കൊ​ച്ചി: സം​സ്ഥാ​ന​ത്ത് ഒ​രു ദി​വ​സ​ത്തെ ഇ​ട​വേ​ള​യ്ക്ക് ശേ​ഷം വീ​ണ്ടും കു​ത്ത​നെ വീ​ണ് സ്വ​ർ​ണ​വി​ല. പ​വ​ന് ഒ​റ്റ​യ​ടി​ക്ക് 1,560 രൂ​പ​യും ഗ്രാ​മി​ന് 195 രൂ​പ​യു​മാ​ണ് കു​റ​ഞ്ഞ​ത്. ഇ​തോ​ടെ ഒ​രു പ​വ​ൻ സ്വ​ർ​ണ​ത്തി​ന് 68,880 രൂ​പ​യി​ലും ഗ്രാ​മി​ന് 8,610 രൂ​പ​യി​ലു​മാ​ണ് വ്യാ​പാ​രം പു​രോ​ഗ​മി​ക്കു​ന്ന​ത്.

ക​ഴി​ഞ്ഞ ഏ​പ്രി​ൽ 11ന് ​ശേ​ഷം രേ​ഖ​പ്പെ​ടു​ത്തു​ന്ന ഏ​റ്റ​വും താ​ഴ്ന്ന വി​ല​യാ​ണി​ത്. ര​ണ്ടു​ദി​വ​സം കൊ​ണ്ട് പ​വ​ന് 2,280 രൂ​പ ഇ​ടി​ഞ്ഞ ശേ​ഷം ബു​ധ​നാ​ഴ്ച 320 രൂ​പ വ​ർ​ധി​ച്ചി​രു​ന്നു.

ഏ​പ്രി​ൽ 22ന് ​ഗ്രാ​മി​ന് 275 രൂ​പ​യും പ​വ​ന് 2,200 രൂ​പ​യും ഒ​റ്റ​യ​ടി​ക്ക് ഉ​യ​ർ​ന്ന സ്വ​ർ​ണ​വി​ല പ​വ​ന് 74,320 രൂ​പ​യും ഗ്രാ​മി​ന് 9,290 രൂ​പ​യു​മെ​ന്ന പു​ത്ത​ൻ ഉ​യ​ര​ത്തി​ലെ​ത്തി​യി​രു​ന്നു. തു​ട​ർ​ന്ന് ഇ​തി​ന​കം പ​വ​ന് 5,440 രൂ​പ​യും ഗ്രാ​മി​ന് 680 രൂ​പ​യും കു​റ​ഞ്ഞു.

ജ​നു​വ​രി 22നാ​ണ് പ​വ​ന്‍ വി​ല ആ​ദ്യ​മാ​യി 60,000 ക​ട​ന്ന​ത്. 31ന് ​പ​വ​ന് ഒ​റ്റ​യ​ടി​ക്ക് 960 രൂ​പ ഉ​യ​ർ​ന്ന് 61,000 രൂ​പ​യെ​ന്ന പു​തി​യ ഉ​യ​രം താ​ണ്ടി.

ഫെ​ബ്രു​വ​രി ഒ​ന്നി​ന് ഒ​രു പ​വ​ന്‍ സ്വ​ര്‍​ണ​ത്തി​ന് 61,960 രൂ​പ​യാ​യി​രു​ന്നു വി​ല. നാ​ലി​ന് ഒ​റ്റ​യ​ടി​ക്ക് 840 രൂ​പ ഉ​യ​ർ​ന്ന് 62,000 രൂ​പ പി​ന്നി​ട്ടു. തൊ​ട്ടു​പി​ന്നാ​ലെ അ​ഞ്ചി​ന് 760 രൂ​പ ഉ​യ​ർ​ന്ന് 63,000 രൂ​പ​യും ക​ട​ന്നു. പി​ന്നീ​ട് 11ന് 640 ​രൂ​പ ഉ​യ​ർ​ന്ന് 64,000 രൂ​പ​യെ​ന്ന പു​തി​യ നാ​ഴി​ക​ക്ക​ല്ലും പി​ന്നി​ട്ടു.

മാ​ർ​ച്ച് ഒ​ന്നി​ന് പ​വ​ന് 63,440 രൂ​പ​യി​ലാ​ണ് വ്യാ​പാ​രം ആ​രം​ഭി​ച്ച​ത്. പി​ന്നീ​ട് ക​യ​റ്റി​റ​ക്ക​ങ്ങ​ൾ​ക്കൊ​ടു​വി​ൽ 14ന് 65,000 ​രൂ​പ​യും 18ന് 66,000 ​രൂ​പ​യും 31ന് 67,000 ​രൂ​പ​യും ഏ​പ്രി​ൽ ഒ​ന്നി​ന് 68,000 പി​ന്നി​ടു​ക​യാ​യി​രു​ന്നു. പ​ത്തു ദി​വ​സ​ങ്ങ​ൾ​ക്കു ശേ​ഷം ഏ​പ്രി​ൽ 11ന് 69,000 ​രൂ​പ​യും പി​ന്നാ​ലെ 12ന് 70,000 ​രൂ​പ​യും പി​ന്നി​ട്ടു.

ഏ​പ്രി​ൽ 17ന് ​ഒ​റ്റ​യ​ടി​ക്ക് 840 രൂ​പ ഉ​യ​ർ​ന്ന സ്വ​ർ​ണ​വി​ല 71,000 രൂ​പ പി​ന്നി​ട്ടു. 21ന് 72,000 ​രൂ​പ പി​ന്നി​ട്ട സ്വ​ർ​ണ​വി​ല 22ന് ​ഒ​റ്റ​യ​ടി​ക്ക് 2,200 രൂ​പ ഇ​ടി​ഞ്ഞ് 74,000 എ​ന്ന നാ​ഴി​ക​ക്ക​ല്ലി​ലെ​ത്തി.

ഓ​ഹ​രി വി​പ​ണി​യി​ലെ ച​ല​ന​ങ്ങ​ളും രാ​ജ്യാ​ന്ത​ര വി​പ​ണി​യി​ലെ മാ​റ്റ​ങ്ങ​ളു​മാ​ണ് വി​പ​ണി​യി​ല്‍ പ്ര​തി​ഫ​ലി​ക്കു​ന്ന​ത്. ഏ​താ​നും ദി​വ​സ​ങ്ങ​ൾ​ക്ക് മു​മ്പു​വ​രെ ഔ​ൺ​സി​ന് 3,500 ഡോ​ള​ർ എ​ന്ന റി​ക്കാ​ർ​ഡി​ലാ​യി​രു​ന്ന രാ​ജ്യാ​ന്ത​ര വി​ല ഇ​ന്ന് ഒ​രു​ഘ​ട്ട​ത്തി​ൽ 3,149.18 ഡോ​ള​റി​ലേ​ക്ക് ഇ​ടി​ഞ്ഞ ശേ​ഷം നി​ല​വി​ൽ 3,150.66 ഡോ​ള​റി​ലാ​ണ് വ്യാ​പാ​രം ന​ട​ക്കു​ന്ന​ത്.

അ​തേ​സ​മ​യം, വെ​ള്ളി​യു​ടെ വി​ല​യും കു​റ​ഞ്ഞി​ട്ടു​ണ്ട്. ഒ​രു ഗ്രാം ​സാ​ധാ​ര​ണ വെ​ള്ളി​ക്ക് ഒ​രു രൂ​പ കു​റ​ഞ്ഞ് 107 രൂ​പ​യി​ലാ​ണ് വ്യാ​പാ​രം പു​രോ​ഗ​മി​ക്കു​ന്ന​ത്.