ചീനവലയിൽ കുടുങ്ങും കർഷകർ
ഡല്‍ഹിഡയറി / ജോ​ർ​ജ് ക​ള്ളി​വ​യ​ലി​ൽ

ചൈ​നീ​സ് പ്ര​സി​ഡ​ന്‍റ് ഷി ​ചിൻപിം​ഗും പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ഇ​ന്ന​ലെ ന​മ്മു​ടെ അ​യ​ൽ​പ​ക്ക​ത്തെ മാ​മ​ല്ല​പു​ര​ത്ത് (പ​ഴ​യ മ​ഹാ​ബ​ലി​പു​രം) തു​ട​ങ്ങി​യ ഉ​ച്ച​കോ​ടി മ​ഹാ​സം​ഭ​വം ത​ന്നെ. ഇ​ന്ത്യ​യും ചൈ​ന​യും സ​മാ​ധാ​ന​ത്തി​ൽ ക​ഴി​യു​ന്ന​തും സ​ഹ​ക​രി​ക്കു​ന്ന​തും എ​ന്തു​കൊ​ണ്ടും ന​ല്ല​തു​ത​ന്നെ. ഇ​രു​രാ​ജ്യ​ങ്ങ​ളും ത​മ്മി​ലു​ള്ള അ​തി​ർ​ത്തി​ത​ർ​ക്കം മു​ത​ൽ പാ​ക്കി​സ്ഥാ​നി​ലും നേ​പ്പാ​ളി​ലും ഇ​ന്ത്യ​ക്കും ചൈ​ന​യ്ക്കു​മു​ള്ള താ​ത്പ​ര്യ​ങ്ങ​ളി​ലെ സം​ഘ​ർ​ഷ​വും വ​രെ പ​ല​തും ച​ർ​ച്ച​യി​ൽ പ​രി​ഹ​രി​ക്കാ​നാ​ണു ശ്ര​മം.

പ​ക്ഷേ, ഷി- ​മോ​ദി ഉ​ച്ച​കോ​ടി​യി​ലും കേ​ര​ള​ത്തി​ലെ​യും ത​മി​ഴ്നാ​ട്ടി​ലെ​യും അ​ട​ക്കം രാ​ജ്യ​ത്തെ ക​ർ​ഷ​ക​രു​ടെ നെ​ഞ്ചു പി​ട​യു​ന്ന ഒ​രു സു​പ്ര​ധാ​ന കാ​ര്യം കൂ​ടി​യു​ണ്ട്. മേ​ഖ​ലാ സ​മ​ഗ്ര സാ​ന്പ​ത്തി​ക പ​ങ്കാ​ളി​ത്തം (റീ​ജ​ണ​ൽ കോം​പ്രി​ഹെ​ൻ​സീ​വ് ഇ​ക്ക​ണോ​മി​ക് പാ​ർ​ട്ണ​ർ​ഷി​പ്പ്- ആ​ർ​സി​ഇ​പി) എ​ന്ന പേ​രി​ലു​ള്ള സ്വ​ത​ന്ത്ര വ്യാ​പാ​ര ക​രാ​റി​ൽ ഇ​ന്ത്യ ചേ​രു​ക​യും ഇ​റ​ക്കു​മ​തി നി​യ​ന്ത്ര​ണ​ങ്ങ​ൾ നീ​ക്കു​ക​യും ചെ​യ്യ​ണ​മെ​ന്ന ചൈ​ന​യു​ടെ നി​ല​പാ​ടാ​ണ് ഇ​ന്ത്യ​യി​ലെ ക​ർ​ഷ​ക​രു​ടെ നെ​ഞ്ച​ത്ത​ടി​ക്കു​ന്ന​ത്.

ചൈ​നീ​സ് ബാ​ന്ധ​വം തി​രി​ച്ച​ടി​ക്കും

ത​മി​ഴ്നാ​ട്ടി​ലെ ഉ​ച്ച​കോ​ടി​ക്കി​ടെ ഇ​ന്ന​ലെ​യും ഇ​ന്നു​മാ​യി മോ​ദി​യു​മാ​യി ന​ട​ത്തു​ന്ന ച​ർ​ച്ച​ക​ളി​ൽ​ആ​ർ​സി​ഇ​പി​യി​ൽ ചേ​രാ​ൻ ഷി ​ചിൻപിം​ഗ് സ​മ്മ​ർ​ദം ചെ​ലു​ത്തും. മു​ഴു​വ​ൻ ചൈ​നീ​സ് ഉ​ത്പ​ന്ന​ങ്ങ​ൾ​ക്കും തീ​രു​വ ഒ​ഴി​വാ​ക്ക​ണ​മെ​ന്ന​താ​ണു ഷി​യു​ടെ താ​ത്പ​ര്യം. ഇ​ന്ത്യ​യി​ൽനി​ന്നു പ​ക​രം പ​ഞ്ച​സാ​ര​യും അ​രി​യും ചൈ​ന വാ​ങ്ങു​ന്ന​തു​കൊ​ണ്ടു നേ​ട്ടം ഉ​ത്ത​രേ​ന്ത്യ​യി​ലെ വ​ൻ​കി​ട ക​ർ​ഷ​ക​ർ​ക്കും ക​യ​റ്റു​മ​തി​ക്കാ​ർ​ക്കും മാ​ത്രം. അ​രി​യും പ​ഞ്ച​സാ​ര​യു​മൊ​ക്കെ വാ​ങ്ങി​യി​ട്ടും ചൈ​ന​യു​മാ​യു​ള്ള വ്യാ​പാ​ര​ക്ക​മ്മി കൂ​ടി​വ​രു​ന്ന​ത് ഇ​ന്ത്യ​ക്കു ദോ​ഷ​ക​ര​വു​മാ​ണ്.

