കെഎല്‍എം ആക്‌സിവ ഫിനാന്‍ഷ്യല്‍ ഫ്രീഡം ഡ്രൈവ് റോഡ് ഷോ അഞ്ചു മുതല്‍ : Deepika.com Business News |

Click here for detailed news of all items

കെഎല്‍എം ആക്‌സിവ ഫിനാന്‍ഷ്യല്‍ ഫ്രീഡം ഡ്രൈവ് റോഡ് ഷോ അഞ്ചു മുതല്‍

Thursday, May 1, 2025 12:34 AM IST

കൊച്ചി : കെഎല്‍എം ആക്‌സിവ ഫിന്‍വെസ്റ്റ് ‘സാമ്പത്തിക സ്വാതന്ത്ര്യം’ എന്ന പ്രമേയത്തെ ആസ്പദമാക്കി സംഘടിപ്പിക്കുന്ന റോഡ് ഷോ ‘ഫിനാന്‍ഷ്യല്‍ ഫ്രീഡം ഡ്രൈവ്’ അഞ്ചിന് കാസര്‍ഗോഡുനിന്ന് ആരംഭിക്കും. കാസര്‍ഗോഡ് മുതല്‍ തിരുവനന്തപുരം വരെ 14 ജില്ലകളിലൂടെയും റോഡ്‌ഷോ കടന്നുപോകും.

റോഡ് ഷോ യുടെ സംസ്ഥാനതല ഉദഘാടനം അഞ്ചിന് കാസര്‍ഗോഡ് മെയിന്‍ ബ്രാഞ്ചില്‍ നടക്കും. 21 ന് തിരുവനന്തപുരത്ത് റോഡ് ഷോ സമാപിക്കും. സാമ്പത്തിക സാക്ഷരത പ്രചരിപ്പിക്കുക, നിക്ഷേപങ്ങളില്‍ ജാഗ്രത പുലര്‍ത്താന്‍ അവബോധം നല്‍കുക, സമ്പാദ്യശീലം പ്രോത്സാഹിപ്പിക്കുക എന്നീ ലക്ഷ്യങ്ങളോടെയാണ് പരിപാടി സംഘടിപ്പിക്കുന്നത്.

റോഡ് ഷോ കടന്നു പോകുന്ന 63 കേന്ദ്രങ്ങളില്‍ പ്രത്യേക പരിപാടികളും സംഘടിപ്പിച്ചിട്ടുണ്ട്. ഈ കേന്ദ്രങ്ങളില്‍ നല്‍കുന്ന സ്വീകരണ ചടങ്ങുകളില്‍ വിവിധ മേഖലകളിലെ പ്രമുഖര്‍ അണിചേരും. പത്രസമ്മേളനത്തില്‍ സിഇഒ മനോജ് രവി, വൈസ് പ്രസിഡന്‍റ് വി.സി.ജോര്‍ജ്കുട്ടി, വൈസ് പ്രസിഡന്‍റ് (ഫിനാന്‍സ്) എറിന്‍ ലിസ്ബത്ത് ഷിബു എന്നിവർ പങ്കെടുത്തു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.