കണ്ണീരുണങ്ങാതെ...3/ എസ് രാജേന്ദ്രകുമാര്‍

ഇ​തി​നി​യി​ൽ നി​ര​വ​ധി ത​വ​ണ തി​ര​മാ​ല​ക​ളു​ടെ ആ​ക്ര​മ​ണം. ര​ക്ഷ​പ്പെ​ടാ​ൻ ഒ​രു മാ​ർ​ഗ്ഗ​വു​മി​ല്ലാ​തെ നി​രാ​ശ​യു​ടെ പ​ടു​കു​ഴി​യി​ലാ​യ ഇ​വ​രു​ടെ അ​രി​കി​ലൂ​ടെ ഒ​രു ച​ര​ക്ക് ക​പ്പ​ൽ ക​ട​ന്നു പോ​യി. ര​ക്ഷ​പ്പെ​ടു​ത്ത​ണ​മെ​ന്ന് കൈ ​വീ​ശി ഉ​റ​ക്കെ​യു​ള്ള നി​ല​വി​ളി കേ​ൾ​ക്കാ​ൻ അ​വ​ർ കാ​ത്തു നി​ന്നി​ല്ല. പ​ക്ഷെ ഇ​രു​വ​രെ​യും കു​റി​ച്ചു​ള്ള വി​വ​ര​ങ്ങ​ൾ ക​പ്പ​ൽ അ​ധി​കൃ​ത​ർ അ​പ്പോ​ൾ ത​ന്നെ നേ​വി​ക്ക് കൈ​മാ​റി​യി​രു​ന്നു. പ്ര​തീ​ക്ഷ​ക​ൾ അ​സ്ത​മി​ച്ച സം​ഘ​ത്തെ ര​ക്ഷി്ക്കാ​ൻ മ​ണി​ക്കൂ​റു​കൾ​ക്കു​ള്ളി​ൽ നേ​വി​യു​ടെ ക​പ്പ​ൽ എ​ത്തി. ര​ണ്ട് ദി​വ​സ​ത്തെ ക​പ്പ​ൽ ജീ​വി​ത​ത്തി​ന് ശേ​ഷം ഇ​വ​ർ കൊ​ച്ചി​യി​ൽ കാ​ൽ കു​ത്തി. അ​വി​ടെ നി​ന്ന് നാ​ട്ടി​ൽ എ​ത്തു​ന്ന​തു വ​രെ​യും വി​ഴി​ഞ്ഞ​ത്തു​കാ​രാ​യ ത​ങ്ങ​ളു​ടെ 36 സു​ഹൃ​ത്തു​ക്ക​ളെ ക​ട​ൽ വി​ഴു​ങ്ങി​യ കാ​ര്യം അ​റി​ഞ്ഞി​രു​ന്നി​ല്ല. തി​രി​ച്ചെ​ത്തി​യ വി​വ​രം പ​ള്ളി​യി​ൽ അ​റി​യി​ക്കാ​ൻ വ​ന്ന​പ്പോ​ഴാണ് അവർ ആ ദുഃഖവാർത്തയറിഞ്ഞത്.

കാത്തിരിപ്പ്

കു​ടും​ബ​ത്തി​ന്‍റെ ഏ​ക അ​ത്താ​ണി​യാ​യ വി​ൻ​സെ​ന്‍റി​ന്‍റെ വ​ര​വും പ്ര​തീ​ക്ഷി​ച്ചു​ള്ള അ​ടി​മ​ല​ത്തു​റ ബി​ജി ഹൗ​സി​ൽ ലൂ​ർ​ദ്ദ് മേ​രി​യു​ടെ കാ​ത്തി​രി​പ്പി​ന് ഒ​രു വ​ർ​ഷം പൂ​ർ​ത്തി​യാ​കു​ന്നു. ചു​ഴ​ലി​ക്കാ​റ്റി​ന്‍റെ പി​ടി​യി​ൽ നി​ന്ന് ര​ക്ഷ​പ്പെ​ട്ട് ലോ​ക​ത്തി​ന്‍റെ ഏ​തെ​ങ്കി​ലും കോ​ണി​ൽ ജീ​വ​നോ​ടെ ഉ​ണ്ടാ​ക​ണ​മേ​യെ​ന്ന ദി​വ​സ​വു​മു​ള്ള പ്രാ​ർ​ത്ഥ​ന. കു​ടും​ബ​പ്രാ​രാ​ബ്ധങ്ങ​ൾ​ക്കി​ട​യി​ലും മ​ക്ക​ളാ​യ ബി​ജി, ബി​ജി​ൻ, ബി​ജി​ന, ലി​ജ എ​ന്നി​വ​രെ പ​ഠി​പ്പി​ച്ച് ഒ​രു ക​ര​പ​റ്റി​ക്ക​ണ​മെ​ന്ന