എ​ന്താ​ണ് ഈ ​ആ​ർ​സി​ഇ​പി എ​ന്ന​തു വി​ശ​ദ​മാ​യി പ​രി​ശോ​ധി​ക്കേ​ണ്ടതു​ണ്ട്. ഇ​ന്ത്യ, ചൈ​ന, ജ​പ്പാ​ൻ, ദ​ക്ഷി​ണ കൊ​റി​യ, ഓ​സ്ട്രേ​ലി​യ, ന്യൂ​സി​ല​ൻ​ഡ് എ​ന്നീ രാ​ജ്യ​ങ്ങ​ൾ പ​ത്ത് ആ​സി​യാ​ൻ രാ​ജ്യ​ങ്ങ​ളു​മാ​യി (മ​ലേ​ഷ്യ, ഫി​ലി​പ്പീ​ൻ​സ്, സി​ങ്ക​പ്പൂ​ർ, താ​യ്‌​ല​ൻ​ഡ്, ഇ​ന്തോ​നേ​ഷ്യ, മ്യാ​ൻ​മ​ർ, ബ്രൂ​ണൈ, കം​ബോ​ഡി​യ, വി​യ​റ്റ്നാം, ലാ​വോ​സ്) ഒ​പ്പു​വ​യ്ക്കാ​നു​ള്ള​താ​ണ് ഈ ​നി​ർ​ദി​ഷ്ട സ്വ​ത​ന്ത്ര വ്യാ​പാ​ര ക​രാ​ർ. 2012ൽ ​കം​ബോ​ഡി​യ​യി​ൽ ന​ട​ന്ന ആ​സി​യാ​ൻ ഉ​ച്ച​കോ​ടി​യി​ൽ സ​ജീ​വ​മാ​യ ച​ർ​ച്ച​ക​ൾ ഇ​പ്പോ​ൾ അ​വ​സാ​ന​ഘ​ട്ട​ത്തി​ലെ​ത്തി.

ക​രാ​ർ യാ​ഥാ​ർ​ഥ്യ​മാ​കു​ന്ന​തോ​ടെ ലോ​ക​ത്തി​ലെ ഏ​റ്റ​വും വ​ലി​യ സാ​ന്പ​ത്തി​ക ഗ്രൂ​പ്പ് (ഇ​ക്ക​ണോ​മി​ക് ബ്ലോ​ക്) ആ​കും ആ​സി​ഇ​പി എ​ന്നാ​ണ് വീ​ര​വാ​ദം. 2017ലെ ​ക​ണ​ക്ക​നു​സ​രി​ച്ച് 340 കോ​ടി ജ​ന​ങ്ങ​ളും 49.5 ല​ക്ഷം കോ​ടി ഡോ​ള​ർ (49.5 ട്രി​ല്യ​ണ്‍ ഡോ​ള​ർ) സ​ന്പ​ദ്ഘ​ട​ന​യും. ചൈ​ന​യും ഇ​ന്ത്യ​യും ചേ​രു​ന്പോ​ൾത​ന്നെ ഇ​തി​ന്‍റെ പ​കു​തി വ​രും. കേ​ൾ​ക്കാ​നും മോ​ഹി​ക്കാ​നും വ​ലു​താ​ണ് അ​ത്ത​ര​മൊ​രു സ​ന്പ​ദ്ഘ​ട​ന.

പ​ക്ഷേ ചൈ​ന​യു​ടെ സ​ന്പ​ദ്ഘ​ട​ന​യു​ടെ​യും ആ​ഗോ​ള മേ​ൽ​ക്കോ​യ്മ​യു​ടെ​യും മു​ന്പി​ൽ വെ​റും കു​ള്ള​ൻ ആ​ണ് ഇ​ന്ത്യ​യെ​ന്ന​തു മ​റ​ക്ക​രു​ത​ല്ലോ. എ​ട്ടു ശ​ത​മാ​ന​ത്തി​ലേ​റെ വ​ള​ർ​ന്ന ഇ​ന്ത്യ​യു​ടെ മൊ​ത്ത ആ​ഭ്യ​ന്ത​ര ഉ​ത്പാ​ദ​നം (ജി​ഡി​പി) ഇ​പ്പോ​ൾ താ​ഴ്ന്നു താ​ഴ്ന്ന് അ​ഞ്ചു ശ​ത​മാ​ന​ത്തി​ലും താ​ഴേ​ക്കു വീ​ണ​തും സ്ഥി​തി കൂ​ടു​ത​ൽ വ​ഷ​ളാ​ക്കും.

