Cinema
കുടുംബങ്ങൾ ഏറ്റെടുത്ത ഏപ്രിൽ 18
Monday, September 3, 2018 3:54 PM IST
ക​ഥ, തി​ര​ക്ക​ഥ, സം​ഭാ​ഷ​ണം, സം​വി​ധാ​നം, നി​ർ​മാ​ണം, അ​ഭി​ന​യം, ഗാ​നാ​ലാ​പ​നം, സം​ഗീ​ത​സം​വി​ധാ​നം, ചി​ത്ര​സം​യോ​ജ​നം, വി​ത​ര​ണം തു​ട​ങ്ങി സി​നി​മ​യി​ലെ വി​വിധ മേ​ഖ​ല​ക​ളി​ൽ തന്‍റേതാ​യ മേ​ൽ​വി​ലാ​സം കു​റി​ച്ച പ്ര​തി​ഭ​യാ​ണ് ബാ​ല​ച​ന്ദ്ര​മേ​നോ​ൻ. ച​ല​ച്ചി​ത്ര മാ​ധ്യ​മ​പ്ര​വ​ർ​ത്ത​ക​നാ​യി ആ​രം​ഭി​ച്ച് മ​ല​യാ​ള സി​നി​മ​യി​ലെ ഏ​റ്റ​വും വി​ല​യു​ള്ള സം​വി​ധാ​യ​ക​നാ​യി മാ​റു​ക​യാ​യി​രു​ന്നു ഇ​ദ്ദേ​ഹം. അ​തേ സ​മ​യം കു​ടും​ബ പ്രേ​ക്ഷ​ക​രു​ടെ പ്രി​യ നാ​യ​ക​നും. ബാ​ല​ച​ന്ദ്ര​മേ​നോ​ൻ സം​വി​ധാ​നം ചെ​യ്ത കൂ​ടു​ത​ൽ ചി​ത്ര​ങ്ങ​ളി​ലും അ​ദ്ദേ​ഹം ത​ന്നെ​യാ​ണ് നാ​യ​ക​നെ​ന്ന​ത് ശ്ര​ദ്ധേ​യ​മാ​യ കാ​ര്യ​മാ​ണ്. അ​തു​കൊ​ണ്ടു ത​ന്നെ ഏ​റ്റ​വും കൂ​ടു​ത​ൽ ചി​ത്ര​ങ്ങ​ളി​ൽ സ്വ​ന്ത​മാ​യി തി​ര​ക്ക​ഥ എ​ഴു​തി സം​വി​ധാ​നം ചെ​യ്ത് അ​ഭി​ന​യി​ച്ച​തി​നു​ള്ള ഗി​ന്ന​സ് റിക്കാ​ർ​ഡും ഇ​ന്ന് ഈ ​ക​ലാ​കാ​ര​നു മാ​ത്ര​മു​ള്ള​താ​ണ്.



