വ​ത്തി​ക്കാ​ൻ സി​റ്റി: പ​ത്രോ​സി​ന്‍റെ 267-ാമ​ത് പി​ൻ​ഗാ​മി​യാ​യ ലെ​യോ പ​തി​നാ​ലാ​മ​ൻ മാ​ർ​പാ​പ്പ​യു​ടെ സ്ഥാ​നാ​രോ​ഹ​ണ ച​ട​ങ്ങു​ക​ൾ ആ​രം​ഭിച്ചു. സെ​ന്‍റ് പീ​റ്റേ​ഴ്സ് ച​ത്വ​ര​ത്തി​ൽ പ്രാ​ദേ​ശി​ക​സ​മ​യം രാ​വി​ലെ പ​ത്തി​ന് (ഇ​ന്ത്യ​ൻ സ​മ​യം ഉ​ച്ച​യ്ക്ക് 1.30) സ്ഥാ​നാ​രോ​ഹ​ണ വി​ശു​ദ്ധ കു​ർ​ബാ​ന ആ​രം​ഭി​ച്ചു.

സ്ഥാ​നാ​രോ​ഹ​ണ ച​ട​ങ്ങു​ക​ൾ​ക്കു മു​മ്പാ​യി മാ​ർ​പാ​പ്പ സെ​ന്‍റ് പീ​റ്റേ​ഴ്‌​സ് ച​ത്വ​ര​ത്തി​ലൂ​ടെ​യു​ള്ള ത​ന്‍റെ ആ​ദ്യ പോ​പ്പ്‌ മൊ​ബീ​ൽ സ​വാ​രി നടത്തി. പ​താ​ക​ക​ൾ വീ​ശി "വി​വ ഇ​ൽ പാ​പ്പാ!' എ​ന്ന് ആ​ർ​ത്ത് വി​ളി​ക്കു​ന്ന വി​ശ്വാ​സ സാ​ഗ​ര​ത്തി​നു ന​ടു​വി​ലൂ​ടെ​യായിരുന്നു യാ​ത്ര.

ഏ​വ​രെ​യും കൈ​വീ​ശി അ​ഭി​വാ​ദ്യം ചെ​യ്ത് ച​ത്വ​ര​ത്തി​ലേ​ക്ക് പാ​പ്പാ എ​ത്തി​യ​പ്പോ​ഴേ​ക്കും സെ​ന്‍റ് പീ​റ്റേ​ഴ്സ് ബ​സി​ലി​ക്ക​യി​ലെ മ​ണി​ക​ൾ ഉ​റ​ക്കെ മു​ഴ​ങ്ങി.

മാ​ർ​പാ​പ്പ പൗ​ര​സ്ത്യ​സ​ഭ​ക​ളി​ലെ പാ​ത്രി​യാ​ർ​ക്കീ​സു​മാ​ർ​ക്കൊ​പ്പം വി​ശു​ദ്ധ പ​ത്രോ​സി​ന്‍റെ ക​ബ​റി​ട​ത്തി​ങ്ക​ൽ അ​ല്പ​സ​മ​യം പ്രാ​ർ​ഥി​ക്കു​ക​യും ധൂ​പാ​ർ​ച്ച​ന ന​ട​ത്തു​ക​യും ചെ​യ്ത​തി​നു​ശേ​ഷം പ്ര​ദ​ക്ഷി​ണ​മാ​യാണ് ബ​ലി​വേ​ദി​യി​ലെ​ത്തിയത്.

ആ​ദ്യ മാ​ർ​പാ​പ്പ​യാ​യി​രു​ന്ന വി​ശു​ദ്ധ പ​ത്രോ​സി​ന്‍റെ തൊ​ഴി​ലി​നെ ഓ​ർ​മ​പ്പെ​ടു​ത്തി മു​ക്കു​വ​ന്‍റെ മോ​തി​ര​വും, ഇ​ട​യ​ധ​ർ​മം ഓ​ർ​മ​പ്പെ​ടു​ത്തി ക​ഴു​ത്തി​ല​ണി​യു​ന്ന പാ​ലി​യ​വും സ്വീ​ക​രി​ക്കു​ന്ന​താ​ണ് സ്ഥാ​നാ​രോ​ഹ​ണ​ത്തി​ലെ പ്ര​ധാ​ന ച​ട​ങ്ങ്. വി​ശു​ദ്ധ കു​ർ​ബാ​ന​യ്ക്കി​ട​യി​ൽ ല​ത്തീ​ൻ-​ഗ്രീ​ക്ക് ഭാ​ഷ​ക​ളി​ലു​ള്ള സു​വി​ശേ​ഷ​പാ​രാ​യ​ണ​ത്തി​നു​ശേ​ഷ​മാ​യി​രി​ക്കും മാ​ർ​പാ​പ്പ പാ​ലി​യ​വും മോ​തി​ര​വും സ്വീ​ക​രി​ക്കു​ക.

