ADVERTISEMENT

ADVERTISEMENT

Back to Home

CHRIST THE MESSAGE

CHRIST THE MESSAGE

Abraham Variath
Page: 100, Price: 120
Media House, Delhi
Ph: 09555642600, 01204222346.

നന്മയുടെ വഴിയേ ജീവിതത്തെ മുന്നോട്ടു കൊണ്ടുപോകുന്നവർക്ക് ക്രിസ്തു സന്ദേശമാകുന്നത് എങ്ങനെയെന്ന് ഈ പുസ്തകം വിശദീകരിക്കുന്നു. പ്രീസ്റ്റ്ഹുഡ് ഇൻ ക്രൈസ്റ്റ്, സീക്രട്ട്സ് ഓഫ് ഹെവൻ തുടങ്ങി 30 ലേഖനങ്ങൾ.

ഏതു ജീവിത തലങ്ങളിലുള്ളവർക്കും ആധ്യാത്മിക ഉണർവ് പകരുന്ന ലേഖനങ്ങൾ ലളിതമായ ഭാഷയിൽ.

ADVERTISEMENT

ജൂബിലി: പ്രത്യാശയുടെ വർഷം

ജൂബിലി: പ്രത്യാശയുടെ വർഷം

വിവ: ഫാ. ജയിംസ് ആലക്കുഴിയിൽ ഒസിഡി പേജ്: 80 വില: ₹ 140 കാർമൽ ഇന്‍റർനാഷണൽ പബ്ലിഷിംഗ് ഹൗസ്, തിരുവനന്തപുരം. ഫോൺ: 0471-2327253 2025 സാധാരണ ജൂബിലി വർഷമായി കത്തോലിക്ക സഭ പ്രഖ്യാപിച്ചിരുന്നു. ഈ പശ്ചാത്തലത്തിൽ ജൂബിലി എന്നതിന്‍റെ വിവിധ മാനങ്ങൾ പരിശോധിക്കുകയാണ് ഈ ഗ്രന്ഥം. ജൂബിലിയുടെ വേരുകൾ, ദണ്ഡവിമോചനം, ക്രൈസ്തവ വിശ്വാസത്തിന്‍റെ ഉറവിടം, മാർപാപ്പമാരും ജൂബിലികളും എന്നിങ്ങനെ വിവിധ വിഷയങ്ങൾ മനസിലാക്കാം. ഒസെർവത്തോരെ റൊമാനോയിൽ വന്ന കുറിപ്പുകൾ.

പട്ടുനൂൽപ്പുഴു

പട്ടുനൂൽപ്പുഴു

എസ്. ഹരീഷ് പേജ്: 286 വില: ₹ 350 ഡി സി ബുക്സ്, കോട്ടയം ഫോൺ: 7290092216 ദുരിതങ്ങളുടെ കൊക്കൂണിൽ ഒറ്റയ്ക്കായ കഥാപാത്രങ്ങൾ. ഇതിലെ മനുഷ്യരെ ഏറ്റവും അടുത്തുനിന്നു കാണാനാണ് നോവലിസ്റ്റ് ശ്രമിക്കുന്നത്. തന്‍റെ മുൻ കൃതികളിൽനിന്നു വ്യത്യസ്തമായ ഒരു ശൈലിയാണ് ഇതിൽ എഴുത്തുകാരൻ ആവിഷ്കരിക്കുന്നത്. അതുകൊണ്ടു തന്നെ ഈ കഥാപാത്രങ്ങൾ അത്ര പെട്ടെന്നു വായനക്കാരന്‍റെ മനസുകളിൽനിന്ന് ഇറങ്ങിപ്പോകില്ല.

തപോമയിയുടെ അച്ഛൻ

തപോമയിയുടെ അച്ഛൻ

ഇ. സന്തോഷ്കുമാർ പേജ്: 334 വില: ₹ 399 ഡി സി ബുക്സ്, കോട്ടയം ഫോൺ: 7290092216 സുന്ദർബൻസിലെ ദ്വീപിലേക്കും അവിടം പ്രളയം കവർന്നപ്പോൾ കോൽക്കത്ത നഗരത്തിലേക്കും ജീവിതം പറിച്ചുനട്ട ബംഗാളി ബുദ്ധിസ്റ്റുകളുടെ ജീവിതത്തിലൂടെയുള്ള യാത്രയാണ് ഈ നോവൽ. അഭയാർഥികൾ, വിചിത്രമായ ബന്ധങ്ങൾ, സങ്കടകരമായ ഭൂതകാലം ഇതൊക്കെ ഇവിടെ കാണാം.

