മും​ബൈ: മ​റാ​ത്തി ഭാ​ഷ​യ്ക്ക് വേ​ണ്ടി കൈ​കോ​ര്‍​ക്കാ​ന്‍ ശി​വ​സേ​ന (യു​ബി​ടി)​യും മ​ഹാ​രാ​ഷ്ട്ര ന​വ​നി​ര്‍​മാ​ണ്‍ സേ​ന (എം​എ​ന്‍​എ​സ്)​യും.

മ​റാ​ത്തി ഭാ​ഷ​യെ​യും മ​റാ​ത്തി ജ​ന​ത​യെ​യും മ​ഹാ​രാ​ഷ്ട്ര​യെ​യും സം​ര​ക്ഷി​ക്കാ​നും എം​എ​ന്‍​എ​സ് അ​ധ്യ​ക്ഷ​നും പി​തൃ സ​ഹോ​ദ​ര പു​ത്ര​നു​മാ​യ രാ​ജ് താ​ക്ക​റെ​യു​മാ​യി കൈ​കോ​ര്‍​ക്കു​ന്നു​വെ​ന്ന് ശി​വ​സേ​ന അ​ധ്യ​ക്ഷ​ന്‍ ഉ​ദ്ധ​വ് താ​ക്ക​റെ വ്യ​ക്ത​മാ​ക്കി.

ഹി​ന്ദി അ​ടി​ച്ചേ​ല്‍​പ്പി​ക്കു​ന്ന​തി​നെ​തി​രെ ആ​ഞ്ഞ​ടി​ച്ച അ​ദ്ദേ​ഹം ഇ​തൊ​രു തു​ട​ക്ക​മാ​ണെ​ന്നും ബാ​ലാ​സാ​ഹേ​ബ് താ​ക്ക​റെ​യു​ടെ സ്വ​പ്‌​നം സാ​ക്ഷാ​ത്ക​രി​ക്കാ​ന്‍ ഭാ​വി​യി​ലും ഒ​രു​മി​ച്ച് പ്ര​വ​ര്‍​ത്തി​ക്കു​മെ​ന്നും അ​ദ്ദേ​ഹം കൂ​ട്ടി​ച്ചേ​ര്‍​ത്തു.

മ​ഹാ​രാ​ഷ്ട്ര സ​ര്‍​ക്കാ​ര്‍ പ്രൈ​മ​റി സ്‌​കൂ​ളു​ക​ളി​ല്‍ നി​ന്ന് ഹി​ന്ദി ഭാ​ഷാ ന​യം പി​ന്‍​വ​ലി​ച്ച​തി​നെ തു​ട​ര്‍​ന്ന് ന​ട​ത്തു​ന്ന മെ​ഗാ വി​ജ​യ സ​മ്മേ​ള​ന​ത്തി​ലാ​ണ് 20 വ​ര്‍​ഷ​ങ്ങ​ള്‍​ക്ക് ശേ​ഷം ഇ​രു​വ​രും ഒ​രു​മി​ച്ചൊ​രു വേ​ദി പ​ങ്കി​ടു​ന്ന​ത്.

ത​ങ്ങ​ള്‍​ക്കി​ട​യി​ലെ വി​ട​വ് മു​ഖ്യ​മ​ന്ത്രി ദേ​വേ​ന്ദ്ര ഫ​ഡ്‌​നാ​വി​സ് ഇ​ല്ലാ​താ​ക്കി​യെ​ന്ന് പ​രി​ഹ​സി​ച്ച ഉ​ദ്ധ​വ് താ​ക്ക​റെ ഇ​നി ഭി​ന്നി​പ്പു​ണ്ടാ​ക്കി​ല്ലെ​ന്ന് പ്ര​തീ​ക്ഷി​ക്കു​ന്നു​വെ​ന്നും പ​റ​ഞ്ഞു. ത​ങ്ങ​ള്‍ ഒ​രു​മി​ച്ച് ജീ​വി​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി.

സം​സ്ഥാ​ന​ത്ത് ഹി​ന്ദി അ​ടി​ച്ചേ​ല്‍​പ്പി​ക്കു​ന്ന​ത് അ​നു​വ​ദി​ക്കി​ല്ലെ​ന്നും ഉ​ദ്ധ​വ് ആ​വ​ര്‍​ത്തി​ച്ചു. ബി​ജെ​പി​യു​ടെ സൗ​ക​ര്യാ​ർ​ഥം സ​ഖ്യ​ക​ക്ഷി​ക​ളെ ഉ​പ​യോ​ഗി​ക്കു​ന്നു​വെ​ന്ന് വി​മ​ര്‍​ശി​ച്ച ഉ​ദ്ധ​വ് താ​ക്ക​റെ താ​നും രാ​ജും ചേ​ര്‍​ന്ന് മ​ഹാ​രാ​ഷ്ട്ര​യു​ടെ അ​ധി​കാ​ര​ത്തി​ല്‍ നി​ന്നും ബി​ജെ​പി​യെ പു​റ​ത്താ​ക്കു​മെ​ന്ന് കൂ​ട്ടി​ച്ചേ​ര്‍​ത്തു.

"എ​ന്‍റെ അ​ച്ഛ​ന്‍ ഈ ​കാ​പ​ട്യ​ത്തി​ന് എ​തി​രെ പോ​രാ​ടി. ഞ​ങ്ങ​ള്‍ ഇ​പ്പോ​ള്‍ അ​തി​ന് വേ​ണ്ടി ഒ​ന്നി​ച്ചി​രി​ക്കു​ന്നു. ഉ​പ​യോ​ഗി​ച്ച് ഉ​പേ​ക്ഷി​ക്ക​ലാ​ണ് ബി​ജെ​പി​യു​ടെ രീ​തി. ഇ​പ്പോ​ള്‍ ഞ​ങ്ങ​ള്‍ ര​ണ്ട് പേ​രും നി​ങ്ങ​ളെ വ​ലി​ച്ചെ​റി​യാ​നു​ള്ള തീ​രു​മാ​ന​ത്തി​ലാ​ണ്'.- ഉ​ദ്ധ​വ് താ​ക്ക​റെ പ​റ​ഞ്ഞു.

ഹി​ന്ദു​ത്വ​യെ ഉ​പേ​ക്ഷി​ച്ചി​ട്ടി​ല്ലെ​ന്നും ഉ​ദ്ധ​വ് താ​ക്ക​റെ കൂ​ട്ടി​ച്ചേ​ര്‍​ത്തു. ഹി​ന്ദു​ത്വ ഒ​രു ഭാ​ഷ​യു​ടെ​യും കു​ത്ത​ക​യ​ല്ലെ​ന്നും ആ​ധി​കാ​രി​ക മ​റാ​ത്തി സം​സാ​രി​ക്കു​ന്ന ത​ങ്ങ​ള്‍ നി​ങ്ങ​ളേ​ക്കാ​ള്‍ ദേ​ശ​സ്‌​നേ​ഹ​മു​ള്ള ഹി​ന്ദു​ക്ക​ളാ​ണെ​ന്നും ഉ​ദ്ധ​വ് താ​ക്ക​റെ പ​റ​ഞ്ഞു. താ​ന്‍ മു​ഖ്യ​മ​ന്ത്രി​യാ​യി​രി​ക്കെ മ​റാ​ത്തി ഭാ​ഷ നി​ര്‍​ബ​ന്ധ​മാ​ക്കി​യെ​ന്നും ഉ​ദ്ധ​വ് താ​ക്ക​റെ പ​റ​ഞ്ഞു.