കു​ത്ത​ക വി​ള​വെ​ടു​പ്പി​നു വ​ള​മി​ടു​ന്പോ​ൾ
ക​ർ​ഷ​ക​നു വേ​ണ്ടി വി​ത​യ്ക്കാ​തെ വി​ള​വെ​ടു​ക്കാ​നു​ള്ള ത​ന്ത്ര​മാ​ണു കേ​ന്ദ്ര സ​ർ​ക്കാ​ർ ന​ട​ത്തു​ന്ന​ത്. കൃ​ഷി​യും അ​നു​ബ​ന്ധ മേ​ഖ​ല​ക​ളു​മാ​ണ് ഇ​ന്നും ഇ​ന്ത്യ​യി​ലെ ഏ​റ്റ​വും വ​ലി​യ ജീ​വ​നോ​പാ​ധി. ഗ്രാ​മീ​ണ മേ​ഖ​ല​യി​ലെ 70 ശ​ത​മാ​നം പേ​രും പ്ര​ധാ​ന​മാ​യും കൃ​ഷി​യെ ആ​ശ്ര​യി​ച്ചാ​ണു ജീ​വി​തം പോ​റ്റു​ന്ന​ത്. രാ​ജ്യ​ത്തെ മൊ​ത്തം ക​ർ​ഷ​ക​രു​ടെ 82 ശ​ത​മാ​നം പേ​രും ചെ​റു​കി​ട, ഇ​ട​ത്ത​രം, നാ​മ​മാ​ത്ര കൃ​ഷി​ക്കാ​രു​മാ​ണ്. എ​ന്നി​ട്ടും ഏ​റ്റ​വു​മ​ധി​കം പ്ര​തി​സ​ന്ധി​യും ക​ഷ്ട​പ്പാ​ടു​ക​ളും ദു​രി​ത​ങ്ങ​ളും അ​നു​ഭ​വി​ക്കു​ന്ന​തു ക​ർ​ഷ​ക​രും ക​ർ​ഷ​ക​ത്തൊ​ഴി​ലാ​ളി​ക​ളു​മാ​ണ്.

വി​ദേ​ശ വ്യാ​പാ​ര ക​രാ​റു​ക​ൾ മു​ത​ൽ കോ​ർ​പ​റേ​റ്റ് ക​ന്പ​നി​ക​ളു​ടെ​യും വ​ൻ​കി​ട വ്യാ​പാ​രി​ക​ളു​ടെ​യും വ്യ​വ​സാ​യി​ക​ളു​ടെ​യും ഇ​ട​നി​ല​ക്കാ​രു​ടെ​യും ചൂ​ഷ​ണ​ങ്ങ​ളും ഏ​ക​പ​ക്ഷീ​യ ന​ട​പ​ടി​ക​ളു​മാ​ണു ക​ർ​ഷ​ക​ർ​ക്കു വി​ന​യാ​യ​ത്. ഗാ​ട്ടും ആ​സി​യാ​നും മ​ലേ​ഷ്യ, ശ്രീ​ല​ങ്ക തു​ട​ങ്ങി​യ രാ​ജ്യ​ങ്ങ​ളു​മാ​യു​ള്ള വ്യാ​പാ​ര ക​രാ​റു​ക​ളും ആ​ഘാ​ത​മാ​യി. ഇ​റ​ക്കു​മ​തി​യി​ലൂ​ടെ വി​ല​യി​ടി​ച്ചു കൊ​ള്ള​ലാ​ഭം കൊ​യ്യാ​നു​ള്ള ട​യ​ർ വ്യ​വ​സാ​യ ലോ​ബി​യു​ടെ അ​ത്യാ​ഗ്ര​ഹം പ്രോ​ൽ​സാ​ഹി​പ്പി​ക്കു​ന്ന കേ​ന്ദ്ര​സ​ർ​ക്കാ​ർ ന​ട​പ​ടി​ക​ളും പ​ത്തു ല​ക്ഷ​ത്തി​ലേ​റെ ചെ​റു​കി​ട റ​ബ​ർ ക​ർ​ഷ​ക​രു​ടെ ത​ക​ർ​ച്ച​യ്ക്കു കാ​ര​ണമായി.

