കുടജാദ്രിയില്‍ കുടികൊള്ളും മഹേശ്വരി....
ഇ​ത് ന​വ​രാ​ത്രി​ക്കാ​ലം. വി​ദ്യ​ക്കും ക​ലോ​പാ​സ​ന​ക​ൾ​ക്കും പ്രാ​ർ​ഥ​നാ നി​ര​ത​മാ​യ നാ​ളു​ക​ൾ. വി​ദ്യ​യു​ടെ അ​ധി​പ​തി​യാ​യ മ​ഹാ സ​ര​സ്വ​തി​യേ​യും ധ​നാ​ധി​പ​തി​യാ​യ മ​ഹാ​ല​ക്ഷ്മി​യേ​യും പൂ​ജി​ക്കു​ന്ന ന​വ​രാ​ത്രികാ​ല​ത്ത് ന​മ്മു​ടെ മ​ന​സും ശ​രീ​ര​വും കൊ​ല്ലൂ​ർ മൂ​കാം​ബി​ക തി​രു​സ​ന്നി​ധി​യി​ലെ​ത്തും. ക​ലോ​പാ​സ​ക​രും പ​ണ്ഡി​തന്മാ​രും എ​ന്നു വേ​ണ്ട നാ​നാ തു​റ​ക​ളി​ലു​ള്ള​വ​രും ജാ​തി​മ​ത ഭേ​ദ​മെന്യേ എ​ത്തു​ന്ന ഇ​ടം ഇ​വി​ടെത്ത​ന്നെ- ശ്രീ ​മൂ​കാം​ബി​ക​യി​ൽ. ദ​ക്ഷി​ണ ക​ർ​ണാ​ട​ക​യി​ലെ മൂ​കാം​ബി​ക ക്ഷേ​ത്ര​ത്തി​ലേ​ക്കു​ള്ള വ​ഴി​യൊ​ന്നും ആ​ർ​ക്കും പ​രി​ച​യ​പ്പെ​ടു​ത്തേ​ണ്ട​തി​ല്ല. ന​വ​രാ​ത്രി​യാ​യാ​ൽ എ​ല്ലാ​വ​രു​ടെ​യും മ​ന​സ് ഇ​ഷ്ട​വ​ര​ദാ​യി​നി​യാ​യ മൂ​കാം​ബി​ക ദേ​വി​​യി​ല​ർ​പ്പി​ക്കു​ക​യാ​ണ്.

മൂ​കാം​ബി​ക ക്ഷേ​ത്ര ച​രി​ത്രം

കോ​ല മ​ഹ​ർ​ഷി ത​പോ​വ​ന​മാ​ക്കി​യ ഈ ​പ്ര​ദേ​ശ​ം അ​ദ്ദേ​ഹ​ത്തി​ന്‍റെ പേ​രി​ൽ കോ​ലാ​പു​രം എ​ന്നാ​ണ് അ​റി​യ​പ്പെ​ട്ട​തെ​ന്നു പൂ​രാ​ണേ​തി​ഹാ​സ​ങ്ങ​ളി​ൽ പ​റ​യു​ന്നു. പി​ന്നീ​ട് ലോ​പി​ച്ച് അ​ത് കൊ​ല്ലൂ​രാ​യി. സ്ക​ന്ദ​പു​രാ​ണ​ത്തി​ലാ​ണ് കൊ​ല്ലൂ​രി​നെ​ക്കു​റി​ച്ച് ഏ​റെ പ്ര​തി​പാ​ദി​ച്ചി​ട്ടു​ള്ള​ത്. മ​ല​യാ​ള​ക്ക​ര​യു​മാ​യി ഈ ​ക്ഷേ​ത്ര​ത്തി​ന് ബ​ന്ധ​മു​ണ്ടാ​കാ​ൻ കാ​ര​ണ​ങ്ങ​ളു​ണ്ട്. കൊ​ല്ലൂ​ർ നേ​ര​ത്തേ ത​ന്നെ ദൈ​വ സാ​ന്നി​ധ്യ​മു​ള്ള സ്ഥ​ല​മാ​ണ​ത്രെ. സ്വ​യം​ഭൂ​വാ​ണ് ഇ​വി​ടെ ശ​ക്തി. ശ്രീ​ശ​ങ്ക​രാ​ചാ​ര്യ​ർ കു​ടാ​ജാ​ദ്രി​യി​ൽ ത​പ​സ് ചെ​യ്ത് മൂ​കാം​ബി​ക​യെ പ്ര​ത്യ​ക്ഷ​പ്പെ​ടു​ത്തി​ അ​മ്മ​യെ മ​ല​യാ​ള നാ​ട്ടി​ലേ​ക്ക് കൊ​ണ്ടു​പോ​ക​ാനാ​യി​രു​ന്നു​വ​ത്രെ ഉ​ദ്ദേ​ശ്യം. മൂ​കാം​ബി​ക ദേ​വി ഇ​തി​നു ത​യാ​റാ​യി. ശ്രീ​ശ​ങ്ക​ര​നോ​ട് തി​രി​ഞ്ഞു നോ​ക്കാ​തെ ന​ട​ക്കാ​നും താ​ൻ പി​റ​കെ​യു​ണ്ടാ​കു​മെ​ന്നും ദേ​വി അ​രു​ളി. അ​ത് പ്ര​കാ​രം ശ​ങ്ക​രാ​ചാ​ര്യ​ർ മു​ന്നി​ൽ ന​ട​ന്നു. പി​റ​കി​ൽ നി​ന്നു​ള്ള ചി​ല​ങ്ക​നാ​ദം ദേ​വി​യു​ടെ സാ​ന്നി​ധ്യം അ​റി​യി​ച്ചു​കൊ​ണ്ടേ​യി​രു​ന്നു. എ​ന്നാ​ൽ കൊ​ല്ലൂ​രി​ലെ​ത്തി​യ​പ്പോ​ൾ ചി​ല​ങ്ക ശ​ബ്ദം നി​ല​ച്ചു​വെ​ന്നും സം​ശ​യ ദു​രീ​ക​ര​ണ​ത്തി​നാ​യി ശ​ങ്ക​രാ​ചാ​ര്യ​ർ തി​രി​ഞ്ഞു നോ​ക്കി​യ​തോ​ടെ വ്യ​വ​സ്ഥ ലം​ഘി​ക്ക​പ്പെ​ടു​ക​യും ചെ​യ്തു. ഇ​തേത്തു​ട​ർ​ന്നു കൊ​ല്ലൂ​രി​ൽ സ്വ​യം ഭൂ​വി​ന​ടു​ത്ത് മൂ​കാം​ബി​കാ ദേ​വി ആ​രൂ​ഢസ്ഥ​യാ​യെ​ന്നുമാ​ണ് വി​ശ്വാ​സം. പി​ന്നീ​ടാ​ണ് ഇ​വി​ടെ ഒ​രു നേ​ര​മെ​ങ്കി​ലും ഒ​രു മ​ല​യാ​ളി ഉ​ണ്ടെ​ങ്കി​ലേ മൂ​കാം​ബി​കാ ദേ​വി​ക്ക് തൃ​പ്തി​യാ​കു​കയു​ള്ളു​വെ​ന്ന വി​ശ്വാ​സ​വും വ​ള​ർ​ന്ന​ത്.

സൗ​പ​ർ​ണി​കാ​മൃ​തം

കൊ​ല്ലൂ​രി​ലെ പ്ര​ധാ​ന തീ​ർ​ത്ഥ​മാ​ണ് സൗ​പ​ർ​ണി​ക ന​ദി. കൊ​ല്ലൂ​ർ ഗ്രാ​മം ചു​റ്റി ഒ​ഴു​കു​ന്ന സൗ​പ​ർ​ണി​ക​യു​ടെ മ​ഹ​ത്വം ചെ​റു​തൊ​ന്നു​മ​ല്ല. 64 മൂ​ല​ക​ങ്ങ​ള​ട​ങ്ങി​യ തീ​ർ​ഥ​ജ​ല​മാ​ണ് സൗ​പ​ർ​ണി​ക​യി​ലേ​തെ​ന്നാ​ണ് വി​ശ്വാ​സം. മൂ​കാം​ബി​കാ ക്ഷേ​ത്ര​ത്തി​ന​ഭി​മു​ഖ​മാ​യി ത​ല​യു​യ​ർ​ത്തി നി​ൽ​ക്കു​ന്ന കു​ട​ജാ​ദ്രി​യി​ൽ നി​ന്നാ​ണ് സൗ​പ​ർ​ണി​ക​യു​ടെ ഉ​ത്ഭ​വം. കൊ​ടും വ​ന​ത്തി​ലൂ​ടെ ദി​വ്യൗ​ഷ​ധ ചെ​ടി​ക​ളു​ടെ​യും മ​ര​ങ്ങ​ളു​ടെ​യും വേ​രു​ക​ളി​ലും ഇ​ല​ക​ളി​ലും ത​ട്ടി​ത്ത​ട​ഞ്ഞ് കൊ​ല്ലൂ​രി​ലെ​ത്തു​ന്പോ​ൾ സൗ​പ​ർ​ണി​ക 64 ഒൗ​ഷ​ധ​ങ്ങ​ളു​ടെ​യും "കൂ​ട്ട് ’ ആ​യി മാ​റു​ന്നു​വെ​ന്നാ​ണ് ഐ​തി​ഹ്യം.

