ഓഗസ്റ്റ് 19 ലോക ഫോ​ട്ടോ​ഗ്ര​ഫി ദി​ന​മാ​ണ്. ലോ​കം ഏ​റ്റ​വും ഭീ​തി​യോ​ടെ​യും വേ​ദ​ന​യോ​ടെ​യും നോ​ക്കി​യ ചി​ത്ര​ങ്ങ​ള്‍ പ​ക​ര്‍​ത്തി​യ മ​നു​ഷ്യ​ന്‍ തന്‍റെ ക​ഴി​വി​ല്‍ മ​നം നൊ​ന്തു ക​ര​ഞ്ഞു, ഫോ​ട്ടോ​ഗ്ര​ഫ​റാ​യ​തി​ല്‍ ത​ന്നെ​ത്ത​ന്നെ ശ​പി​ച്ചു.

താ​ന്‍ പ​ക​ര്‍​ത്തു​ന്ന ഫോ​ട്ടോ​യു​ടെ ഫി​ലിം ഡാ​ര്‍​ക്ക് റൂ​മി​ല്‍ പ്രോ​സ​സ് ചെ​യ്യും​മു​മ്പേ തന്‍റെ മു​ന്നി​ലി​രി​ക്കു​ന്ന മ​നു​ഷ്യ​ര്‍ കൊ​ല്ല​പ്പെ​ടു​മെ​ന്ന​റി​ഞ്ഞു​കൊ​ണ്ട് അ​വ​രോ​ട് ചി​രി​ക്കാ​ന്‍ പ​റ​ഞ്ഞ ഫോ​ട്ടോ​ഗ്ര​ഫ​ര്‍ ആ​രാ​ണ്..?

തന്‍റെ കാ​മറ​യ്ക്ക് മു​ന്നി​ല്‍ മ​ണി​ക്കൂ​റു​ക​ള്‍​ക്ക് മു​മ്പ് പോ​സു ചെ​യ്ത മ​നു​ഷ്യ​രു​ടെ ശ​വ​ക്കൂ​ന​യു​ടെ ഫോ​ട്ടോ​യെ​ടു​ക്കാ​നും വി​ധി​ക്ക​പ്പെ​ട്ട ഹ​ത​ഭാ​ഗ്യ​നാ​യ ഒ​രു മ​നു​ഷ്യ​നു​ണ്ട്, നാ​സി​ക​ളു​ടെ മു​ഖ്യ കൊ​ല​ക്ക​ള​മാ​യ പോ​ള​ണ്ടി​ലെ ഔ​ഷ്‌​വിറ്റ്സി​ലെ ക്യാ​മ്പ് ഫോ​ട്ടോ​ഗ്ര​ഫ​ര്‍ വി​ല്‍​ഹെം ബ്രെ​യ്‌​സി​യാ​ണ് ആ ​ഫോ​ട്ടോ​ഗ്രാ​ഫ​ര്‍.



വി​ല്‍​ഹെം ബ്രെ​യ്‌​സി​യു​ടെ വാ​ക്കു​ക​ള്‍

"നാ​സി​ക​ളു​ടെ കോൺ​സൺട്രേ​ഷ​ന്‍ ക്യാ​മ്പി​ലെ പ്ര​ധാ​നി ഡോ​ക്ട​ര്‍ ജോ​സ​ഫ് മീ​ഗീ​ലി​യു​ടെ മുന്നിൽ ത​ണു​ത്തുവി​റ​ച്ച് ന​ഗ്ന​രാ​യി നി​ന്ന യ​ഹൂ​ദ പെൺകു​ട്ടി​ക​ളു​ടെ ഭ​യ​ന്നുവി​റ​ച്ച ക​ണ്ണു​ക​ള്‍ എ​ന്നെ തു​റി​ച്ചുനോ​ക്കി. കൊ​ടുംത​ണു​പ്പി​ല്‍ വി​ശ​ന്നുത​ള​ര്‍​ന്ന അ​വ​രു​ടെ ന​ഗ്ന ശ​രീ​ര​ത്തെ നോ​ക്കി വൃ​ത്തി​കെ​ട്ട ത​മാ​ശ പ​റ​യു​ന്ന നാ​സി ഡോ​ക്ട​ര്‍​മാ​ര്‍. ആ​വ​ശ്യ​പ്പെ​ട്ട​പോ​ലെ ഫോ​ട്ടോ എ​ടു​ത്ത് ഞാ​ന്‍ മ​ട​ങ്ങി.

