കലാലയങ്ങള്‍ മൂല്യങ്ങളുടെ ഗര്‍ഭഗൃഹം
അ​ക്ര​മ​വും അ​രാ​ജ​ക​ത്വ​വും ക​ലാ​ല​യ​ങ്ങ​ളെ കാ​ര്‍ന്നു​തി​ന്നു​മ്പോ​ള്‍ കാ​മ്പ​സു​ക​ള്‍ ഭീ​തി​യു​ടെ​യും അ​ശാ​ന്തി​യു​ടെ​യും ഉ​റ​വി​ട​ങ്ങ​ളാ​യി​ത്തീ​രു​ന്നു. അ​തി​ഭ​യ​ങ്ക​ര​മാ​യ ത​ക​ര്‍ച്ച​യാ​ണി​ത്. ഇ​ന്ത്യ​ന്‍ മ​ന​സി​ന് അ​ഹിം​സ​യു​ടെ ഒ​രു അ​ടി​ത്ത​റ​യു​ണ്ട്. അ​തി​നെ ത​ക​ര്‍ക്കാ​ന്‍ കാ​മ്പ​സു​ക​ളെ നാം ​അ​നു​വ​ദി​ക്ക​രു​ത്. അ​റി​വു​ള്ള സ​മൂ​ഹ​ത്തി​ന്‍റെ വീ​ഴ്ച​യാ​ണ് കാ​ട​ത്ത​ത്തി​ന്‍റെ ശ​ക്തി. അ​ക്ര​മ​രാ​ഷ്‌ട്രീ​യം രാ​ഷ്‌ട്രീ​യ ക​ക്ഷി​ക​ളെ​ത്ത​ന്നെ കാ​ല​ഹ​ര​ണ​പ്പെ​ടു​ത്തു​ക​യാ​ണെ​ന്നു രാ​ഷ്‌ട്രീ​യ നേ​തൃ​ത്വം തി​രി​ച്ച​റി​യ​ണം. കാ​മ്പ​സു​ക​ള്‍ ഇ​ന്ന് വി​ക​ല​മാ​യ പ്ര​ത്യ​യ​ശാ​സ്ത്ര​ങ്ങ​ളു​ടെ ആ​ധി​ക്യ​ത്തി​ല്‍ ന​ശി​പ്പി​ക്ക​പ്പെ​ടു​ന്നു. സാ​ധാ​ര​ണ​ക്കാ​രാ​യ വി​ദ്യാ​ര്‍ഥി​ക​ളു​ടെ അ​വ​കാ​ശ​ങ്ങ​ളും സ്വ​പ്ന​ങ്ങ​ളും വി​സ്മ​രി​ക്ക​പ്പെ​ടു​ന്നു. സ​മാ​ധാ​ന​ത്തി​നു​ള്ള നൊബേ​ല്‍ സ​മ്മാ​നം ല​ഭി​ച്ച ആ​ല്‍ബ​ര്‍ട്ട് ഷൈ​റ്റ്‌​സ്‌വ​ര്‍ പ​റ​ഞ്ഞു​വ​ച്ച​തു​പോ​ലെ ""ക​ട​ന്നു​പോ​യ ത​ല​മു​റ​ക്കാ​രെ അ​പേ​ക്ഷി​ച്ച് ന​മ്മു​ടെ മാ​ന​സി​ക​വും ആ​ത്മീ​യ​വു​മാ​യ നി​ല​വാ​രം വ​ല്ലാ​തെ താ​ഴ്ന്നു​പോ​യി​രി​ക്കു​ന്നു. അ​ത്ര​യു​മ​ല്ല, പ​ല കാ​ര്യ​ങ്ങ​ളി​ലും നാം ​പ​ഴ​യ നേ​ട്ട​ങ്ങ​ളെ വി​റ്റുതി​ന്നു​ക​യാ​ണു ചെ​യ്യു​ന്ന​തും. ത​ല്‍ഫ​ല​മാ​യി ന​മ്മു​ടെ കൈ​വ​ശ​മു​ള്ള പാ​ര​മ്പ​ര്യം ക്ഷ​യി​ച്ചു ക്ഷ​യി​ച്ചു വ​രി​ക​യാ​ണ്.''

ചി​ന്ത​യു​ടെ ആ​ധി​പ​ത്യ​മാ​ണ് കാ​മ്പ​സു​ക​ളി​ല്‍ ശീ​ല​ത്തി​ന്‍റെ അ​ടി​മ​ത്ത​ത്തേ​ക്കാ​ള്‍ മു​ന്നി​ല്‍ നി​ല്‍ക്കേ​ണ്ട​ത്. ക​ലാ​ല​യ​ങ്ങ​ള്‍ രാ​ഷ്‌ട്രീ​യ പാ​ര്‍ട്ടി​ക​ള്‍ക്ക് അം​ഗ​ങ്ങ​ളെ ഉ​റ​പ്പാ​ക്കാ​നു​ള്ള റി​ക്രൂ​ട്ടി​ംഗ് ഏ​ജ​ന്‍സി​യാ​യി അ​ധഃ​പ​തി​ക്ക​രു​ത്. കാ​മ്പ​സു​ക​ളി​ല്‍ രാ​ഷ്‌ട്രീ​യ പ്ര​സ്ഥാ​ന​ങ്ങ​ള്‍ വി​ദ്യാ​ര്‍ഥി​ക​ളി​ല്‍ രാ​ഷ്‌ട്രീ​യ അ​വ​ബോ​ധം ഉ​ണ്ടാ​ക്കി​യെ​ടു​ക്കേ​ണ്ട​തി​നും അ​വ​രു​ടെ നീ​തി​പൂ​ര്‍വ​ക​വും ന്യാ​യ​പൂ​ര്‍ണ​വു​മാ​യ താ​ത്പ​ര്യ​ങ്ങ​ളെ സം​ര​ക്ഷി​ക്കു​ന്ന​തി​നും അ​വ​രു​ടെ ചി​ന്താ​ശ​ക്തി​യി​ല്‍നി​ന്നു പു​തി​യ പു​തി​യ കാ​ര്യ​ങ്ങ​ള്‍ മാ​ന​വ​സേ​വ​യ്ക്കാ​യി പു​റ​ത്തു​കൊ​ണ്ടു​വ​രു​ന്ന​തി​നു​മാ​ണ് ശ്ര​ദ്ധി​ക്കേ​ണ്ട​ത്. ക​ലാ​ല​യ അ​ന്ത​രീ​ക്ഷ​ത്തി​ല്‍ വ​ര്‍ധി​ച്ചു​വ​രു​ന്ന സ​മ​ര​ങ്ങ​ളും കൊ​ല​പാ​ത​ക​ങ്ങ​ളും ആ​ത്മ​ഹ​ത്യ​ക​ളും ചേ​രി​തി​രി​വു​ക​ളും കാ​മ്പ​സി​നു​ള്ളി​ലു​ള്ള വി​ദ്യാ​ര്‍ഥി​ക​ളെ​യും അ​ധ്യാ​പ​ക​രെയും കാ​മ്പ​സി​നു പു​റ​ത്തു​ള്ള എ​ഴു​ത്തു​കാ​രെ​യും സാം​സ്‌​കാ​രി​ക പ്ര​വ​ര്‍ത്ത​ക​രെ​യും രാ​ഷ്‌ട്രീ​യ നേ​തൃ​ത്വ​ത്തെ​യും ഒ​രു​പോ​ലെ ആ​ഴ​ത്തി​ല്‍ ചി​ന്തി​പ്പി​ക്ക​ണം. വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ ല​ക്ഷ്യ​ത്തെ ത​ക​ര്‍ക്കു​ന്ന സ​മീ​പ​ന​ങ്ങ​ളും പ്ര​ത്യ​യ​ശാ​സ്ത്ര​ങ്ങ​ളും ജ​നാ​ധി​പ​ത്യ​ത്തി​നും ദേ​ശീ​യ​ത​യ്ക്കും ഭാ​ര​ത​ത്തി​ന്‍റെ ഭാ​വി​ക്കും ഒ​രു​പോ​ലെ അ​പ​ക​ട​ക​ര​മാ​ണ്. ഭ​ര​ണ​കൂ​ട​ങ്ങ​ള്‍ രാ​ഷ്‌ട്ര​സ്വ​ത്വ​ത്തെ ത​ക​ര്‍ക്കു​ന്ന സ​മീ​പന​ശൈ​ലി സ്വീ​ക​രി​ക്ക​രു​ത്.