1978-ൽ ​ഉ​ത്രാ​ട രാ​ത്രി എ​ന്ന ചി​ത്രം സം​വി​ധാ​നം ചെ​യ​തു​കൊ​ണ്ടു മ​ല​യാ​ള സി​നി​മ​യി​ലേ​ക്കു അ​ര​ങ്ങേ​റ്റം കു​റി​ച്ച ബാ​ല​ച​ന്ദ്ര​മേ​നോ​ൻ എ​ണ്‍​പ​തു​ക​ളോ​ടെ​യാ​ണ് ത​ന്‍റെ സി​നി​മ​ക​ളി​ൽ അ​ഭി​ന​യി​ച്ചു തു​ട​ങ്ങു​ന്ന​ത്. ബാ​ല​ച​ന്ദ്ര​മേ​നോ​നെ കു​ടും​ബ പ്രേ​ക്ഷ​ക​രു​ടെ വി​ശ്വ​സ്ത താ​ര​മാ​ക്കി​യ ചി​ത്ര​മാ​യി​രു​ന്നു 1984-ലെ​ത്തി​യ ഏ​പ്രി​ൽ 18. ഒ​രു ചെ​റു​ക​ഥ​യു​ടെ ലാ​ളി​ത്യ​വും കു​റ​ച്ചു ക​ഥാ​പാ​ത്ര​ങ്ങ​ളും കു​ടും​ബ ബ​ന്ധ​ത്തി​ലെ പ​വി​ത്ര​ത​യു​മൊ​ക്കെ​യാ​യി ഏ​പ്രി​ൽ 18 മ​ല​യാ​ള​ത്തി​ലെ ക്ലാ​സി​ക് ചി​ത്ര​ങ്ങ​ളു​ടെ പ​ട്ടി​ക​യി​ലേ​ക്കു ഇ​ടം പി​ടി​ക്കു​ക​യാ​യി​കു​ന്നു. ബാ​ല​ച​ന്ദ്ര​മേ​നോ​ൻ ത​ന്നെ ര​ച​ന​യും സം​വി​ധാ​ന​വും പ്ര​ധാ​ന വേ​ഷ​വും കൈ​കാ​ര്യം ചെ​യ്ത ചി​ത്ര​ത്തി​നു ന​ടി ശോ​ഭ​ന​യു​ടെ ആ​ദ്യ മ​ല​യാ​ള ചി​ത്ര​മെ​ന്ന പ്ര​ത്യേ​ക​ത​യു​മു​ണ്ട്.



പു​തു​മു​ഖം മീ​ര എ​ന്ന പേ​രി​ലാ​ണ് ചി​ത്ര​ത്തി​ലൂ​ടെ അ​ന്യ​ഭാ​ഷാ നാ​യി​ക​യാ​യ ശോ​ഭ​ന​യെ ബാ​ല​ച​ന്ദ്ര​മേ​മോ​ൻ എ​ത്തി​ക്കു​ന്ന​ത്. ചി​ത്ര​ത്തി​ലെ ക​ഥാ​പാ​ത്ര​ത്തി​ന്‍റെ പേ​രാ​യി​രു​ന്നു ശോ​ഭ​ന എ​ന്ന​ത്. എ​സ്.​ഐ ഹ​രി​കു​മാ​ർ എ​ന്ന ക​ഥാ​പാ​ത്ര​മാ​യി​രു​ന്നു ബാ​ല​ച​ന്ദ്ര​മേ​നോന്‍റേത്. അ​ഴി​മ​തി നാ​രാ​യ​ണ​പി​ള്ള എ​ന്ന ക​ഥാ​പാ​ത്ര​മാ​യി അ​ടൂ​ർ​ഭാ​സി​യും ഹെ​ഡ് കോ​ണ്‍​സ്റ്റ​ബി​ൾ ഗോ​പി​പ്പി​ള്ള​യാ​യ് ഭ​ര​ത് ഗോ​പി​യും അ​ഡ്വ.​തോ​മാ​ച്ച​നാ​യി വേ​ണു നാ​ഗ​വ​ള്ളി​യും എ​ത്തി​യ​പ്പോ​ൾ ഉ​ണ്ണി​മേ​രി, അ​ടൂ​ർ ഭ​വാ​നി, ശ​ങ്ക​രാ​ടി, മ​ണി​യ​ൻ​പി​ള്ള രാ​ജു, സു​കു​മാ​രി, ശ്രീ​നാ​ഥ് തു​ട​ങ്ങി​യ​വ​രും ചി​ത്ര​ത്തി​ലെ​ത്തി. ബി​ച്ചു തി​രു​മ​ല​യു​ടെ വ​രി​ക​ൾ​ക്കു എ.​ടി ഉ​മ്മ​റാ​ണ് സം​ഗീ​തം പ​ക​ർ​ന്ന​ത്. ചി​ത്ര​ത്തി​ൽ കോ​മ​ഡി ഗാ​ന​മാ​യി എ​ത്തു​ന്ന അ​ഴി​മ​തി നാ​റാ​പി​ള്ള അ​ക്കാ​ല​ത്തു വ​ലി​യ ശ്ര​ദ്ധ​നേ​ടി​യി​രു​ന്നു. യോ​ശു​ദാ​സും ജാ​ന​കി​യും ചേ​ർ​ന്നു പാ​ടി​യ കാ​ളി​ന്ദി തീ​രം ത​ന്നി​ൽ എ​ന്ന ഗാ​നം മ​ല​യാ​ള​ത്തി​ലെ എ​വ​ർ​ഗ്രീ​ൻ ഹി​റ്റാ​ണ്.