ഓടാമ്പലുള്ള ഇഷ്‌ടങ്ങള്‍

ഓടാമ്പലുള്ള ഇഷ്‌ടങ്ങള്‍

റോബിൻ എബ്രഹാം ജോസഫ് അതിജീവനം എന്ന വാക്കിന് മലയോര ജീവിതത്തില്‍ വളരെ പ്രാധാന്യമുണ്ട്. നിരന്തരം മണ്ണിനോടും അധികാരകേന്ദ്രങ്ങളോടും കലഹിച്ചു കൊണ്ടാണ് ആ ജീവിതങ്ങള്‍ ഓരോ അടിയും മുന്നോട്ട് വയ്ക്കുന്നത്. മലയോര മണ്ണിന്‍റെ മഹത്വവും ജീവിതവും സാമൂഹിക സാഹചര്യങ്ങളും പ്രമേയമാക്കി സിഎംഐ വൈദികനായ ഫാ. എമില്‍ പുള്ളിക്കാട്ടിലും ഫാ. ജെഫ് ഷോണ്‍ ജോസും രചിച്ച നോവലാണ് ഓടാമ്പലുള്ള ഇഷ്‌ടങ്ങള്‍. റോബിനെന്ന ഇരട്ടയാര്‍ സ്വദേശിയായ സെമിനാരി വിദ്യാര്‍ഥിയാണ് നോവലിലെ കേന്ദ്രബിന്ദു. വൈദീകവൃത്തി സ്വപ്നം കണ്ട് ഓരോ ദിനവും കഴിച്ചുകൂട്ടുന്ന റോബിന് ജീവിതത്തില്‍ നേരിടേണ്ടി വന്ന ചില അസാധാരണ പരീക്ഷണങ്ങളും അതിനെ വിശ്വാസമെന്ന പരിചയാല്‍ അതിജീവിച്ച മുഹൂര്‍ത്തങ്ങളുമാണ് കഥാപരിസരം. ക്രിസ്തീയ മാനത്തില്‍ ആദിയോടന്തം പരമാര്‍ശിച്ചു പോകേണ്ട സംഭവങ്ങളെ സാമൂഹികമായി ബന്ധിപ്പിച്ചുകൊണ്ട് ചില ചരിത്ര സംഭവങ്ങളെ ഒരിക്കല്‍ കൂടി വായനക്കാരുടെ മുന്‍പിലേക്ക് എത്തിക്കുകയാണ് രചയിതാക്കളായ വൈദീകര്‍. അസാമാന്യ ഭാഷ ശൈലി 364 പേജുകളുള്ള പുസ്തകത്തിന്‍റെ വായനയെ കൂടുതല്‍ ലളിതമാക്കുന്നു. ദൈവം മനുഷ്യനായി മണ്ണിലേക്ക് ഇറങ്ങിവന്നെന്ന ബൈബിള്‍ ശകലത്തെ നാട്ടിന്‍പുറത്തെ ചില മനുഷ്യ ജീവിതങ്ങളുമായി കോര്‍ത്തിണക്കി എഴുതിയിരിക്കുന്ന നോവല്‍ സമ്മാനിക്കുന്നത് മികച്ച വായനാനുഭവം തന്നെയാണ്. 1. പരീക്ഷണങ്ങളും പരിചയും വൈദീക ജീവിതത്തിലേക്ക് ഒരാള്‍ പ്രവേശിക്കുന്നതായ കാലയളവ് പരീക്ഷണങ്ങളുടേത് കൂടിയാണ്. പരീക്ഷകളും പരീക്ഷണങ്ങളും വിജയിക്കുന്നവരാണ് കാലാന്തരത്തില്‍ പുരോഹിതരായി തീരേണ്ടത്. സ്‌നേഹം, സാഹോദര്യം എന്നിവയ്‌ക്കെല്ലാം രണ്ടു വശങ്ങള്‍ ഉണ്ടെന്നും നാമേതു തലത്തില്‍ അതിനെ സ്വീകരിക്കുന്നു എന്നുള്ളതാണ് പ്രധാനമെന്നും നോവല്‍ വ്യക്തമാക്കുന്നു. ഓസ്‌ട്രേലിയയില്‍ ഉപരി പഠനത്തിനായി എത്തിയ ഉറ്റസുഹൃത്ത് അന്നയും കളിക്കൂട്ടുകാരിയായ രശ്മിയുമെല്ലാം സ്‌നേഹത്താല്‍ റോബിനെ ചേര്‍ത്തു നിര്‍ത്തിയെങ്കില്ലും അതിനപ്പുറമായ മാനം ഒരു ഘട്ടത്തിലുണ്ടാകാമായിരുന്ന സാഹചര്യത്തെ വിശ്വാസത്താലും പ്രാര്‍ഥനയാലുമാണ് അതിജീവിക്കുന്നത്. തേനിയിലെ പ്രാക്ടിക്കല്‍ കാലത്ത് ഉണ്ടായതായ സംഭവങ്ങളും കൊടിയ മര്‍ദ്ദനങ്ങളും ആക്രമണ സംഭവങ്ങളും ജീവിതത്തെയും നിയോഗത്തെയും മുറുക്കെപിടിക്കുവാന്‍ കഥാനായകനെ കൂടുതല്‍ പ്രാപ്തമാക്കുകയാണ് ചെയ്തത്. കാലിടറിയിട്ടും വീണുപോകാത്ത ജീവിതാനുഭവങ്ങള്‍ പില്‍കാലത്ത് ഫാ. റോബിന്‍ മേലെവീട്ടിലേക്കുള്ള യാത്രയെ രാകി മിനുക്കി. ചഞ്ചലപ്പെടുക എന്ന വാക്കിന് ക്ലീഷേ അര്‍ഥങ്ങള്‍ മാത്രം എഴുതിചേര്‍ക്കുന്ന ഇന്നിന്‍റെ ലോകത്ത് ഓടാമ്പലുള്ള ഇഷ്ടങ്ങളിലൂടെ പുതിയ അര്‍ഥത്തലങ്ങളും അനുഭവസാക്ഷ്യങ്ങളും രചയിതാക്കള്‍ വരച്ചിടുകയാണ്. പരീക്ഷയും പരീക്ഷണവും ഇക്കാലത്ത് അതിജീവിച്ചാലേ നില്‍നില്‍പ്പ് എന്നതുള്ളു. നിയോഗവഴിയെ അതിന് കനമേറുമെങ്കിലും വിളിച്ചവന്‍ വിശ്വസ്തനെന്ന പോലെ പരിചയാക്കി മാറ്റികൊണ്ട് യാത്ര തുടരാമെന്ന് നോവല്‍ പറഞ്ഞുവെക്കുന്നു. 2. സാമൂഹിക-പാരിസ്ഥിക വിഷയങ്ങളെ ആസ്പദമാക്കിയുള്ള ഇതിവൃത്തം ഓടാമ്പലുള്ള ഇഷ്ടങ്ങളില്‍ ക്രൈസതവീയത പോലെ ചര്‍ച്ച ചെയ്യപ്പെടുന്ന മറ്റ് രണ്ട് മേഖലകളാണ് സാമൂഹിക-പാരിസ്ഥിതിക വിഷയങ്ങള്‍. ഓരോ കഥാപാത്രങ്ങള്‍ക്കും ഇണങ്ങുന്നതും പൊതുവില്‍ ഉചിതമെന്ന് അംഗീകരിക്കപ്പെടുന്നതുമായ ഇതിവൃത്തം നല്‍കാനായതാണ് നോവലിന്‍റെ മറ്റൊരു വിജയം. സ്വന്തം മകളെ ഉപേക്ഷിച്ച് തലയ്ക്കു പിടിച്ച വിപ്ലാവാശയങ്ങളെ പിന്‍പ്പറ്റി മാവോയിസ്റ്റ് പ്രസ്ഥാനത്തിന്‍റെ ഭാഗമാകുന്ന അമ്മയും മുല്ലപ്പെരിയാര്‍ വിഷയത്തില്‍ രണ്ട് ചേരികളിലാക്കപ്പെട്ട തമിഴ്- മലയാള ജനതയും ഇന്നിന്‍റെ നേര്‍ചിത്രമാണ്. വെള്ളത്തെ ചൊല്ലി കലഹിക്കുന്ന ഒരു കാലത്തെ, അത് ഇക്കാലമെന്നോണെം വളരെ മനേഹരമായി പുസ്തകത്തില്‍ വരച്ചിടുന്നു. കേവലം വെള്ളത്തിന്‍റെ പ്രശ്‌നമായി പുറമെ വിലയിരുത്തുന്ന ജലബോംബെന്ന് വിശേഷിപ്പിക്കപ്പെടുന്ന മുല്ലപ്പെരിയാര്‍ ഇന്നും മലയോര മക്കളുടെ നെഞ്ചിലെ അണയാത്ത തീയാണ്. ലാഭ നഷ്ട കണക്കുകള്‍ക്ക് അപ്പുറമായി പരിഹരിക്കപ്പെടേണ്ട വിഷയം തര്‍ക്കമായി ഇന്നും തുടരുകയാണ്. മിഷനറിമാര്‍ക്കും പുരോഹിത സമൂഹത്തിനും നേരെ മറ്റ് സംസ്ഥാനങ്ങളില്‍ നടക്കുന്ന ആക്രമണ സംഭവങ്ങളും നോവലില്‍ സൂചിപ്പിക്കുന്നു. തേനിയിലെ വിദ്യാര്‍ഥി- യൗവന സമൂഹത്തിന് പ്രയോജനപ്പെടുന്നതിനായി രൂപതയുടെ നേതൃത്വത്തില്‍ ആരംഭിച്ച കമ്പ്യൂട്ടര്‍ സെന്‍ററിന്‍റെ പേരില്‍ ഒരു വിഭാഗമാളുകള്‍ ഉയര്‍ത്തിയ കലാപക്കൊടി നീങ്ങിയത് മറ്റ തലങ്ങളിലേക്ക് കൂടിയാണ്. പരസ്യമായ മല്‍പ്പിടുത്തത്തിലേക്ക് ആക്രമണത്തിലേക്കും അതും വഴിവെക്കുന്നതായും നുമക്ക് കാണാം. കസ്തൂരിരംഗന്‍ റിപ്പോര്‍ട്ടിന്‍റെ പേരില്‍ മലയോര ജഡനത അനുഭവിച്ചത് കൊടിയ പീഡനങ്ങളാണെന്ന് ചരിത്രം പറയുന്നു. ഭൂമാഫിയയെ സഹായിക്കാനായി തയ്യറാക്കിയ റിപ്പോര്‍ട്ടെന്ന് ആക്ഷേപം നിലനില്‍ക്കെ റോബിന്‍റെ വീട് ഇത്തരം സംഘങ്ങള്‍ കയ്യേറിയതായും മേഖലയിലെ വിദ്യാര്‍ഥികളുടെ തുടര്‍പഠനത്തിന്‍റെ പേരില്‍ നിസാരതുക നല്‍കി കൈക്കലാക്കിയ സംഭവങ്ങളും മുറിവേറ്റ മലയോര മനുഷ്യരുടെ നേര്‍ചിത്രമാണ് പകരുന്നത്. എല്ലാം നഷ്ടപ്പെട്ടവനായി പടിയിറങ്ങേണ്ടി വരുമെന്ന് തോന്നിയപ്പോള്‍ സംഘടിച്ച് നടത്തിയ അചഞ്ചല പോരാട്ടങ്ങള്‍ കേരളത്തിന്‍റെ ചരിത്രം കൂടിയാണെന്ന് ഒരിക്കല്‍ കൂടി ഈ പുസ്തകം ഓര്‍മിപ്പിക്കുന്നു. 3. കഥാപാത്രങ്ങളാല്‍ സമ്പന്നം ഈ നോവല്‍ കഥാപാത്രങ്ങളാല്‍ സമ്പന്നമാണ്. വിദ്യാര്‍ഥികള്‍ മുതല്‍ പ്രായമായവര്‍ വരെയുണ്ട്. സ്‌നേഹനിധിയായ അമ്മയും അപ്പനും അന്നയും രശ്മിയും പ്രവീണും നീതുവുമൊക്കെയാണ് കഥയെ മുന്നോട്ട് കൊണ്ടുപോകുന്നത്. പ്രകടമായ സ്‌നഹവും സാഹോദര്യവുമാണ് ഇവരുടെയെല്ലാം പുറംചട്ട. പരസ്പരം സംസാരിച്ചും സ്‌നേഹിച്ചുമൊക്കെയായി കഥ മുന്നോട്ട് പോകുന്നു. കഥാനായകനായ ഫാ. റോബിനെ സഹായിക്കുന്നവരെക്കാളേറെ പരീക്ഷണങ്ങള്‍ക്ക് വിധേയമാക്കുന്നവരാണ് ഇതിലേറെയും. വീണുപോകാതെ മുന്നോട്ടു നയിക്കാന്‍ പ്രാപ്തരാക്കുന്നതാകട്ടെ വളരെ കുറച്ചാളുകളും. എന്നാല്‍ വായനക്കാരന്‍ എന്നുള്ള നിലയില്‍ വ്യക്തിപരമായി ഏറെ ഇഷ്ടമായത് റോബിന്‍റെ പ്രാക്ടിക്കല്‍ കാലത്തെ ഗൈഡായിരുന്ന ശൗര്യാര്‍ അച്ചനെയാണ്. പുറമെ സ്‌നേഹം പ്രകടിപ്പിക്കാനറിയാതെ ചിരിക്കാനാറിയാതെ ഒറ്റ നേട്ടത്തില്‍ പാറപോലെ തോന്നുന്ന ഒരു കഥാപാത്രം. എപ്പോഴും ജോലി ചെയ്യാനുത്തരവിടുകയും കനംകൂട്ടി ശബ്ദിക്കുകയും വാക്കുകളില്‍ ദേഷ്യം മാത്രം മുഴച്ചു നില്‍ക്കുകയും ചെയ്യുന്ന ഒരാള്‍. അത്തരമൊരാളോടൊപ്പമുള്ള വര്‍ഷങ്ങളുടെ സഹവാസം എങ്ങനെയായിരിക്കുമെന്ന് പ്രത്യേകം പറയേണ്ടതില്ലല്ലോ! വേദനിക്കലും വേദനിപ്പിക്കിലും വേണമീ സ്‌നേഹബന്ധങ്ങളൂഴിയില്‍ എന്ന കവി വാക്യം പോലെ ഇവരെയെല്ലാം ചേര്‍ത്തു നിര്‍ത്തിയാണ് നോവല്‍ മുന്‍പോട്ട് നീങ്ങുന്നത്. ശൗര്യര്‍ അച്ചന്‍റെ സ്‌നേഹം പ്രകടമല്ല. അത് ഉള്ളില്‍ മാത്രം ഒതുങ്ങി കൂടിയിരിക്കുകയാണ്. എന്നാല്‍ ജീവിതത്തിലെ ഏറ്റവും അപചയം നിറഞ്ഞ സമയത്ത് ആരുമില്ലാതിരുന്ന സമയത്ത് ചേര്‍ത്തു നിര്‍ത്തുന്നതും ആ സ്‌നേഹമാണ്. ആക്രമിക്കാനും തലയെടുക്കാനും വന്നവരുടെ മുന്‍പില്‍ നെഞ്ചുംവിരിച്ച് കവചമൊരുക്കിയതും ഇതേ സ്‌നേഹം തന്നെ. അതിനാല്‍ സ്‌നേഹത്തിന്‍റെ വിവിധ തലങ്ങളും ഭാവങ്ങളും ഈ നോവലിലുണ്ട്. പ്രകടന വസ്തുവായി പുറംചട്ടയായി അതിനെ ധരിക്കുന്നവരും ഉള്ളിന്‍റെയുള്ളില്‍ ആത്മാര്‍ഥയോടെ ഒതുക്കിവച്ചവരും നമുക്കിടയിലുണ്ടെന്നും നോവല്‍ പറഞ്ഞുവയ്ക്കുന്നു.

