്യ​സ​ഭ​യി​ലേ​ക്ക് ഫി​റോ​സി​നും ഫൈ​സ​ൽ ബാ​ബു​വി​നും സാ​ധ്യ​ത​യേ​റും. ഒ​രു പു​തു​മു​ഖ പ​രീ​ക്ഷ​ണ​ത്തി​ന് ലീ​ഗ് ഒ​രു​ങ്ങു​മെ​ന്നു ത​ന്നെ​യാ​ണ് പൊ​തു​വേ​യു​ള​ള വി​ല​യി​രു​ത്ത​ൽ. ആ ​പ്ര​തീ​ക്ഷ​യി​ലാ​ണ് യൂ​ത്ത് ലീ​ഗും.

യു​ഡി​എ​ഫി​ല്‍ ഒ​ഴി​വുവ​രു​ന്ന രാ​ജ്യ​സ​ഭാ സീ​റ്റി​ല്‍​ കു​ഞ്ഞാ​ലി​ക്കു​ട്ടി എ​ത്ത​ണ​മെ​ന്ന് ലീ​ഗി​ല്‍ ഒ​രു വി​ഭാ​ഗം ആ​വ​ശ്യ​പ്പെ​ട്ടി​രു​ന്നു. ഇ​തി​നു പി​ന്നാ​ലെ കു​ഞ്ഞാ​ലി​ക്കു​ട്ടി രാ​ജ്യ​സ​ഭ​യി​ലേ​ക്കെ​ത്തു​മെ​ന്ന അ​ഭ്യൂ​ഹ​ങ്ങ​ളും സ​ജീ​വ​മാ​യി. ഈ ​റി​പ്പോ​ര്‍​ട്ടു​ക​ള്‍ ത​ള്ളി​യ കു​ഞ്ഞാ​ലി​ക്കു​ട്ടി രാ​ജ്യ​സ​ഭി​ലേ​ക്ക് മ​ത്സ​രി​ക്കാ​ന്‍ താ​നി​ല്ലെ​ന്നു വ്യ​ക്ത​മാ​ക്കു​ക​യാ​യി​രു​ന്നു.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
<