ക​ർ​ഷ​ക​രു​ടെ നെ​ഞ്ചി​ൽ ച​വി​ട്ടി

എ​ത്ര കൊ​ണ്ടാ​ലും പ​ഠി​ക്കി​ല്ലെ​ന്ന​താ​ണോ അ​തോ ക​ർ​ഷ​ക​രെ എ​ത്ര ഉ​പ​ദ്ര​വി​ച്ചാ​ലും മ​തി​യാ​കി​ല്ലെ​ന്നാ​ണോ കേ​ന്ദ്രം ഭ​രി​ക്കു​ന്ന​വ​രു​ടെ സ​മീ​പ​നം? ദ​ക്ഷി​ണേ​ന്ത്യ​യി​ലെ ക​ർ​ഷ​ക​രെ പ​ല​ത​ര​ത്തി​ലും ദോ​ഷ​ക​ര​മാ​യി ബാ​ധി​ക്കു​മെ​ന്നു തീ​ർ​ച്ച​യാ​യി​ട്ടും ആ​ർ​സി​ഇ​പി​യു​മാ​യി മു​ന്നോ​ട്ടു​പോ​കാ​നു​ള്ള കേ​ന്ദ്ര​സ​ർ​ക്കാ​രി​ന്‍റെ നീ​ക്കം വേ​ദ​നാ​ജ​ന​ക​വും ന​ടു​ക്കു​ന്ന​തും അ​പ​ല​പ​നീ​യ​വു​മാ​ണ്. ആ​സി​യാ​ൻ അ​ട​ക്കം ഇ​തു​വ​രെ​യു​ള്ള എ​ല്ലാ അ​ന്ത​രാ​ഷ്‌ട്ര വ്യാ​പാ​ര ക​രാ​റു​ക​ളി​ലും ഇ​ന്ത്യ​ക്കു ന​ഷ്ട​ക്ക​ച്ച​വ​ട​മാ​ണ്.

ആ​സി​യാ​ൻ ക​രാ​റി​ലൂ​ടെ സം​സ്ഥാ​ന​ത്തെ റ​ബ​ർ ക​ർ​ഷ​ക​ർ​ക്കു മാ​ത്രം പ്ര​തി​വ​ർ​ഷം 8,000 കോ​ടി രൂ​പ​യു​ടെ വ​രു​മാ​ന ന​ഷ്ടം ഉ​ണ്ടായ​താ​യാ​ണു ക​ണ​ക്കു​ക​ൾ. 11 ല​ക്ഷം റ​ബ​ർ ക​ർ​ഷ​ക​ർ, അ​തി​ലേ​റെ തൊ​ഴി​ലാ​ളി​ക​ൾ, അ​വ​രു​ടെ​യെ​ല്ലാം കു​ടും​ബ​ങ്ങ​ൾ, റ​ബ​റി​നെ വ​ലു​താ​യി ആ​ശ്ര​യി​ച്ചി​രു​ന്ന കേ​ര​ള​ത്തി​ന്‍റെ സ​ന്പ​ദ്ഘ​ട​ന എ​ന്നി​വ​യി​ലെ​ല്ലാം സൃ​ഷ്ടി​ച്ച പ്ര​തി​സ​ന്ധി​യും ത​ക​ർ​ച്ച​യും വ​ലു​താ​ണ്. വ്യാ​പാ​ര ക​മ്മി മു​ത​ൽ കാ​ർ​ഷി​ക മേ​ഖ​ല​യു​ടെ ന​ടു​വൊ​ടി​ക്കു​ന്ന​തു വ​രെ ഇ​ന്ത്യ​യ്ക്കാ​കെ ഉ​ണ്ടാ​യ ന​ഷ്ട​ങ്ങ​ൾ​ക്ക് ശ​രി​യാ​യ ക​ണ​ക്കു​ണ്ടാ​കി​ല്ല.

2000 മാ​ർ​ച്ചി​ൽ ന​ട​പ്പി​ലാ​യ ശ്രീ​ല​ങ്ക​യു​മായുള്ള സ്വ​ത​ന്ത്ര വ്യാ​പാ​ര ക​രാ​ർ 19 വ​ർ​ഷം ക​ഴി​യു​ന്പോ​ൾ ഇ​ന്ത്യ​ക്ക് വ​ലി​യ തി​രി​ച്ച​ടി​യാ​യെ​ന്നു തെ​ളി​യു​ന്നു. ശ്രീ​ല​ങ്ക​യ്ക്കു പി​ന്നാ​ലെ മ​ലേ​ഷ്യ, സി​ങ്ക​പ്പൂ​ർ, ദ​ക്ഷി​ണ കൊ​റി​യ എ​ന്നീ രാ​ജ്യ​ങ്ങ​ളു​മാ​യും ഇ​ന്ത്യ ഒ​പ്പു​വ​ച്ച സ​മാ​ന ക​രാ​റു​ക​ളും ന​ഷ്ട​ക്ക​ച്ച​വ​ടം ത​ന്നെ.