2 ലിപ്സ്

2 ലിപ്സ്

നിതിൻ ബോസ് കെസീറോ പബ്ലിക്കേഷൻസ്, വില -155 രൂപ ഫോൺ നമ്പർ - 07025381020 ഒരു പുരുഷ ലൈംഗീക തൊഴിലാളിയുടെ വികാര വിജാരങ്ങളെയും കാഴ്ചപ്പാടുകളെയും പ്രണയത്തെയും വ്യക്തമായി ആലേഖനം ചെയ്യൻ എഴുത്തുകാരന് കഴിഞ്ഞിട്ടുണ്ട്. മലയാളത്തിന്‍റെ പതിവ് പ്രമേയങ്ങളില് നിന്നും മാറി പുതിയ ഒരു വായനാനുഭവം തേടുന്ന വായാനക്കാർക്ക് ഇഷ്ടമാകുന്ന ഒന്നാകും ടു ലിപ്സ് എന്ന നോവൽ.

ദായ്മ

ദായ്മ

ബിനിത സെയ്ൻ നൊസ്റ്റാൾജിയ ബുക്സ്, വില -169 രൂപ ഫോൺ നമ്പർ - 09744744258 സാമൂഹികാവസ്ഥകളും ജീവിതാവസ്ഥകളും വേറിട്ട ശൈലിയിൽ അവതരിപ്പിച്ചുകൊണ്ട് ഹൃദയങ്ങളിൽ നന്മയുടെ കാണാക്കയങ്ങൾ തേടുന്ന കഥകളാണ് ദായ്മയിലേത്. കഥാപാത്രങ്ങളുടെ സവിശേഷതകൾ കുലീനമായ ഭാഷാചാതുര്യത്തോടെയും കഥാഗതികൾ ചടുലമായും യുക്തിഭദ്രമായും ഒരുക്കിയിരിക്കുന്നു.