യു​പി​എ സ​ർ​ക്കാ​രി​ന്‍റെ തെ​റ്റാ​യ ന​യ​ങ്ങ​ൾ തു​ട​രു​ന്ന എ​ൻ​ഡി​എ സ​ർ​ക്കാ​ർ ഇ​പ്പോ​ൾ റ​ബ​ർ ബോ​ർ​ഡി​നെ​യും ഫ​ല​ത്തി​ൽ ഇ​ല്ലാ​താ​ക്കു​ന്നു. കേ​ര​ള​ത്തി​ലെ റ​ബ​ർ മു​ത​ൽ കു​രു​മു​ള​ക്, നാ​ളി​കേ​രം, അ​ട​യ്ക്ക, നെ​ല്ല്, തേ​യി​ല, കാ​പ്പി, ഏ​ലം, ഗ്രാ​ന്പൂ, മ​ഞ്ഞ​ൾ, ഇ​ഞ്ചി തു​ട​ങ്ങി പ​ച്ച​ക്ക​റി, വാ​ഴ, പ​ഴ​ങ്ങ​ൾ, പു​ക​യി​ല വ​രെ​യു​ള്ള കൃ​ഷി​ക​ളെ​ല്ലാം പ്ര​തി​സ​ന്ധി​യി​ലാ​യ​തും വി​ല​ത്ത​ക​ർ​ച്ച പ​തി​വാ​കു​ന്ന​തി​നും കാ​ര​ണം വ​ൻ​കി​ട​ക്കാ​രെ സ​ഹാ​യി​ക്കു​ന്ന സ​ർ​ക്കാ​രു​ക​ളു​ടെ ന​യ​ങ്ങ​ളും പ​ദ്ധ​തി​ക​ളും ത​ന്നെ.

ക​ർ​ഷ​ക​നു ക​ടി​ഞ്ഞാ​ണി​ട​രു​ത്

സ്വ​ന്തം കൃ​ഷി​യി​ട​ത്തി​ൽ യ​ഥേ​ഷ്ടം കൃ​ഷി ചെ​യ്യാ​ൻ പോ​ലും ക​ർ​ഷ​ക​നു സ്വാ​ത​ന്ത്ര്യ​മി​ല്ല. തോ​ട്ട​ങ്ങ​ളി​ൽ ഫ​ല​വൃ​ക്ഷ​ങ്ങ​ൾ വ​ള​ർ​ത്തു​ന്ന​തി​നു ക​ർ​ഷ​ക​ർ​ക്കു നി​യ​ന്ത്ര​ണ​ങ്ങ​ളു​ണ്ട്. തോ​ട്ടം മേ​ഖ​ല ച​രി​ത്ര​ത്തി​ലെ ഏ​റ്റ​വും വ​ലി​യ പ്ര​തി​സ​ന്ധി​യാ​ണു നേ​രി​ടു​ന്ന​ത്. കോ​വി​ഡ് കൂ​ടി വ​ന്ന​തോ​ടെ പ്ര​ശ്നം അ​തീ​വ​ രൂ​ക്ഷ​മാ​ണ്. ഇ​ക്കാ​ര്യം ക​ണ​ക്കി​ലെ​ടു​ത്തു ക​ർ​ഷ​ക​രെ സ​ഹാ​യി​ക്കേ​ണ്ട​തു സ​ർ​ക്കാ​രി​ന്‍റെ ക​ട​മ​യും ഉ​ത്ത​ര​വാ​ദി​ത്വ​വു​മാ​ണ്, ഔ​ദാ​ര്യ​മ​ല്ല.

തോ​ട്ട​ങ്ങ​ളി​ൽ പ​ഴം, പ​ച്ച​ക്ക​റി അ​ട​ക്ക​മു​ള്ള കൃ​ഷി​ക്ക് അ​നു​മ​തി ന​ൽ​ക​ണ​മെ​ന്ന​താ​ണ് ആ​വ​ശ്യം. നി​ല​വി​ൽ തോ​ട്ടം ആ​ണെ​ങ്കി​ൽ 15 ഏ​ക്ക​ർ വ​രെ ഒ​രു വ്യ​ക്തി​ക്കു കൈ​വ​ശം വ​യ്ക്കാ​മെ​ന്ന​താ​ണു നി​യ​മം. എ​ന്നാ​ൽ, ഫ​ല​വൃ​ക്ഷ​ങ്ങ​ളോ, പ​ച്ച​ക്ക​റി​ക​ളോ കൃ​ഷി ചെ​യ്താ​ൽ ഈ ​പ​രി​ര​ക്ഷ ഇ​ല്ലാ​താ​കും. തോ​ട്ട​ങ്ങ​ളു​ടെ അ​ഞ്ചു ശ​ത​മാ​നം പ്ര​ദേ​ശ​ത്ത് ഹോം​സ്റ്റേ അ​ട​ക്ക​മു​ള്ള ടൂ​റി​സം പ​ദ്ധ​തി​ക​ൾ​ക്കും അ​നു​മ​തി ന​ൽ​കേ​ണ്ട​തു​ണ്ട്.