കു​ട​ജാ​ദ്രി​യി​ലെ മ​ഹേ​ശ്വ​രി

കൊ​ല്ലൂ​ർ മൂ​കാം​ബി​ക ക്ഷേ​ത്ര ദ​ർ​ശ​നം പൂ​ർ​ണ​മാ​ക​ണ​മെ​ങ്കി​ൽ ഒ​ന്നു കു​ട​ജ​മ​ല​യി​ൽ​ക്കൂ​ടി പോ​ക​ണം. ക്ഷേ​ത്ര​ത്തി​നു കി​ഴ​ക്ക് കു​ട​ചൂ​ടി നി​ൽ​ക്കു​ന്ന​തു പോ​ലെ​യു​ള്ള ഗി​രി ശൃം​ഗം. അ​താ​ണ് കു​ട​ജാ​ദ്രി. സ​ഹ്യ​പ​ർ​വ​ത മ​ല​നി​ര​യി​ലെ ഏ​റ്റ​വും ഉ​യ​ർ​ന്നു നി​ൽ​ക്കു​ന്ന കൊ​ടു​മു​ടി. ദേ​വീദേ​വന്മാ​രു​ടെ പാ​ദസ്പ​ർ​ശ​മേ​റ്റ പു​ണ്യ ഭൂ​മി. മൂ​കാം​ബി​ക ക്ഷേ​ത്ര​ത്തി​ൽ നി​ന്നും സാ​ഗ​ർ റൂ​ട്ടി​ൽ ബ​സി​ൽ നാ​ഗോ​ടി​ക്ക​ടു​ത്ത് ഇ​റ​ങ്ങി ര​ണ്ട​ര​മ​ണി​ക്കൂ​റോ​ളം കാ​ട്ടി​ലൂ​ടെ​യും മ​ല​ക​യ​റി​യും കു​ട​ജാ​ദ്രി​യി​ലെ​ത്താം. കൂ​ടാ​തെ ജീ​പ്പ് സ​ർ​വീ​സു​മു​ണ്ട്. ബ​സി​റ​ങ്ങി ന​ട​ന്നു പോ​കാ​നാ​ണ് എ​ല്ലാ​വ​രും ഇ​ഷ്ട​പ്പെ​ടു​ക.​ഒ​രു മ​ണി​ക്കൂ​ർ ന​ട​ന്നാ​ൽ കു​ട​ജാ​ദ്രി​യു​ടെ അ​ടി​വാ​ര​ത്തി​ലെ വേ​ളൂ​രെ​ത്താം. അ​വി​ടെ കോ​ത​മം​ഗ​ല​ംകാ​ര​ൻ ടി.​പി. ത​ങ്ക​പ്പ​ന്‍റെ ക​ട​യു​ണ്ട്. ഇ​ഷ്ട​വി​ഭ​വ​ങ്ങ​ളു​മാ​യി കാ​ത്തി​രി​ക്കാ​ൻ ഈ ​കു​ടും​ബം സ​ദാ​സ​ന്ന​ദ്ധ​ർ. ആ​വ​ശ്യ​ത്തി​ന് വി​ശ​പ്പ​ട​ക്കി പി​ന്നെ മ​ല​ക​യ​റ്റ​മാ​ണ്. കാ​ട്ടി​ലൂ​ടെ അ​ട്ട​യു​ടെ ക​ടി​യേ​റ്റ് ചെ​ങ്കു​ത്താ​യ മ​ല​നി​ര​ക​ളി​ലൂ​ടെ കാ​ട്ടാ​റി​ന്‍റെ ക​ള​ക​ള നാ​ദ​വും ചീ​വീടു​ക​ളു​ടെ​യും കി​ളി​ക​ളു​ടെ​യും പാ​ട്ടും കേ​ട്ടു​ള്ള ഈ ​യാ​ത്ര