ആ​ഗ്ര​ഹ​മാ​യി​രു​ന്നു വി​ന്‍​സെ​ന്‍റി​ന്. നാ​ല് മ​ക്ക​ളു​ടെ ഉ​ന്ന​തി​യും സു​ര​ക്ഷി​ത​ത്വ​വും ഓ​ർ​ത്ത് മ​ന​സി​ൽ തീ ​ആ​ളു​മ്പോ​ഴും ഭ​ർ​ത്താ​വ് തി​രി​ച്ച് വ​രു​മെ​ന്ന വി​ശ്വാ​സ​മാ​ണ് ലൂ​ർ​ദ്ദ് മേ​രി​ക്ക് ബ​ലം ന​ൽ​കു​ന്ന​ത്. വീ​ടു നി​ർ​മ്മി​ച്ച​തി​ന്‍റെ ബാ​ധ്യ​ത​യും മ​റ്റും തീ​ർ​ക്കാ​ൻ പ​ശു വ​ള​ർ​ത്ത​ൽ ആ​രം​ഭി​ച്ചെ​ങ്കി​ലും പ​രാ​ജ​യ​പ്പെ​ട്ടു. സ​ർ​ക്കാ​ർ ന​ൽ​കി​യ ധ​ന​സ​ഹാ​യ​മെ​ല്ലാം ബാ​ങ്ക് നി​ക്ഷേ​പ​മാ​യ​തി​നാ​ൽ ക​ടം തീ​ർ​ക്കാ​നും സാ​ധി​ക്കാ​തെ​യാ​യി. അ​യ​ൽ​ക്കൂ​ട്ട​ങ്ങ​ളി​ൽ നി​ന്നെ​ടു​ത്ത ലോ​ണി​ന്‍റെ പി​ൻ​ബ​ല​മാ​ണ് കു​ടും​ബം പു​ല​ർ​ത്തു​ന്ന​തി​ന് ഇ​വ​ർ​ക്ക് പ​ര്യാ​പ്ത​മാ​യ​ത്. 2017 ന​വം​ബ​ർ 29 ന് ​വൈ​കു​ന്നേ​രം സ​ഹ​പ്ര​വ​ർ​ത്ത​ക​രാ​യ അ​ന്തോ​ണീ​സ്, ആ​ന്‍റ​ണി, സെ​സ് ലാ​ന്‍റ്, ആ​ന്‍റ​ണി, ലോ​ർ​ദ്ദോ​ൻ ഉ​ൾ​പ്പെ​ടെ​യു​ള്ള പ​തി​മൂ​ന്നം​ഗ സം​ഘ​ത്തോ​ടൊ​പ്പ​മാ​ണ് വി​ൻ​സെ​ന്‍റ് പു​റ​പ്പെ​ട്ട​ത്. ഒ​രു​മി​ച്ച് ര​ണ്ട് വ​ള്ള​ങ്ങ​ളി​ൽ​പോ​യ ആ​രെ​യും ക​ട​ല​മ്മ വെ​റു​തെ വി​ട്ടി​ല്ല. തി​ര​ച്ചു​ഴി​യി​ൽ​പ്പെ​ട്ട് മ​ണി​ക്കൂ​റു​ക​ൾ വ​ട്ടം ചു​റ്റി​യ സം​ഘ​ത്തെ ര​ക്ഷ​പ്പെ​ടു​ത്താ​നാ​കാ​തെ മ​റ്റു​ള്ള​വ​ർ തീ​ര​ത്തു നി​സ്സ​ഹാ​യ​രാ​യി നി​ന്നു. ര​ക്ഷി​ക്ക​ണ​മെ​ന്ന ആ​വ​ശ്യ​വു​മാ​യി വി​ഴി​ഞ്ഞ​ത്തെ സേ​നാ ഓ​ഫീ​സു​ക​ളി​ലേ​ക്ക് ബ​ന്ധു​ക്ക​ൾ പ​ര​ക്കം പാ​ഞ്ഞെ​ങ്കി​ലും കാ​ര്യ​ങ്ങ​ൾ കൈ​വി​ട്ടു പോ​യി. ദി​വ​സ​ങ്ങ​ൾ​ക്ക് ശേ​ഷം പ​ത്ത് പേ​രു​ടെ മൃ​ത​ദേ​ഹം വി​വി​ധ സ്ഥ​ല​ങ്ങ​ളി​ൽ നി​ന്ന് തീ​രം ഏ​റ്റു​വാ​ങ്ങി​യെ​ങ്കി​ലും വി​ൻ​സെ​ന്‍റ് ഉ​ൾ​പ്പെ​ടെ മൂ​ന്ന് പേ​രെ​ക്കു​റി​ച്ച് പു​റംലോ​ക​ത്തി​ന് ഇ​പ്പോ​ഴും അ​റി​വി​ല്ല.

