മോദിയുടെ ഭാഷയിൽ തരംഗമില്ല, വിഷം മാത്രം: ജയ്റാം രമേശ് : Deepika.com National News |

Click here for detailed news of all items

മോദിയുടെ ഭാഷയിൽ തരംഗമില്ല, വിഷം മാത്രം: ജയ്റാം രമേശ്

Wednesday, May 15, 2024 2:45 AM IST

ഭുവനേശ്വർ: മോദിയുടെ ഭാഷയിൽ തരംഗമില്ല, വിഷം മാത്രമാണുള്ളതെന്ന് കോണ്‍ഗ്രസ് നേതാവ് നേതാവ് ജയ്റാം രമേശ്.

ഭുവനേശ്വരിൽ മാധ്യമപ്രവർത്തകരോടു സംസാരിക്കുകയായിരുന്നു അദ്ദേഹം. ""കർഷകർ, യുവാക്കൾ, തൊഴിലാളികൾ, സ്ത്രീകൾ, പിന്നാക്ക വിഭാഗക്കാർ എന്നിവർ അസ്വസ്ഥരാണെന്ന് മോദി തിരിച്ചറിഞ്ഞു.

പരാജയഭീതി അദ്ദേഹത്തെ വേട്ടയാടാൻ തുടങ്ങി. അതുകൊണ്ടാണ് അദ്ദേഹം ഹിന്ദു-മുസ്‌ലിം, മുസ്‌ലിം ലീഗ്, ടെന്പോകളിൽ കോണ്‍ഗ്രസിനു നൽകിയ കള്ളപ്പണം, മംഗളസൂത്ര എന്നിങ്ങനെ പറയുന്നത്.

ഒരു മാറ്റത്തിനുള്ള സമയം അതിക്രമിച്ചിരിക്കുന്നു. കഴിഞ്ഞ നാലു ഘട്ടങ്ങളിലായി നടന്ന തെരഞ്ഞെടുപ്പിൽ ബിജെപിയുടെ തകർച്ച വ്യക്തമായി. ഇന്ത്യ സഖ്യം മികച്ച ഭൂരിപക്ഷം നേടും. ഭരണഘടനയെയും ജനാധിപത്യത്തെയും സംരക്ഷിക്കാൻ കോണ്‍ഗ്രസ് ഈ തെരഞ്ഞെടുപ്പിൽ പോരാടുകയാണ്’’- ജയ്റാം രമേശ് പറഞ്ഞു.

ബിജെഡിയും ബിജെപിയും ഒരേ നാണയത്തിന്‍റെ രണ്ടു വശങ്ങളാണെന്നും അദ്ദേഹം ആരോപിച്ചു. ബിജെപിയും ബിജെഡിയും തമ്മിൽ വ്യത്യാസമില്ല. ബിജെപി-ബിജെഡി സഖ്യത്തിനെതിരേ പോരാടുന്ന ഒഡീഷയിലെ ഏക ബദൽ കോണ്‍ഗ്രസാണ്.

ബിജെപിക്കു വോട്ട് ചെയ്യുന്നത് ബിജെഡിക്കു വോട്ട് ചെയ്യുന്നതുപോലെയാണെന്നും ജയ്റാം രമേശ് ആരോപിച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.