Latest News
മാതാപിതാക്കളെ കുത്തി പരിക്കേൽപ്പിച്ച മകനെ വെടിവച്ച് കീഴടക്കി പോലീസ്
മാതാപിതാക്കളെ കുത്തി പരിക്കേൽപ്പിച്ച മകനെ വെടിവച്ച് കീഴടക്കി പോലീസ്
Monday, October 17, 2022 11:27 AM IST
സ്വന്തം ലേഖകൻ
കോഴിക്കോട്: ലഹരി ഉപയോഗിച്ചെത്തി കലഹമുണ്ടാക്കുകയും അച്ഛനെയും അമ്മയെയും കുത്തിപ്പരിക്കേല്‍പ്പിക്കുകയും ചെയ്ത യുവാവിനെ പോലീസ് അറസ്റ്റ് ചെയ്തു. അക്രമാസക്തനായി ഭീകരാന്തരീക്ഷം സൃഷ്ടിച്ച ഇയാളെ കീഴടക്കാന്‍ പോലീസ് രണ്ട് റൗണ്ട് ആകാശത്തേക്ക് വെടിവച്ചു.

കോഴിക്കോട് എരഞ്ഞിപ്പാലം സ്വദേശി ഷാജി (50), ബിജി (48) എന്നിവരെയാണ് മകൻ ഷൈൻ കുത്തിപ്പരിക്കേൽപ്പിച്ചത്. ഷാജിക്ക് ഗുരുതരമായി പരിക്കേറ്റിട്ടുണ്ട്. ഇരുവരെയും കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

ഞായറാഴ്ച രാത്രിയാണ് സംഭവം. മാതാപിതാക്കളെ കുത്തിയശേഷം മയക്കുമരുന്നിന്‍റെ ലഹരിയിലായിരുന്ന മകൻ ഏറെ നേരം ഭീതി പരത്തി. പോലീസിന് മുന്നിൽ വച്ചാണ് ഷൈൻ ആക്രമണം നടത്തിയത്.


ഷാജിയുടെ നെഞ്ചിലാണ് ഷൈൻ ആദ്യം കുത്തിയത്. പിന്നീട് കഴുത്തിലും കാലിലും കുത്തി. അമ്മ ബിജിയുടെ മുതുകിലും ഷൈൻ കത്തി കുത്തിയിറക്കി. ഈ സാഹചര്യത്തിലാണ് പോലീസ് രണ്ടുതവണ വെടിയുതിർത്തത്. മൽപ്പിടുത്തത്തിനിടെ ഷൈനും പരിക്കേറ്റിരുന്നു. ഇയാളെയും ആശുപത്രിയിൽ പ്രവേശിപ്പിച്ചു.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

<
Copyright @ 2022 , Rashtra Deepika Ltd.