എ​ന്‍റെ പി​ന്നി​ല്‍ ഡോ​ക്ട​ര്‍ മീ​ഗീ​ലി ക്ലി​നി​ക്കിന്‍റെ വാ​തി​ല്‍ അ​ട​ച്ചു. വി​റ​യ്ക്കു​ന്ന കാ​ലു​ക​ളോ​ടെ ഞാ​ന്‍ വേ​ഗം ന​ട​ന്നു. പി​ന്നി​ല്‍ ഞ​ര​മ്പു​ക​ളെ ത​ള​ര്‍​ത്തു​ന്ന നി​ല​വി​ളി. ഡോ.​മി​ഗീ​ലി​യും കൂ​ട്ടാ​ളി​ക​ളും മ​ര​വി​പ്പി​ക്കാ​തെ അ​വ​രു​ടെ കി​ളു​ന്തു ശ​രീ​ര​ത്തി​ല്‍ വൈ​ദ്യ​ശാ​സ്ത്ര പ​രീ​ക്ഷ​ണ​ങ്ങ​ള്‍ ന​ട​ത്തു​ക​യാ​ണ്.

പി​ന്നീ​ട് ഗ്യാ​സ് ചേ​മ്പ​റിന്‍റെ ത​ണു​ത്ത ത​റ​യി​ലും അ​വ​രി​ല്‍ പ​ല​രു​ടെ​യും മു​ഖം ഞാ​ന്‍ തി​രി​ച്ച​റി​ഞ്ഞു. ഏ​താ​നും മ​ണി​ക്കൂ​ര്‍ മു​മ്പ് എന്‍റെ കാ​മ​റ​യ്ക്ക് മു​ന്നി​ല്‍ ഭ​യ​ന്ന ക​ണ്ണു​ക​ളോ​ടെ എ​ന്നെ തു​റി​ച്ചു നോ​ക്കി​യ അ​തേ മി​ഴി​ക​ള്‍. അ​വ​രു​ടെ പാ​തി വി​ട​ര്‍​ന്ന ചു​ണ്ടു​ക​ള്‍ എ​ന്തോ പ​റ​യാ​ന്‍ ബാ​ക്കിവ​ച്ച​തു​പോ​ലെ.

ഉ​റ​ക്കം വ​രാ​ത്ത രാ​ത്രി​ക​ളി​ല്‍ ഞാ​ന്‍ ക​ര​ഞ്ഞു. ജീ​വി​ക്കാ​ന്‍ ഫോ​ട്ടോ​ഗ്രാ​ഫി തെ​ര​ഞ്ഞെ​ടു​ത്ത​തി​ല്‍ ഞാ​ന്‍ എ​ന്നെ​ത​ന്നെ ശ​പി​ച്ചു. എ​ന്‍റെ പ്രി​യ​പ്പെ​ട്ട കാ​മ​റ എ​നി​ക്ക് പേ​ടി​യാ​ണ് സ​മ്മാ​നി​ച്ച​ത്.''



നാ​സി ത​ട​ങ്ക​ല്‍ പാ​ള​ത്തിന്‍റെ ക്യാ​മ്പ് ഫോ​ട്ടോ​ഗ്രാ​ഫ​ര്‍ വി​ല്‍​ഹെം ബ്രെ​യ്‌​സി ഓ​ര്‍​മ്മ​ക​ളു​ടെ പു​സ്ത​ക​ത്തി​ല്‍ പ​റ​ഞ്ഞ​താ​ണ് മേ​ലു​ദ്ധ​രി​ച്ച വ​രി​ക​ള്‍. ഇ​ത്ര​മാ​ത്രം മ​നു​ഷ്യ​ക്കു​രു​തി​ക്ക് സാ​ക്ഷ്യം വ​ഹി​ച്ച വേ​റെ ഒ​രു ഫോ​ട്ടോ​ഗ്രാ​ഫ​ര്‍ ലോ​ക​ത്തു​ണ്ടാ​കി​ല്ല.