തോ​ട്ട​ത്തി​ന്‍റെ 20 ശ​ത​മാ​നം മാ​ത്രം പ​ഴ​വ​ർ​ഗ​ങ്ങ​ളു​ടെ കൃ​ഷി​ക്ക് അ​നു​വ​ദി​ക്കാ​മെ​ന്ന കൃ​ഷി​വ​കു​പ്പി​ന്‍റെ നി​ല​പാ​ടു പോ​ലും ക​ർ​ഷ​ക​ർ​ക്കു ഗു​ണ​ക​ര​മാ​കി​ല്ല. നൂ​റും ആ​യി​ര​വും ഏ​ക്ക​ർ വ​രു​ന്ന വ​ൻ​കി​ട തോ​ട്ട​ങ്ങ​ളു​ടെ 20 ശ​ത​മാ​നം പ്ര​ദേ​ശ​ത്തു ന്യാ​യ​മാ​യി കൃ​ഷി ചെ​യ്യാ​നാ​കും. എ​ന്നാ​ൽ 30, 35 ഏ​ക്ക​റു​ള്ള​വ​ർ​ക്ക് ആ​ദാ​യ​ക​ര​മാ​യി മ​റ്റു കൃ​ഷി ചെ​യ്യാ​ൻ ക​ഴി​യി​ല്ല. തോ​ട്ട​ങ്ങ​ളു​ടെ പ​രി​ധി 15ൽ ​നി​ന്ന് 30 ഏ​ക്ക​റും അ​തി​ൽ താ​ഴെ​യു​ള്ള​വ ആ​ക്ക​ണ​മെ​ന്ന കൃ​ഷി​ക്കാ​രു​ടെ ആ​വ​ശ്യ​വും ന്യാ​യ​മാ​ണ്. ഭൂ​പ​രി​ഷ്ക​ര​ണ നി​യ​മം അ​ട​ക്ക​മു​ള്ള​വ​യി​ൽ കാ​ലാ​നു​സൃ​ത മാ​റ്റ​ത്തി​നു സ​ർ​ക്കാ​ർ ഇ​നി​യും വൈ​ക​രു​ത്.

രാ​പ​ക​ലി​ല്ലാ​തെ ക​ർ​ഷ​ക​ർ വി​യ​ർ​പ്പൊ​ഴു​ക്കി അ​ധ്വാ​നി​ച്ചി​ട്ടും ഏ​താ​ണ്ടെ​ല്ലാ കൃ​ഷി​ക​ളും ന​ഷ്ട​ത്തി​ലാ​ണ്. ജീ​വി​ക്കാ​നാ​യി റം​ബു​ട്ടാ​ൻ അ​ട​ക്ക​മു​ള്ള ഫ​ല​വൃ​ക്ഷ​ങ്ങ​ൾ, പു​ഷ്പ കൃ​ഷി, തേ​നീ​ച്ച കൃ​ഷി, മ​ത്സ്യ- ക്ഷീ​ര- പ​ശു- ആ​ട്- കോ​ഴി- കാ​ട​ക്കോ​ഴി- താ​റാ​വ് വ​ള​ർ​ത്ത​ൽ അ​ട​ക്കം ഇ​ഷ്ട​മു​ള്ള കൃ​ഷി ചെ​യ്തു കു​ടും​ബം പോ​റ്റാ​നെ​ങ്കി​ലും ക​ർ​ഷ​ക​രെ അ​നു​വ​ദി​ച്ചേ മ​തി​യാ​കൂ. കൂ​ടു​ത​ൽ സ​ഹാ​യി​ച്ചി​ല്ലെ​ങ്കി​ലും അ​നാ​വ​ശ്യ നി​യ​ന്ത്ര​ണ​ങ്ങ​ളു​മാ​യി ക​ർ​ഷ​ക​രെ ഉ​പ​ദ്ര​വി​ക്കാ​തി​രി​ക്കാ​ൻ സ​ർ​ക്കാ​രു​ക​ൾ ത​യാ​റാ​ക​ണം. അ​തി​ലേ​റെ കൃ​ഷി​യെ​യും ക​ർ​ഷ​ക​നെ​യും ആ​ശ്ര​യി​ച്ചു ജീ​വി​തം പോ​റ്റു​ന്ന ല​ക്ഷ​ക്ക​ണ​ക്കി​നു പാ​വ​പ്പെ​ട്ട തൊ​ഴി​ലാ​ളി​ക​ൾ​ക്കും ചെ​റു​കി​ട ക​ച്ച​വ​ട​ക്കാ​ർ​ക്കും അ​നി​വാ​ര്യ​വു​മാ​ണി​ത്.