ഇ​ന്ത്യകൂ​ടി ഒ​പ്പു​വ​ച്ച ലോ​ക വ്യാ​പാ​ര ക​രാ​ർ (ഡ​ബ്ള്യുടി​ഒ)​യെ പോ​ലും പി​ന്നി​ലേ​ക്കു ത​ള്ളി​യാ​ണു പു​തി​യ മേ​ഖ​ലാ, ഉ​ഭ​യ​ക​ക്ഷി ക​രാ​റു​ക​ളി​ൽ ഇ​ന്ത്യ പ​ങ്കാ​ളി​യാ​കു​ന്ന​തെ​ന്ന​തും കാ​ണാ​തെ പോ​കി​ല്ല. അ​മേ​രി​ക്ക​യും യൂ​റോ​പ്യ​ൻ രാ​ജ്യ​ങ്ങ​ളും അ​ട​ക്കം കാ​ർ​ഷി​ക വ്യ​വ​സാ​യ​വും വ്യാ​പാ​ര​വും അ​ടി​സ്ഥാ​ന​മാ​ക്കി നേ​ട്ടം കൊ​യ്യു​ന്പോ​ഴാ​ണു കാ​ർ​ഷി​ക രാ​ജ്യ​മാ​യ ഇ​ന്ത്യ​യി​ൽ ക​ർ​ഷ​ക​ർ പ്ര​തി​സ​ന്ധി​യി​ൽനി​ന്നു പ്ര​തി​സ​ന്ധി​ക​ളി​ലേ​ക്കു കൂ​പ്പു​കു​ത്തു​ന്ന​ത്. അ​പ​ക​ട​ത്തി​ന്‍റെ പൂ​ർ​ണ​മാ​യ വ്യാ​പ്തി​യും പ്ര​ത്യാ​ഘാ​ത​വും ക​ർ​ഷ​ക​രും ചെ​റു​കി​ട വ്യ​വ​സാ​യി​ക​ളും വ്യാ​പാ​രി​ക​ളും മ​ന​സി​ലാ​ക്കി വ​രു​ന്ന​തേ​യു​ള്ളൂ​വെ​ന്നു മാ​ത്രം.

ഓ​രോ സ്വ​ത​ന്ത്ര​വ്യാ​പാ​ര ക​രാ​റി​നു ശേ​ഷ​വും ഇ​ന്ത്യ​യി​ലേ​ക്കു​ള്ള ഇ​റ​ക്കു​മ​തി​ക​ൾ കൂ​ടു​ക​യും ക​യ​റ്റു​മ​തി​ക​ളി​ൽ വേ​ണ്ട വ​ർ​ധ​ന ഇ​ല്ലാ​തി​രി​ക്കു​ക​യും അ​തു​വ​ഴി ന​ഷ്ടം കൂ​ടി വ​രു​ക​യും ചെ​യ്യു​ന്നു. ചൈ​ന​യി​ൽനി​ന്ന് ഏ​ഴാ​യി​രം കോ​ടി​യി​ലേ​റെ ഡോ​ള​റി​ന്‍റെ ഇ​റ​ക്കു​മ​തി ന​ട​ക്കു​ന്പോ​ൾ ഇ​ന്ത്യ​യു​ടെ ക​യ​റ്റു​മ​തി​യാ​ക​ട്ടെ 1,600 കോ​ടി​യി​ലേ​റെ മാ​ത്ര​മാ​ണ്. ചു​രു​ക്ക​ത്തി​ൽ ഇ​ന്ത്യ​യി​ലെ ക​ർ​ഷ​ക​രും ചെ​റു​കി​ട, ഇ​ട​ത്ത​രം, പ​ര​ന്പ​രാ​ഗ​ത വ്യ​വ​സാ​യി​ക​ളും വ്യാ​പാ​രി​ക​ളും വ​ർ​ഷം തോ​റും കൊ​ടി​യ ത​ക​ർ​ച്ച​യി​ലാ​വു​ക​യാ​ണ്. ചെ​റി​യ നേ​ട്ട​ങ്ങ​ൾ ഉ​ണ്ടാ​കു​ന്ന​താ​ക​ട്ടെ ഉ​ത്ത​രേ​ന്ത്യ​ക്കാ​ർ​ക്കു മാ​ത്രം.

