കോ​ഴി​ക്കോ​ട്: പ​തി​ന​ഞ്ചു​കാ​രി​യെ ത​ട്ടി​ക്കൊ​ണ്ടു​പോ​യ കേ​സി​ലെ ര​ണ്ടാം പ്ര​തി​യെ പോ​ലീ​സ് അ​റ​സ്റ്റ് ചെ​യ്തു. ന​ല്ല​ളം പോ​ലീ​സ് സ്റ്റേ​ഷ​നി​ല്‍ ര​ജി​സ്റ്റ​ര്‍ ചെ​യ്ത പോ​ക്‌​സോ, ത​ട്ടി​ക്കൊ​ണ്ടു​പോ​ക​ൽ, മ​നു​ഷ്യ​ക്ക​ട​ത്ത്, ബ​ലാ​ത്സം​ഗം എ​ന്നീ കു​റ്റ​കൃ​ത്യ​ങ്ങ​ള്‍ ഉ​ൾ​പ്പെ​ട്ട കേ​സി​ലെ പ്ര​തി​യാ​യ ആ​സാം സ്വ​ദേ​ശി ലാ​ല്‍​ചാ​ന്‍ ഷേ​ഖി(53)​നെ​യാ​ണ് ന​ല്ല​ളം പോ​ലീ​സ് അ​റ​സ്റ്റ് ചെ​യ്ത​ത്.

ഈ ​കേ​സി​ലെ ഒ​ന്നാം പ്ര​തി ന​സീ​ദു​ല്‍ ഷേ​ഖ് (21) ചെ​റു​വ​ണ്ണൂ​ര്‍ ശാ​ര​ദാ​മ​ന്ദി​ര​ത്തി​ന​ടു​ത്ത് വാ​ട​ക​യ്ക്കു താ​മ​സി​ച്ചി​രു​ന്ന വെ​സ്റ്റ് ബം​ഗാ​ള്‍ സ്വ​ദേ​ശി​യാ​യ പെ​ണ്‍​കു​ട്ടി​യെ പ്ര​ണ​യം ന​ടി​ച്ച് 2023 ഒ​ക്ടോ​ബ​റി​ല്‍ ക​ട​ത്തി​ക്കൊ​ണ്ട പോ​യി ലൈം​ഗി​ക​വൃ​ത്തി​ക്കാ​യി ഹ​രി​യാ​ന​യി​ലു​ള്ള ഇ​യാ​ളു​ടെ പി​താ​വ് ലാ​ല്‍​ചാ​ന്‍ ഷേ​ഖി​നു കൈ​മാ​റു​ക​യാ​യി​രു​ന്നു.

ലാ​ല്‍​ചാ​ന്‍ ഷേ​ഖ് 25,000 രൂ​പ​യ്ക്ക് ഹ​രി​യാ​ന​യി​ലു​ള്ള മൂ​ന്നാം പ്ര​തി സു​ശീ​ല്‍ കു​മാ(35)​റി​ന് പെ​ൺ​കു​ട്ടി​യെ വി​റ്റു. ഈ ​കേ​സി​ലെ ഒ​ന്നും മൂ​ന്നും പ്ര​തി​ക​ളാ​യ ന​സീ​ദു​ല്‍ ഷേ​ഖ്, സു​ശീ​ല്‍ കു​മാ​ര്‍ എ​ന്നി​വ നേ​ര​ത്തെ അ​റ​സ്റ്റി​ലാ​യി​രു​ന്നു.

പെ​ണ്‍​കു​ട്ടി​യെ ലൈം​ഗി​ക​വൃ​ത്തി​ക്കാ​യി വി​ല്പ​ന ന​ട​ത്തി​യ ര​ണ്ടാം പ്ര​തി​യെ അ​ന്വേ​ഷി​ച്ചു ന​ല്ല​ളം പോ​ലീ​സ് ക​ഴി​ഞ്ഞ​മാ​സം വീ​ണ്ടും ആ​സാ​മി​ലേ​ക്കു പു​റ​പ്പെ​ടു​ക​യാ​യി​രു​ന്നു. മൊ​ബൈ​ല്‍ ഫോ​ണ്‍ ഉ​പ​യോ​ഗി​ക്കാ​തെ ഒ​ളി​വി​ല്‍ പോ​യ പ്ര​തി​യെ അ​ന്വേ​ഷി​ക്കു​ന്ന​തി​നി​ട​യി​ല്‍ പ്ര​തി ക​ര്‍​ണാ​ട​ക​യി​ല്‍ ഒ​ളി​വി​ല്‍ ക​ഴി​യു​ക​യാ​ണെ​ന്ന ര​ഹ​സ്യ​വി​വ​രം പോ​ലീ​സി​ന് ല​ഭി​ച്ചു.

മ​റ്റൊ​രു അ​ന്വേ​ഷ​ണ സം​ഘം ക​ര്‍​ണാ​ട​ക​യി​ലേ​ക്ക് പോ​യി. ക​ര്‍​ണാ​ട​ക​ത്തി​ല്‍ പ്ര​തി പോ​കാ​നും ജോ​ലി​ചെ​യ്യു​വാ​നും സാ​ധ്യ​ത​യു​ള്ള നി​ര​വ​ധി എ​സ്റ്റേ​റ്റു​ക​ളും അ​വി​ടെ ജോ​ലി​ചെ​യ്യു​ന്ന ആ​യി​ര​ക്ക​ണ​ക്കി​ന് ഇ​ത​ര​സം​സ്ഥാ​ന തൊ​ഴി​ലാ​ളി​ക​ളു​ടെ രേ​ഖ​ക​ളും പ​രി​ശോ​ധി​ച്ചെ​ങ്കി​ലും പ്ര​തി​യെ ക​ണ്ടെ​ത്താ​ന്‍ ക​ഴി​ഞ്ഞി​ല്ല.

അ​വ​സാ​നം ഓ​ഫ് റോ​ഡ് വാ​ഹ​ന​ങ്ങ​ള്‍ മാ​ത്രം പോ​കു​ന്ന ടൈ​ഗ​ര്‍ റി​സ​ര്‍​വ് ഫോ​റ​സ്റ്റി​നോ​ട് ചേ​ര്‍​ന്നു​ള്ള ചി​ക്കം​മ​ഗ​ളൂ​രി​ലെ സി​ന്‍​ജി​ഗാ​നേ​ഖാ​ന്‍ കാ​പ്പി എ​സ്റ്റേ​റ്റി​ല്‍ അ​ന്വേ​ഷ​ണ സം​ഘം എ​ത്തു​ക​യും അ​വി​ടെ ഒ​ളി​വി​ല്‍ ക​ഴി​യു​ക​യാ​യി​രു​ന്ന പ്ര​തി​യെ അ​തി സാ​ഹ​സി​ക​മാ​യി പി​ടി​കൂ​ടു​ക​യു​മാ​യി​രു​ന്നു.