ജസീന്തയുടെ കുടുംബം

ക​ട​യ്ക്കു​ളം കു​ന്ന​ത്തു വീ​ട്ടി​ൽ മു​പ്പ​ത്തൊ​ൻ​പ​തു​കാ​ര​നാ​യ സി​ൽ​വ​സ്റ്റ​റി​നെ ഭാ​ര്യ ജെ​സീ​ന്ത​യും കു​ഞ്ഞു​മ​ക്ക​ളാ​യ ഗി​ൽ​ഡ​യും ആ​ശ​യും ഒ​രു മാ​സ​ത്തോ​ളം കാ​ത്തി​രു​ന്നു. ഓ​ഖി ചു​ഴ​ലി​ക്കാ​റ്റി​ന്‍റെ പി​ടി​യി​ൽ നി​ന്ന് ര​ക്ഷ​പ്പെ​ട്ട് എ​ന്നെ​ങ്കി​ലും​സി​ൽ​വ​സ്റ്റ​ർ ജീ​വ​നോ​ടെ​തി​രി​ച്ചു വ​രു​മെ​ന്ന് അ​വ​ർ​വി​ശ്വ​സി​ച്ചു. ജീ​വന്‍റെ തു​ടി​പ്പു​ക​ൾ തേ​ടി​പ്പോ​യ​വ​രു​ടെ വ​ള്ള​ങ്ങ​ൾ തീ​ര​ത്ത​ണ​യു​മ്പോ​ൾ ജ​സീ​ന്ത​യും മ​ക്ക​ളും ആ​കാം​ക്ഷ​യോ​ടെ ഓ​ടി​യെ​ത്തും. വി​ഴി​ഞ്ഞ​ത്തെ പ​ള്ളി​യ​ങ്ക​ണ​ത്തി​ലെ ക്യാ​മ്പി​ലി​രു​ന്ന് അ​വ​ർ ഉ​ള്ളു​രു​കി പ്രാ​ർ​ത്ഥി​ച്ചു വീ​ടി​ന്‍റെ തു​ണ​യാ​യ പ്രി​യ​ത​മ​ന്‍റെ ജീ​വ​നാ​യ്.​ പ​ക്ഷെ പ്ര​തീ​ക്ഷ​ക​ൾ​ വിഫ​ല​മാ​ക്കി ഒ​രു മാ​സം ക​ഴി​ഞ്ഞ​പ്പോ​ൾ സി​ൽ​വ​സ്റ്റ​റി​ന്‍റെ ചേ​ത​ന​യ​റ്റ ശ​രീ​രം ത​ക​ർ​ന്ന മ​ന​സ്സോ​ടെ അ​വ​ർ ഏ​റ്റു വാ​ങ്ങി. 30 ന് ​പു​ല​ർ​ച്ചെ പ​തി​വ് പ്പോലെ ഭാ​ര്യ​യോ​ടും മ​ക്ക​ളോ​ടും യാ​ത്ര പ​റ​ഞ്ഞി​റ​ങ്ങി​യ​ത് വി​ട​ചൊ​ല്ല​ൽ ആ​കു​മെ​ന്ന് ആ​രും ക​രു​തി​യി​ല്ല. അ​ന്നു​ണ്ടാ​യ ഞെ​ട്ട​ലി​ൽ നി​ന്ന് ജ​സീ​ന്ത​ മു​ക്ത​യാ​കാ​ൻ മാ​സ​ങ്ങ​ൾ വേ​ണ്ടി​വ​ന്നു.​പു​തി​യ വീ​ട് നി​ർ​മ്മി​ച്ച​പ്പോ​ൾ ഉ​ണ്ടാ​യ ല​ക്ഷ​ങ്ങ​ളു​ടെ ക​ട​ബാ​ധ്യ​ത തീ​ർ​ത്ത ശേ​ഷം മ​ക്ക​ളു​ടെ ഭാ​വി​യും​മ​ന​സി​ൽ​സ്വ​പ്നം ക​ണ്ട് അ​ത് സ​ഫ​ല​മാ​ക്കു​ക​യെ​ന്ന ല​ക്ഷ്യ​വു​മാ​യാ​ണ് ക​ട​ല​മ്മ​യെ വി​ശ്വ​സി​ച്ച് പ്ര​തി​കൂ​ല കാ​ലാ​വ​സ്ഥ​യി​ലും വ​ള്ള​മി​റ​ക്കി​യ​ത്.