സാ​ധാ​ര​ണ​ക്കാ​ർ ത​ക​ർ​ന്ന​ടി​യും

ചൈ​ന​യും ജ​പ്പാ​നും കൊ​റി​യ​യും ഓ​സ്ട്രേ​ലി​യ​യും ആ​സി​യാ​ൻ രാ​ജ്യ​ങ്ങ​ളും അ​ട​ക്ക​മു​ള്ള​വ​ർ​ക്ക് ആ​ർ​സി​ഇ​പി വ​ഴി ഇ​ന്ത്യ​ൻ വി​പ​ണി തു​റ​ന്നു​കൊ​ടു​ത്താ​ൽ രാ​ജ്യ​ത്തെ ക​ർ​ഷ​ക​രും ചെ​റു​കി​ട വ്യ​വ​സാ​യി​ക​ളും ക​ച്ച​വ​ട​ക്കാ​രും അ​ട​ക്ക​മു​ള്ള സാ​ധാ​ര​ണ​ക്കാ​ർ ത​ക​ർ​ന്ന​ടി​യും. ആ​ർ​സി​ഇ​പി ഇ​ല്ലാ​തെ ത​ന്നെ ഇ​ന്ത്യ​യി​ലെ മൊ​ത്തം ഇ​റ​ക്കു​മ​തി​യു​ടെ 35 ശ​ത​മാ​ന​വും ഇ​പ്പോ​ൾ ഈ 15 ​രാ​ജ്യ​ങ്ങ​ളി​ൽ നി​ന്നാ​ണ്. ക​യ​റ്റു​മ​തി​യു​ടെ വെ​റും 20 ശ​ത​മാ​ന​മേ തി​രി​ച്ചു​ള്ളൂ. ഇ​തി​ൽ ത​ന്നെ ചൈ​ന​യി​ൽ നി​ന്ന് ഇ​നി​യു​ണ്ടാ​കു​ന്ന ഇ​റ​ക്കു​മ​തി ഭീ​ഷ​ണി പ്ര​വ​ച​നാ​തീ​ത​മാ​ണ്. ക​രാ​റി​ല്ലാ​തെ ത​ന്നെ ചൈ​നീ​സ് ഉ​ത്പ​ന്ന​ങ്ങ​ൾ രാ​ജ്യ​ത്തി​ന്‍റെ മു​ക്കി​നും മൂ​ല​യി​ലു​മു​ണ്ട്.


ചൈ​ന​യു​മാ​യി 2013-14ൽ 3,600 ​കോ​ടി ഡോ​ള​ർ ആ​യി​രു​ന്ന വ്യാ​പാ​ര ക​മ്മി ക​ഴി​ഞ്ഞ സാ​ന്പ​ത്തി​ക വ​ർ​ഷം ആ​യ​പ്പോ​ൾ 5,300 കോ​ടി ഡോ​ള​റാ​യാ​ണു കൂ​ടി​യ​ത്. ഇ​ന്തോ​നേ​ഷ്യ, മ​ലേ​ഷ്യ, താ​യ്‌​ല​ൻ​ഡ്, വി​യ​റ്റ്നാം, ഫി​ലി​പ്പീ​ൻ​സ്, സിം​ഗ​പ്പൂ​ർ എ​ന്നീ ആ​സി​യാ​ൻ രാ​ജ്യ​ങ്ങ​ൾ 2010ൽ ​ചൈ​ന​യു​മാ​യി ഉ​ണ്ടാ​ക്കി​യ സ്വ​ത​ന്ത്ര​വ്യാ​പാ​ര ക​രാ​ർ മാ​ത്രം മ​തി​യാ​കും ഇ​ന്ത്യ​ക്കു​ള്ള വ​ലി​യ മു​ന്ന​റി​യി​പ്പ്.

നീ​തി ആ​യോ​ഗ് 2017ൽ ​പ്ര​സി​ദ്ധീ​ക​രി​ച്ച റി​പ്പോ​ർ​ട്ട​നു​സ​രി​ച്ച് ചൈ​ന​യു​മാ​യി 5,300 കോ​ടി ഡോ​ള​റി​ന്‍റെ അ​ധി​ക വ്യാ​പാ​രം ഉ​ണ്ടാ​യി​രു​ന്ന ഈ ​ആ​റ് ആ​സി​യാ​ൻ രാ​ജ്യ​ങ്ങ​ൾ​ക്ക് ചൈ​ന​യു​മാ​യി ക​രാ​ർ ഉ​ണ്ടാ​ക്കി​യ​ശേ​ഷം എ​ല്ലാം തി​രി​ച്ച​ടി​ച്ചു. 2016ൽ ​എ​ത്തി​യ​പ്പോ​ൾ ത​ന്നെ 5,400 കോ​ടി ഡോ​ള​റി​ന്‍റെ വ്യാ​പാ​ര ക​മ്മി​യാ​ണ് ആ​സി​യാ​നി​ലെ പ്ര​ബ​ല രാ​ജ്യ​ങ്ങ​ൾ​ക്കു​ണ്ടാ​യ​ത്.

അ​ഞ്ചു വ​ർ​ഷ​ത്തെ വ​ൻ​ ന​ഷ്ടം

പ​തി​വു​പോ​ലെ ഇ​ന്ത്യ​യു​ടെ ക​യ​റ്റു​മ​തി ല​ക്ഷ്യം നേ​ടി​ല്ലെ​ന്നു മാ​ത്ര​മ​ല്ല, ഇ​റ​ക്കു​മ​തി​ക​ൾ രാ​ജ്യ​ത്തി​ന്‍റെത​ന്നെ സ​ന്പ​ദ്ഘ​ട​ന​യു​ടെ കു​ഴി​തോ​ണ്ടും. ഇ​തു​വ​രെ​യു​ള്ള എ​ല്ലാ സ്വ​ത​ന്ത്ര വ്യാ​പാ​ര ക​രാ​റു​ക​ളും വ​രു​ത്തി​യ​തി​നേ​ക്കാ​ൾ ഭീ​ക​ര​മാ​കും സ്ഥി​തി. അ​നി​യ​ന്ത്രി​ത ഇ​റ​ക്കു​മ​തി ചെ​റു​ക്കാ​നാ​യി ഓ​ട്ടോ ട്രി​ഗ​ർ എ​ന്ന അ​വ​കാ​ശ വ്യ​വ​സ്ഥ ഡ​യ​റി ഉ​ത്പ​ന്ന​ങ്ങ​ൾ അ​ട​ക്ക​മു​ള്ള​വ​യ്ക്കു കൊ​ണ്ടു​വ​രു​മെ​ന്നാ​ണു കേ​ന്ദ്ര വാ​ണി​ജ്യ മ​ന്ത്രാ​ല​യം അ​വ​കാ​ശ​പ്പെ​ടു​ന്ന​ത്. സ്വ​ത​ന്ത്ര്യ വ്യാ​പാ​ര ക​രാ​റു​ക​ൾ ന​ട​പ്പി​ലാ​യാ​ൽ ഇ​ത്ത​രം സം​ര​ക്ഷ​ണ​മൊ​ന്നും ഫ​ലി​ക്കി​ല്ല എ​ന്ന​തും സ​ർ​ക്കാ​രി​നും ബോ​ധ്യ​മു​ള്ള​താ​ണ്.

ആ​സി​യാ​ൻ രാ​ജ്യ​ങ്ങ​ളും ആ​ർ​സി​ഇ​പി​യി​ലെ ചൈ​ന​യും ജ​പ്പാ​നും അ​ട​ക്ക​മു​ള്ള രാ​ജ്യ​ങ്ങ​ളു​മാ​യു​ള്ള വ്യാ​പാ​ര​ത്തി​ൽ നി​ല​വി​ൽ ത​ന്നെ ഇ​ന്ത്യ​ക്കു വ​ലി​യ ക്ഷീ​ണ​മാ​ണ്. ആ​ർ​സി​ഇ​പി​യി​ലെ 15 രാ​ജ്യ​ങ്ങ​ളു​മാ​യു​ള്ള 2018-19ലെ ​ഇ​ന്ത്യ​യു​ടെ വ്യാ​പാ​ര ക​മ്മി 10,050 കോ​ടി ഡോ​ള​റാ​ണ്. ന​രേ​ന്ദ്ര മോ​ദി സ​ർ​ക്കാ​ർ അ​ധി​കാ​ര​ത്തി​ലെ​ത്തി​യ 2014ൽ 6,300 ​കോ​ടി ഡോ​ള​ർ ആ​യി​രു​ന്നു. അ​ഞ്ചു വ​ർ​ഷം കൊ​ണ്ട ു വ്യാ​പാ​ര ന​ഷ്ട​ത്തി​ലെ വ​ർ​ധ​ന 3,750 കോ​ടി ഡോ​ള​ർ (2.70 ല​ക്ഷം കോ​ടി രൂ​പ) ആ​ണെ​ന്ന​ത് അ​തീ​വ​ഗൗ​ര​വ​മു​ള്ള​താ​ണ്.

പാ​ലൊ​ഴി​കെ​യെ​ല്ലാം വെ​ള്ള​ത്തി​ൽ

പ​ക്ഷേ കാ​ർ​ഷി​ക ക​യ​റ്റു​മ​തി​യു​ടെ കാ​ര്യ​ത്തി​ൽ പ​ട​വ​ല​ങ്ങ പോ​ലെ താ​ഴോ​ട്ടാ​ണ് ഇ​ന്ത്യ​യു​ടെ പോ​ക്ക്. കാ​ർ​ഷി​ക ക​യ​റ്റു​മ​തി​യു​ടെ മൂ​ന്നി​ൽ ര​ണ്ടും അ​രി, ഡെ​യ​റി ഉ​ത്പ​ന്ന​ങ്ങ​ൾ, മാം​സം, തു​ക​ൽ തു​ട​ങ്ങി​യ​വ​യാ​ണ്. ക​യ​റ്റു​മ​തി പ്രോ​ൽ​സാ​ഹ​ന​ത്തി​നാ​യി കേ​ന്ദ്ര​സ​ർ​ക്കാ​ർ ചെ​ല​വ​ഴി​ക്കു​ന്ന തു​ക​യു​ടെ ഭൂ​രി​ഭാ​ഗ​വും കാ​ർ​ഷി​കേ​ത​ര ഉ​ത്പ​ന്ന​ങ്ങ​ൾ​ക്കാ​ണ്. കേ​ര​ള​ത്തി​ലെ റ​ബ​ർ, ഏ​ലം, കു​രു​മു​ള​ക് അ​ട​ക്ക​മു​ള്ള നാ​ണ്യ​വി​ള​ക​ൾ​ക്ക് ആ​ക​ട്ടെ ഇ​റ​ക്കു​മ​തി​യാ​ണു വി​ല്ല​ൻ.

