ഇന്ത്യൻ ഭരണഘടന: വിപ്ലവകരമായ ഒരു സാമൂഹിക രേഖ
ഇ​ന്ത്യ​ൻ ഭ​ര​ണ​ഘ​ട​നാ നിർമാണസ​ഭ ഡോ. ​ബി. ആ​ർ. അം​ബേ​ദ്ക​ർ അ​ധ്യ​ക്ഷ​നും മു​ഹ​മ്മ​ദ് സാ​ദു​ള്ള, ബി.​എ​ൽ. മി​ട്ട​ർ, എ​ൻ. ഗോ​പാ​ല​സ്വാ​മി അ​യ്യ​ങ്കാ​ർ, അ​ല്ലാ​ടി കൃ​ഷ്ണ​സ്വാ​മി അ​യ്യ​ർ, കെ.​എം. മു​ൻ​ഷി, എ​ൻ. മാ​ധ​വ​റാ​വു, ഡി.​പി. ഖെ​യ്ത്താ​ൻ, ടി.​ടി. കൃ​ഷ്ണ​മാ​ചാ​രി എ​ന്നി​വ​ർ അം​ഗ​ങ്ങ​ളു​മാ​യ ഒ​രു ഡ്രാ​ഫ്റ്റിം​ഗ് ക​മ്മി​റ്റി​യെ ഭാ​ര​ത​ത്തി​ന്‍റെ ഭ​ര​ണ​ഘ​ട​ന​യു​ടെ ഒ​രു ക​ര​ട് ത​യാ​റാ​ക്കാ​ൻ നി​യോ​ഗി​ച്ചു. ഇ​വ​ർ ത​യാ​റാ​ക്കി​യ ക​ര​ട്, ഭ​ര​ണ​ഘ​ട​നാ നിർമാണ സ​ഭ സ​മ്മേ​ളി​ച്ച 165 ദി​വ​സ​ങ്ങ​ളി​ൽ 114 ദി​വ​സം ച​ർ​ച്ച ചെ​യ്ത് അം​ഗീ​ക​രി​ച്ച് 1949 ന​വം​ബ​ർ 26 ന് ​അം​ഗ​ങ്ങ​ൾ ഒ​പ്പു​വ​ച്ച​തോ​ടെ ഭാ​ര​ത​ത്തി​ന്‍റെ ഭ​ര​ണ​ഘ​ട​ന​യാ​യി.

രേ​ഖാ​മൂ​ല​മു​ള്ള​ത്, ഏ​റ്റ​വും ദൈ​ർ​ഘ്യ​മേ​റി​യ​ത്, ഫെ​ഡ​റ​ൽ-​പാ​ർ​ല​മെ​ന്‍റ​റി വ്യ​വ​സ്ഥി​തി​ക​ൾ അം​ഗീ​ക​രി​ക്കു​ന്ന​ത്, സ്ഥി​ര​ത​യും ഉ​ത്ത​ര​വാ​ദി​ത്ത​വു​മു​ള്ള ഭ​ര​ണ​നി​ർ​വ​ഹ​ണ​ക്ര​മ​മു​ള്ള​ത്, പൗ​ര​ജ​ന​ങ്ങ​ളു​ടെ​ അ​വ​കാ​ശ​ങ്ങ​ളും അ​വ​രു​ടെ മൗ​ലി​ക​ക​ർ​ത്ത​വ്യ​ങ്ങ​ളും രാ​ഷ്‌​ട്രം പി​ന്തു​ട​രേ​ണ്ടു​ന്ന ന​യ​ങ്ങ​ളും അ​നു​ശാ​സി​ക്ക​ൽ, പ്രാ​യ​പൂ​ർ​ത്തി​യാ​യ​വ​ർ​ക്കെ​ല്ലാം ഒ​രേ​മൂ​ല്യ​മു​ള്ള സ​മ്മ​തി​ദാ​നാ​വ​കാ​ശം, ഭ​ര​ണ​ഘ​ട​നാ​ഭേ​ദ​ഗ​തി​ക്കു​വേ​ണ്ടു​ന്ന നി​ശ്ചി​ത ന​ട​പ​ടി​ക്ര​മം, സ്വ​ത​ന്ത്ര​മാ​യ നീ​തി​ന്യാ​യ​വ്യ​വ​സ്ഥ, കോ​ട​തി​ക​ൾ​ക്കു​ള്ള പ​ര​മോ​ന്ന​ത സ്ഥാ​നം, സുപ്രീം​കോ​ട​തി​വ​രെ ഉ​ൾ​ക്കൊ​ള്ളു​ന്ന കോ​ട​തി​ക​ളു​ടെ അ​ധി​കാ​രാ​ധി​പ​ത്യം തു​ട​ങ്ങി​യ​വ​യാ​ണ് ഇ​ന്ത്യ​ൻ ഭ​ര​ണ​ഘ​ട​ന​യു​ടെ സ​വി​ശേ​ഷ​ത​ക​ൾ.