ക​ർ​ഷ​കാ​നു​ക​ന്പ ഇ​ല്ലാ​ത്ത ബി​ല്ലു​ക​ൾ

ലോ​ക്സ​ഭ പാ​സാ​ക്കി​യ മൂ​ന്നു വി​വാ​ദ ക​ർ​ഷ​ക ബ​ന്ധ ബി​ല്ലു​ക​ളാ​ണു പു​തി​യ ഭീ​ഷ​ണി. കാ​ർ​ഷി​കോ​ത്പ​ന്ന വ്യാ​പാ​ര വാ​ണി​ജ്യ (പ്ര​മോ​ഷ​ൻ, ഫ​സി​ലി​റ്റേ​ഷ​ൻ) ബി​ൽ, ക​ർ​ഷ​ക (ശക്തീ​ക​ര​ണ സം​ര​ക്ഷ​ണ) ക​രാ​ർ ബി​ൽ എ​ന്നി​വ​യാ​ണു വ്യാ​ഴാ​ഴ്ച രാ​ത്രി വൈ​കി ലോ​ക്സ​ഭ ശ​ബ്ദ​വോ​ട്ടോ​ടെ പാ​സാ​ക്കി​യ​ത്. ഇ​തേ പോ​ലെ ക​ർ​ഷ​ക​ർ​ക്കു ഭീ​ഷ​ണി​യാ​കാ​വു​ന്ന അ​വ​ശ്യ​സാ​ധ​ന നി​യ​മ ഭേ​ദ​ഗ​തി ബി​ൽ ഇ​തി​ന്‍റെ ത​ലേ​ന്നു ലോ​ക്സ​ഭ പാ​സാ​ക്കി​യി​രു​ന്നു.

രാ​ജ്യ​സ​ഭ​യി​ൽ പ്ര​തി​പ​ക്ഷ​ത്തി​നു ശ​ക്തി​യു​ണ്ടെ​ങ്കി​ലും ബി​ല്ലു​ക​ളെ വോ​ട്ടി​നി​ട്ടു പ​രാ​ജ​യ​പ്പെ​ടു​ത്താ​നു​ള്ള അം​ഗ​ബ​ലം എ​ളു​പ്പ​മാ​കി​ല്ല. കോ​ണ്‍ഗ്ര​സ്, ശി​വ​സേ​ന അ​ട​ക്ക​മു​ള്ള വി​ശാ​ല യു​പി​എ​യും ഇ​ട​തു​പാ​ർ​ട്ടി​ക​ളും യു​ഡി​എ​ഫ് വി​ട്ട കേ​ര​ള കോ​ണ്‍ഗ്ര​സ്-​എ​മ്മും ബി​ല്ലി​നെ എ​തി​ർ​ക്കു​ന്നു​ണ്ട്. ക​ർ​ഷ​ക​രോ​ടു തെ​ല്ലെ​ങ്കി​ലും കൂ​റു​ണ്ടെ​ങ്കി​ൽ ജെ​ഡി​യു, തൃ​ണ​മൂ​ൽ, അ​ക​ാലി​ദ​ൾ, ബി​ജെ​ഡി, ടി​ഡി​പി, ടി​ആ​ർ​എ​സ്, എ​ഐ​എ​ഡി​എം​കെ അ​ട​ക്ക​മു​ള്ള പാ​ർ​ട്ടി​ക​ൾ കൂ​ടി ഇ​വ​രോ​ടൊ​പ്പം വി​വാ​ദ ക​ർ​ഷ​ക വി​രു​ദ്ധ ബി​ല്ലു​ക​ളെ എ​തി​ർ​ത്തു തോ​ൽ​പ്പി​ക്കേ​ണ്ട​തു​ണ്ട്.