ഒരു പെണ്ണിന്‍റെ കഥ

ഒരു പെണ്ണിന്‍റെ കഥ

സുമി പ്രശാന്ത് പെൻഡ്രോപ്സ് പബ്ലിക്കേഷൻസ്, വില -444 രൂപ ഫോൺ നമ്പർ - 09544775580 ഇന്നത്തെ തലമുറയിലെ കുടുംബ ജീവിതങ്ങളുമായി ചേർന്നു നിൽക്കുന്ന കഥ.. വൈവാഹിക ജീവിതത്തിൽ ഒരു പെണ്ണ് അനുഭവിക്കേണ്ടി വരുന്ന വേദനകൾ, അപമാനങ്ങൾ, ചെറുത്തു നിൽപ്പുകൾ.. അവളുടെ ജീവിതത്തിലേക്ക് മറ്റൊരാളുടെ രംഗപ്രവേശം.. അവിഹിതമല്ലാത്ത പ്രണയം.. പരസ്പരം കാണാതെ, മിണ്ടാതെ, തൊടാതെ, സ്വന്തമാക്കാൻ കഴിയാത്തൊരു പ്രണയം.. അവരുടെ വികാര വിചാരങ്ങൾ കടന്നുപോകുന്ന ജീവിത സാഹചര്യങ്ങൾ.. അയാളിലൂടെ അവൾക്കുണ്ടാകുന്ന നേട്ടങ്ങൾ, ഉയർച്ചകൾ.. വാർദ്ധക്യം ബാധിച്ചൊരു കാലത്ത് ഒന്നകാൻ കഴിയുമ്പോൾ വിധി തന്നെ വില്ലനാകുന്ന കഥ.. ഒരു പെണ്ണിന്‍റെ കഥ.

പി. കൈരളിയുടെ കാവ്യഗോപുരം

പി. കൈരളിയുടെ കാവ്യഗോപുരം

പ്രഫ.ഡോ. ജയ്സിമോൾ അഗസ്റ്റിൻ പേജ്: 104 വില: ₹ 160 നാഷണൽ ബുക്ക് സ്റ്റാൾ ഫോൺ: 9400821559 മലയാളമുണ്ട്- മലയാളിയില്ല, ഭാരതമുണ്ട്- ഭാരതീയമില്ല, ലോകമുണ്ട്- മനുഷ്യനില്ല എന്നിങ്ങനെ നഗ്നകേരളം എന്ന കവിതയുടെ ആമുഖത്തിൽ കുറിച്ചു പി. കുഞ്ഞിരാമൻനായർ. മനുഷ്യജീവിതത്തിന്‍റെ സൂക്ഷ്മ ചലനങ്ങളെപ്പോലും വാക്കുകളിലൂടെ ഒപ്പിയെടുത്ത കവി. ജീവിതഗന്ധിയായ കാവ്യവഴികളിലൂടെ സഞ്ചരിച്ച കവിയെയും കാവ്യജീവിതത്തെയും അടുത്തുനിന്നു വിശകലനം ചെയ്യുകയാണ് മലയാള ഭാഷാ പണ്ഡിതയും അധ്യാപികയുമായ ഗ്രന്ഥകാരി. ഇരുപതാം നൂറ്റാണ്ടിന്‍റെ ഒന്നാം പാദത്തിൽ കാഞ്ഞങ്ങാട്ടെ വെള്ളിക്കോത്ത് ഗ്രാമത്തിൽനിന്നാരംഭിച്ച പി.യുടെ ജീവിത യാത്ര ഏഴാം പാദത്തിൽ തിരുവനന്തപുരത്ത് അവസാനിക്കുന്നു. ഈ ജീവിതയാത്രയിൽ കേരളത്തിന്‍റെ സാംസ്കാരിക പാരന്പര്യത്തെയും പ്രകൃതിലാവണ്യത്തെയും കവിതകളിലേക്ക് ആവാഹിച്ച പി. മലയാളത്തിന്‍റെ കാവ്യശാഖയിൽ തങ്കലിപികളിൽ പേരു വിരചിതമാക്കിയെന്നു പുസ്തകം ചൂണ്ടിക്കാട്ടുന്നു. വായനക്കാരെ അദ്ഭുതപ്പെടുത്തുന്ന ഭാവനകളുടെ ലോകത്തിലേക്കു നയിക്കുന്നവയായിരുന്നു പല കവിതകളും. അതുപോലെ മനുഷ്യന്‍റെ വികലവും നിർദയവുമായ പ്രവർത്തനങ്ങളെ വിട്ടുവീഴ്ചയില്ലാതെ വിമർശിക്കാനും ശാസിക്കാനും മടിക്കാത്ത മനുഷ്യസ്നേഹി കൂടിയായിരുന്നു പി. കുഞ്ഞിരാമൻനായർ. കവിതയും ജീവിതവും ഒന്നാണെന്നു തോന്നിപ്പിക്കുന്നതായിരുന്നു അദ്ദേഹത്തിന്‍റെ ശൈലി. ആ ശൈലിയിലെ പച്ചയായ ജീവിതവും കാവ്യസ്പന്ദനവും അന്വേഷിക്കുകയാണ് ഈ ഗ്രന്ഥം.

