ഒ​ക്‌​ടോ​ബ​ർ ര​ണ്ട്. പ്രാ​ദേ​ശി​ക സ​മ​യം പു​ല​ർ​ച്ചെ 3.20. സ്ഥ​ലം ഇസ്റ്റാം​ബൂ​ൾ വി​മാ​ന​ത്താ​വ​ളം. ജ​മാ​ൽ ഖ​ഷോ​ഗി​യെ കൊ​ല്ലാ​നു​ള്ള അ​ച്ചാ​ര​വു​മാ​യി കൊ​ല​യാ​ളി സം​ഘത്തിന്‍റെ ഒ​രു സ്വ​കാ​ര്യ ജെ​റ്റ് പ​റ​ന്നി​റ​ങ്ങി.
5.50- സൗ​ദി സം​ഘം തുർ​ക്കി​യി​ലെ സൗ​ദി കോ​ൺ​സു​ലേ​റ്റി​ന് സ​മീ​പ​മു​ള്ള ര​ണ്ട് ഹോ​ട്ട​ലു​ക​ളാ​യി മു​റി​ക​ളെ​ടു​ത്തു.
12.13- ന​യ​ത​ന്ത്ര പ​രി​ര​ക്ഷ​യു​ള്ള ചി​ല വാ​ഹ​ന​ങ്ങ​ൾ സൗ​ദി കോ​ൺ​സു​ലേ​റ്റി​ലേ​ക്ക് എ​ത്തി.
ഉ​ച്ച​ക​ഴി​ഞ്ഞ് 1.14- ജ​മാ​ൽ ഖ​ഷോ​ഗി കോ​ൺ​സു​ലേ​റ്റി​ലേ​ക്ക് എ​ത്തു​ന്നു.
3.08 - കോ​ൺ​സു​ലേ​റ്റി​ൽ നി​ന്ന് ചി​ല വാ​ഹ​ന​ങ്ങ​ൾ പു​റ​ത്തേ​ക്ക് പോ​കു​ന്നു.
5.15- ര​ണ്ടാ​മ​തൊ​രു സ്വ​കാ​ര്യ വി​മാ​നം കൂ​ടെ ഇ​സ്റ്റാം​ബൂ​ൾ വി​മാ​ന​ത്താ​വ​ള​ത്തി​ലെ​ത്തു​ന്നു.
5.33- ജ​മാ​ൽ ഖ​ഷോ​ഗി​യു​ടെ കാ​മു​കി ഹാ​ത്തി​സ് സെ​ൻ​ഗി​സ് കോ​ൺ​സു​ലേ​റ്റി​ന് മു​ന്നി​ൽ കാ​ത്തു​നി​ൽ​ക്കു​ന്നു.
6.20- ഇ​സ്റ്റാം​ബൂ​ളി​ൽ നി​ന്ന് ഒ​രു സ്വ​കാ​ര്യവിമാനം പു​റ​ത്തേ​ക്ക് പോ​കു​ന്നു.
9.00 - ര​ണ്ടാ​മ​തൊ​രു വി​മാ​നം കൂ​ടെ പു​റ​ത്തേ​ക്ക് പോ​കു​ന്നു.

വീ​ഡി​യോ​ക​ളും ഒാ​ഡി​യോ​ക​ളും പു​റ​ത്തു​വി​ട്ട് തു​ർ​ക്കി​യി​ലെ യെ​നി സ​ഫാ​ക് പ​ത്രം സം​ഭ​വം കൃ​ത്യ​മാ​യി പ​റ​യു​ന്നു. ഇ​തെ​ല്ലാം സൂ​ചി​പ്പി​ക്കു​ന്ന​ത് ഖ​ഷോ​ഗി​യു​ടെ വി​ധി എ​ന്താ​ണെ​ന്ന് ആ​ദ്യ​മാ​യി എം​ബ​സി​യി​ൽ എ​ത്തി​യ​ സെ​പ്റ്റം​ബ​ർ 28ന് ​തന്നെ സൗ​ദി തീ​രു​മാ​നി​ച്ചു​വെ​ന്നാ​ണ്. കൃ​ത്യ​മാ​യ പ​ദ്ധ​തി​യോ​ടെ സൗ​ദി ആ​സൂ​ത്ര​ണം ചെ​യ്ത കൊ​ല​പാ​ത​കം. ഒ​ക്‌​ടോ​ബ​ർ ര​ണ്ടി​ന് കോ​ണ്‍​സു​ലേ​റ്റി​ലെ തു​ർ​ക്കി​ക്കാ​രാ​യ ജീ​വ​ന​ക്കാ​രോ​ട് അ​വ​ധി​യെ​ടു​ക്കാ​ൻ ആ​വ​ശ്യ​പ്പെ​ട്ടി​രു​ന്നു. അ​തു​കൊ​ണ്ടു​ത​ന്നെ തെ​ളി​വു​ക​ൾ പൂ​ർ​ണ​മാ​യും ഇ​ല്ലാ​താ​ക്കു​വാ​നും സം​ഘ​ത്തി​നാ​യി.