ഇ​ന്ത്യ​ൻ ഭ​ര​ണ​ഘ​ട​ന​യി​ൽ ഇ​പ്പോ​ൾ 448 അ​നു​ച്ഛേ​ദ​ങ്ങ​ളും 22 ഭാ​ഗ​ങ്ങ​ളും 12 പ​ട്ടി​ക​ക​ളും ഉ​ണ്ട്. ഭ​ര​ണ​ഘ​ട​ന​യു​ടെ സ​വി​ശേ​ഷ​ത ജ​സ്റ്റീ​സ് വി.​ആ​ർ. കൃ​ഷ്ണ​യ്യ​ർ, എ​ൻ.​എം. തോ​മ​സും കേ​ര​ള​സം​സ്ഥാ​ന​വും ത​മ്മി​ലു​ള്ള കേ​സി​ന്‍റെ (1975) വി​ധി​ന്യാ​യ​ത്തി​ൽ ഇ​ങ്ങ​നെ സം​ഗ്ര​ഹി​ച്ചു:

സാമൂഹികരേഖ

പാ​ര​ന്പ​ര്യാ​ധി​ഷ്ഠി​ത അ​ധി​കാ​ര​ങ്ങ​ളു​ടെ അ​ധീ​ന​ത​യി​ലാ​യി​രു​ന്ന ഒ​രു മ​ധ്യ​കാ​ല സ​മൂ​ഹ​ത്തെ ആ​ധു​നി​ക സ​മ​ത്വാ​ധി​ഷ്ഠി​ത ജ​നാ​ധി​പ​ത്യ​വ്യ​വ​സ്ഥി​തി​യി​ലേ​ക്ക് മാ​റ്റു​ക​യെ​ന്ന ല​ക്ഷ്യ​മു​ള്ള പ്രാ​യേ​ണ മ​ഹ​ത്തും വി​പ്ല​വ​ക​ര​വു​മാ​യ ഒ​രു​ സാ​മൂ​ഹി​ക​രേ​ഖ​യാ​ണ് ഇ​ന്ത്യ​ൻ ഭ​ര​ണ​ഘ​ട​ന. ആ ​നി​യ​മ​വ്യ​വ​സ്ഥ പ​ര​ന്പ​രാ​ഗ​ത നി​യ​മ വ്യാ​ഖ്യാ​ന വൈ​ഭ​വ​പ്ര​ക​ട​ന​ത്താ​ല​ല്ല, വി​ശാ​ല​മാ​യ സാ​മൂ​ഹി​ക - ശാ​സ്ത്രീ​യ​സ​മീ​പ​നം കൊ​ണ്ടേ മ​ന​സി​ലാ​ക്കാ​നാ​കൂ.