ബ്രെ​യ്‌​സി​യു​ടെ വാ​ക്കു​ക​ള്‍ ''നാ​സി​ക​ള്‍ കൊ​ല്ലാ​ന്‍ കൊ​ണ്ടു​വ​ന്ന ശി​ശു​ക്ക​ളു​ടെ​യും കൊ​ച്ചു പെ​കു​ട്ടി​ക​ളു​ടെ​യും പ്രാ​യ​മാ​യ മ​നു​ഷ്യ​രു​ടെ​യും ക​ണ്ണു​ക​ള്‍ എ​ന്നെ പി​ന്തു​ട​ര്‍​ന്നു. എന്‍റെ കു​ഴി​മാ​ട​ത്തോ​ളം അ​വ​യെന്‍റെ പി​ന്നാ​ലെ​യു​ണ്ടാ​കു​മെ​ന്ന് എ​നി​ക്ക​റി​യാം.''



ത​ന്നെ ഏ​റ്റ​വു​മ​ധി​കം വേ​ദ​നി​പ്പി​ച്ച സം​ഭ​വം അ​ദ്ദേ​ഹം ഓ​ര്‍​ക്കു​ന്നു: "ഒ​രി​ക്ക​ല്‍ ഒ​രു നാ​സി ഡോ​ക്ട​ര്‍ എ​ന്നെ അ​യാ​ളു​ടെ ക്യാ​മ്പ് ഓ​ഫീ​സി​ലേ​ക്ക് വി​ളി​പ്പി​ച്ചു. ഒ​രു ത​ട​വു​കാ​ര​ന്‍റെ പു​റ​ത്ത് വേ​റൊ​രു ത​ട​വു​കാ​ര​ന്‍ ആ​ദ​ത്തിന്‍റെയും ഹ​വ്വ​യു​ടെ​യും ചി​ത്രം പ​ച്ച​കു​ത്തി​യ​തി​ന്‍റെ ഫോ​ട്ടോ എ​ടു​ക്ക​ണം. ചി​ത്രം പ​ക​ര്‍​ത്തി​യ​ശേ​ഷം എ​ന്‍റെ മു​റി​യി​ലേ​ക്ക് മ​ട​ങ്ങി.

ഒ​രു മ​ണി​ക്കൂ​റി​നു​ള്ളി​ല്‍ എന്നെ​ത്തേ​ടി വീ​ണ്ടും ആ​ളെ​ത്തി. ഞാ​ന്‍ ക്യാ​മ്പി​ലെ ഡോ​ക്ട​റു​ടെ കാ​ബി​നി​ലെ​ത്തി. അ​യാ​ള്‍ എ​ന്നെ ത​ന്‍റെ പ​രീ​ക്ഷ​ണ മു​റി​യി​ലേ​ക്ക് കൊ​ണ്ടു​പോ​യി. ദൈ​വ​മേ... ​എ​ന്‍റെ ന​ട്ടെ​ല്ലി​ലൂ​ടെ ഒ​രു മി​ന്ന​ല്‍പ്പിണ​ര്‍ പാ​ഞ്ഞു. ഞാ​ന്‍ എ​ടു​ത്ത ആ​ദ​ത്തി​ന്‍റെ​യും ഹ​വ്വ​യു​ടെ​യും ചി​ത്രം ആ ​മ​നു​ഷ്യ​ന്‍റെ തോ​ലോ​ടെ ഉ​രി​ഞ്ഞെ​ടു​ത്ത് മേ​ശ​പ്പു​റ​ത്ത് വി​രി​ച്ചി​രി​ക്കു​ന്നു.

കൊ​ന്ന​ശേ​ഷം തോ​ലു​രി​ഞ്ഞ ശ​വം മേ​ശ​ക്ക​ടി​യി​ല്‍ കി​ട​ക്കു​ന്നു...'' നി​ന്‍റെ ഫോട്ടോ എ​നി​ക്ക് ഇ​ഷ്ട​മാ​യി. ഈ ​പ​ടം എ​നി​ക്ക് ചി​ല്ലി​ട്ട് എ​ന്‍റെ മു​റി​യി​ല്‍ സൂ​ക്ഷി​ക്ക​ണം.'' കൂ​സ​ലി​ല്ലാ​തെ നാ​സി ഡോ​ക്ട​ര്‍ പ​റ​ഞ്ഞു. എന്‍റെ കാ​ല്‍​ച്ചു​വ​ട്ടി​ല്‍ ഭൂ​മി തെ​ന്നി മാ​റി, ഞാ​ന്‍ മ​ര​വി​ച്ച് നി​ന്നു.'