ഗു​ജ​റാ​ത്ത്, യു​പി, ബി​ഹാ​ർ, ഹ​രി​യാ​ന തു​ട​ങ്ങി​യ സം​സ്ഥാ​ന​ങ്ങ​ളി​ലെ വ​ൻ​കി​ട ക്ഷീ​ര​ക​ർ​ഷ​ക ലോ​ബി പ്ര​തി​ഷേ​ധം ഉ​യ​ർ​ത്തി​യ​പ്പോ​ൾ പാ​ൽ മേ​ഖ​ല​യെ മാ​ത്രം ക​രാ​റി​ൽനി​ന്നു മാ​റ്റി സം​ര​ക്ഷി​ക്കു​മെ​ന്നാ​ണു കേ​ന്ദ്ര​സ​ർ​ക്കാ​രി​ലെ ചി​ല​രു​ടെ വാ​ഗ്ദാ​നം. രാ​ഷ്‌​ട്രീ​യ കി​സാ​ൻ മ​സ്ദൂ​ർ സം​ഘി​ന്‍റെ ആ​ഭി​മു​ഖ്യ​ത്തി​ൽ കേ​ര​ളം അ​ട​ക്കം 13 സം​സ്ഥാ​ന​ങ്ങ​ളി​ലെ നാ​ൽ​പ​തോ​ളം ക​ർ​ഷ​ക സം​ഘ​ട​ന​ക​ൾ രാ​ജ്യ​വ്യാ​പ​ക​മാ​യി ദേ​ശീ​യ​പാ​ത​ക​ൾ ഉ​പ​രോ​ധി​ക്കു​ക​യും വാ​ണി​ജ്യ- വ്യ​വ​സാ​യ- റെ​യി​ൽ മ​ന്ത്രി പി​യൂ​ഷ് ഗോ​യ​ലി​ന്‍റെ കോ​ലം ക​ത്തി​ക്കു​ക​യും ചെ​യ്യു​മെ​ന്നു ഭീ​ഷ​ണി വ​ന്ന​പ്പോ​ഴാ​ണ് ക്ഷീ​ര​ക​ർ​ഷ​ക​ർ​ക്കു സം​ര​ക്ഷ​ണം തേ​ടാ​ൻ സ​ർ​ക്കാ​ർ ആ​ലോ​ചി​ക്കു​ന്ന​ത്.

അ​മേ​രി​ക്ക​യി​ലെ വി​സ്കോ​ൻ​സി​ൻ- മാ​ഡി​സ​ണ്‍ യൂ​ണി​വേ​ഴ്സി​റ്റി​യി​ലെ അ​ഗ്രി​ക​ൾ​ച്ച​റ​ൽ ആ​ൻ​ഡ് അ​പ്ലൈ​ഡ് ഇ​ക്ക​ണോ​മി​ക്സ് പ്ര​ഫ​സ​റാ​യ ഇ​യാ​ൻ കോ​ക്സ്ഹെ​ഡ് ഏ​താ​നും മാ​സം മു​ന്പു ന​ട​ന്ന ഒ​രു കൂ​ടി​ക്കാ​ഴ്ച​യി​ൽ പ​റ​ഞ്ഞ​താ​ണ് ഓ​ർ​മ​യി​ൽ വ​രു​ന്ന​ത്. ​“കേ​ര​ളം അ​ട​ക്ക​മു​ള്ള സം​സ്ഥാ​ന​ങ്ങ​ളി​ലെ കാ​ർ​ഷി​ക മേ​ഖ​ല​യു​ടെ വ​ള​ർ​ച്ച​യ്ക്ക് ആ​വ​ശ്യ​മാ​യ പ്രോ​ൽ​സാ​ഹ​നം ന​ൽ​കി​യാ​ലേ ആ​ഗോ​ള​ത​ല​ത്തി​ൽ ഇ​ന്ത്യ​ക്ക് ഇ​നി മു​ന്നേ​റാ​നാ​കൂ. ഭ​ക്ഷ്യ​സം​സ്ക​ര​ണം അ​ട​ക്ക​മു​ള്ള മൂ​ല്യ​വ​ർ​ധി​ത കാ​ർ​ഷി​കോ​ത്പ​ന്ന​ങ്ങ​ളു​ടെ ക​യ​റ്റു​മ​തി​യാ​ണു പ്ര​ധാ​നം. ഐ​ടി ക​ന്പ​നി​ക​ളു​ടെ ലാ​ഭം കൊ​ണ്ടു​മാ​ത്രം ഇ​ന്ത്യ​യു​ടെ സ​മ​ഗ്ര​പു​രോ​ഗ​തി​യും വി​ക​സ​ന​വും നേ​ടാ​നാ​കി​ല്ല.”