ക​ർ​ഷ​ക​രെ സ​ഹാ​യി​ക്കാ​നെ​ന്ന പേ​രി​ൽ കേ​ന്ദ്ര​സ​ർ​ക്കാ​ർ കൊ​ണ്ടു​വ​ന്ന മൂ​ന്നു ഓ​ർ​ഡി​ന​ൻ​സു​ക​ൾ​ക്കു പ​ക​ര​മു​ള്ള ബി​ല്ലു​ക​ളാ​ണു ലോ​ക്സ​ഭ​യി​ൽ പാ​സാ​ക്കി​യ​ത്. രാ​ജ്യ​സ​ഭ കൂ​ടി പാ​സാ​ക്കി രാ​ഷ്‌​ട്ര​പ​തി ഒ​പ്പു​വ​ച്ചാ​ൽ നി​യ​മ​മാ​കും. പാ​ർ​ല​മെ​ന്‍റി​ന്‍റെ സെ​ല​ക്ട് ക​മ്മി​റ്റി​ക്കു ബി​ല്ലു​ക​ൾ വി​ട്ടു ച​ർ​ച്ച ചെ​യ്ത് ആ​വ​ശ്യ​മാ​യ ഭേ​ദ​ഗ​തി​ക​ളോ​ടെ രാ​ജ്യ​സ​ഭ പ​രി​ഗ​ണി​ക്ക​ണ​മെ​ന്ന് ഇ​ട​തു​പാ​ർ​ട്ടി​ക​ളും കോ​ണ്‍ഗ്ര​സും ആ​വ​ശ്യ​പ്പെ​ട്ടെ​ങ്കി​ലും വി​ട്ടു​വീ​ഴ്ച ചെ​യ്യാ​ൻ സ​ർ​ക്കാ​രി​നു താ​ത്പ​ര്യ​മി​ല്ല.


സം​സ്ഥാ​ന​ങ്ങ​ളു​ടെ അ​ധി​കാ​ര​ത്തി​ൽ പെ​ടു​ന്ന കാ​ര്യ​ങ്ങ​ളി​ൽ സം​സ്ഥാ​ന സ​ർ​ക്കാ​രു​ക​ളു​മാ​യി കൂ​ടി​യാ​ലോ​ചി​ക്കാ​തെ​യാ​ണു മൂ​ന്നു വി​വാ​ദ ഓ​ർ​ഡി​ന​ൻ​സു​ക​ളും കൊ​ണ്ടു​വ​ന്ന​തെ​ന്ന​തു നി​സാ​ര​മ​ല്ല. ഓ​ർ​ഡി​ന​ൻ​സി​നു പ​ക​ര​മാ​യു​ള്ള ബി​ല്ലു​ക​ൾ രാ​ജ്യ​സ​ഭ​യി​ൽ കൂ​ടി പാ​സാ​ക്കു​ന്ന​തി​നു മു​ന്പാ​യി സ​ർ​വ​ക​ക്ഷി യോ​ഗം വി​ളി​ച്ചു ച​ർ​ച്ച ചെ​യ്യ​ണ​മെ​ന്ന പ്ര​തി​പ​ക്ഷ ആ​വ​ശ്യ​വും ന്യാ​യ​മാ​ണ്.

ക​ർ​ഷ​ക​രോ​ഷം മോ​ടി​യി​ടി​ക്കും

ക​ർ​ഷ​ക വി​രു​ദ്ധ​മെ​ന്ന് പ്ര​ഖ്യാ​പി​ച്ച് അ​കാ​ലി​ദ​ൾ പ്ര​തി​നി​ധി​യാ​യ കേ​ന്ദ്ര ഭ​ക്ഷ്യ​സം​സ്ക​ര​ണ മ​ന്ത്രി ഹ​ർ​സി​മ്ര​ത് കൗ​ർ ബാ​ദ​ൽ മോ​ദി മ​ന്ത്രി​സ​ഭ​യി​ൽ നി​ന്നു രാ​ജി​വ​ച്ച​തു തു​ട​ക്കം മാ​ത്ര​മാ​കും. ഹ​രി​യാ​ന​യി​ലെ ബി​ജെ​പി​യു​ടെ സ​ഖ്യ​ക​ക്ഷി​യാ​യ ദു​ഷ്യ​ന്ത് ചൗ​ട്ടാ​ല​യു​ടെ ജ​ന​നാ​യ​ക് ജ​ന​താ പാ​ർ​ട്ടി​യും (ജെ​ജെ​പി) ബി​ല്ലി​നെ​തി​രേ പ​ര​സ്യ​മാ​യി പ്ര​തി​ഷേ​ധി​ക്കു​ക​യാ​ണ്. ദു​ർ​ബ​ല​മാ​യ പ്ര​തി​പ​ക്ഷ​മെ​ങ്കി​ലും ക​ർ​ഷ​ക​ർ ഉ​ണ​ർ​ന്നാ​ൽ ഏ​തു മോ​ദി​യും വീ​ണേ​ക്കാം.