ക​ലാ​ല​യ​ങ്ങ​ള്‍ രാ​ഷ്‌ട്രീ​യ പാ​ര്‍ട്ടി​ക​ളു​ടെ പ​രി​ശീ​ല​ന​ക്ക​ള​രി​ക​ളാ​യി മാ​റ​രു​ത്. ന​മ്മു​ടെ കാ​മ്പ​സു​ക​ള്‍ വി​ല​യി​രു​ത്ത​പ്പെ​ടേ​ണ്ട​ത് അ​ക്കഡേമി​ക് ഓ​ഡി​റ്റിന്‍റെ അ​ടി​സ്ഥാ​ന​ത്തി​ലാ​ക​ണം. എ​ന്നാ​ല്‍ ഇ​ന്ന് ഒ​രു രാ​ഷ്‌ട്രീ​യ ഓ​ഡി​റ്റി​ംഗ് മാ​ത്ര​മേ ന​ട​ക്കു​ന്നു​ള്ളൂ​വെ​ന്ന​ത് ദുഃ​ഖ​ക​ര​മാ​ണ്. വി​ദ്യാ​ര്‍ഥി​ക​ള്‍ ച​ര്‍ച്ച ചെ​യ്യേ​ണ്ട​തും ഇ​ട​പെ​ടേ​ണ്ട​തും രാ​ഷ്‌ട്ര​ത്തി​ന്‍റെ പൊ​തു​വാ​യ പ്ര​ശ്‌​ന​ങ്ങ​ളെ​പ്പ​റ്റി​യും അ​വ​യെ അ​ഭി​മു​ഖീ​ക​രി​ക്കു​ന്ന​തി​നു​ള്ള മാ​ര്‍ഗ​ങ്ങ​ളെ​ക്കു​റി​ച്ചു​മാ​ണ്. കാ​മ്പസു​ക​ള്‍ രാ​ഷ്‌ട്രീ​യം മാ​ത്രം ച​ര്‍ച്ച​ചെ​യ്യു​ന്ന വേ​ദി​ക​ളാ​യി മാ​റ​രു​ത്. ഇ​ന്ത്യ​ന്‍ രാ​ഷ്‌ട്ര​പ​തി​യാ​യി​രു​ന്ന ഡോ. ​എ.പി.​ജെ. അ​ബ്ദു​ള്‍ ക​ലാം പ​രാ​മ​ര്‍ശി​ക്കു​ന്ന​തു​പോ​ലെ ഇ​ന്ത്യ​യി​ലെ യു​വ​ക്ക​ളോ​ട് പ​റ​യാ​ന്‍ എ​നി​ക്കൊ​രു സ​ന്ദേ​ശ​മു​ണ്ട്. ""എ​ല്ലാ യു​വ​ജ​ന​ങ്ങ​ള്‍ക്കും അ​ജ​യ്യ​മാ​യ മ​നോ​ബ​ലം വേ​ണം. അ​ജ​യ്യ​മാ​യ ഈ ​മ​നോ​ബ​ല​ത്തി​ന് ര​ണ്ട് ഘ​ട​ക​ങ്ങ​ളുണ്ട്. നി​ങ്ങ​ള്‍ക്ക് ഒ​രു ല​ക്ഷ്യ​മു​ണ്ടാ​വു​ക​യും അ​തി​നാ​യി പ്ര​വ​ര്‍ത്തി​ക്കു​ക​യും വേ​ണ​മെ​ന്ന​താ​ണ് ആ​ദ്യ​ത്തേ​ത്. നി​ങ്ങ​ള്‍ അ​ധ്വാ​നി​ക്കു​മ്പോ​ള്‍ തീ​ര്‍ച്ച​യാ​യും എ​ന്തെ​ങ്കി​ലും പ്ര​ശ്‌​ന​ങ്ങ​ള്‍ ഉ​ണ്ടാ​വു​മെ​ന്ന കാ​ര്യം ഉ​റ​പ്പാ​ണെ​ന്ന​താ​ണ് ര​ണ്ടാ​മ​ത്തേ​ത്. കാ​മ്പ​സു​ക​ളി​ല്‍ ജ്വ​ലി​ക്കു​ന്ന മ​ന​സു​ക​ള്‍ അ​ജ​യ്യ​മാ​യ മ​നോ​ബ​ല​ത്തോ​ടെ പ്ര​വ​ര്‍ത്തി​ക്കു​ക​യും വി​രാ​ജി​ക്കു​ക​യും ചെ​യ്യു​മ്പോ​ള്‍ സ​മ്പ​ല്‍സ​മൃ​ദ്ധ​വും സ​ന്തു​ഷ്ട​വും സു​ര​ക്ഷി​ത​വു​മാ​യ ഇ​ന്ത്യ​യു​ണ്ടാ​വു​മെ​ന്ന് ഉ​റ​പ്പാ​കു​ന്നു.'' കാ​മ്പ​സി​ലെ ഭീ​ക​ര​ത​യും നി​ഷ്‌​ക്രി​യ​ത്വ​വും മൂ​ലം രാ​ഷ്‌ട്ര​ത്തി​നും പൊ​തു സ​മൂ​ഹ​ത്തി​നു​മു​ണ്ടാ​കു​ന്ന ന​ഷ്ട​ത്തെ​ക്കു​റി​ച്ച് നാം ​മ​റ​ന്നു​പോ​ക​രു​ത്. രാ​ഷ്‌ട്രം ക​ലാ​ല​യ​ങ്ങ​ള്‍ക്ക് പ​ഠ​ന​ത്തി​നും ഗ​വേ​ഷ​ണ​ത്തി​നും മ​റ്റു​മാ​യി ന​ല്‍കു​ന്ന കോ​ടി​ക്ക​ണ​ക്കി​നു തു​ക വേ​ണ്ട​രീ​തി​യി​ല്‍ ഉ​പ​ക​രി​ക്ക​പ്പെ​ടാ​തെ പോ​കു​ന്ന​ത്് ന​മ്മു​ടെ വി​ദ്യാ​ഭ്യാ​സ സ​മ്പ്ര​ദാ​യ​ത്തി​ന്‍റെ നി​ല​വാ​ര​ത്ത​ക​ര്‍ച്ച​യ്ക്കും ബൗ​ദ്ധി​ക സ​മ്പ​ത്തി​ന്‍റെ ശോ​ഷ​ണ​ത്തി​നും കാ​ര​ണ​മാ​യി​ത്തീ​രു​ന്നു. സ്വാ​മി വി​വേ​കാ​ന​ന്ദ​ന്‍ പ്ര​സം​ഗി​ച്ച​തു​പോ​ലെ ""നി​ങ്ങ​ളു​ടെ ത​ല​ച്ചോ​റി​ല്‍ പ്ര​വേ​ശി​ച്ച് അ​വി​ടെ ആ​ജീ​വ​നാ​ന്ത​ക​ലാ​പം സൃ​ഷ്ടി​ക്കു​ന്ന സം​സ്‌​ക​രി​ക്ക​പ്പെ​ടാ​ത്ത വി​വ​ര​ത്തി​ന്‍റെ അ​ള​വ​ല്ല വി​ദ്യാ​ഭ്യാ​സം. ജീ​വി​ത​ത്തെ നി​ര്‍മി​ക്കു​ന്ന, മ​നു​ഷ്യ​നെ നി​ര്‍മി​ക്കു​ന്ന, സ്വ​ഭാ​വ​ത്തെ നി​ര്‍മി​ക്കു​ന്ന ആ​ശ​യ​സ്വാം​ശീ​ക​ര​ണം ന​മു​ക്കു​ണ്ടാ​വ​ണം.'' നി​ഷേ​ധാ​ത്മ​ക​മാ​യ വി​ദ്യാ​ഭ്യാ​സ​രീ​തി​യും ക​ലാ​ല​യ​ങ്ങ​ളും ജീ​വ​ന​റ്റ അ​സ്ഥി കൂ​മ്പാ​ര​ത്തെ സൃ​ഷ്ടി​ക്കു​ന്നു. ന​മ്മു​ടെ വി​ദ്യാ​ര്‍ഥി​ക​ള്‍ക്ക് ന​ല്ല ത​ല​ച്ചേ​റു​ണ്ട് എ​ന്നാ​ല്‍ ഹൃ​ദ​യ​മി​ല്ല എ​ന്ന അ​വ​സ്ഥ​യി​ലാ​ക​രു​ത്. ആ​ര്‍ദ്ര​ത​യി​ല്ലാ​ത്ത പ​രി​ശീ​ല​നക്ക​ള​രി​ക​ള്‍ വെ​ളി​ച്ച​ത്തേ​ക്കാ​ള്‍ കൂ​ടു​ത​ല്‍ അ​ന്ധ​കാ​ര​മാ​ണ് പ​ക​രു​ന്ന​ത്.