ഇ​ന്ത്യ​ൻ ഭ​ര​ണ​ഘ​ട​ന ആ​രം​ഭി​ക്കു​ന്ന​ത് ഒ​രു​ ആ​മു​ഖ​ത്തോ​ടെ​യാ​ണ്. ഭ​ര​ണ​ഘ​ട​ന​യ്ക്ക് ആ​ധാ​ര​മാ​യ മു​ഖ്യ​ത​ത്ത്വ​ങ്ങ​ളു​ടെ​യും ത​ത്ത്വ​ശാ​സ്ത്ര​ത്തി​ന്‍റെ​യും മൂ​ർ​ത്തീ​ഭാ​വ​മാ​ണ് ആ​മു​ഖം. ഇ​ത് ഭ​ര​ണ​ഘ​ട​നാ സ്ര​ഷ്ടാ​ക്ക​ളു​ടെ മ​ന​സു​തു​റ​ക്കാ​ൻ സ​ഹാ​യി​ക്കു​ന്നു. ഭ​ര​ണ​ഘ​ട​ന​യു​ടെ ഏ​തെ​ങ്കി​ലും വാ​ക്ക് അ​സ്പ​ഷ്ട​മെ​ന്നോ അ​ർ​ഥ​ശ​ങ്ക​യു​ള​വാ​ക്കു​ന്നു​വെ​ന്നോ വ​ന്നാ​ൽ അ​തി​ന്‍റെ ഉ​ദ്ദേ​ശ്യം മ​ന​സി​ലാ​ക്കാ​നും അ​സ്പ​ഷ്ട​ത ഒ​ഴി​വാ​ക്കാ​നും ആ​മു​ഖം ആ​ധാ​ര​മാ​ക്കാ​മെ​ന്ന് ബെ​റു​ബാ​റി യൂ​ണി​യ​ൻ കേ​സി​ൽ (1960) സു​പ്രീം​കോ​ട​തി നി​രീ​ക്ഷി​ച്ചി​ട്ടു​ണ്ട്. ഭ​ര​ണ​ഘ​ട​ന​യു​ടെ ആ​മു​ഖം അ​തി​ന്‍റെ അ​ന​ശ്വ​ര ചൈ​ത​ന്യ​മാ​ണെും മാ​റ്റം വ​രു​ത്താ​നാ​കാ​ത്ത​താ​ണെും ഗോ​ല​ക്നാ​ഥും പ​ഞ്ചാ​ബ് സം​സ്ഥാ​ന​വും ത​മ്മി​ലു​ള്ള കേ​സി​ൽ (1967) സു​പ്രീം​കോ​ട​തി പ്ര​ഖ്യാ​പി​ച്ചു.

