സൗ​ജ​ന്യ​മാ​യി പ്ര​സ​വി​ക്കാ​ൻ സ​മ്മ​ത​മ​ല്ല..! ഭ​ർ​ത്താ​വി​നോ​ടു യു​വ​തി ആവശ്യപ്പെട്ടത് ഇതൊക്കെ
Wednesday, March 13, 2024 1:01 PM IST
പ്ര​സ​വി​ക്കു​ന്ന​തും കു​ട്ടി​ക​ളെ വ​ള​ർ​ത്തു​ന്ന​തും ബു​ദ്ധി​മു​ട്ടു​ള്ള കാ​ര്യ​മാ​ണെ​ങ്കി​ലും കു​ഞ്ഞു​ങ്ങ​ൾ​ക്കു ജ​ന്മം ന​ൽ​കു​ന്ന​തു വ​ലി​യ വ​ര​ദാ​ന​മാ​യി കാ​ണു​ന്ന​വ​രാ​ണു സ്ത്രീ​ക​ൾ ഏ​റെ​യും. എ​ന്നാ​ൽ, പ്ര​സ​വി​ക്ക​ണ​മെ​ങ്കി​ൽ ഭ​ർ​ത്താ​വ് ര​ണ്ടു കോ​ടി രൂ​പ​യും വി​ല കൂ​ടി​യ സ​മ്മാ​ന​ങ്ങ​ളും ന​ൽ​ക​ണ​മെ​ന്ന​ട​ക്ക​മു​ള്ള നി​ബ​ന്ധ​ന​ക​ൾ വ​ച്ചി​രി​ക്കു​ക​യാ​ണു ദു​ബാ​യിയി​ലെ ഒ​രു കോ​ടീ​ശ്വ​ര​ന്‍റെ ഭാ​ര്യ.

ജ​മാ​ൽ എ​ന്ന കോ​ടീ​ശ്വ​ര​നും അ​ദ്ദേ​ഹ​ത്തി​ന്‍റെ ഭാ​ര്യ സൗ​ദി​യും ഒ​രു കു​ഞ്ഞി​നെ വ​ര​വേ​ൽ​ക്കാ​ൻ ഒ​രു​ങ്ങു​ക​യാ​ണ്. ഗ​ർ​ഭി​ണി​യാ​കും മു​ൻ​പു ചി​ല കാ​ര്യ​ങ്ങ​ൾ ഭ​ർ​ത്താ​വി​നോ​ട് ആ​വ​ശ്യ​പ്പെ​ട്ടി​രു​ന്ന​താ​യി സൗ​ദി ​ത​ന്നെ​യാ​ണു വെ​ളി​പ്പെ​ടു​ത്തി​യി​രി​ക്കു​ന്ന​ത്.

ഗ​ർ​ഭി​ണി​യാ​കു​മ്പോ​ൾ ത​ന്‍റെ ശ​രീ​രം വ​ള​രെ​യ​ധി​കം വേ​ദ​ന​ക​ളി​ലൂ​ടെ ക​ട​ന്നു​പോ​കേ​ണ്ടി വ​രു​മെ​ന്നും അ​ത്ര​യും വേ​ദ​ന സൗ​ജ​ന്യ​മാ​യി അ​നു​ഭ​വി​ക്കാ​ൻ താ​ൻ ഒ​രു​ക്ക​മ​ല്ലെ​ന്നും ചൂ​ണ്ടി​ക്കാ​ട്ടി​യാ​ണു ഭ​ർ​ത്താ​വി​നോ​ട് ആ​വ​ശ്യ​ങ്ങ​ൾ ഉ​ന്ന​യി​ച്ച​തത്രെ.

അ​തി​ൽ ഒ​ന്ന്, സ്റ്റാ​റ്റ​സ് സിം​ബ​ലാ​യി ലോ​കം കാ​ണു​ന്ന സെവന്‍ സ്റ്റാര്‍ ഹോട്ടല്‍ ബുര്‍ അല്‍ അറബില്‍ പോകണം എന്നതാണ്. കുട്ടി പെ​ൺ​കു​ഞ്ഞാ​ണെ​ങ്കി​ൽ പുതിയ ഡിയോര്‍ ബാഗ് ശേഖരം വേണം. ആ​ൺ​കു​ഞ്ഞാ​ണെ​ങ്കി​ൽ ഒരു ആഡംബര നൗക വേണമത്രെ.