അ​ന​ിർ​വ​ചനീ​യ​മാ​യ ആ​ന​ന്ദ​മാ​ണ് പ​ക​രു​ന്ന​ത്. വ​യ​ർ നി​റ​ച്ച് അ​ല്പം വി​ശ്ര​മി​ച്ച് പി​ന്നെ മ​ല​ക​യ​റ്റ​മാ​യി. ചെ​ങ്കു​ത്താ​യ ഒ​റ്റ​യ​ടി​പ്പാ​ത​ക​ൾ. മ​ഴവെ​ള്ളം കു​ത്തി​യൊ​ലി​ച്ച് കി​ട​ങ്ങു​ക​ളാ​യി രൂ​പ​പ്പെ​ട്ട വ​ഴി​യി​ലൂ​ടെ വ​യോ​ധി​ക​ർ വ​രെ അ​നാ​യാ​സം ക​യ​റി​യി​റ​ങ്ങു​ന്ന​ത് ക​ണ്ടാ​ൽ അ​ത്ഭു​ത​പ്പെ​ട്ടു​പോ​കും. ഇ​ട​യ്ക്കി​ടെ ആ​ശ്വാ​സ​മെ​ന്നോ​ണം സ​മ​ത​ല​ങ്ങ​ളും പു​ൽ​മേ​ടു​ക​ളും. ഒ​രു മ​ണി​ക്കൂ​റോ​ളം മേ​ഘ​ങ്ങ​ളോ​ട് മു​ട്ടി​യു​ര​മ്മി​യു​ള്ള ന​ട​ത്തം എ​ല്ലാ ക്ഷീ​ണ​വു​മ​ക​റ്റും. ന​ട​ന്നു ക​യ​റി​യാ​ൽ എ​ത്തു​ന്ന​ത് കു​ട​ജാ​ദ്രി​യു​ടെ മ​ടി​ത്ത​ട്ടി​ലാ​ണ്. ഇ​വി​ടെ വ​ച്ചാ​ണ് ദേ​വി മൂ​കാ​സു​ര​നെ വ​ധി​ച്ചെ​തെ​ന്നാ​ണ് ഐ​തി​ഹ്യം. ഇ​തി​ന്‍റെ വ​ലി​യൊ​രു ഇ​രു​ന്പ് ദ​ണ്ഡി​ന്‍റെ ശേ​ഷി​പ്പു​കാ​ണാം. മൂ​കാ​സു​ര​നെ ദേ​വി വ​ധി​ക്കാ​ൻ ഉ​പ​യോ​ഗി​ച്ച ശൂ​ലം ഭൂ​മി​യി​ലേ​ക്ക് കു​ത്തി​യി​റ​ക്കി​യതാ​ണെ​ന്നാ​ണ് വി​ശ്വാ​സം. ഇ​തി​ന്‍റെ കാ​ല​പ്പ​ഴ​ക്കം ഇ​തു​വ​രെ ആ​ർ​ക്കും ഗ​ണി​ച്ചെ​ടു​ക്കാ​ൻ പ​റ്റി​യി​ട്ടി​ല്ല​ത്രെ. ബ്രി​ട്ടീ​ഷു​കാ​ർ ഇ​തി​ന്‍റെ അ​റ്റം കു​ഴി​ച്ചു​നോ​ക്കാ​ൻ പാ​ഴ്ശ്ര​മം ന​ട​ത്തി​യ​താ​യും പ​റ​യ​പ്പെ​ടു​ന്നു. മൂ​കാ​സു​ര​നെ വ​ധി​ച്ച​തി​ന്‍റെ പേ​രി​ലാ​ണെ​ത്രെ ദേ​വി​യെ മു​കാം​ബി​കാ ദേ​വി​യെ​ന്നറി​യ​പ്പെ​ടാ​ൻ കാ​ര​ണം.