ഭ​ര​ണ​ഘ​ട​ന​യു​ടെ ആ​മു​ഖ​ത്തി​ൽ കേ​വ​ലം 81 വാ​ക്കു​ക​ളി​ൽ (ഇ​പ്പോ​ൾ 85 വാ​ക്കു​ക​ളു​ണ്ട്. നാ​ലു​വാ​ക്കു​ക​ൾ 42-ാം ഭ​ര​ണ​ഘ​ട​നാ​ഭേ​ദ​ഗ​തി​യി​ലൂ​ടെ 1976-ൽ ​കൂ​ട്ടി​ച്ചേ​ർ​ത്തു) ചു​രു​ക്കി പ്ര​തി​പാ​ദി​ച്ചി​ട്ടു​ള്ള അ​ടി​സ്ഥാ​ന​ഘ​ട​ക​ങ്ങ​ളെ ആ​ധാ​ര​മാ​ക്കി നി​ല​നി​ൽ​ക്കു​ന്ന ഒ​രു മ​ഹാ​സൗ​ധ​മാ​ണ് ഇ​ന്ത്യ​ൻ ഭ​ര​ണ​ഘ​ട​ന. ആ​ധാ​ര​ത്തി​ലെ ഏ​തെ​ങ്കി​ലും ഒ​രു ഘ​ട​കം നീ​ക്കം​ചെ​യ്താ​ൽ, മൂ​ല​ഘ​ട​ന നി​ല​നി​ൽ​ക്കു​ക​യി​ല്ലെ​ന്നും അ​ങ്ങ​നെ ചെ​യ്താ​ലു​ണ്ടാ​കു​ന്ന​ത് വ്യ​ത്യ​സ്ത​മാ​യൊ​രു ഭ​ര​ണ​ഘ​ട​ന​യാ​യി​രി​ക്കു​മെ​ന്നും അ​തി​ന് സ്ഥാ​പ​ക​സ്വ​ത്വം നി​ല​നി​റു​ത്താ​ൻ ക​ഴി​യു​ക​യി​ല്ലെ​ന്നും കേ​ശ​വ​നാ​ന​ന്ദ​ഭാ​ര​തി​യും​കേ​ര​ള സം​സ്ഥാ​ന​വും ത​മ്മി​ലു​ള്ള കേ​സി​ന്‍റെ​ വി​ധി​ന്യാ​യ​ത്തി​ൽ (1973) സു​പ്രീം​കോ​ട​തി​യു​ടെ 13 അം​ഗ ഭ​ര​ണ​ഘ​ട​നാ ബെ​ഞ്ച് പ്ര​ഖ്യാ​പി​ച്ചു. ഇ​തേ​ത്തു​ട​ർ​ന്ന് ഭ​ര​ണ​ഘ​ട​ന​യു​ടെ അ​ടി​സ്ഥാ​ന​ഘ​ട​ന എ​ന്നൊ​രു​ സി​ദ്ധാ​ന്തം നി​യ​മ​ശാ​സ്ത്ര​ത്തി​ൽ രൂ​പംകൊ​ണ്ടു. തു​ട​ർ​ന്ന് ഭ​ര​ണ​ഘ​ട​നാ​സം​ബ​ന്ധ​മാ​യ ത​ർ​ക്ക​ങ്ങ​ളു​ടെ നി​ല​നി​ൽ​പ്പ് പ​രി​ശോ​ധി​ക്കു​ന്ന​ത് അ​ടി​സ്ഥാ​ന​ഘ​ട​നാ​സി​ദ്ധാ​ന്തം ആ​ധാ​ര​മാ​ക്കി​യാ​ണ്.


ഭാ​ര​ത​ത്തി​ൽ ജ​നി​ക്കു​ന്ന​തു​കൊ​ണ്ട് സ്വ​യം​ല​ഭി​ക്കു​ന്ന​താ​ണ് ഭാ​ര​തീ​യ പൗ​ര​ജ​ന​ങ്ങ​ളു​ടെ മൗ​ലി​കാ​വ​കാ​ശ​ങ്ങ​ൾ അ​ല്ലെ​ങ്കി​ൽ മൗ​ലി​കാ​ധി​കാ​ര​ങ്ങ​ൾ. ഇ​വ ഭാ​ര​ത​ഭ​ര​ണ​ഘ​ട​ന അ​സ​ന്ദി​ഗ്ധ​മാ​യി ഉ​റ​പ്പു​ന​ൽ​കു​ന്നു.

പൗ​ര​ജ​ന​ങ്ങ​ളു​ടെ മൗ​ലി​കാ​വ​കാ​ശ​ങ്ങ​ളു​മാ​യി പൊ​രു​ത്ത​പ്പെ​ടാ​ത്ത​തോ അ​വ​യ്ക്കു ഭം​ഗം​വ​രു​ത്തു​ന്ന​തോ ആ​യ നി​യ​മ​ങ്ങ​ൾ അ​സാ​ധു​വാ​യി​ത്തീ​രു​മെ​ന്ന് നി​സം​ശ​യം പ്ര​ഖ്യാ​പി​ച്ചു​കൊ​ണ്ടാ​ണ് ഭ​ര​ണ​ഘ​ട​ന മൗ​ലി​കാ​വ​കാ​ശ​ങ്ങ​ൾ വി​ശ​ദീ​ക​രി​ക്കു​ന്ന​ത്.