മ​ദ്യ​പാ​ന​വും മ​യ​ക്കു​മ​രു​ന്നും പോ​ലെ കാ​മ്പ​സു​ക​ളി​ലെ അ​രാ​ജക​ത്വം ഒ​രു മാ​റാ​വ്യാ​ധി​യാ​യി ന​മ്മു​ടെ ക​ലാ​ല​യ​ങ്ങ​ളെ വി​ഴു​ങ്ങു​ന്നു. അ​ക്ഷ​ര​ക്ഷേ​ത്ര​ങ്ങ​ള്‍ കു​രു​ക്ഷേ​ത്ര​ങ്ങ​ളാ​യി അ​ധഃ​പ​തി​ക്ക​രു​ത്. വി​ക്ട​ര്‍ ഹ്യൂ​ഗോ പ​രാ​മ​ര്‍ശി​ച്ച​തു​പോ​ലെ ""ഒ​രു വി​ദ്യാ​ല​യം തു​റ​ക്കു​മ്പോ​ള്‍ ഒ​രു ജ​യി​ല്‍ അ​ട​യ്ക്ക​പ്പെ​ടു​ന്നു.'' എ​ന്ന​ത് ഒ​രു വൈ​രു​ധ്യ​മാ​യി ന​മ്മു​ടെ ഇ​ട​യി​ല്‍ നി​ല​നി​ല്‍ക്കു​ന്നു. ഇ​ന്ന് ക​ലാ​ല​യ​ങ്ങ​ള്‍ ജ​യി​ലു​ക​ളാ​യി മാ​റ്റ​പ്പെ​ടു​ന്ന​ത് ആ​ശ​ങ്കജ​ന​ക​മാ​യ സ്ഥി​തി​വി​ശേ​ഷ​മാ​ണ്. രാ​ഷ്‌ട്രീ​യ പാ​ര്‍ട്ടി​ക​ളു​ടെ അ​ജ​ണ്ട കൈ​മാ​റ്റം ചെ​യ്യു​ന്ന​വ​രാ​യി മാ​ത്രം അധ്യാ​പ​ക​രും വി​ദ്യാ​ര്‍ഥി നേ​തൃ​ത്വ​വും മാ​റ​രു​ത്. രാ​ഷ്‌ട്രീ​യ ച​ര്‍ച്ച​ക​ളും മാ​ഗ​സി​നു​ക​ളും അ​സോ​സി​യേ​ഷ​നു​ക​ളും സെ​മി​നാ​റു​ക​ളും മ​റ്റും കാ​മ്പ​സു​ക​ളി​ല്‍ നി​യ​മ​രാ​ഹി​ത്യ​വും അ​ച്ച​ട​ക്ക​മി​ല്ലാ​യ്മ​യും വ​ള​ര്‍ത്തു​ന്ന​ത് അ​പ​ക​ട​ക​ര​മാ​ണ്. വി​ശ്വ​പ്ര​സി​ദ്ധ വി​ദ്യാ​ഭ്യാ​സ വി​ചി​ന്ത​ക​നാ​യ വി​ശു​ദ്ധ ജോ​ണ്‍ ഹെ​ൻറി ന്യൂ​മാ​ന്‍ ഓ​ര്‍മി​പ്പി​ക്കു​ന്ന​തു​പോ​ലെ ""സ​ര്‍വ​ക​ലാ​ശാ​ലാ പ​രി​ശീ​ല​നം സ​മൂ​ഹ​ത്തി​ന്‍റെ ബൗ​ദ്ധി​ക​സ്വ​രം ഉ​യ​ര്‍ത്തു​ന്ന​തി​നു​ള്ള മി​ക​ച്ച മാ​ര്‍ഗ​മാ​ണ്. വി​ദ്യാ​ഭ്യാ​സ​മെ​ന്ന​ത് മ​നു​ഷ്യ​ര്‍ക്ക് സ്വ​ന്തം അ​ഭി​പ്രാ​യ​ങ്ങ​ളെ​ക്കു​റി​ച്ചും ന്യാ​യ​വി​ധി​ക​ളെ​ക്കു​റി​ച്ചും വ്യ​ക്ത​വും ബോ​ധപൂ​ര്‍വ​ക​വു​മാ​യ കാ​ഴ്ച​പ്പാ​ട് ന​ല്‍കു​ന്ന​താ​ണ്.'' കാ​മ്പ​സ് നി​ഷ്‌​ക്രി​യ​ത്വം ബൗ​ദ്ധി​ക നി​ല​വാ​ര​ത്തി​നും വി​ദ്യാ​ഭ്യാ​സ ല​ക്ഷ്യ​ങ്ങ​ള്‍ക്കും തു​ര​ങ്കം വ​യ്ക്കു​ന്നു.