​ ക​ട​ൽ​ത്തി​ര​ക​ൾ സി​ൽ​വ​സ്റ്റ​റി​നൊ​പ്പം സ​ഹ​പ്ര​വ​ർ​ത്ത​ക​രാ​യ ഫ്രെ​ഡി, അ​രു​ൾ​ദാ​സ് എ​ന്നി​വ​രു​ടെ ജീ​വ​ൻ അ​പ​ഹ​രി​ച്ചെ​ങ്കി​ലും നാ​ലു പേ​രി​ൽ ജോ​ൺ​സ​നെ വെ​റു​തെ വി​ട്ടു.​സ​ർ​ക്കാ​ർ ധ​ന​സ​ഹാ​യ​മാ​യി ഇ​രു​പ​ത് ല​ക്ഷം ബാ​ങ്ക് അ​ക്കൗ​ണ്ടി​ൽ നി​ക്ഷേ​പി​ച്ചെ​ങ്കി​ലും ക​ട​ബാ​ധ്യ​ത തീ​ർ​ക്കാ​ൻ ക​ഴി​യാ​തെ വ​ന്നെ​ന്ന് ജ​സീ​ന്ത പ​റ​യു​ന്നു. ക​ടം വാ​ങ്ങി​യ പ​ണം തി​രി​കെ ന​ൽ​കാ​ൻ താ​മ​സി​ച്ച​തോ​ടെ പ​രാ​തി​യു​മാ​യി ചി​ല​ർ രം​ഗ​ത്തെ​ത്തി.


ഓ​ഖി​യെ​ത്തു​ട​ര്‍​ന്ന് കാ​ണാ​താ​യ​വ​രു​ടെ​യും മ​ര​ണ​മ​ട​ഞ്ഞ​വ​രു​ടെ​യും ബന്ധു​ക്ക​ൾ​ക്ക് സ​ർ​ക്കാ​ർ ഇ​രു​പ​ത് ല​ക്ഷം രൂ​പ വീ​തം ധ​ന​സ​ഹാ​യ​മാ​യി അ​നു​വ​ദി​ച്ചു. മ​ത്സ്യ​ത്തൊ​ഴി​ലാ​ളി ക​ട​ലി​ൽ വ​ച്ച് മ​ര​ണ​പ്പെ​ട്ടാ​ൽ കി​ട്ടു​ന്ന ഇ​ൻ​ഷ്വ​റ​ൻ​സ് തു​ക​യാ​യ പ​ത്ത് ല​ക്ഷ​വും ചേ​ർ​ത്താ​യി​രു​ന്നു സ​ർ​ക്കാ​രി​ന്‍റെ ആ​ശ്വാ​സ പ്ര​ഖ്യാ​പ​നം. ചി​ല വ്യ​വ​സ്ഥ​ക​ൾ​ക്ക് വി​ധേ​യ​മാ​യി എ​ല്ലാ രൂ​പ​യും അ​ധി​കൃ​ത​ർ ബാ​ങ്കി​ൽ നി​ക്ഷേ​പി​ച്ച ശേ​ഷം രേ​ഖ​ക​ൾ ബ​ന്ധു​ക്ക​ൾ​ക്ക് കൈ​മാ​റി. നി​ക്ഷേ​പ​ത്തു​ക​യി​ൽ നി​ന്ന് മാ​സം തോ​റും കി​ട്ടു​ന്ന തു​ച്ഛ​മാ​യ പ​ലി​ശ​യാ​ണ് പ​ല കു​ടും​ബ​ത്തി​ന്‍റെ​യും ആ​ശ്വാ​സം. വ​ള്ള​വും വ​ല​യും ന​ഷ്ട​പ്പെ​ട്ട ആ​ദ്യ ലി​സ്റ്റി​ൽ​പ്പെ​ട്ട​വ​ർ​ക്ക് ധ​ന​സ​ഹാ​യം ല​ഭി​ച്ചെ​ങ്കി​ലും പി​ന്നെ​യു​ള്ള പ​ല​രെ​യും അ​ധി​കൃ​ത​ർ പ​രി​ഗ​ണി​ച്ചി​ല്ലെ​ന്നും ഒ​രു വി​ഭാ​ഗം പ​റ​യു​ന്നു.