കൊ​ല്ലാ​ന്‍ കൊ​ണ്ടു​വ​ന്ന മ​നു​ഷ്യ​രു​ടെ ചി​ത്രം മാ​ത്ര​മ​ല്ല, നാ​സി ഡോ​ക്ട​ര്‍​മാ​ര്‍ യ​ഹൂ​ദ സ്ത്രീ​ക​ളു​ടെ​യും കൊ​ച്ചു​കു​ട്ടി​ക​ളു​ടെ​യും ശ​രീ​ര​ത്തി​ല്‍ ന​ട​ത്തി​യ കാ​ട​ന്‍ പ​രീ​ക്ഷ​ണ​ങ്ങ​ളു​ടെ​യും ഫോ​ട്ടോ​യെ​ടു​ക്കാ​ന്‍ ബ്രെ​യ്‌​സി നി​ര്‍​ബ​ന്ധി​ത​നാ​യി. പ​രീ​ക്ഷ​ണ​ങ്ങ​ള്‍ ഇ​വ​യാ​യി​രു​ന്നു, മ​ര​വി​പ്പി​ക്കാ​തെ ശ​രീ​ര​ത്തി​ലെ അ​വ​യ​വ​ങ്ങ​ള്‍ പി​ഴു​തെ​ടു​ക്കു​ക, നെ​ഞ്ചു പി​ള​ര്‍​ന്ന് പി​ഴു​തെ​ടു​ക്കു​ന്ന ഹൃ​ദ​യ​ത്തി​ന്‍റെ മി​ടി​പ്പ് ക​ണ​ക്കാ​ക്കു​ക, ഒ​രാ​ളു​ടെ ശ​രീ​ര അ​വ​യ​വ​ങ്ങ​ള്‍ വേ​റെ മ​നു​ഷ്യ​രി​ലേ​ക്ക് പ​റി​ച്ച് ന​ടു​ക, ന​ഗ്ന​രാ​യി മ​നു​ഷ്യ​രെ മ​ഞ്ഞി​ല്‍ നി​ര്‍​ത്തി മ​ര​ണ​പ്പെ​ടു​ന്ന സ​മ​യം ക​ണ​ക്കാ​ക്കു​ക എ​ന്നി​വ അ​വ​യി​ല്‍ ചി​ല​ത് മാ​ത്രം.

ഗ​ര്‍​ഭി​ണി​ക​ളി​ലും കു​ട്ടി​ക​ളി​ലും ഇ​തി​ലും ഹീ​ന​മാ​യ പ​രീ​ക്ഷ​ണ​ങ്ങ​ള്‍ ന​ട​ത്ത​പ്പെ​ട്ടു, പ്ര​ത്യേ​കം തയാ​റാ​ക്കി​യ യ​ന്ത്രത്തിന​ക​ത്ത് മ​നു​ഷ്യന്‍റെ ശി​ര​സ് ചെ​റു​താ​ക്കു​ക. വി​വ​രി​ക്കാ​ന്‍ പ​റ്റാ​ത്ത പ​ല പ​രീ​ക്ഷ​ണ​ങ്ങ​ളും നാ​സി ഡോ​ക്ട​ര്‍​മാ​ര്‍ യ​ഹൂ​ദ സ്ത്രീ​ക​ളി​ല്‍ ന​ട​ത്തി. പ​ല അ​വ​സ​ര​ങ്ങ​ളി​ലും ഇ​ര​ക​ളാ​യ പെൺകു​ട്ടി​ക​ള്‍ ബ്രെ​യ്‌​സി​യെ പ്ര​തീ​ക്ഷ​യോ​ടെ ഉ​റ്റു​നോ​ക്കി. കാമറ​യും കൈ​യി​ലേ​ന്തി അ​യാ​ള്‍ നിസഹാ​യ​നാ​യി നി​ന്നു, പി​ന്നെ തന്‍റെ മു​റി​യി​ല്‍ പോ​യി ആ​രും കാ​ണാ​തെ ക​ര​ഞ്ഞു.



