ക​ൽ​പ്പ​റ്റ: വി​ല്ലേ​ജ് ഓ​ഫീ​സ​റെ​യും സം​ഘ​ത്തെ​യും ത​ട​ഞ്ഞു​വെ​ന്ന പ​രാ​തി​യി​ൽ ചൂ​ര​ൽ​മ​ല സ്വ​ദേ​ശി​ക​ൾ​ക്കെ​തി​രെ പോ​ലീ​സ് കേ​സെ​ടു​ത്തു. വെ​ള്ളാ​ർ​മ​ല വി​ല്ലേ​ജ് ഓ​ഫീ​സ​ർ എ.​അ​ജീ​ഷി​ന് മ​ർ​ദ​ന​മേ​റ്റെ​ന്ന പ​രാ​തി​യി​ലാ​ണ് ആ​റു പേ​ർ​ക്കെ​തി​രെ ജാ​മ്യ​മി​ല്ലാ വ​കു​പ്പ് പ്ര​കാ​രം മേ​പ്പാ​ടി പോ​ലീ​സ് കേ​സെ​ടു​ത്ത​ത്.

ക​ന​ത്ത മ​ഴ​യെ തു​ട​ർ​ന്ന് ജോ​ലി​യി​ല്ലാ​താ​കു​ന്ന ഉ​രു​ൾ​പൊ​ട്ട​ൽ ദു​ര​ന്ത​ബാ​ധി​ത​രാ​യ തൊ​ഴി​ലാ​ളി​ക​ൾ​ക്ക് ദി​ന​ബ​ത്ത​യാ​യി 300 രൂ​പ അ​നു​വ​ദി​ക്ക​ണ​മെ​ന്നും വി​ല്ലേ​ജ് ഓ​ഫീ​സ​ർ തെ​റ്റാ​യ റി​പ്പോ​ർ​ട്ട് ന​ൽ​കി​യെ​ന്ന് ആ​രോ​പി​ച്ചാ​യി​രു​ന്നു പ്ര​തി​ഷേ​ധം. ഇ​തി​നി​ടെ​യാ​ണ് വെ​ള്ളാ​ർ​മ​ല വി​ല്ലേ​ജ് ഓ​ഫീ​സ​ർ​ക്കു നേ​രെ കൈ​യേ​റ്റ ശ്ര​മ​മു​ണ്ടാ​യ​ത്.

ഉ​രു​ൾ​പൊ​ട്ട​ൽ ധ​ന​സ​ഹാ​യ​വു​മാ​യി ബ​ന്ധ​പ്പെ​ട്ട് സ​ർ​ക്കാ​ർ വാ​ക്ക് പാ​ലി​ച്ചി​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ധ​ന​സ​ഹാ​യം വി​ത​ര​ണം ചെ​യ്ത​തി​ൽ പാ​ക​പ്പി​ഴ ഉ​ണ്ടാ​യെ​ന്നും സു​ര​ക്ഷി​ത​മ​ല്ലാ​ത്ത സ്ഥ​ല​ങ്ങ​ൾ പോ​ലും സു​ര​ക്ഷി​ത​മെ​ന്ന് അ​റി​യി​ച്ചാ​ണ് ജ​ന​ങ്ങ​ളെ താ​മ​സി​പ്പി​ച്ച​തെ​ന്നും നാ​ട്ടു​കാ​ർ പ​റ​യു​ന്നു.

പ്ര​തി​ഷേ​ധം ശ​ക്ത​മാ​യ​തോ​ടെ പോ​ലീ​സും ഫ​യ​ർ​ഫോ​ഴ്സും സ്ഥ​ല​ത്തെ​ത്തി​യി​രു​ന്നു. ഇ​വ​രേ​യും നാ​ട്ടു​കാ​ർ ത​ട​ഞ്ഞി​രു​ന്നു.