ജ​ന​ങ്ങ​ളു​ടെ ക്ഷേ​മ​ത്തി​നാ​യി ഒ​രു സാ​മൂ​ഹി​ക​വ്യ​വ​സ്ഥി​തി രാ​ഷ്‌​ട്രം സ​മാ​ർ​ജി​ക്ക​ണ​മെ​ന്ന് ഭ​ര​ണ​ഘ​ട​ന നി​ർ​ദേ​ശി​ക്കു​ന്നു. ഇ​തി​നാ​യി രാ​ജ്യം പി​ന്തു​ട​രേ​ണ്ട ചി​ല ന​യ​ങ്ങ​ളെ​പ്പ​റ്റി ഭ​ര​ണ​ഘ​ട​ന ദി​ശാ​സൂ​ച​ന ന​ൽ​കു​ന്നു​ണ്ട്. അ​വ രാ​ഷ്‌​ട്ര​ന​യ​ത്തി​ന്‍റെ നി​ർ​ദേ​ശ​ക​ത​ത്വ​ങ്ങ​ൾ എന്ന​റി​യ​പ്പെ​ടു​ന്നു.
പ​രി​സ്ഥി​തി സം​ര​ക്ഷ​ണ​വും അ​തി​ന്‍റെ അ​ഭി​വൃ​ദ്ധി​പ്പെ​ടു​ത്ത​ലും മ​ര​ങ്ങ​ളു​ടെ​യും വ​ന്യ​ജീ​വി​ക​ളു​ടെ​യും പ​രി​ര​ക്ഷ​ണ​വും രാ​ഷ്‌​ട്ര​ന​യ​ത്തി​ന്‍റെ നി​ർ​ദേ​ശ​ക​ത​ത്വ​ങ്ങ​ളി​ൽ 1976-ൽ ​ഉ​ൾ​പ്പെ​ടു​ത്തി. ഇ​ന്ത്യ​ൻ പൗ​ര​ൻ​മാ​രു​ടെ മൗ​ലി​ക ക​ർ​ത്ത​വ്യ​ങ്ങ​ളും ഭ​ര​ണ​ഘ​ട​ന നി​ർ​ദേ​ശി​ക്കു​ന്നു. വ​ന​ങ്ങ​ളും ത​ടാ​ക​ങ്ങ​ളും ന​ദി​ക​ളും വ​ന്യ​ജീ​വി​ക​ളും ഉ​ൾ​പ്പെ​ടു​ന്ന സ്വാ​ഭാ​വി​ക​പ​രി​സ്ഥി​തി സം​ര​ക്ഷി​ക്കു​ന്ന​തും അ​ഭി​വൃ​ദ്ധി​പ്പെ​ടു​ത്തു​ന്ന​തും ജീ​വി​ക​ളോ​ട് കാ​രു​ണ്യം പ്ര​ക​ടി​പ്പി​ക്കു​ന്ന​തും പൗ​ര​ജ​ന​ങ്ങ​ളു​ടെ മൗ​ലി​ക​ക​ർ​ത്ത​വ്യ​ങ്ങ​ളാ​യി 1976-ൽ ​കൂ​ട്ടി​ച്ചേ​ർ​ത്ത​തി​ലൂ​ടെ ‘ക്ല​ബ്ബ് ഓ​ഫ് റോം’ ​ന്‍റെ ശി​പാ​ർ​ശ​ക​ൾ ഇ​ന്ത്യ​യു​ടെ ഭ​ര​ണ​ഘ​ട​നാ​ല​ക്ഷ്യ​ങ്ങ​ളാ​യി.