പോ​ള​ണ്ട് സ്വ​ദേ​ശി​യാ​യ വി​ല്‍​ഹം ബ്രെ​യ്‌​സി ഇരുപതാം വ​യ​സി​ലാ​ണ് നാ​സി​ക​ളു​ടെ കൈയി​ല്‍പെ​ടു​ന്ന​ത്. പോ​ള​ണ്ടി​ല്‍ നി​ന്നും ഹംഗറി​യി​ലേ​ക്ക് ര​ക്ഷ​പ്പെ​ടാ​ന്‍ ശ്ര​മി​ക്ക​വെ അ​തി​ര്‍​ത്തി​യി​ല്‍ വെ​ച്ച് നാ​സി ര​ഹ​സ്യ​പോ​ലീ​സാ​യ ഗൊ​സ്റ്റ​പ്പോ​യു​ടെ പി​ടി​യി​ലാ​യി. അ​വ​ര്‍ അ​വ​നെ നി​ര്‍​ബ​ന്ധി​ത തൊ​ഴി​ലി​നാ​യി ഓ​ഷ്‌​വി​റ്റ്‌​സി​ലെ ക്യാ​മ്പി​ലേ​ക്ക് കൊ​ണ്ടു​വ​ന്നു.

ഫോ​ട്ടോ​ഗ്രാ​ഫി​യി​ല്‍ ബ്രെ​യ്‌​സി​യു​ടെ പ്രാ​വീ​ണ്യം മ​ന​സി​ലാ​ക്കി​യ ക്യാ​മ്പി​ന്‍റെ ത​ല​വ​ന്‍
റു​ഡോ​ള്‍​ഫ് ഹോ​സ് പ​റ​ഞ്ഞു: "നീ ​ക്യാ​മ്പി​ലെ​ത്തു​ന്ന ത​ട​വു​കാ​രു​ടെ തി​രി​ച്ച​റി​യ​ല്‍ കാ​ര്‍​ഡി​നു​ള്ള ഫോ​ട്ടോ എ​ടു​ക്ക​ണം, സാ​ധ്യ​മ​ല്ലെ​ങ്കി​ല്‍ ഇ​പ്പോ​ള്‍ പ​റ​യ​ണം.' ക്രൂ​ര​നാ​യ നാ​സി ക​മാ​ൻഡറു​ടെ സ​ന്ദേ​ശം ബ്രെ​യ്‌​സി​ക്ക് മ​ന​സി​ലാ​യി. ഫോ​ട്ടോ​യെ​ടു​ക്കാ​ന്‍ ത​യാ​റ​ല്ലെ​ങ്കി​ല്‍ ശി​ക്ഷ മ​ര​ണ​മാ​യി​രി​ക്കും. ജീ​വ​ന്‍ ര​ക്ഷി​ക്കാ​ന്‍ ബ്രെ​യ്‌​സി നാ​സി​ക​ളെ അ​നു​സ​രി​ച്ചു. നാ​സി​ക​ള്‍ ബ്രെ​യ്‌​സി​യു​ടെ കൈ​യില്‍ ചാ​പ്പ​കു​ത്തി പോ​ള​ണ്ട്കാ​ര​ന്‍ ത​ട​വു​കാ​ര​ന്‍ ന​മ്പ​ര്‍-3444.

ഫോ​ട്ടോ​ഗ്രാ​ഫി​യി​ലെ പ്രാ​വീ​ണ്യ​മാ​ണ് നാ​സി​ക​ളി​ല്‍ നി​ന്നും അ​യാ​ളു​ടെ ജീ​വ​ന്‍ ര​ക്ഷി​ച്ച​ത്. എ​ന്നാ​ല്‍ താ​ന്‍ ഏ​റ്റ​വും താ​ത്പ​ര്യ​ത്തോ​ടെ തെ​ര​ഞ്ഞെ​ടു​ത്ത തൊ​ഴി​ല്‍ പി​ന്നീ​ട് അ​യാ​ളു​ടെ​യും ലോ​കം മു​ഴു​വ​ന്‍റേയും നൊ​മ്പ​ര​മാ​യി. ബ്രെ​യ്‌​സി പ​ക​ര്‍​ത്തി​യ നാ​സി ത​ട​വു​കാ​രു​ടെ ചി​ത്ര​ങ്ങ​ള്‍ ലോ​ക​ത്തിന്‍റെ ഉ​റ​ക്കം കൊ​ടു​ത്തി. ഒ​പ്പം മനു​ഷ്യരാ​ശി​യു​ടെ ച​രി​ത്ര​ത്തി​ലെ ഏ​റ്റ​വും വ​ലി​യ മ​നു​ഷ്യക്കുരു​തി​യു​ടെ സ്വ​യം സം​സാ​രി​ക്കു​ന്ന നാ​വു​ക​ളാ​യി അ​വ. ക​റു​പ്പും വെ​ളു​പ്പി​ലും ചി​ത്രീ​ക​രി​ച്ച​താ​യി​രു​ന്നു ആ ​പ​ട​ങ്ങ​ള്‍. നാ​സി​ക​ളു​ടെ ക്രൂ​ര​ത​യു​ടെ തെ​ളി​വ് മാ​ത്ര​മ​ല്ല നാ​സി​ക​ളി​ല്‍ പ്ര​മു​ഖ​രെ​ക്കു​റി​ച്ചും ആ ​ചി​ത്ര​ങ്ങ​ള്‍ തെ​ളി​വു​ക​ളാ​യി.