ക്രൂ​ര​മാ​യ പീ​ഡ​ന​ങ്ങ​ൾ​ക്കു പി​ന്നാ​ലെ ഖ​ഷോ​ഗി​യു​ടെ കൈ​വി​ര​ലു​ക​ൾ ഓ​രോ​ന്നാ​യി വെ​ട്ടി​മാ​റ്റു​ക​യും, മ​ർ​ദ്ദി​ക്കു​ക​യും ചെ​യ്തു. തു​ട​ർ​ന്ന് ത​ല​യ​റു​ത്തു മാ​റ്റു​ക​യാ​യി​രു​ന്നു​വെ​ന്നാ​ണ് റി​പ്പോ​ർ​ട്ടു​ക​ൾ. പ​ക്ഷെ സൗ​ദി പ്ര​തീ​ക്ഷി​ച്ച​ത​ല്ല പി​ന്നീ​ട് സം​ഭ​വി​ച്ച​ത്. ത ു​ർ​ക്കി നി​ല​പാ​ട് ക​ടു​പ്പി​ച്ച​തോ​ടെ അ​ന്ത​രീ​ക്ഷം മാ​റി.

ക​ൺ​കെ​ട്ട് വി​ദ്യ

ഖ​ഷോ​ഗി​യെ വ​ധി​ച്ച​ശേ​ഷം 15 അം​ഗ കൊ​ല​യാ​ളി​സം​ഘ​ത്തി​ലെ ഒ​രാ​ളാ​യ മു​സ്ത​ഫ അ​ൽ മ​ദ​നി ഖ​ഷോ​ഗി​യു​ടെ വ​സ്ത്ര​വും ക​ണ്ണ​ട​യും ആ​പ്പി​ൾ വാ​ച്ചും ധ​രി​ച്ച് കോ​ൺ​സു​ലേ​റ്റ് മ​ന്ദി​ര​ത്തി​ന്‍റെ പി​ന്നി​ലെ വാ​തി​ലി​ലൂ​ടെ പു​റ​ത്തി​റ​ങ്ങു​ന്ന​തി​ന്‍റെ ദൃ​ശ്യം സി​എ​ൻ​എ​ൻ സം​പ്രേ​ഷ​ണം ചെ​യ്തി​രു​ന്നു. ഖ​ഷോ​ഗി ജീ​വ​നോ​ടെ കോ​ൺ​സു​ലേ​റ്റി​നു പു​റ​ത്തു​പോ​യെ​ന്നു തെ​റ്റി​ദ്ധ​രി​പ്പി​ക്കാ​നാ​യി​രു​ന്നു ഈ ​വേ​ഷം​കെ​ട്ട​ൽ. ഖ​ഷോ​ഗി​യു​ടെ അ​പ​ര​നാ​യി ഇ​യാ​ളെ സം​ഘ​ത്തി​ൽ ഉ​ൾ​പ്പെ​ടു​ത്തി​യ​തു​ത​ന്നെ മു​ൻ​കൂ​ട്ടി ആ​സു​ത്ര​ണം ചെ​യ്താ​ണു വ​ധം ന​ട​ത്തി​യ​തെ​ന്ന​തി​ന്‍റെ തെ​ളി​വാ​ണ്.