കാലത്തിനു മുന്നിലൊരു കൂപ്പുകൈ

കാലത്തിനു മുന്നിലൊരു കൂപ്പുകൈ

ഫാ. അലക്സാണ്ടർ പൈകട സിഎംഐ പേജ്: 196 വില: ₹ 250 വിമല പബ്ലിക്കേഷൻ, കാഞ്ഞിരപ്പള്ളി ഫോൺ: 9446712487 ദീപികയുടെ മുഖപ്രസംഗ രചയിതാവും ചീഫ് എഡിറ്ററും കേരളത്തിലെ മുതിർന്ന പത്രപ്രവർത്തകനുമായ ഫാ. അലക്സാണ്ടർ പൈകട സിഎംഐയുടെ വ്യത്യസ്തമായ ചില കുറിപ്പുകൾ. ദീപികയിൽനിന്നു വേറിട്ടു പൈകടയച്ചന്‍റെ ജീവിതത്തെ കാണാനാവില്ല. ദീപികയിൽ വന്ന ചില മുഖപ്രസംഗങ്ങൾ, പ്രിയപ്പെട്ട ചില പ്രമുഖ വ്യക്തികളെക്കുറിച്ചുള്ള ഓർമകൾ, ദീപികയിലെ ചില അനുഭവങ്ങൾ, സഭയുമായി ബന്ധപ്പെട്ട വിഷയങ്ങളിലെ ചില നിലപാടുകൾ ഇതൊക്കെ ഈ പുസ്തകത്തിൽ വായിക്കാം. ചരിത്രത്തിൽ നിർബന്ധമായും രേഖപ്പെടുത്തപ്പെടേണ്ട ചില വ്യക്തികളെ ഇവിടെ പരിചയപ്പെടുത്തുന്നുവെന്നത് ഈ ഗ്രന്ഥത്തിനു കൂടുതൽ ഈടു പകരുന്നു. ഒതുക്കമുള്ളതും മൂർച്ചയേറിയതുമായ ഭാഷ ഈ ഗ്രന്ഥത്തിന്‍റെ സവിശേഷതാണ്.

മൗനത്തിന്‍റെ നാദവീചികൾ

മൗനത്തിന്‍റെ നാദവീചികൾ

സിസ്റ്റർ ലിനി ഷീജ എംഎസ്‌സി പരിഭാഷ: ജോയി ചെഞ്ചേരിൽ എംസിബിഎസ് പേജ്: 64 വില: ₹ 70 ജീവൻ ബുക്സ്, കോട്ടയം ഫോൺ: 8078333125 ശബ്ദമുഖരിതമായ ലോകത്തിൽ മൗനത്തിന്‍റെ ആത്മീയതയെക്കുറിച്ചുള്ള ചെറു പുസ്തകം. ഈശോയോടൊപ്പം കാൽവരിയിലേക്കു യാത്ര ചെയ്ത നിശബ്ദരും മൗനികളുമായവരോടൊപ്പമുള്ള കുരിശിന്‍റെ വഴി. 2012ൽ തമിഴിൽ എഴുതപ്പെട്ട് വിവിധ ഭാഷകളിലേക്കു മൊഴിമാറ്റം ചെയ്തു പ്രശസ്തമായ ഗ്രന്ഥത്തിന്‍റെ മലയാളം പരിഭാഷ.

എന്‍റെ ഈശോ എന്‍റെ ഹീറോ

എന്‍റെ ഈശോ എന്‍റെ ഹീറോ

ലില്ലി സൈമൺ പേജ്: 200 വില: ₹ 290 സെന്‍റ് പോൾസ്, എറണാകുളം ഫോൺ: 9447584041 സാധാരണ ജീവിതം നയിക്കുന്നതിനിടെ കാൻസർ ബാധിച്ചു. രോഗവുമായുള്ള പോരാട്ടത്തിനിടയിൽ യേശുവിനെ കണ്ടുമുട്ടി. അതുവഴി രോഗത്തെ അതിജീവിച്ചു. ജീവിതത്തിൽ നേരിട്ട പ്രതിസന്ധിയുടെ നിമിഷങ്ങളിൽ എങ്ങനെയാണ് ക്രിസ്തു പ്രത്യാശയിൽ കൈപിടിച്ചു മുന്നോട്ടുനടത്തിയതെന്ന് ആത്മകഥയിൽ വിവരിക്കുകയാണ് ഗ്രന്ഥകാരി.