1945 ​ജ​നു​വ​രിയിൽ ര​ണ്ടാം ലോ​ക മ​ഹാ​യു​ദ്ധ​ത്തി​ന്‍റെ അ​ന്ത്യ​പാ​ദ​ത്തി​ല്‍ റ​ഷ്യ​യു​ടെ ചെ​മ്പ​ട ത​ങ്ങ​ളെ വ​ള​യു​ന്നു എ​റി​ഞ്ഞ നാ​സി​ക​ള്‍ ഫോ​ട്ടോ​ക​ളും അ​വ​യു​ടെ നെ​ഗ​റ്റീ​വ് ഫി​ലി​മു​ക​ളും ക​ത്തി​ച്ചു​ക​ള​യാ​ന്‍ ഉ​ത്ത​ര​വി​ട്ടു. നാ​ളെ ച​രി​ത്ര​ത്തി​ന്‍റെ നാ​വു​ക​ളാ​കും ഈ ​ചി​ത്ര​ങ്ങ​ള്‍ എ​ന്ന് തി​രി​ച്ച​റി​ഞ്ഞ ബ്രെ​യ്‌​സി പ്ര​ധാ​ന​പ്പെ​ട്ട ഫോ​ട്ടോ​ക​ളും അ​വ​യു​ടെ നെ​ഗ​റ്റീ​വ് ഫി​ലി​മും പ്ലാ​സ്റ്റി​ക്ക് ബാ​ഗിലാക്കി മ​ണ്ണി​ല്‍ കു​ഴി​ച്ചി​ട്ടു. കു​റെ ഫോ​ട്ടോ​ക​ള്‍ നെ​ഗ​റ്റീ​വ് സ​ഹി​തം ക​ത്തി​ച്ചു.

യു​ദ്ധ​ത്തി​നു​ശേ​ഷം ത​ങ്ങ​ളെ ര​ക്ഷി​ച്ച റ​ഷ്യ​യു​ടെ​യും അ​മേ​രി​ക്ക​യു​ടെ​യും സൈ​നിക​രു​ടെ സ​ഹാ​യ​ത്തോ​ടെ അ​വ​യെ​ല്ലാം വീ​ണ്ടെ​ടു​ത്തു. സ​ഖ്യ​സൈ​ന്യങ്ങ​ളു​ടെ ഫോ​ട്ടോ ലാ​ബി​ല്‍ ആ ​നെ​ഗ​റ്റീ​വ് ഫി​ലി​മു​ക​ള്‍ ബ്രോ​മൈ​ഡ് പേ​പ്പ​റി​ല്‍ ജീ​വ​ന്‍​പൂ​ണ്ടു, അ​ങ്ങ​നെ 60 ദ​ശ​ല​ക്ഷം മ​നു​ഷ്യ​രു​ടെ മാ​യാ​ത്ത ചോ​ര​പ്പാ​ടു​ക​ള്‍ എ​ക്കാ​ല​വും ഓ​ര്‍​മ്മി​ക്കു​ന്ന ച​രി​ത്ര​മാ​യി. അ​വ ലോ​ക​ത്തെ ഭ​യ​പ്പെ​ടു​ത്തി, പി​ന്നെ ക​ര​യി​ച്ചു.

