സച്ചിൻ തെൻഡുൽക്കറുടെ മകൻ എം. എസ്. ധോണി അധ്യാപക ജോലിക്ക്!

Sunday, July 4, 2021 1:57 AM IST

ചത്തീസ്ഗഢില്‍ അധ്യാപക തസ്തികയിലേക്ക് അപേക്ഷ നൽകി മഹേന്ദ്ര സിംഗ് ധോണി. ധോണി തന്‍റെ പിതാവിന്‍റെ പേര് സച്ചിന്‍ ടെന്‍ഡുല്‍ക്കര്‍ എന്നാണ് നല്‍കിയിട്ടുള്ളത്. അപേക്ഷകന്‍ പ്രസ്തുത ജോലിക്ക് തെരെഞ്ഞെടുക്കുന്നതിന് മുന്നോടിയായുള്ള ഇന്‍റര്‍വ്യൂവിന് യോഗ്യത നേടുകയും അതനുസരിച്ച് സച്ചിന്‍ ടെന്‍ഡുല്‍ക്കറുടെ മകനായ മഹേന്ദ്ര സിംഗ് ധോണിയെ ഉദ്യോഗസ്ഥര്‍ അഭിമുഖത്തിനായി ഷോര്‍ട്ട്ലിസ്റ്റ് ചെയ്യുകയും ചെയ്തു.

ഉദ്യോഗാര്‍ത്ഥി അഭിമുഖത്തിനായി ഹാജരാകാതിരുന്നപ്പോഴാണ് സംഭവം എല്ലാവരുടെയും ശ്രദ്ധയില്‍പ്പെടുന്നത്. അവര്‍ ആപ്ലിക്കേഷനില്‍ തന്നിട്ടുള്ള നമ്പറിലേക്ക് വിളിക്കുകയും ഫോണ്‍ എടുക്കാതിരുന്നതിനാല്‍ അപേക്ഷ വ്യാജമാണെന്ന് കണക്കാക്കുകയും ചെയ്യുകയായിരുന്നു. ഉദ്യോഗാര്‍ത്ഥി സമര്‍പ്പിച്ച അപേക്ഷ പ്രകാരം, എം എസ് ധോണി, സി എസ് വി സര്‍വകലാശാലയില്‍ നിന്ന് എഞ്ചിനീയറിംഗ് ബിരുദം നേടിയിട്ടുണ്ട്.

വിവരം പുറത്തുവന്നയുടനെ മറ്റ് ഉദ്യോഗാര്‍ത്ഥികള്‍ ഇത് സോഷ്യല്‍ മീഡിയയില്‍ പോസ്റ്റ് ചെയ്യുകയും വാര്‍ത്ത വൈറലാവുകയുമായിരുന്നു. അപേക്ഷ വ്യാജമാണെന്ന് ഉദ്യോഗസ്ഥര്‍ അംഗീകരിച്ചിട്ടുണ്ടെങ്കിലും, എങ്ങനെയാണ് മറ്റു നടപടിക്രമങ്ങളെല്ലാം പൂര്‍ത്തിയാക്കി ഇന്‍റര്‍വ്യൂ വരെ എത്തിയതെന്ന ചോദ്യം അവശേഷിക്കുകയാണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.