റേമാ ദൈവവചനം

റേമാ ദൈവവചനം

കുറിയാക്കോസ് മാവേലിക്കര പേജ്: 172 വില: ₹ 300 പ്രൈവറ്റ് പബ്ലിക്കേഷൻ ഫോൺ: 9446066079 ക്രിസ്തുവിന്‍റെ ജനനം മുതൽ സ്വർഗാരോഹണം വരെയുള്ള ബൈബിൾ സംഭവങ്ങളുടെ വ്യത്യസ്തമായ അവതരണം. നാലു സുവിശേഷങ്ങളും ചേർത്ത് യേശുവിന്‍റെ ഒറ്റ ജീവചരിത്രം രചിച്ചിരിക്കുകയാണിവിടെ. ക്രിസ്തുവിനെ അറിയാത്തവർക്ക് വളരെ എളുപ്പത്തിൽ ക്രിസ്തു ആരായിരുന്നെന്നും ആ ജീവിതം എങ്ങനെയായിരുന്നുവെന്നും മനസിലാക്കാൻ ഈ ഗന്ഥം സഹായിക്കും. മികച്ച അച്ചടിയും പുറംചട്ടയും ഗ്രന്ഥത്തെ ആകർഷകമാകുന്നു.

St. Thomas Apostolic Seminary Vadavathoor

St. Thomas Apostolic Seminary Vadavathoor

ഡോ. മാത്യു കൊച്ചാദംപള്ളിൽ പേജ്: 400 വില: ₹ 450 ഒഐആർഎസ്, കോട്ടയം ഫോൺ: 0481 2571807 വടവാതൂർ സെന്‍റ് തോമസ് അപ്പസ്തോലിക് സെമിനാരിയുടെ ചരിത്രവും രേഖകളും സംബന്ധിച്ച ആധികാരിക ഗ്രന്ഥം. 1962ൽ സെമിനാരി സ്ഥാപിതമായ വർഷം മുതൽ ഇന്നേവരെയുള്ള ചരിത്രം. സെമിനാരിയുടെ ഉത്ഭവം, ലക്ഷ്യം, പ്രവർത്തനം, സംഭാവനകൾ, സ്ഥാപകർ, നയിച്ചവർ തുടങ്ങി സമഗ്രമായ വിവരങ്ങൾ രേഖകളുടെ അടിസ്ഥാനത്തിൽ അപഗ്രഥിക്കുന്നു.

സ്നേഹമുദ്രകൾ

സ്നേഹമുദ്രകൾ

ഫാ. ജോയി ചെഞ്ചേരിൽ എംസിബിഎസ് പേജ്: 48 വില: ₹ 30 ജീവൻ ബുക്സ്, കോട്ടയം ഫോൺ: 8078333125 ഉയിർപ്പിലൂടെ മരണം കവിതയായി മാറിയ ക്രിസ്തുവിന്‍റെ കുരിശിന്‍റെ വഴിയുടെ വ്യത്യസ്തമായ ചിന്തകൾ. യുവജനങ്ങൾക്കും കുട്ടികൾക്കും ഏറെ ചിന്തിക്കാൻ ഇടം നൽകുന്നതാണ് കുരിശിന്‍റെ വഴിയിലെ പ്രാർഥനകളടങ്ങിയ ഈ കൈപ്പുസ്തകം.

തെരഞ്ഞെടുത്ത കവിതകൾ

തെരഞ്ഞെടുത്ത കവിതകൾ

പുറമണ്ണൂർ ടി. മുഹമ്മദ്, എഡി. ആലങ്കോട് ലീലാകൃഷ്ണൻ പേജ്: 136, വില: ₹175 കേരള സാഹിത്യ അക്കാദമി, തൃശൂർ മലയാള കവിതയിലെ സമാന്തര ശാഖയുടെ പ്രതിനിധിയായ പുറമണ്ണൂർ ടി. മുഹമ്മദിന്‍റെ തെരഞ്ഞെടുത്ത കവിതകൾ അടങ്ങിയ സമാഹാരം. മുസ്‌ലിം സമൂഹികജീവിതത്തെ രചനകളിൽ ആവിഷ്കരിച്ച എഴുത്തുകാരൻ.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

Useful Links

ADVERTISEMENT

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]