മ​നു​ഷ്യ​ന് മ​നു​ഷ്യ​നോ​ട് ഇ​ത്ര ക്രൂ​ര​ത കാ​ട്ടാ​ന്‍ പ​റ്റു​മോ. ഒ​ളി​വി​ല്‍​പ്പോ​യ നാ​സി​ക​ളെ തി​രി​ച്ച​റി​യാ​ന്‍ ഇ​സ്രാ​യേ​ലിന്‍റെ ചാ​ര​സം​ഘ​ട​ന മൊ​സാ​ദി​ന് സ​ഹാ​യ​ക​മാ​യി പ​ല ചി​ത്ര​ങ്ങ​ളും. പോ​ള​ണ്ടി​ലെ ബ്രി​ക്ക്‌​നൗ​വി​ലെ മു​ഖ്യ ത​ട​ങ്ക​ല്‍പാ​ള​യം ന​യി​ച്ച നാ​സി പ​ട്ടാ​ള മേ​ധാ​വി റു​ഡോ​ള്‍​ഫ് ഐ​ച്ച്മാ​നെ​യും, ഗ്യ​സ്‌​ചേംബര്‍ സ്ഥാ​പി​ക്കാ​ന്‍ മു​ന്‍കൈ​യെ​ടു​ത്ത ഹെ​ൻറി​ച്ച് ഹിം​മ്ല​റേ​യും തി​രി​ച്ച​റി​യാ​നും, ജീ​വ​നോ​ടെ പി​ടി​കൂ​ടാ​നും ഈ ​ചി​ത്ര​ങ്ങ​ള്‍ സ​ഹാ​യി​ച്ചു.

യൂ​റോ​പ്പി​ലെ യ​ഹൂ​ദ​ര്‍ നാ​സി ഹ​ണ്ടേ​ഴ്‌​സ് (നാ​സി വേ​ട്ട​ക്കാ​ര്‍) എ​ന്ന പേ​രി​ല്‍ ര​ഹ​സ്യ സം​ഘ​ട​ന​യ്ക്ക് സ​ഖ്യ​സൈ​ന്യ​ത്തി​ന്‍റെ കൈ​യില്‍ പെ​ടാ​ത്ത നാ​സി​ക​ളെ പി​ടി​കൂ​ടാ​നും ബ്രെ​യ്‌​സി​യു​ടെ ചി​ത്ര​ങ്ങ​ള്‍ സ​ഹാ​യി​ച്ചു. ഹി​റ്റ്‌​ല​റും കൂ​ട്ടാ​ളി​ക​ളും കൊ​ന്നൊ​ടു​ക്കി​യ സാ​ധു​ക്ക​ളോ​ട് അ​ത്ര​യെ​ങ്കി​ലും നീ​തി ചെ​യ്യാ​ന്‍ ബ്രെ​യ്‌​സി​ക്ക് സാ​ധി​ച്ചു.

നാ​സി​ക​ളു​ടെ ത​ട​വി​ല്‍ നി​ന്നും മോ​ചി​ത​നാ​യ​ശേ​ഷം ത​ന്‍റെ പ്രി​യ​പ്പെ​ട്ട തൊ​ഴി​ല്‍ ബ്രെ​യ്‌​സി ഉ​പേ​ക്ഷി​ച്ചു. പി​ന്നീ​ട് ജീ​വി​ത​ത്തി​ല്‍ ഒ​രി​ക്ക​ലും അ​ദ്ദേ​ഹം കാമ​റ കൈ​യി​ലെ​ടു​ത്തി​ല്ല. ഉ​പ​ജീ​വ​ന​ത്തി​നാ​യി സോ​സേ​ജ് നി​ര്‍​മ്മി​ക്കു​ന്ന ചെ​റി​യ യൂ​ണി​റ്റ് സ്ഥാ​പി​ച്ചാ​ണ് കു​ടും​ബം പു​ല​ര്‍​ത്തി​യ​ത്. കാ​മ​റ കാ​ണു​മ്പോ​ള്‍ താ​ന്‍ പ​ക​ര്‍​ത്തി​യ ചി​ത്ര​ങ്ങ​ളും അ​വ​യി​ലെ മു​ഖ​ങ്ങ​ളും ഓ​ര്‍മ​യി​ലേ​ക്ക് വ​രും. അ​വ അ​ദ്ദേ​ഹ​ത്തെ ഭീ​തി​പ്പെ​ടു​ത്തും.



