ലുലു ഇവി എക്‌സ്‌പോ ഇന്നു സമാപിക്കും : Deepika.com Business News |

Click here for detailed news of all items

ലുലു ഇവി എക്‌സ്‌പോ ഇന്നു സമാപിക്കും

Sunday, June 15, 2025 1:48 AM IST

കൊച്ചി: മൂന്ന് ദിവസങ്ങളിലായി ലുലു മാളില്‍ തുടരുന്ന ഇവി എക്‌സ്‌പോ ഇന്നു സമാപിക്കും. വൈദ്യുതി വാഹനങ്ങള്‍ക്കായി പ്രത്യേക വേദിയാണ് ഒരുക്കിയിരിക്കുന്നത്.

വാഹനപ്രേമികളെ ഇവി സാങ്കേതികവിദ്യയുടെ പുതിയ സാധ്യതകള്‍ അറിയിക്കുകയാണ് എക്‌സ്‌പോയുടെ ലക്ഷ്യം. ഓട്ടോമൊബൈല്‍ വ്‌ളോഗറും മാധ്യമപ്രവര്‍ത്തകനുമായ ബൈജു എന്‍. നായരാണ് ഉദ്ഘാടനം നിർവഹിച്ചത്. ലോകോത്തര വാഹനനിര്‍മാതാക്കളുടെ പുതുപുത്തന്‍ മോഡലുകള്‍ പ്രദര്‍ശനത്തിലുണ്ട്.

നാലുചക്ര വാഹനങ്ങളുടെയും ഇരുചക്ര വാഹനങ്ങളുടെയും ഏറ്റവും പുതുമയാര്‍ന്ന വൈദ്യുതി മോഡലുകളുടെ പ്രദര്‍ശനമാണ് എക്‌സ്‌പോയുടെ പ്രധാന ആകര്‍ഷണം.

ചടങ്ങില്‍ ലുലു ഗ്രൂപ്പ് ഇന്ത്യ എച്ച്ആര്‍ ഹെഡ് അനൂപ് മജീദ്, കൊച്ചി ലുലു മാള്‍ ജനറല്‍ മാനേജര്‍ വിഷ്ണു ആര്‍. നാഥ്, മാള്‍ മാനേജര്‍ രജീഷ് ചാലുംമ്പറമ്പില്‍, സെക്യൂരിറ്റി മാനേജര്‍ ബിജു, ഓപ്പറേഷന്‍സ് സീനിയര്‍ മാനേജര്‍ ഒ. സുകുമാരന്‍, ലുലു ഇവന്‍റ്സ് ജനറല്‍ മാനേജര്‍ ദിലു വേണുഗോപാല്‍, ലുലു സീനിയര്‍ ചീഫ് എന്‍ജിനിയര്‍ പി. പ്രസാദ്, മാര്‍ക്കറ്റിംഗ് മാനേജര്‍ എസ്. സനു, ലീസിംഗ് മാനേജര്‍ റീനാ സൂസന്‍ ഫിലിപ്പ്, ഓല സെയില്‍സ് മാനേജര്‍ സാം ഡേവിസ്, ഹ്യൂണ്ടായി റീജണല്‍ മാര്‍ക്കറ്റിംഗ് ഹെഡ് സ്മിത വിജയ്, വോള്‍വോ കേരള മാര്‍ക്കറ്റിംഗ് മാനേജര്‍ വരുണ്‍ ജയരാജ്, ഇവിഎം ഗ്രൂപ്പ് മാര്‍ക്കറ്റിംഗ് ഹെഡ് എം. ഡാലിയ, മഹീന്ദ്ര റീജണല്‍ ബിസിനസ് മാനേജര്‍ ആര്‍.കെ. മിഷാല്‍, ഗോ ഇസി മാര്‍ക്കറ്റിംഗ് മാനേജര്‍ നവനീത് ജോസ് തുടങ്ങിയവര്‍ പങ്കെടുത്തു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.