എ​ത്ര സ്നേ​ഹ​മു​ള്ള​വ​ർ​ക്കി​ട​യി​ലും ര​ഹ​സ്യം ഒ​രു വ​ലി​യ പ്ര​ശ്ന​മെ​ന്നാ​ണ് ചി​ത്രം പ​റ​യു​ന്ന​ത്. എ​സ്.​ഐ ഹ​രി​കു​മാ​രും ശോ​ഭ​ന​യും പ്ര​ണ​യി​ച്ച് വി​വാ​ഹം ചെ​യ്ത​വ​രാ​ണ്. ഇ​ണ​ക്ക​ങ്ങ​ളും പി​ണ​ക്ക​ങ്ങ​ളു​മാ​യി അ​വ​രു​ടെ സ​ന്തു​ഷ്ട​മാ​യ ജീ​വി​തം. അ​ടു​ത്ത സു​ഹൃ​ത്താ​യ തോ​മാ​ച്ച​നും ഭാ​ര്യ​യും അ​വ​രു​ടെ വീ​ടി​നു താ​ഴെ​യാ​ണ് താ​മ​സം. പ്ര​ണ​യ വി​വാ​ഹ​ത്തി​ന്‍റെ ഒ​രു ചൊ​രു​ക്ക് ശോ​ഭ​ന​യു​ടെ അ​ച്ഛ​ൻ നാ​രാ​യ​ണ​പി​ള്ള​യ്ക്കു​ണ്ട്. അ​മ്മാ​യി അ​ച്ഛ​നും മ​രു​മ​ക​നും അ​ത്ര ര​സ​ത്തി​ലു​മ​ല്ല. ഒ​രു ദി​വ​സം ത​ന്‍റെ ആ​ത്മാ​ർ​ത്ഥ സു​ഹൃ​ത്തി​നെ കു​റ്റ​വാ​ളി​യാ​യി ഹ​രി​കു​മാ​ർ കാ​ണു​ന്നു. സു​ഹൃ​ത്തി​ന്‍റെ അ​ഭ്യ​ർ​ഥ പ്ര​കാ​രം അ​യാ​ളു​ടെ ഭാ​ര്യ​യെ സ​ഹാ​യി​ക്കാ​നും ഹ​രി​കു​മാ​ർ ഒ​രു​ങ്ങു​ന്നു​ണ്ട്. എ​ന്നാ​ൽ ഭാ​ര്യ ഇ​ത​റി​യ​ണ്ടെ​ന്നും വെ​റു​തെ സം​ശ​യി​ക്കു​മെ​ന്നും കോ​ണ്‍​സ്റ്റ​ബി​ൽ നാ​രാ​യ​ണ പി​ള്ള പ​റ​യു​ന്ന​ത് അ​യാ​ൾ അ​നു​സ​രി​ക്കു​ന്നു, പ​ക്ഷേ സു​ഹൃ​ത്തി​ന്‍റെ വി​വാ​ഹ​വാ​ർ​ഷി​ക​ത്തി​നു വാ​ങ്ങി​ക്കു​ന്ന സാ​രി ഹ​രി​കു​മാ​റി​നും ശോ​ഭ​ന​യ്ക്കും ഇ​ട​യി​ൽ പ്ര​ശ​ന​ങ്ങ​ൾ സൃ​ഷ്ടി​ച്ചു. ശോ​ഭ​ന പി​ണ​ങ്ങി​പ്പോ​വു​ക​യും അ​തു വി​വാ​ഹ​മോ​ച​ന​ത്തി​ന്‍റെ വ​ക്കി​ൽ കൊ​ണ്ടെ​ത്തി​ക്കു​ക​യും ചെ​യ്തു. നാ​ട​കീ​യ രം​ഗ​ങ്ങ​ൾ​ക്കൊ​ടു​വി​ൽ കോ​ട​തി​യി​ൽ വെ​ച്ച് ഇ​രു​വ​രും വീ​ണ്ടും ഒ​ന്നി​ക്കു​ന്പോ​ൾ ക​ഥ അ​വ​സാ​നി​ക്കു​ക​യാ​ണ്.