അ​തി​നി​ട​യി​ല്‍ ജീ​വ​ഹാ​നി​യും ധ​ന​ന​ഷ്ട​വും വ​രു​ത്തി​യ കാ​റ്റി​ന്‍റെ വ​ര​വി​നെ​പ്പ​റ്റി മു​ന്ന​റി​യി​പ്പ് ന​ൽ​കാ​ത്ത​തി​ന്‍റെ പേ​രി​ൽ അ​ധി​കൃ​ത​ർ ത​മ്മി​ൽ ത​ല്ലാ​രം​ഭി​ച്ചു. ദി​വ​സ​ങ്ങ​ൾ കൊ​ണ്ട് പ​ഴി​ചാ​ര​ൽ അ​വ​സാ​നി​ച്ചെ​ങ്കി​ലും മ​ത്സ്യ​ത്തൊ​ഴി​ലാ​ളി​ക​ളു​ടെ മ​ന​സി​ലു​ണ്ടാ​യ മു​റി​വു​ണ​ക്കാ​നാ​യി​ല്ല. അ​തി​ന് ശേ​ഷം മു​ന്ന​റി​യി​പ്പു​ക​ളു​ടെ ഘോ​ഷ​യാ​ത്ര ത​ന്നെ ന​ട​ത്തി ക​ട​ലി​ന്‍റെ മ​ക്ക​ളെ പേ​ടി​യു​ടെ മു​ൾ​മു​ന​യി​ൽ നി​ർ​ത്തി. "മ​റ​ക്കാ​നാ​കാ​ത്ത ഒ​രു ക​റു​ത്ത ദി​ന​ത്തി​ന്‍റെ ഓ​ർ​മ്മ​പ്പെ​ടു​ത്ത​ൽ സ​മ്മാ​നി​ച്ച് ക​ട​ന്നു പോ​യ മ​ഹാ​ദു​ര​ന്ത​ത്തി​ന് ശേ​ഷം 230 പ്രാ​വ​ശ്യം മു​ന്ന​റി​യി​പ്പെ​ത്തി .ഇ​തോ​ടെ ഭീ​തി​യു​ടെ നി​ഴ​ലി​ലാ​യ നി​ര​വ​ധി പേ​ർ തൊ​ഴി​ലി​നോ​ട് വി​ട പ​റ​യാ​ൻ ത​യ്യാ​റെ​ടു​ത്തു. അ​പ​ക​ടാ​വ​സ്ഥ മ​ന​സി​ലാ​ക്കി​യ അ​ധി​കൃ​ത​രും സ​ന്ന​ദ്ധ സം​ഘ​ട​ന​ക​ളും ധൈ​ര്യം ന​ൽ​കാ​ൻ രം​ഗ​ത്തെ​ത്തി​യെ​ങ്കി​ലും കാ​ര്യ​മാ​യ മാ​റ്റം വ​രു​ത്താ​നാ​യി​ല്ല. പ​ണ​ത്തെ​ക്കാ​ൾ വ​ലു​ത് ജീ​വ​നെ​ന്ന തി​രി​ച്ച​റി​വും ഓ​ഖി മ​ന​സി​ന് ന​ൽ​കി​യ മു​റി​പ്പെ​ടു​ത്ത​ലും കാ​ര​ണം മു​ന്ന​റി​യി​പ്പു​ക​ളെ അ​വ​ര്‍ അവഗ​ണി​ച്ചു. ​ബ​ഹു​ഭൂ​രി​പ​ക്ഷം ദി​വ​സ​വും തൊ​ഴി​ലു​പേ​ക്ഷി​ക്കേ​ണ്ടി വ​ന്ന​തോ​ടെ തീ​രം പ​ട്ടി​ണി​യു​ടെ പി​ടി​യി​ലാ​യി. പ​ട്ടി​ണി​ക്കും പ​രി​വ​ട്ട​ത്തി​നും തെ​ല്ല് ആ​ശ്വാ​സം ന​ൽ​കാ​നാ​യി ഓ​രോ കു​ടും​ബ​ത്തി​നും മാ​സം ര​ണ്ടാ​യി​രം രൂ​പ വീ​തം നാ​ല് മാ​സം ന​ൽ​കാ​ൻ സ​ർ​ക്കാ​ർ ത​യ്യാ​റാ​യി. പ​ക്ഷെ ഒ​രു മാ​സം പ​ണം​ന​ൽ​കി​യ ശേ​ഷം അ​വ​രും കയ്യൊ​ഴി​ഞ്ഞു.

(തുടരും)