എൽഐസി ഹൗസിംഗ് ഫിനാൻസ് ലിമിറ്റഡിൽ 192 അപ്രന്‍റിസ് ഒഴിവ്. സെപ്റ്റംബർ 22 വരെ ഓൺലൈനായി അപേക്ഷിക്കാം. ഒരു വർഷത്തേക്കാണ് അപ്രന്‍റിസ്ഷിപ്. കേരളത്തിൽ തൃശൂർ (2), എറണാകുളം, കൊല്ലം, കോഴിക്കോട്, പാലക്കാട് എന്നിവിടങ്ങളിലായി 6 ഒഴിവുണ്ട്.
യോഗ്യത: ബിരുദം. 2021 സെപ്റ്റംബർ ഒന്നിനു ശേഷം യോഗ്യത നേടിയവരാകണം. പ്രായം: 20-25. യോഗ്യത, പ്രായം എന്നിവ 2025 സെപ്റ്റംബർ 1 അടിസ്ഥാനമാക്കി കണക്കാക്കും. തെരഞ്ഞെടുപ്പ്: എൻട്രൻസ് പരീക്ഷ, ഇന്‍റർവ്യൂ എന്നിവയുടെ അടിസ്ഥാനത്തിൽ. ഒരു മണിക്കൂർ ദൈർഘ്യമുള്ള പരീക്ഷ ഒക്‌ടോബർ 1നു നടത്തും.
സ്റ്റൈപെൻഡ്: 12,000 രൂപ. ഫീസ്: 944 രൂപ. പട്ടികവിഭാഗം, വനിതകൾക്ക് 708 രൂപ. ഭിന്നശേഷിക്കാർക്കു 472രൂപ. ഓൺലൈനായി അടയ്ക്കാം.
അപേക്ഷിക്കേണ്ട വിധം: ഓൺലൈൻ രജിസ്ട്രേഷൻ ഉൾപ്പെടെയുള്ളവ www.nats. education.gov.in വെബ്സൈറ്റിലൂടെയാണു ചെയ്യേണ്ടത്. വിജ്ഞാപനം www.lic housing. com എന്ന വെബ്സൈറ്റിൽ.