തി​ല​ക​ൻ ചെ​യ്യാ​നി​രു​ന്ന വേ​ഷ​മാ​ണ് പി​ന്നീ​ട് അ​ടൂ​ർ ഭാ​സി ചി​ത്ര​ത്തി​ൽ അ​വ​ത​രി​പ്പി​ച്ച​ത്. ഈ ​ക​ഥാ​പാ​ത്ര​ത്തി​ലൂ​ടെ ആ ​വ​ർ​ഷ​ത്തെ മി​ക​ച്ച ര​ണ്ടാ​മ​ത്തെ ന​ട​നു​ള്ള സം​സ്ഥാ​ന പു​ര​സ്കാ​ര​വും ഈ ​ന​ട​നെ തേ​ടി​യെ​ത്തി​യി​രു​ന്നു. ഈ ​ചി​ത്ര​ത്തി​ന്‍റെ പേ​രു വ​ന്ന​തി​നെ​പ്പ​റ്റി സം​വി​ധാ​യ​ക​ൻ ത​ന്നെ പി​ന്നീ​ട് വി​വി​രി​ച്ചി​ട്ടു​ണ്ട്. പ്ര​ശ്നം ഗു​രു​ത​രം എ​ന്ന ചി​ത്ര​ത്തി​ന്‍റെ പോ​സ്റ്റ് പ്രൊ​ഡ​ക്ഷ​ൻ ജോ​ലി​ക​ൾ​ക്കി​ട​യി​ൽ നി​ർ​മ്മാ​താ​വ് അ​ഗ​സ്റ്റി​ൻ പ്ര​കാ​ശ് വ​ന്നു പു​തി​യ ചി​ത്ര​ത്തി​ന്‍റെ പേ​രു ബാ​ല​ച​ന്ദ്ര​മേ​നോ​നോ​ട് തി​ര​ക്കി. ഏ​പ്രി​ൽ മാ​സം റി​ലീ​സ് ചെ​യ്യു​ന്ന ചി​ത്രം എ​ന്ന നി​ല​യി​ൽ അ​ടു​ത്ത സി​നി​മ​യു​ടെ പേ​ര് ഏ​പ്രി​ൽ 18 എ​ന്നു​പ​റ​ഞ്ഞു. സ​ത്യ​ത്തി​ൽ എ​വി​ടെ നി​ന്നോ പൊ​ട്ടി​വീ​ണ പേ​രി​നു ശേ​ഷം ക​ഥ​യും ക​ഥാ​പാ​ത്ര​ങ്ങ​ളും സി​നി​മ​യും പി​ന്നാ​ലെ​യെ​ത്തു​ക​യാ​യി​രു​ന്നു എ​ന്നാ​ണ് ബാ​ല​ച​ന്ദ്ര​മേ​നോ​ൻ പ​റ​ഞ്ഞി​ട്ടു​ള്ള​ത്.

തയാറാക്കിയത്: അ​നൂ​പ് ശ​ങ്ക​ർ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.