പ്ര​സ​വ​സ​മ​യ​ത്ത് ഒ​രു മേ​ക്ക​പ്പ് ആ​ൻ​ഡ് ഹെ​യ​ർ ടീം ​സ​മീ​പ​മു​ണ്ടാ​യി​രി​ക്ക​ണ​മെ​ന്ന​താ​ണു മ​റ്റൊ​രു ആ​വ​ശ്യം. അതും അമേരിക്കയിൽ നിന്നുള്ളവർ. തനിക്കും കുഞ്ഞിനും ഇരിക്കാന്‍ 20 കിടപ്പുമുറിയുള്ള ഒരു കൊട്ടാരം വേണം; പരിചാരകരും.

തീ​ർ​ന്നി​ല്ല, ഒ​രു കാ​ർ സ​മ്മാ​ന​മാ​യി വേ​ണം. കു​ഞ്ഞു​ണ്ടാ​യി കു​റ​ച്ചു ദി​വ​സ​ത്തി​നു​ള്ളി​ൽ 1000 -2000 പേ​രെ​ങ്കി​ലും സ​ന്ദ​ർ​ശ​ന​ത്തി​നാ​യി ഉ​ണ്ടാ​കും. അ​വ​ർ​ക്കാ​യി വി​ഐ​പി റൂ​മു​ക​ൾ ബു​ക്ക് ചെ​യ്യ​ണം. തെ​റാ​പ്പി സെ​ഷ​ൻ, ഫി​സി​യോ തെ​റാ​പ്പി, പേ​ഴ്സ​ൺ ട്രെ​യി​നിം​ഗ്, കു​ഞ്ഞി​ന് മ​സാ​ജ് എ​ന്നി​വ​യെ​ല്ലാം വേ​ണം.

ഭ​ർ​ത്താ​വി​ന്‍റെ ക്രെ​ഡി​റ്റ് കാ​ർ​ഡ് ത​നി​ക്ക് ആ​വ​ശ്യ​മു​ള്ള​പ്പോ​ഴെ​ല്ലാം ഉ​പ​യോ​ഗി​ക്കാ​ൻ സാ​ധി​ക്ക​ണം. വീ​ട്ടി​ലെ ജോ​ലി​ക്കാ​രു​ടെ എ​ണ്ണം ഇ​ര​ട്ടി​യാ​ക്ക​ണം. ഇ​തി​നെ​ല്ലാം പു​റ​മേ​യാ​ണു കു​ഞ്ഞ് ഒ​ന്നി​നു ര​ണ്ടു കോ​ടി രൂ​പ.

മ​നഃ​സു​ഖ​ത്തി​ലി​രി​ക്കു​ക​യും ന​ല്ല​പോ​ലെ ഉ​റ​ങ്ങു​ക​യും മ​റ്റും ചെ​യ്താ​ലേ ത​നി​ക്കു ന​ല്ലൊ​രു അ​മ്മ​യും ഭാ​ര്യ​യും ആ​യി​രി​ക്കാ​ൻ സാ​ധി​ക്കൂ​വെ​ന്നും അ​തു​കൊ​ണ്ടാ​ണ് ഇ​വ​യൊ​ക്കെ ആ​വ​ശ്യ​പ്പെ​ടു​ന്ന​തെ​ന്നും യു​വ​തി പ​റ​യു​ന്നു.

സോ​ഷ്യ​ൽ മീ​ഡി​യ​യി​ൽ സ​ജീ​വ​യാ​യ സൗ​ദി​ക്ക് അ​നേ​കം ഫോ​ളോ​വേ​ഴ്സു​ണ്ട്. ആ​ഡം​ബ​ര​പൂ​ർ​ണ​മാ​യ ജീ​വി​തം ന​യി​ക്കു​ന്ന യു​വ​തി ഒ​രു​ദി​വ​സ​ത്തെ ഷോ​പ്പിം​ഗി​ന് 70 ല​ക്ഷം രൂ​പ​യൊ​ക്കെ​യാ​ണു ചെ​ല​വ​ഴി​ക്കാ​റു​ള്ള​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.