വി​വാ​ദ ക​ർ​ഷ​ക​ബ​ന്ധ നി​യ​മ​നി​ർ​മാ​ണ​ത്തി​നെ​തി​രേ പ്ര​തി​പ​ക്ഷ പാ​ർ​ട്ടി​ക​ളു​ടെ ആ​ഭി​മു​ഖ്യ​ത്തി​ൽ 25ന് ​പ്ര​ഖ്യാ​പി​ച്ച ഭാ​ര​ത് ബ​ന്ദി​ലും പ്ര​തി​ഷേ​ധം ഇ​ര​ന്പും. ഇ​തി​നു മു​ന്പേ 24 മു​ത​ൽ 26 വ​രെ തു​ട​ർ​ച്ച​യാ​യി ട്രെ​യി​ൻ ത​ട​യ​ൽ സ​മ​രം പ​ഞ്ചാ​ബി​ലെ ക​ർ​ഷ​ക​ർ സം​ഘ​ടി​പ്പി​ക്കു​ന്നു​ണ്ട്. ക​ഴി​ഞ്ഞ ജൂ​ണ്‍ അ​ഞ്ചു മു​ത​ൽ പ​ഞ്ചാ​ബി​ലെ​യും ഹ​രി​യാ​ന​യി​ലെ​യും ക​ർ​ഷ​ക​ർ ദേ​ശീ​യ​പാ​ത ഉ​പ​രോ​ധി​ച്ചു പ്ര​തി​ഷേ​ധം തു​ട​ങ്ങി​യി​രു​ന്നു.

വി​ല​ത്ത​ക​ർ​ച്ച​യും ലോ​ക്ക്ഡൗ​ണും മൂ​ലം പ്ര​തി​സ​ന്ധി​യി​ലാ​യ ക​ർ​ഷ​ക​രെ ചൂ​ഷ​ണ​ത്തി​നാ​യി വി​ട്ടു​കൊ​ടു​ക്കു​ന്ന​തി​നു തു​ല്യ​മാ​കും പു​തി​യ നി​യ​മ​ങ്ങ​ൾ. കാ​ർ​ഷി​കോ​ത്പ​ന്ന​ങ്ങ​ൾ ക​ന്പ​നി​ക​ൾ​ക്കു നേ​രി​ട്ടു വി​ൽ​ക്കാ​ൻ ക​ഴി​യു​മെ​ന്നും ക​ർ​ഷ​ക​ർ​ക്കു ഗു​ണ​ക​ര​മാ​കു​മെ​ന്നു​മാ​ണു പ്ര​ധാ​ന​മ​ന്ത്രി മോ​ദി​യു​ടെ വാ​ദം. കാ​ർ​ഷി​കോ​ത്പ​ന്ന വി​പ​ണ​ന സ​മി​തി​ക​ൾ​ക്കു (അ​ഗ്രി​ക​ൾ​ച്ച​റ​ൽ പ്രൊ​ഡ്യൂ​സ് മാ​ർ​ക്ക​റ്റിം​ഗ് ക​മ്മി​റ്റീ​സ്- എ​പി​എം​സി) പു​റ​ത്ത് ഉ​ത്പ​ന്ന​ങ്ങ​ൾ വി​ൽ​ക്കാം.

കു​ത്ത​ക​ക​ൾ പി​ഴി​ഞ്ഞെ​ടു​ക്കും

വ്യാ​പ​ക ചൂ​ഷ​ണ​ത്തി​നാ​യി ക​ർ​ഷ​ക​രെ വി​ടു​ന്ന​തി​നു തു​ല്യ​മാ​ണു പു​തി​യ മൂ​ന്നു നി​യ​മ​നി​ർ​മാ​ണ​ങ്ങ​ളും. കാ​ർ​ഷി​കോ​ത്പ​ന്ന വി​പ​ണ​നം, അ​വ​ശ്യ​സാ​ധ​ന നി​യ​മ ഭേ​ദ​ഗ​തി, വി​ല​യു​റ​പ്പ്- കാ​ർ​ഷി​ക സേ​വ​ന​ങ്ങ​ൾ എ​ന്നീ മൂ​ന്നു ബി​ല്ലു​ക​ളും ഫ​ല​ത്തി​ൽ ക​ർ​ഷ​ക​രെ കോ​ർ​പ​റേ​റ്റു​ക​ളു​ടെ അ​ടി​മ​ക​ളാ​ക്കും. റി​ല​യ​ൻ​സ്, അ​ദാ​നി​യു​ടെ ബി​ഗ് ബ​സാ​ർ, ബി​ർ​ള​യു​ടെ മോ​ർ പോ​ലെ​യു​ള്ള കോ​ർ​പ​റേ​റ്റ് ക​ന്പ​നി​ക​ൾ​ക്കു മേ​ധാ​വി​ത്വം ന​ൽ​കാ​നാ​ണ് നി​യ​മ​ങ്ങ​ളെ​ന്ന​തും സം​ശ​യ​മ​ല്ല.