അ​മ്മ​യു​ടെ മ​ടി​ത്ത​ട്ടി​ലെ ആ​തി​ഥേ​യ​ത്വം

കു​ട​ജാ​ദ്രി​യി​ലെ​ത്തു​ന്ന​വ​രെ ഇ​വി​ടെ ഉൗ​ട്ടി​യു​റ​ക്കാ​ൻ മ​രം​കോ​ച്ചു​ന്ന ത​ണു​പ്പി​ലും ര​ണ്ടു കു​ടും​ബ​ങ്ങ​ളു​ണ്ട്. പൈ​തൃ​ക​മാ​യി കു​ട​ജാ​ദ്രി​യി​ലെ ശാ​ക്തേ​യ ക​ർമ​ങ്ങ​ൾ​ക്ക് നി​യോ​ഗി​ക്ക​പ്പെ​ട്ട വി​ഭാ​ഗ​ത്തി​ലെ ഇ​പ്പോ​ഴ​ത്തെ ചു​മ​ത​ല​ക്കാ​രി​യാ​യ സു​ശീ​ല അ​ക്ക​യും കു​ടും​ബ​വും തൊ​ട്ടപ്പു​റ​ത്ത് ഗ​ണ​പ​തി​ക്ഷേ​ത്രം പ​രി​പാ​ലി​ക്കു​ന്ന പ​ര​മേ​ശ്വ​ര ഭ​ട്ടി​ന്‍റെ കു​ടും​ബ​വും. വ​രു​ന്ന ആ​ളു​ക​ളേ​യും സ്വീ​ക​രി​ച്ച് അ​വ​ർ​ക്കു​വേ​ണ്ട ദാ​ഹ​ജ​ല​വും ഭ​ക്ഷ​ണ​വും ന​ൽ​കു​ന്ന​തി​ൽ സു​ശീ​ല അ​ക്ക​യു​ടെ കു​ടും​ബം സ​ദാ ജാ​ഗ​രൂ​ക​രാ​ണ്. മ​രു​മ​ക​ൻ സാ​ഗ​റി​ലെ സീ​താ​രാ​മ​ൻ അ​തി​ഥി​ക​ൾ​ക്കു ഭ​ക്ഷ​ണ​വും മ​റ്റും ഒ​രു​ക്കു​ന്പോ​ൾ ഭാ​ര്യാ​സ​ഹോ​ദ​ര​ൻ നാ​ഗേ​ന്ദ്ര​ൻ പൂ​ജാ​ദി​ക​ർ​മ​ങ്ങ​ളു​മാ​യി സ​ജീ​വ​മാ​യി​രി​ക്കും. എ​ല്ലാ​റ്റി​നും മേ​ൽ​നോ​ട്ട​ത്തി​നാ​യി സു​ശീ​ല അ​ക്ക​യും. അ​ക്ക​യു​ടെ കു​ടും​ബ​ത്തി​ന്‍റെ ആ​തി​ഥ്യം സ്വീ​ക​രി​ച്ച​ശേ​ഷം അ​ര​മ​ണി​ക്കൂ​ർ മ​ല​മു​തു​കി​ലൂ​ടെ ന​ട​ന്നാ​ൽ സ​ർ​വ​ജ്ഞ പീ​ഠ​ത്തി​ലെ​ത്താം. ഒ​രു വ​ശം കാ​ടും മ​റു​വ​ശം അ​ഗാ​ധ ഗ​ർ​ത്ത​ങ്ങ​ളു​മു​ള്ള മ​ല​മു​തുകി​ലൂ​ടെ​യു​ള്ള യാ​ത്ര സ്വ​ർ​ഗാ​നു​ഭൂ​തി​യാ​ണു​ണ്ടാ​ക്കു​ക. വെ​ള്ള​മേ​ഘങ്ങ​ൾ​കൊ​ണ്ട് അ​ന്യേ​ാന്യം മ​റ​യ്ക്കു​ന്ന അ​വ​സ്ഥ​യി​ൽ ഏ​തോ മാ​യ​ാലോ​ക​ത്ത് എ​ത്തി​യ​തു​പോ​ലെ തോ​ന്നും. ഒ​രു​വേ​ള പ്ര​പ​ഞ്ച ശ​ക്തി​യു​ടെ മു​ന്നി​ൽ ആ​രും കൈ​കൂ​പ്പി​പ്പോ​കും. കു​ട​ജാ​ദ്രി​യു​ടെ ഉ​ച്ചി​യി​ലാ​ണ് സ​ർ​വ​ജ്ഞ പീ​ഠം. ശ്രീ​ശ​ങ്ക​ര​ന്‍റെ സാ​ന്നി​ധ്യം​കൊ​ണ്ട് കു​ട​ജാ​ദ്രി​ക്ക് മ​ല​യാ​ള​ക്ക​ര​യു​മാ​യി ഏ​റെ ബ​ന്ധ​മാ​ണു​ള്ള​ത്. ദേ​വി​യെ പ്ര​ത്യ​ക്ഷ​പ്പെ​ടു​ത്താ​ൻ ത​പം ചെ​യ്ത സ്ഥ​ല​ത്താ​ണ​ത്രെ സ​ർ​വ​ജ്ഞ പീ​ഠ​മു​ള്ള​ത്. ക​രി​ങ്ക​ൽ തൂ​ണു​ക​ളും ക​രി​ങ്ക​ൽ പാ​ളി​ക​ളും കൊ​ണ്ട് നി​ർ​മി​ച്ച​താ​ണി​ത്. അ​ടു​ത്തൊ​ന്നും ക​രി​ങ്ക​ൽ ഇ​ല്ലാ​തി​രു​ന്നി​ട്ടും ഇ​വ ഇ​വി​ടെ എ​ത്തി​ച്ച​തി​ന്‍റെ പൊ​രു​ൾ തേ​ടി​യ​വ​ർ എ​ന്നും കീ​ഴ​ട​ങ്ങി​യി​ട്ടേ​യു​ള്ളു. ന​ല്ല കാ​ലാ​വ​സ്ഥ​യാ​ണെ​ങ്കി​ൽ പ​ടി​ഞ്ഞാ​റ് മൂ​കാം​ബി​ക ക്ഷേ​ത്ര​വും കി​ഴ​ക്ക് സാ​ഗ​ർ റി​സ​ർ​വോയ​റും വ്യ​ക്ത​മാ​യി കാ​ണാം. ഇ​വി​ടെ നി​ന്നും ക്ഷേ​ത്ര​ത്തി​ന​ഭി​മു​ഖ​മാ​യു​ള്ള ഭാ​ഗ​ത്തേ​ക്ക് ഇ​റ​ങ്ങി​യാ​ൽ എ​ത്തു​ന്ന​താ​ണ് ചി​ത്ര​മൂ​ല. ചെ​ങ്കു​ത്താ​യ പ്ര​ത​ല​ത്തി​ലൂ​ടെ​യു​ള്ള യാ​ത്ര​യി​ൽ ഇ​തു ത​ന്നെ​യാ​ണ് ഭൂ​മി​യു​ടെ അ​റ്റ​മെ​ന്ന തോ​ന്നു​ലു​ണ്ടാ​ക്കും. അ​ര​മ​ണി​ക്കൂ​റോ​ളം പു​ല്ലും ചെ​ടി​ക​ളും പി​ടി​ച്ച് ഇ​റ​ങ്ങി​യാ​ൽ എ​ത്തു​ന്ന​ത് ചി​ത്ര​മൂ​ല ഗു​ഹ​യി​ലേ​ക്കാ​ണ്. ശ്രീ​ശ​ങ്ക​ര​ന​ട​ക്കം മു​നി​മാ​ർ ഈ ​ക​രി​ങ്ക​ൽ പാ​റ​യി​ടു​ക്കി​ൽ ത​പം ചെ​യ്തി​ട്ടു​ണ്ടെ​ന്ന് ഐ​തി​ഹ്യ​ങ്ങ​ളി​ൽ പ​റ​യു​ന്നു​ണ്ട്. ഇ​തി​നു മു​ക​ളി​ൽ നി​ന്നാ​ണ് സൗ​പ​ർ​ണി​ക​യു​ടെ ഉ​ത്ഭ​വം. താ​ഴെ അം​ബാ​വ​ന​മെ​ന്ന​റി​യ​പ്പെ​ടു​ന്ന നി​ഗൂ​ഢ വ​ന​മേ​ഖ​ല. പ​ഴ​യ​കാ​ല​ത്ത് നേ​രേ ക്ഷേ​ത്ര​ത്തി​ലേ​ക്ക് ന​ട​ന്നു പോ​യ​വ​രു​ണ്ട​ത്രെ. ചി​ത്ര​മൂ​ല​യി​ൽ നി​ന്നു​ള്ള കു​ളി ക്ഷീ​ണം അ​ക​റ്റും. കു​ളി​ച്ചും തീ​ർ​ഥം കു​ടി​ച്ചു​ം മ​ട​ങ്ങു​ന്ന