ഔ​ഷ്‌​വി​റ്റ്‌​സി​ലെ ജീ​വി​തം ശ​പി​ക്ക​പ്പെ​ട്ട​താ​യി ക​രു​തി​യെ​ങ്കി​ലും നാ​സി പീ​ഡ​ന​ങ്ങ​ളു​ടെ ക​ര​ള​ലി​യി​ക്കു​ന്ന ക​ഥ ലോ​ക​ത്തെ അ​റി​യി​ച്ച ബ്രെ​യ്‌​സി​യെ ലോകം ഹീ​റോ​യാ​യി ക​ണ്ടു. ബ്രെ​യ്‌​സി​യു​ടെ കാമ​റ നാ​സി ച​രി​ത്ര​ത്തിന്‍റെ ഏ​റ്റ​വും വ​ലി​യ തെ​ളി​വാ​യി. ര​ണ്ട് വ​ര്‍​ഷ​ത്തി​നു​ള്ളി​ല്‍ അ​ര​ല​ക്ഷം പേ​രു​ടെ ചി​ത്ര​ങ്ങ​ളാ​ണ് അ​ദ്ദേ​ഹം പ​ക​ര്‍​ത്തി​യ​ത്. അ​വ​രി​ലാ​രും പി​ന്നീ​ട് ലോ​കം ക​ണ്ടി​ല്ല എ​ന്ന വേ​ദ​ന അ​ദ്ദേ​ഹ​ത്തെ മ​ര​ണ​ത്തോ​ളം പി​ന്തു​ട​ര്‍​ന്നു.

ക്യാ​മ്പ് മോ​ചി​പ്പി​ച്ച ശേ​ഷം, ക്യാമ്പുകൾ, അ​നേ​കം മ​നു​ഷ്യ​രെ കൊ​ന്ന ഗ്യാ​സ് ചേംബറു​ക​ള്‍, മ​റ​വു​ചെ​യ്യാ​ത്ത എ​ണ്ണ​മ​റ്റ ശ​വ​ക്കൂ​ന​ക​ള്‍ എ​ന്നി​വ​യു​ടെ ചി​ത്ര​മെ​ടു​ക്കാ​ന്‍ സ​ഖ്യ​സൈ​ന്യ​ത്തി​ന്‍റെ ത​ല​വ​ന്‍ അ​മേ​രി​ക്കാ​ര​ന്‍ ഡേ​വി​ഡ് ഐ​സ​നോ​വ​ര്‍ ഫി​ലിം നി​ര്‍​മ്മാ​താ​ക്ക​ളാ​യ കൊ​ഡാ​ക്കിന്‍റെ ക​മ്പ​നി​യി​ലേ​ക്ക് പ്ര​ത്യേ​ക വി​മാ​ന​ത്തി​ല്‍ തന്‍റെ ഫോ​ട്ടോ​ഗ്രാ​ഫ​റെ അ​യ​ച്ചാ​ണ് ഫി​ലിം വ​രു​ത്തി​യ​ത്. നാ​ളെ ഇ​തൊ​ന്നും ന​ട​ന്നി​ട്ടി​ല്ലെ​ന്ന് ആ​രെ​ങ്കി​ലും പ​റ​യും അ​ത് അ​നു​വ​ദി​ച്ചു​കൂ​ടാ.



94-ാം വ​യ​സി​ല്‍ മ​രി​ക്കുന്നതി​ന് മു​മ്പ് പോ​ള​ണ്ട് ടെ​ലി​വി​ഷ​ന് ന​ല്‍​കി​യ അ​ഭി​മു​ഖ​ത്തി​ല്‍ ബ്രെ​യ്‌​സി പ​റ​ഞ്ഞു, " ഇ​നി​യൊ​രി​ക്ക​ലും മ​നു​ഷ്യ​ന്‍ മ​നു​ഷ്യ​നെ കൊ​ല്ലാ​തിരുന്നെ​ങ്കി​ല്‍, അ​തി​ന് ഈ ​ചി​ത്ര​ങ്ങ​ള്‍ പ്ര​ചോ​ദ​ന​മാ​യെ​ങ്കി​ല്‍ എ​ന്‍റെ ജീ​വി​തം അ​ര്‍​ഥ​വ​ത്താ​കും.'

മ​നു​ഷ്യ​ന്‍ ഉ​ള്ളി​ട​ത്തോ​ളം കാ​ലം ഈ ​ചി​ത്ര​ങ്ങ​ള്‍ ലോ​ക​ത്തോ​ട് പ​റ​യും, അ​രു​ത് കൊ​ല്ല​രു​ത്.

ത​യാറാ​ക്കി​യ​ത്: ജോ​ണ്‍ മാ​ത്യു, ഫോ​ട്ടോ​ഗ്രാ​ഫ​ര്‍, ദീപിക ഡ​ല്‍​ഹി ബ്യൂ​റോ.