പു​തി​യ നി​യ​മ​മ​നു​സ​രി​ച്ച് നി​ല​വി​ലു​ള്ള ച​ന്ത​ക​ൾ വ്യാ​പാ​ര മേ​ഖ​ല​യി​ൽ വ​രി​ല്ലെ​ന്ന​താ​ണു പ​ഞ്ചാ​ബി​ലെ​യും ഹ​രി​യാ​ന​യി​ലെ​യും ക​ർ​ഷ​ക​രെ പ്ര​കോ​പി​പ്പി​ച്ച​ത്. വ്യാ​പാ​രി​യു​ടെ പു​തി​യ വ്യാ​ഖ്യാ​ന​വും പ്ര​ശ്ന​മാ​ണ്. മാ​ർ​ക്ക​റ്റ് ഫീ​സ് നീ​ക്കു​ന്ന വ്യ​വ​സ്ഥ​യി​ലും ക​ർ​ഷ​ക​രും ക​ച്ച​വ​ട​ക്കാ​രും രോ​ഷാ​കു​ല​രാ​ണ്. ച​ർ​ച്ച​ക​ളി​ലൂ​ടെ പ​രാ​തി പ​രി​ഹാ​രം കാ​ണ​ണ​മെ​ന്ന വ്യ​വ​സ്ഥ​യും ത​ങ്ങ​ൾ​ക്കെ​തി​രാ​യി മാ​റു​മെ​ന്നു ക​ർ​ഷ​ക​ർ ആ​ശ​ങ്ക​പ്പെ​ടു​ന്നു.

കാ​ർ​ഷി​കോ​ത്പ​ന്ന വ്യാ​പാ​ര​ത്തി​ലു​ള്ള എ​ല്ലാ നി​യ​ന്ത്ര​ണ​ങ്ങ​ളും എ​ടു​ത്തുക​ള​യു​മെ​ന്നാ​ണു സ​ർ​ക്കാ​രി​ന്‍റെ വാ​ദം. താ​ങ്ങു​വി​ല​ക​ൾ ഫ​ല​ത്തി​ൽ അ​പ്ര​സ​ക്ത​മാ​കും. ചെ​ല​വി​നു​ള്ള വ​രു​മാ​നം പോ​ലും ഇ​ല്ലാ​താ​കു​മെ​ന്ന​താ​ണു ക​ർ​ഷ​ക​രു​ടെ അ​നു​ഭ​വം.

കാ​ർ​ഷി​ക മേ​ഖ​ല​യി​ൽ മ​ത്സ​ര​ത്തി​നു വ​ഴി​തെ​ളി​ക്കു​മെ​ന്നു പ​റ​യു​ന്നു​ണ്ടെ​ങ്കി​ലും ഏ​താ​നും വ​ൻ​കി​ട കൃ​ഷി​ക്കാ​ർ​ക്കാ​കും ഗു​ണം. കോ​ടി​ക്ക​ണ​ക്കി​നു നാ​മ​മാ​ത്ര, ചെ​റു​കി​ട, ഇ​ട​ത്ത​രം ക​ർ​ഷ​ക​ർ​ക്കു വി​പ​രീ​ത ഫ​ല​മാ​കും ഉ​ണ്ടാ​വു​ക. റ​ബ​ർ തോ​ട്ട​ങ്ങ​ൾ, ക​ർ​ഷ​ക​ർ, ചെ​റു​കി​ട ക​ച്ച​വ​ട​ക്കാ​ർ എ​ന്നി​വ​രി​ൽ നി​ന്നു ട​യ​ർ ക​ന്പ​നി​ക​ൾ നേ​രി​ട്ടു റ​ബ​ർ വാ​ങ്ങി​യാ​ൽ ക​ർ​ഷ​ക​നു ഗു​ണം കി​ട്ടി​ല്ലെ​ന്ന ബോ​ധ്യം കേ​ര​ള​ത്തി​ലെ ക​ർ​ഷ​ക​ർ​ക്കെ​ങ്കി​ലും അ​നു​ഭ​വ​മാ​ണ്.

