പ​ത്ത​നം​തി​ട്ട: വീ​ട്ടു​കാ​ർ ആ​ശു​പ​ത്രി​യി​ൽ പോ​യ സ​മ​യ​ത്ത് വീ​ട് ക​ത്തി​ച്ച് ന​ശി​പ്പി​ച്ച സം​ഭ​വ​ത്തി​ൽ പ്ര​തി​യെ പ​ത്ത​നം​തി​ട്ട പോ​ലീ​സ് പി​ടി​കൂ​ടി. ന​രി​യാ​പു​രം ഇ​ണ്ടി​ളി​യ​പ്പ​ൻ ക്ഷേ​ത്ര​ത്തി​നു സ​മീ​പം താ​മ​സി​ക്കു​ന്ന കെ.​ഭ​ര​ത് കു​മാ​റി​ന്‍റെ വീ​ടി​ന് തീ​യി​ട്ട പ്ര​തി​യാ​ണ് പി​ടി​യി​ല​യാ​യ​ത്.

ഭ​ര​ത് കു​മാ​റി​ന്‍റെ അ​യ​ൽ​വാ​സി​യാ​യ ര​തീ​ഷ് ഭ​വ​നം വീ​ട്ടി​ൽ ര​തീ​ഷ് ച​ന്ദ്ര​നെ (40) ആ​ണ് പ​ത്ത​നം​തി​ട്ട പോ​ലീ​സ് അ​റ​സ്റ്റ് ചെ​യ്ത​ത്. ഈ ​മാ​സം 11 ന് ​വൈ​കു​ന്നേ​രം 6.30 ഓ​ടെ​യാ​ണ് തീ​പി​ടി​ച്ച് ഉ​പ​ക​ര​ണ​ങ്ങ​ൾ ക​ത്തി​ന​ശി​ച്ച​ത്.

വി​വ​ര​മ​റി​ഞ്ഞ് പോ​ലീ​സ് ഉ​ട​ന​ടി സ്ഥ​ല​ത്തെ​ത്തി അ​ന്വേ​ഷ​ണം ന​ട​ത്തി. സ്റ്റേ​ഷ​നി​ൽ വി​വ​രം പ​റ​ഞ്ഞ​തി​ന്‍റെ അ​ടി​സ്ഥാ​ന​ത്തി​ൽ എ​സ്‌​സി​പി​ഓ ജ​യ​രാ​ജ്‌ മൊ​ഴി രേ​ഖ​പ്പെ​ടു​ത്തി. എ​സ്ഐ കെ.​ജി ബാ​ല​സു​ബ്ര​ഹ്മ​ണ്യ​ൻ കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.

സ്ഥ​ല​ത്ത് ശാ​സ്ത്രീ​യ അ​ന്വേ​ഷ​ണ സം​ഘ​വും മ​റ്റും എ​ത്തി തെ​ളി​വു​ക​ൾ ശേ​ഖ​രി​ച്ചു. സം​ഭ​വ​ത്തി​ൽ പ്ര​തി​യെ സം​ശ​യം പ​റ​ഞ്ഞ​തി​ന്‍റെ അ​ടി​സ്ഥാ​ന​ത്തി​ൽ ഉ​ട​ൻ​ത​ന്നെ പോ​ലീ​സ് ക​സ്റ്റ​ഡി​യി​ലെ​ടു​ത്ത് നി​രീ​ക്ഷ​ണ​ത്തി​ലാ​ക്കി​യി​രു​ന്നു.

ഇ​തു​മാ​യി ബ​ന്ധ​പ്പെ​ട്ട് വി​ശ​ദ​മാ​യി ചോ​ദ്യം ചെ​യ്ത​പ്പോ​ൾ ര​തീ​ഷ് കു​റ്റം സ​മ്മ​തി​ക്കു​ക​യാ​യി​രു​ന്നു. പ്ര​തി ത​ന്നെ​യാ​ണ് കു​റ്റ​കൃ​ത്യം ചെ​യ്ത​തെ​ന്ന് പോ​ലീ​സി​നും ബോ​ധ്യ​പ്പെ​ട്ടു. തു​ട​ർ​ന്ന് സാ​ക്ഷി​ക​ളെ​യും മ​റ്റും കാ​ണി​ച്ച് തി​രി​ച്ച​റി​ഞ്ഞ​ശേ​ഷം അ​റ​സ്റ്റ് രേ​ഖ​പ്പെ​ടു​ത്തി.