ഇ​യാ​ൾ ഒ​രു സ​ഹാ​യി​യോ​ടൊ​പ്പം ടാ​ക്സി പി​ടി​ച്ച് ഇ​സ്റ്റാം​ബൂ​ളി​ലെ പ്ര​ശ​സ്ത​മാ​യ ബ്ലൂ ​മോ​സ്കി​ലേ​ക്കാ​ണു പോ​യ​ത്. പി​ന്നീ​ട് പൊ​തു​ശൗ​ചാ​ല​യ​ത്തി​ലെ​ത്തി വേ​ഷം മാ​റി തി​രി​ച്ചു​പോ​യി. തു​ർ​ക്കി കോ​ൺ​സു​ലേ​റ്റി​ൽ ന​ട​ത്തി​യ പ​രി​ശോ​ധ​ന​യി​ൽ ഒ​രു സ്ഥ​ല​ത്തു പു​തു​താ​യി പെ​യി​ന്‍റ​ടി​ച്ച​തു ക​ണ്ടെ​ത്തി​യെ​ന്നും \ഇ​തു തെ​ളി​വു ന​ശി​പ്പി​ക്കാ​നു​ള്ള ശ്ര​മ​ത്തി​ന്‍റെ ഭാ​ഗ​മാ​ണെ​ന്നും തു​ർ​ക്കി പ്ര​സി​ഡ​ന്‍റ് എ​ർ​ദോ​ഗ​ൻ ആ​രോ​പി​ച്ചു. എ​ട്ടു മ​ണി​ക്കൂ​ർ ദീ​ർ​ഘി​ച്ച തെ​ര​ച്ച​ലി​നു​ശേ​ഷം അ​ന്വേ​ഷ​ണ ഉ​ദ്യോ​ഗ​സ്ഥ​ർ മ​ണ്ണി​ന്‍റ സാ​ന്പി​ളും ഒ​രു ലോ​ഹ​വാ​തി​ലും തെ​ളി​വാ​യി ശേ​ഖ​രി​ച്ച​ാ​ണ് മ​ട​ങ്ങി​യ​ത്.




മൃ​ത​ദേ​ഹം എ​വി​ടെ‍‍‍‍?

ഖ​ഷോ​ഗി​യു​ടെ കൊ​ല​പാ​ത​കം ന​ട​ന്ന​ത് തു​ർ​ക്കി​യി​ലെ സൗ​ദി എം​ബ​സി​ക്കു​ള്ളി​ൽ​വ​ച്ചാ​ണെ​ന്ന​താ​ണ് തു​ർ​ക്കി​യെ ചൊ​ടിപ്പി​ച്ച​ത്. ഖ​ഷോ​ഗി​യു​ടെ മൃ​ത​ദേ​ഹാ​വ​ശി​ഷ്ട​ങ്ങ​ൾ അ​ഴു​ക്കു​ചാ​ലി​ലൂ​ടെ ഒ​ഴു​ക്കി​ക്ക​ള​ഞ്ഞി​രി​ക്കാ​നു​ള്ള സാ​ധ്യ​ത​യേ​ക്കു​റി​ച്ച് പോ​ലീ​സ് അ​ന്വേ​ഷി​ക്കു​ന്ന​താ​യി എ​നി സ​ഫാ​ക് പ​ത്രം റി​പ്പോ​ർ​ട്ട് ചെ​യ്തു. മൃ​ത​ദേ​ഹം പ​രുക്ക​ൻ ക​ന്പി​ളി​യി​ൽ പൊ​തി​ഞ്ഞ് ഒ​രു പ്രാ​ദേ​ശി​ക കൂ​ട്ടാ​ളി​ക്കു ന​ൽ​കി മ​റ​വു ചെ​യ്യാ​ൻ നി​ർ​ദേ​ശി​ച്ച​താ​യി ​പേ​രു വെ​ളി​പ്പെ​ടു​ത്താ​ൻ ത​യാ​റാ​വാ​ത്ത സൗ​ദി ഉ​ദ്യോ​ഗ​സ്ഥ​ൻ വെ​ളി​പ്പെ​ടു​ത്തി​യി​രു​ന്നു. പ​ക്ഷേ  ഇ​പ്പോ​ഴും ഖ​ഷോ​ഗി​യു​ടെ മൃ​ത​ദേ​ഹം എ​വി​ടെ​യെ​ന്ന ചോ​ദ്യ​ത്തി​ന് ഉ​ത്ത​ര​മി​ല്ല. മൃ​ത​ദേ​ഹം ക​ണ്ടെ​ത്താ​തെ ഒ​രാ​ൾ മ​രി​ച്ച​താ​യി എ​ങ്ങ​നെ സ്ഥി​രീ​ക​രി​ക്കും.