ക​ർ​ഷ​ക ര​ക്ഷ​യാ​ക​ണം ല​ക്ഷ്യം

അ​രി, പ​യ​ർ​വ​ർ​ഗ​ങ്ങ​ൾ അ​ട​ക്ക​മു​ള്ള കാ​ർ​ഷി​കോ​ത്പ​ന്ന​ങ്ങ​ളു​ടെ വി​ല​യി​ൽ 100 ശ​ത​മാ​നം കൂ​ടി​യാ​ൽ മാ​ത്ര​മേ പു​തി​യ ബി​ല്ല​നു​സ​രി​ച്ച് സ​ർ​ക്കാ​ർ ഇ​ട​പെ​ടു​ക​യു​ള്ളൂ. തൊ​ട്ടു​മു​ന്പു​ള്ള 12 മാ​സ​ത്തെ​യോ, അ​ഞ്ചു വ​ർ​ഷ​ത്തെ​യോ ശ​രാ​ശ​രി വി​ല​യു​ടെ ഇ​ര​ട്ടി വ​ർ​ധ​ന ഉ​ണ്ടാ​യാ​ൽ മാ​ത്രമേ അ​വ​ശ്യ​സാ​ധ​ന നി​യ​മ ഭേ​ദ​ഗ​തി​യ​നു​സ​രി​ച്ചു സ​ർ​ക്കാ​രി​ന് വി​പ​ണി​യി​ൽ ഇ​ട​പെ​ടാ​നാ​കൂ.

പ​ഴം, പ​ച്ച​ക്ക​റി​ക​ൾ പോ​ലെ പെട്ടെന്നു നശിക്കുന്ന ഉല്പന്നങ്ങ​ൾ​ക്കും 50 ശ​ത​മാ​ന​ത്തി​ലേ​റെ വി​ല കൂ​ടി​യാ​ൽ മാ​ത്ര​മേ സ​ർ​ക്കാ​രി​ന് ഇ​ട​പെ​ടാ​ൻ ക​ഴി​യു​ക​യു​ള്ളൂ. ചു​രു​ക്ക​ത്തി​ൽ ഓ​രോ വ​ർ​ഷ​വും ഇ​വ​യു​ടെ വി​ല 50 ശ​ത​മാ​നം വ​രെ​യും നോ​ണ്‍ പെ​രീ​ഷ​ബി​ൾ വി​ഭാ​ഗ​ത്തി​ലു​ള്ള​വ​യു​ടെ വി​ല 100 ശ​ത​മാ​നം വ​രെ​യും കൂ​ട്ടാ​ൻ ക​ന്പ​നി​ക​ൾ​ക്കും വ​ലി​യ ഇ​ട​നി​ല​ക്കാ​ർ​ക്കും പ്ര​യാ​സ​മി​ല്ല. ശീ​തീ​ക​ര​ണം ആ​വ​ശ്യ​മി​ല്ലാ​ത്ത​വ​യാ​ണു നോ​ണ്‍ പെ​രീ​ഷ​ബി​ൾ ഭ​ക്ഷ്യ​സാ​ധ​ന​ങ്ങ​ളാ​യി ക​ണ​ക്കാ​ക്കു​ക.

സം​സ്ഥാ​ന​ങ്ങ​ളു​ടെ അ​വ​കാ​ശ​ത്തി​ന്മേ​ലു​ള്ള ക​ട​ന്നു​ക​യ​റ്റ​വും സാ​ധാ​ര​ണ​ക്കാ​രോ​ടും ക​ർ​ഷ​ക​രോ​ടും ക​ർ​ഷ​ക​ത്തൊ​ഴി​ലാ​ളി​ക​ളോ​ടു​മു​ള്ള വെ​ല്ലു​വി​ളി​യാ​ണ് ഈ ​നി​യ​മ​ങ്ങ​ൾ. സാ​ന്പ​ത്തി​ക വ​ള​ർ​ച്ച​യി​ലെ 23.9 ശ​ത​മാ​നം ഇ​ടി​വി​ലും കോ​വി​ഡി​ന്‍റെ ദു​രി​ത​ത്തി​ലും ക​ർ​ഷ​ക​രു​ടെ അ​ധ്വാ​ന​മാ​ണ് ഇ​ന്ത്യ​ക്കു നേ​രി​യ ആ​ശ്വാ​സ​മാ​യ​ത്. വാ​ച​ക​ക്ക​സ​ർ​ത്തു​ക​ളും മു​ദ്രാ​വാ​ക്യ​ങ്ങ​ളു​മ​ല്ല, ക​ർ​ഷ​ക​ര​ക്ഷ​യും ഗ്രാ​മ​ങ്ങ​ളു​ടെ വി​ക​സ​ന​വു​മാ​ക​ണം സ​ർ​ക്കാ​രി​ന്‍റെ ന​യ​ങ്ങ​ളു​ടെ​യും പ​ദ്ധ​തി​ക​ളു​ടെ​യും അ​ടി​സ്ഥാ​നം.

ഡൽഹിഡയറി/ജോർജ് കള്ളിവയലിൽ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.