ക​ലാ​ല​യ​ങ്ങ​ള്‍ എ​ല്ലാ​ക്കാ​ല​ത്തും പ്രാ​ധാ​ന്യം കൊ​ടു​ക്കേ​ണ്ട​ത് "അ​റി​വ് ന​ല്‍കു​ക' എ​ന്ന ദി​വ്യ​മാ​യ ക​ര്‍മ​ത്തി​നാ​ണ്. അ​റി​വി​നേ​ക്കാ​ള്‍ സ്വാ​ധീ​ന​വ​ത്ക​ര​ണം എ​ന്ന​ത് കാ​മ്പ​സ് അ​ന്ത​രീ​ക്ഷ​ത്തി​ന് ചേ​ര്‍ന്ന സ​മീ​പ​ന​ശൈ​ലി​യ​ല്ല. സ​മാ​ധാ​ന​ത്തി​നും ആ​രോ​ഗ്യ​ത്തി​നും ധാ​ര്‍മി​ക​ത​യ്ക്കും പ്രാ​ധാ​ന്യം ന​ല്‍കു​ന്ന മൂ​ല്യ​ക്ര​മ​മാ​ണ് ക​ലാ​ല​യ​ങ്ങ​ളി​ല്‍ വേ​രോ​ടേ​ണ്ട​ത്. ക​ലാ​ല​യ​ങ്ങ​ളി​ല്‍ അ​ച്ച​ട​ക്ക​രാ​ഹി​ത്യം എ​ന്ന ഇ​ത്തി​ൾക്ക​ണ്ണി വ​ള​രു​ക​യും ക​ലാ​ല​യം എ​ന്ന ത​ടി​മ​രം ന​ശി​ക്കു​ക​യും ചെ​യ്യു​ക​യാ​ണി​പ്പോ​ള്‍. ഇ​ന്ത്യ ഇ​ന്ന് ഒ​രു വ​ലി​യ ത​മോ​ഗ​ര്‍ത്ത​ത്തി​ലൂ​ടെ ക​ട​ന്നു പോ​കു​ക​യാ​ണ്. മൂ​ല്യ​ങ്ങ​ളു​ടെ നാ​ശ​മാ​ണ് ഇ​തി​നു കാ​ര​ണം. ക​ലാ​ല​യ​ങ്ങ​ള്‍ ക​ല​ഹ​ത്തി​ന് പ്രേ​ര​ക​മാ​ക​രു​ത്; അ​വ ക​ല​ഹം അ​വ​സാ​നി​പ്പി​ക്കാ​നു​ള്ള​താ​ണ്. വി​ദ്യാ​ല​യ​ങ്ങ​ള്‍ സാ​ഹോ​ദ​ര്യ​ത്തി​ന്‍റെ​യും മാ​ന​വി​ക​ത​യു​ടെ​യും ഗ​ര്‍ഭ​ഗൃ​ഹ​ങ്ങ​ളാ​യി​ത്തീ​ര​ണം. വി​ദ്യാ​ല​യ​ത്തെ ദേവാ​ല​യംപോ​ലെ പ​വി​ത്ര​മാ​യി​ക്കാ​ണു​ന്ന സം​സ്‌​കാ​ര​മാ​ണ് ന​മ്മു​ടേ​ത്. സ​മ്പ​ത്ത് ക​ണ്ടു​കെ​ട്ടാം. രാ​ജാ​വി​നു നി​കു​തി​യാ​യി കൊ​ണ്ടു​പോ​കാം. അ​ത് വ​ഴി​യാ​ത്ര​യ്ക്ക് ബു​ദ്ധി​മു​ട്ടാ​ണ്. എ​ന്നാ​ല്‍ രാ​ജാ​വി​നോ ക​ള്ള​നോ ക​വ​രാ​ന്‍ സാ​ധി​ക്കാ​ത്ത​ത് ന​മ്മു​ടെ അ​റി​വാ​ണ് എ​ന്ന് വി​ദ്യാ​ര്‍ഥി​ക​ള്‍ തി​രി​ച്ച​റി​യ​ണം. അ​ക്ര​മ​ത്തി​നു മു​ന്‍പി​ല്‍ അ​റി​വ് പ​രാ​ജ​യ​പ്പെ​ടു​ന്ന​ത് ന​മ്മു​ടെ സം​സ്‌​കൃ​തിയു​ടെ അ​പ​ച​യ​മാ​ണ്. ഭാ​ര​ത​ത്തി​ന്‍റെ തോ​ല്‍വി​യാ​ണ്.