സു​പ്രീംകോ​ട​തി

ഭ​ര​ണ​ഘ​ട​ന​യി​ൽ പ്ര​തി​ഷ്ഠി​ത​മാ​യി​രി​ക്കു​ന്ന ആ​ദ​ർ​ശ​ങ്ങ​ൾ പൗ​ര​ജ​ന​ങ്ങ​ളി​ൽ എ​ത്തു​ന്നു​വെ​ന്ന് ഉ​റ​പ്പു​വ​രു​ത്തേ​ണ്ട​ത് സു​പ്രീം​കോ​ട​തി​യാ​ണ്. സു​പ്രീം​കോ​ട​തി​ക്ക് വി​പു​ല​മാ​യ അ​ധി​കാ​ര​ങ്ങ​ളാ​ണ് ഭ​ര​ണ​ഘ​ട​ന ന​ൽ​കു​ന്ന​ത്. ഇ​ന്ത്യ​ൻ യൂ​ണി​യ​ന്‍റെ​യും സം​സ്ഥാ​ന​ങ്ങ​ളു​ടെ​യും മ​റ്റേ​തെ​ങ്കി​ലും അ​ധി​കാ​ര​സ്ഥാ​ന​ത്തി​ന്‍റെ​യും നി​യ​മാ​നു​സൃ​ത അ​സ്തി​ത്വ​മു​ള്ള സ്ഥാ​പ​ന​ങ്ങ​ളു​ടെ​യും ക​ണ​ക്കു​ക​ൾ​ പ​രി​ശോ​ധി​ക്കാ​നും പാ​ർ​ല​മെ​ന്‍റ് ഉ​ണ്ടാ​ക്കു​ന്ന നി​യ​മ​ത്താ​ലോ ഏ​തെ​ങ്കി​ലും നി​യ​മ​പ്ര​കാ​ര​മോ നി​ർ​ണ​യി​ച്ചി​ട്ടു​ള്ള ക​ർ​ത്ത​വ്യ​ങ്ങ​ൾ അ​നു​ഷ്ഠി​ക്കാ​നും അ​ധി​കാ​ര​ങ്ങ​ൾ പ്ര​യോ​ഗി​ക്കാ​നും ഒ​രു കം​പ്ട്രോ​ള​ർ ആ​ന്‍ഡ് ഓ​ഡി​റ്റ​ർ ജ​ന​റ​ൽ (സി​എ​ജി) സ്ഥാ​നം ഭ​ര​ണ​ഘ​ട​ന അ​നു​ശാ​സി​ക്കു​ന്നു. സി​എ​ജി​യു​ടെ ഉ​പ​ദേ​ശ​ത്തി​ന്മേ​ൽ രാ​ഷ്‌​ട്ര​പ​തി നി​ശ്ച​യി​ക്കു​ന്ന രൂ​പ​ത്തി​ൽ സൂ​ക്ഷി​ക്കേ​ണ്ട​താ​ണ്. ഇ​ന്ത്യ​ൻ യൂ​ണി​യ​ന്‍റെ ക​ണ​ക്കു​ക​ൾ രാ​ഷ്‌​ട്ര​പ​തി ലോ​ക്സ​ഭ​യു​ടെ​യും രാ​ജ്യ​സ​ഭ​യു​ടെ​യും മു​ന്പാ​കെ വ​യ്പി​ക്കേ​ണ്ട​തും സം​സ്ഥാ​ന​ത്തി​ന്‍റെ ക​ണ​ക്കു​ക​ൾ സം​ബ​ന്ധി​ച്ച സി​എ​ജി റി​പ്പോ​ർ​ട്ട് സം​സ്ഥാ​ന ഗ​വ​ർ​ണ​ർ​ക്ക് സ​മ​ർ​പ്പി​ക്കേ​ണ്ട​തും ഗ​വ​ർ​ണ​ർ അ​വ സം​സ്ഥാ​ന നി​യ​മ​സ​ഭ​യി​ൽ വ​യ്പി​ക്കേ​ണ്ട​തു​മാ​ണെ​ന്ന് ഭ​ര​ണ​ഘ​ട​ന അ​നു​ശാ​സി​ക്കു​ന്നു.

ഡോ. ​സി​ന്ധു തു​ള​സീ​ധ​ര​ൻ
(കേ​ര​ള സ​ർ​വ​ക​ലാ​ശാ​ല നി​യ​മ​പ​ഠ​ന വ​കു​പ്പ് അ​സോ​സി​യേ​റ്റ് പ്ര​ഫ​സ​റാ​ണു ലേ​ഖി​ക)

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.