പി​ൻ​മാ​റ്റംത​ന്നെ പോം​വ​ഴി

രാ​ജ്യ​ത്തി​നും ജ​ന​ങ്ങ​ൾ​ക്കും വ​ലി​യ ന​ഷ്ട​വും ക​ഷ്ട​വും ഉ​ണ്ടാ​കു​ന്ന ആ​ർ​സി​ഇ​പി ക​രാ​റി​ൽ നി​ന്നു പി​ന്മാ​റു​ക മാ​ത്ര​മാ​ണ് ഇ​ന്ത്യക്കു ക​ര​ണീ​യം. പ​ന്ത്ര​ണ്ടു രാ​ജ്യ​ങ്ങ​ളു​മാ​യി അ​മേ​രി​ക്ക 2016 ഫെ​ബ്രു​വ​രി നാ​ലി​ന് ഒ​പ്പു​വ​ച്ച ട്രാ​ൻ​സ് പ​സ​ഫി​ക് സ​ഹ​ക​ര​ണ​ത്തി​ൽ നി​ന്ന് പ്ര​സി​ഡ​ന്‍റ് ഡോ​ണാ​ൾ​ഡ് ട്രം​പ് പി​ന്മാ​റി​യ​ത് പ്ര​ധാ​ന​മ​ന്ത്രി മോ​ദി​ക്ക് പാ​ഠ​മാ​ക​ണം. അ​ധി​കാ​ര​മേ​റ്റ ശേ​ഷം 2017 ജ​നു​വ​രി 23ന് ​പ്ര​ത്യേ​ക പ്ര​സി​ഡ​ൻ​ഷ്യ​ൽ മെ​മ്മോ​റാ​ണ്ടത്തി​ലൂ​ടെ​യാ​യി​രു​ന്നു അ​മേ​രി​ക്ക​യു​ടെ പി​ന്മാ​റ്റം.

രാ​ജ്യ​താ​ത്പ​ര്യ​ങ്ങ​ൾ​ക്കും സാ​ധാ​ര​ണ​ക്കാ​ർ​ക്കും ബാ​ധ​ക​മാ​കു​ന്ന അ​ന്താ​രാ​ഷ്‌​ട്ര ക​രാ​റു​ക​ളി​ൽ ഏ​ർ​പ്പെ​ടു​ന്ന​തി​നു മു​ന്പു നി​യ​മ​സ​ഭ​ക​ളി​ലും പാ​ർ​ല​മെ​ന്‍റി​ലും വി​ശ​ദ​മാ​യ ച​ർ​ച്ച​ക​ൾ അ​നി​വാ​ര്യ​മാ​ണ്. ല​ക്ഷ​ക്ക​ണ​ക്കി​നു ജ​ന​ങ്ങ​ളെ ദോ​ഷ​ക​ര​മാ​യി ബാ​ധി​ക്കു​ന്ന ആ​ർ​സി​ഇ​പി ക​രാ​റി​നെ​തി​രേ ജ​ന​രോ​ഷം ഉ​യ​ർ​ന്നാ​ലേ സ​ർ​ക്കാ​രു​ക​ൾ ക​ണ്ണു​തു​റ​ക്കൂ​വെ​ന്ന പി​ടി​വാ​ശി വേ​ണ്ട. ചെ​റു​കി​ട ഇ​ട​ത്ത​രം വ്യ​വ​സാ​യ​ങ്ങ​ൾ​ക്കും വ്യാ​പാ​രി​ക​ൾ​ക്കും കാ​ർ​ഷി​ക മേ​ഖ​ല​യ്ക്കും ക​ടു​ത്ത പ്ര​തി​സ​ന്ധി സൃ​ഷ്ടി​ക്കു​ന്ന സ്വ​ത​ന്ത്ര വ്യാ​പാ​ര ക​രാ​റി​ൽ നി​ന്നു പി​ന്മാ​റി ക​ർ​ഷ​ക​ർ ഉ​ൾ​പ്പെ​ടെ​യു​ള്ള രാ​ജ്യ​ത്തെ സാ​ധാ​ര​ണ പൗ​ര​ന്മാ​ർ​ക്കു സം​ര​ക്ഷ​ണ​വും പ്രോ​ൽ​സാ​ഹ​ന​വും ഉ​റ​പ്പാ​ക്കാ​ൻ കേ​ന്ദ്ര​സ​ർ​ക്കാ​ർ ഇ​നി​യും അ​മാ​ന്തി​ക്ക​രു​ത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.