"ഇ​ടി​മു​റി​ക​ളും ക്രി​മി​ന​ലു​ക​ളും' നി​റ​ഞ്ഞ ക​ലാ​ല​യ​ങ്ങ​ള്‍ അ​ക്ഷ​ര​ങ്ങ​ളെ, അ​റി​വി​നെ സ്‌​നേ​ഹി​ക്കു​ന്ന​വ​രു​ടെ ഹൃ​ദ​യ​ത്തി​ലേ​ല്‍പ്പി​ക്കു​ന്ന മു​റി​വാ​ണ്. വി​ദ്യാ​ല​യ​ങ്ങ​ളു​ടെ ക്ലാ​സ് മു​റി​ക​ളി​ല്‍ നി​ന്നു ആ​യു​ധ​ശേ​ഖ​ര​ങ്ങ​ള്‍ ക​ണ്ടെ​ടു​ക്കു​ന്നു​വെ​ന്ന​തും ന​മ്മെ ല​ജ്ജി​പ്പി​ക്ക​ണം. കാ​മ്പ​സു​ക​ളി​ല്‍ ഉ​ണ്ടാ​കേ​ണ്ട​ത് പു​സ്ത​ക ശേ​ഖ​ര​ങ്ങ​ളും അ​റി​വി​നോ​ടും സ​ത്യ​ത്തോ​ടും സ​മാ​ധാ​ന​ത്തോ​ടും അ​ഹിം​സ​യോ​ടും പ്ര​തി​ബ​ദ്ധ​ത​യു​ള്ള അ​ധ്യാ​പ​ക​രും വി​ദ്യാ​ര്‍ഥി​ക​ളു​മാ​ണ്. ന​മ്മു​ടെ ക​ലാ​ല​യ​ങ്ങ​ളെ കീ​ഴ്‌​പ്പെ​ടു​ത്തി​യി​രി​ക്കു​ന്ന അ​ക്ര​മ​ത്തി​ന്‍റെ അ​രാ​ജ​ക​ത്വ​ത്തി​ന്‍റെ അ​ന്ധ​ത​യെ നാം ​തി​രി​ച്ച​റി​യ​ണം. ന​മ്മു​ടെ കാ​മ്പ​സു​ക​ളു​ടെ ഉ​പ്പ് എ​ന്നു പ​റ​യു​ന്ന​ത് അ​റി​വു പ​ക​ര്‍ന്നു​കൊ​ടു​ക്കാ​നും നേ​ടാ​നു​മു​ള്ള വി​ശാ​ല​മാ​യ മ​നോ​ഭാ​വ​മാ​ണ്. അ​റി​വി​നോ​ടു​ള്ള ആ​ഭി​മു​ഖ്യം ന​ഷ്ട​പ്പെ​ട്ടാ​ല്‍ ന​മ്മു​ടെ ക​ലാ​ല​യ​ങ്ങ​ള്‍ ഉ​റ ന​ഷ്ട​പ്പെ​ട്ട ഉ​പ്പു​പോ​ലെ​യാ​യി​ത്തീ​രും. ""പു​സ്ത​ക​ങ്ങ​ളാ​ണ് സം​സ്‌​കാ​ര​ങ്ങ​ളെ ത​മ്മി​ല്‍ ബ​ന്ധി​പ്പി​ക്കു​ന്ന പാ​ല​ങ്ങ​ളെ​ന്ന്'' ഡോ.​എ​സ്.​ രാ​ധാ​കൃ​ഷ്ണ​ന്‍റെ വാ​ക്കു​ക​ള്‍ ന​മ്മു​ടെ യു​വ​ജ​ന​ങ്ങ​ള്‍ മ​റ​ക്ക​രു​ത്. അ​ക്ഷ​ര​ങ്ങ​ളെ സ്‌​നേ​ഹി​ക്കാ​ത്ത​വ​ര്‍ക്ക് അ​റി​വി​നെ ഉ​ള്‍കൊ​ള്ളു​വാ​ന്‍ ക​ഴി​യു​ക​യി​ല്ല. ""ബ​ല​മോ നി​ര്‍ബ​ന്ധ​മോ ഔ​ദ്യോ​ഗി​ക സ്ഥാ​ന​മോ സ​മ്പ​ല്‍ പ്ര​താ​പ​മോ ഇ​ല്ലാ​തെ ഇ​ന്ത്യ​യു​ടെ പ​ര​മോ​ന്ന​ത നേ​താ​വാ​യി​ത്തീ​ര്‍ന്ന ഗാ​ന്ധി​ജി'' എ​ന്ന ജ​വ​ഹ​ര്‍ലാ​ല്‍ നെ​ഹ്‌​റു​വിന്‍റെ വാ​ക്കു​ക​ള്‍ ന​മ്മു​ടെ വി​ദ്യാ​ര്‍ഥി​ക​ള്‍ വി​സ്മ​രി​ക്ക​രു​ത്. ന​മ്മു​ടെ കാ​മ്പ​സു​ക​ളി​ല്‍ ഗാ​ന്ധി​മാ​ര്‍ഗ​ത്തി​ന്‍റെ വ​ഴി​വി​ള​ക്കു​ക​ള്‍ തെ​ളി​ക്കു​വാ​ന്‍ ന​മു​ക്ക് ക​ഴി​യ​ണം. അ​ക്ര​മ​ത്തി​ല്‍ ധീ​ര​ത​യി​ല്ല; ക്രൂ​ര​ത​യേ​യു​ള്ളു. ത്യാ​ഗ​ത്തി​ലും ക​ഷ്ട​പ്പാ​ടി​ലും അ​ഹിം​സ​യി​ലു​മാ​ണ് ധീ​ര​ത കു​ടികൊള്ളു​ന്ന​ത്.