മാ​റി​മ​റി​ഞ്ഞ് അ​മേ​രി​ക്ക

ഖ​ഷോ​ഗി​യെ കാ​ണാ​താ​യ​തു​മു​ത​ൽ ശ​ക്ത​മാ​യി പ്ര​തി​ക​രി​ച്ചു​വ​ന്ന അ​മേ​രി​ക്ക കൊ​ല​പാ​ത​കം സൗ​ദി സ്ഥി​രീ​ക​രി​ച്ച​തോ​ടെ മ​ല​ക്കം മ​റി​യു​ക​യാ​ണു​ണ്ടാ​യ​ത്. ഖ​ഷോ​ഗി​യു​ടെ മ​ര​ണ​ത്തി​ൽ അ​മേ​രി​ക്ക ഖേ​ദി​ക്കു​ന്ന​താ​യും ട്രം​പി​ന്‍റെ പ്ര​സ് സെ​ക്ര​ട്ട​റി സാ​റ സാ​ൻ​ഡേ​ഴ്സ് പു​റ​ത്തി​റ​ക്കി​യ വാ​ർ​ത്താ​ക്കു​റി​പ്പി​ൽ പ​റ​യു​ന്നു.

റി​യാ​ദി​ൽ ആ​രം​ഭി​ച്ച ത്രി​ദി​ന നി​ക്ഷേ​പ​ക ഉ​ച്ച​കോ​ടി​യി​ൽ​നി​ന്ന് നി​ര​വ​ധി പ്ര​മു​ഖ ക​ന്പ​നി​ക​ൾ പി​ൻ​വാ​ങ്ങി. ഗോ​ൾ​ഡ്മാ​ൻ സാ​ക്സ്, ജെ​പി മോ​ർ​ഗ​ൻ, ഊ​ബ​ർ പ്ര​തി​നി​ധി​ക​ൾ, ഐ​എം​ഫ് മേ​ധാ​വി ക്രി​സ്റ്റീ​ൻ ലാ​ഗാ​ർ​ദ് എ​ന്നി​വ​ർ ഇ​തി​ൽ​പ്പെ​ടു​ന്നു. ഇ​പ്പോ​ഴ​ത്തെ സാ​ഹ​ച​ര്യ​ത്തി​ൽ സൗ​ദി​ക്ക് ആ​യു​ധം ന​ല്കാ​നാ​വി​ല്ലെ​ന്ന് ജ​ർ​മ​ൻ ചാ​ൻ​സ​ല​ർ ആം​ഗ​ല മെ​ർ​ക്ക​ൽ പ​റ​ഞ്ഞു. 4.8 കോ​ടി ഡോ​ള​റി​ന്‍റെ ആ​യു​ധം ന​ല്കാ​മെ​ന്ന് ക​ഴി​ഞ്ഞ​മാ​സം ജ​ർ​മ​നി സ​മ്മ​തി​ച്ച​താ​യി​രു​ന്നു.​

പ​ശ്ചി​മേ​ഷ്യ​യി​ൽ ഇ​റാ​നെ​തി​രാ​യ പ്ര​വ​ർ​ത്ത​ന​ങ്ങ​ളി​ൽ യു​എ​സി​ന് സൗ​ദി​യു​ടെ സ​ഹാ​യം വേ​ണം. സൗ​ദി​ക്ക് ആ​യു​ധം വി​ല്ക്കു​ന്ന​ത് നി​ർ​ത്തു​ന്ന​ത് യു​എ​സി​ലെ തൊ​ഴി​ല​വ​സ​ര​ങ്ങ​ളെ ബാ​ധി​ക്കു​മെ​ന്നും ട്രം​പ് ഭ​ര​ണ​കൂ​ടം വി​ല​യി​രു​ത്തു​ന്നു. കൊ​ല​പാ​ത​ക​വു​മാ​യി ബ​ന്ധ​പ്പെ​ട്ട് കൂ​ടു​ത​ൽ തെ​ളി​വു​ക​ൾ കൈ​വ​ശ​മു​ണ്ടെ​ന്ന് തു​ർ​ക്കി അ​വ​കാ​ശ​പ്പെ​ട്ട​തോ​ടെ സൗ​ദി​യും പി​ന്തു​ണ​യ്ക്കു​ന്ന അ​മേ​രി​ക്ക​യും സ​മ്മ​ർ​ദ്ദ​ത്തി​ലാ​യി​രി​ക്കു​ക​യാ​ണ്.

ജ​മാ​ൽ ഖ​ഷോ​ഗി ഒ​രു പ്ര​തീ​ക​മാ​ണ്. ഭ​ര​ണ​കൂ​ട​ങ്ങ​ൾ​ക്കെ​തി​രേ ശ​ബ്ദി​ക്കു​ന്ന​വ​ർ​ക്കു​ള്ള ഒ​രു മു​ന്ന​റി​യി​പ്പാ​ണ്. ‌ഒരുപാട് ചോദ്യങ്ങളും ദുരൂഹതകളും ബാക്കിവച്ചാണ് ഖഷോഗി യാത്രയായത്.
(അവസാനിച്ചു)