വി​വി​ധ ഭൂ​ഖ​ണ്ഡ​ങ്ങ​ളി​ൽ​നി​ന്നു​ള്ള, മെ​ത്രാ​ൻ, വൈ​ദി​ക​ൻ, ഡീ​ക്ക​ൻ എ​ന്നീ വ്യ​ത്യ​സ്ത പ​ദ​വി​ക​ളി​ലു​ള്ള മൂ​ന്നു ക​ർ​ദി​നാ​ൾ​മാ​രാ​യി​രി​ക്കും ഈ ​ച​ട​ങ്ങ് നി​ർ​വ​ഹി​ക്കു​ക. മാ​ർ​പാ​പ്പ​യെ പാ​ലി​യം അ​ണി​യി​ക്കു​ക ഡീ​ക്ക​ൻ ക​ർ​ദി​നാ​ളാ​യി​രി​ക്കും.

തു​ട​ർ​ന്ന് പാ​പ്പാ​യു​ടെ മേ​ൽ ക​ർ​ത്താ​വി​ന്‍റെ സാ​ന്നി​ധ്യ​വും സ​ഹാ​യ​വും ഉ​ണ്ടാ​കു​വാ​നാ​യി വൈ​ദി​ക ക​ർ​ദി​നാ​ൾ പ്ര​ത്യേ​ക പ്രാ​ർ​ഥ​ന ചൊ​ല്ലു​ക​യും ദൈ​വ​ത്തി​ന്‍റെ അ​നു​ഗ്ര​ഹം പ്രാ​ർ​ഥി​ക്കു​ക​യും ചെ​യ്യും. അ​തി​നു​ശേ​ഷ​മാ​യി​രി​ക്കും മാ​ർ​പാ​പ്പ മോ​തി​രം സ്വീ​ക​രി​ക്കു​ക. മെ​ത്രാ​ൻ ക​ർ​ദി​നാ​ളാ​യി​രി​ക്കും മാ​ർ​പാ​പ്പ​യ്ക്ക് ഇ​തു ന​ൽ​കു​ക.

പാ​ലി​യ​വും മോ​തി​ര​വും സ്വീ​ക​രി​ച്ച​തി​നു​ശേ​ഷം മാ​ർ​പാ​പ്പ സു​വി​ശേ​ഷ​വും വ​ഹി​ച്ച് ദൈ​വ​ജ​ന​ത്തെ ആ​ശീ​ർ​വ​ദി​ക്കും. തു​ട​ർ​ന്ന് ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള 12 പേ​ർ ദൈ​വ​ജ​ന​ത്തെ മു​ഴു​വ​ൻ പ്ര​തി​നി​ധാ​നം ചെ​യ്തു​കൊ​ണ്ട് മാ​ർ​പാ​പ്പ​യോ​ടു​ള്ള വി​ധേ​യ​ത്വം പ്ര​തീ​കാ​ത്മ​ക​മാ​യി പ്ര​ഖ്യാ​പി​ക്കും.

അ​തി​നു​ശേ​ഷം മാ​ർ​പാ​പ്പ സു​വി​ശേ​ഷ സ​ന്ദേ​ശം ന​ൽ​കു​ക​യും വി​ശു​ദ്ധ കു​ർ​ബാ​ന തു​ട​രു​ക​യും ചെ​യ്യും. സ്ഥാ​നാ​രോ​ഹ​ണ​ച്ച​ട​ങ്ങി​ൽ ഇ​ന്ത്യ​യു​ൾ​പ്പെ​ടെ നൂ​റി​ലേ​റെ ലോ​ക​രാ​ജ്യ​ങ്ങ​ളി​ൽ​നി​ന്നാ​യി ഔ​ദ്യോ​ഗി​ക പ്ര​തി​നി​ധി​സം​ഘ​ങ്ങ​ളും നേ​താ​ക്ക​ളും രാ​ജ​കു​ടും​ബാം​ഗ​ങ്ങ​ളും പ​ങ്കെ​ടു​ക്കു​ന്നു​ണ്ട്.

യു​എ​സ് വൈ​സ് പ്ര​സി​ഡ​ന്‍റ് ജെ.​ഡി. വാ​ൻ​സ്, സ്റ്റേ​റ്റ് സെ​ക്ര​ട്ട​റി മാ​ർ​ക്കോ റൂ​ബി​യോ, ഇ​സ്രേ​ലി പ്ര​സി​ഡ​ന്‍റ് ഐ​സ​ക് ഹെ​ർ​സോ​ഗ്, യു​ക്രെ​യ്ൻ പ്ര​സി​ഡ​ന്‍റ് വോ​ളോ​ദി​മി​ർ സെ​ല​ൻ​സ്കി, ഇ​റ്റാ​ലി​യ​ൻ പ്ര​ധാ​ന​മ​ന്ത്രി ജോ​ർ​ജി​യ മെ​ലോ​ണി തു​ട​ങ്ങി​യ​വ​രാ​ണ് പ​ങ്കെ​ടു​ക്കു​ന്ന പ്ര​മു​ഖ നേ​താ​ക്ക​ൾ.