ക​ലാ​ല​യ​ങ്ങ​ളു​ടെ ല​ക്ഷ്യം ശാ​സി​ക്കാ​നും ശി​ക്ഷി​ക്കു​വാ​നും ആ​ളു​ക​ളി​ല്ലാ​തെത​ന്നെ ധ​ര്‍മ​നി​ഷ്ഠ​വും സ​ത്യ​സ​ന്ധ​വു​മാ​യ ജീ​വി​തം ന​യി​ക്കു​ന്ന യു​വ​ത​ല​മു​റ​യെ വാ​ര്‍ത്തെ​ടു​ക്കു​ക​യെ​ന്ന​താ​ണ്. ക​ലാലയ​ങ്ങ​ള്‍ വി​ദ്യാ​ര്‍ഥി​ക​ളെ പ​ഠി​പ്പി​ക്കേ​ണ്ട​ത് ആ​കാ​ശ​ത്തി​ല്‍ പ​ക്ഷി​ക​ളെ​പ്പോ​ലെ പ​റ​ക്കാ​നോ വെ​ള്ള​ത്തി​ല്‍ മ​ത്സ്യ​ങ്ങ​ളെ​പ്പോ​ലെ സൈ്വ​ര്യ​മാ​യി നീ​ന്താ​നോ അ​ല്ല; ഭൂ​മി​യി​ല്‍ മ​നു​ഷ്യ​രെ​പ്പോ​ലെ ന​ട​ക്കു​വാ​നാ​ണ്. മ​നു​ഷ്യ​സ്‌​നേ​ഹി​ക​ളെ, വി​ശ്വ​പൗ​ര​ന്മാ​രെ വാ​ര്‍ത്തെ​ടു​ക്കു​ന്ന ത​റ​വാ​ടു​ക​ളാ​യി ക​ലാ​ല​യ​ങ്ങ​ള്‍ മാ​റ​ട്ടെ. ഗ​വ​ണ്‍മെ​ന്‍റും ഭ​ര​ണ​ക​ര്‍ത്താ​ക്ക​ളും ഉ​ന്ന​ത​മാ​യ മൂ​ല്യ​ങ്ങ​ള്‍ക്കു​വേ​ണ്ടി സ്വ​ാര്‍ഥ​താ​ല്പ​ര്യ​ങ്ങ​ളെ ബ​ലി ക​ഴി​ക്കു​വാ​ന്‍ തയാ​റാ​ക​ണം. ഇ​ന്ത്യ​യി​ലെ ക​ലാ​ല​യങ്ങ​ളെ ഉ​ന്ന​ത​നി​ല​വാ​ര​മു​ള്ള അ​ക്ഷ​ര​ക്ഷേ​ത്ര​ങ്ങ​ളാ​യി വ​ള​ര്‍ത്തി യു​വ​ത​ല​മു​റ​യെ വി​ശ്വ​പൗ​ര​ന്‍മാ​രാ​യി ന​മു​ക്കു വാ​ര്‍ത്തെ​ടു​ക്കാം.

ബി​ഷ​പ് ജോ​സ​ഫ് ക​ല്ല​റ​ങ്ങാ​ട്ട്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.