തീ​ർ​ഥാ​ട​ക​ർ​ക്കും സ​ന്ദ​ർ​ശ​ക​ർ​ക്കും താ​ഴെ സു​ശീ​ല അ​ക്ക വി​ഭ​വ സ​മൃ​ദ്ധമാ​യ സ​ദ്യ ഒ​രു​ക്കി​യി​ട്ടു​ണ്ടാ​കും. ഇ​തും ക​ഴി​ച്ച് രാ​ത്രി ത​ങ്ങു​ന്ന​വ​രും കു​റ​വ​ല്ല. ക​ർ​ണാ​ട​ക സ​ർ​ക്കാ​രി​ന്‍റെ റ​സ്റ്റ് ഹൗ​സിനും സു​ശീ​ല അ​ക്ക​യു​ടെ​യും പ​ര​മേ​ശ്വ​ര ഭ​ട്ടി​ന്‍റെ​യും വീ​ടു​ക​ൾ​ക്കും അ​നേ​കം ആ​ളു​ക​ളെ ഉ​ൾ​ക്കൊ​ള്ളാ​നു​ള്ള പ​രി​മി​ത​മാ​യ സൗ​ക​ര്യ​മാ​ണ് മൂ​കാം​ബി​ക​ദേ​വി ക​നി​ഞ്ഞു ന​ല്കി​യി​ട്ടു​ള്ള​ത്. പു​ല​ർ​കാ​ലെ​യു​ള്ള തി​രി​ച്ചു​വ​ര​വ് സ്വ​ന്തം കു​ടും​ബ​ത്തി​ൽ നി​ന്ന​ക​ന്നുപോകു​ന്ന​തി​ന്‍റെ സ​ങ്ക​ടം ഉ​ണ്ടാ​ക്കി​യി​ല്ലെ​ങ്കി​ലേ അ​ദ്ഭു​ത​മു​ള്ളൂ.
..........................................

കു​ട​ജാ​ദ്രി​യി​ൽ ഇ​ന്നു തീ​ർ​ഥാ​ട​ക​ർ മാ​ത്ര​മ​ല്ല എ​ത്തു​ന്ന​ത്. വി​നോ​ദസ​ഞ്ചാ​രി​ക​ളും എ​ല്ലാ സ​മ​യ​ത്തും എ​ത്താ​റു​ണ്ട്. മ​ല​യാ​ള ച​ല​ച്ചി​ത്ര​ങ്ങ​ള​ട​ക്കം ഇ​വി​ടെ ചി​ത്രീ​ക​രി​ച്ചി​ട്ടു​ണ്ട്. സാ​ഹി​ത്യ​കാ​രന്മാ​ർ​ക്കും ക​വി​ക​ൾ​ക്കും ഇ​ഷ്ട​സ്ഥ​ല​മാ​ണ് കു​ട​ജാ​ദ്രി. നി​ര​വ​ധി സി​നി​മ​ാഗാ​ന​ങ്ങ​ളും ഭ​ക്തി ഗാ​ന​ങ്ങ​ളും കു​ട​ജാ​ദ്രി​യെ​ക്കു​റി​ച്ചു​ണ്ട്. മു​ൻ ചീ​ഫ് സെ​ക്ര​ട്ട​റി കെ. ​ജ​യ​കു​മാ​റാ​ണ് കു​ട​ജാ​ദ്രി​യി​ൽ കു​ടി​കൊ​ള്ളും മ​ഹേ​ശ്വ​രി... എ​ന്ന ഗാ​നം ര​ചി​ച്ച​ത്. പ​ക്ഷേ അ​ദ്ദേ​ഹം മു​കാം​ബി​ക​യോ കു​ട​ജാ​ദ്രി​യോ സ​ന്ദ​ർ​ശി​ക്കാ​തെ​യാ​ണ​ത്രെ ഈ ​ഗാ​ന​മെ​ഴു​തി​യ​ത്. ഇ​ത് അ​ദ്ദേ​ഹം ത​ന്നെ പ​ല ത​വ​ണ പ​റ​ഞ്ഞി​ട്ടു​ള്ള​താ​ണ്.

മാ​ധ​വ​ൻ പാ​ക്കം
ഫോ​ട്ടോ: പ്ര​ഭാ​ക​ര​ൻ കാ​ഞ്ഞ​ങ്ങാ​ട്


Loading...