കാ​ലം മാ​യ്ക്കാ​ത്ത സൂര്യ​തേ​ജ​സ്
1971 ജൂ​ണ്‍ 15:
കേ​ര​ളം വി​റ​ങ്ങ​ലി​ച്ചു നി​ന്ന പ്ര​ഭാ​തം. രാ​വി​ലെ 7.30 ന് ​ആ​കാ​ശ​വാ​ണി ആ ​വാ​ർ​ത്ത അ​റി​യി​ച്ചു. മ​ല​യാ​ള​ത്തി​ന്‍റെ മ​ഹാ​ന​ട​ൻ സ​ത്യ​ൻ അ​ന്ത​രി​ച്ചു. ദി​ക്കെ​ങ്ങും ദുഃ​ഖ​സാ​ന്ദ്ര​മാ​യി. വ​യ​ലാ​ർ രാ​ഘ​വപ്പ​റ​ന്പ് കോ​വി​ല​ക​ത്ത് ആ ​വാ​ർ​ത്ത​യെ​ത്തി. ടെ​ലി​ഫോ​ണ്‍ താ​ഴെ​വ​ച്ച് കു​ട്ട​ൻ ആ​ർ​ത്ത​ല​ച്ച് അ​ടു​ക്ക​ള​യി​ലേ​ക്കോ​ടി ""അ​മ്മേ ന​മ്മു​ടെ സ​ത്യ​ൻ​മാ​ഷ് മ​രി​ച്ചു​പോ​യി, ഇ​നി അ​മ്മ​യു​ടെ കൈ​യി​ൽ നി​ന്നു ചോ​റു​ണ്ണാ​ൻ മാ​ഷ് വ​രി​ല്ല.'' അ​മ്മ​യും മ​ക​നും പ​ര​സ്പ​രം പു​ൽ​കി ദുഃ​ഖം പ​ങ്കി​ട്ടു.

ഫോ​ണി​ലൂ​ടെ പ്ര​തി​ക​ര​ണം ചോ​ദി​ച്ച പ​ത്ര​പ്ര​വ​ർ​ത്ത​ക​നോ​ട് വ​യ​ലാ​ർ പ​റ​ഞ്ഞു: ""യു​ഗ​ങ്ങ​ളി​ലൊ​രി​ക്ക​ൽ മാ​ത്രം ക​ണ്ടു​മു​ട്ടാ​റു​ള്ള മ​ഹാ​പ്ര​തി​ഭ. എ​ന്തൊ​ര​ന​ന്യ​സു​ര​ഭി​ല​മാ​യ ആ​ത്മ​വ​ത്ത.'' എം.​ടി. യു​ടെ പ്ര​തി​ക​ര​ണം: ""ഒ​രു കാ​ല​ഘ​ട്ട​ത്തെ കീ​ഴ​ട​ക്കി​യ ക​ലാ​കാ​ര​ൻ ക​ട​ന്നു​പോ​യി. അ​ഭി​ന​യ​ത്തി​ന്‍റെ ടോ​ട്ടാ​ലി​റ്റി​യി​ൽ സ​ത്യ​നെ മ​റി​ക​ട​ക്കാ​ൻ മ​റ്റൊ​രാ​ളി​ല്ല. ഒ​രു​പ​ക്ഷേ വ​ന്നേ​ക്കാം.'' എ​ന്നാ​യി​രു​ന്നു. ഇ​രു​പ​ത്ത​ഞ്ചാം ച​ര​മ​വാ​ർ​ഷി​ക സ്മ​ര​ണി​ക​യി​ൽ പ്രി​യ​ദ​ർ​ശ​ൻ എ​ഴു​തി​ച്ചേ​ർ​ത്തു: മ​ല​യാ​ള​സി​നി​മ​യു​ടെ ആ​ദ്യ​ത്തെ അ​ഭി​മാ​നം. ഇ​ന്നും ന​മ്മു​ടെ "ടെ​ക്സ്റ്റ് ബു​ക്ക് ഓ​ഫ് ആ​ക്ടിം​ഗ്' എ​ന്നു പ​റ​യാ​വു​ന്ന​ത് സ​ത്യ​ൻ​മാ​ഷ് ത​ന്നെ​യാ​ണ്!

അ​ന​ശ്വ​ര ക​ഥാ​പാ​ത്ര​ങ്ങ​ൾ

മ​ല​യാ​ള​സി​നി​മ​യു​ടെ ധ​ന്യ​ത​യു​ടെ മ​ടി​ത്ത​ട്ടി​ൽ അ​ഭ്ര​കാ​വ്യ​ങ്ങ​ൾ ര​ചി​ച്ച ക​ലാ​കാ​ര​ൻ മ​ര​ണ​ത്തി​ന്‍റെ അ​ൻ​പ​താ​ണ്ട് പി​ന്നി​ടു​ന്പോ​ഴും മ​ല​യാ​ള​മ​ന​സി​ന്‍റെ സാ​ന്ദ്ര​ഗീ​ത​മാ​യി നി​ല​കൊ​ള്ളു​ന്ന​തെ​ന്തു​കൊ​ണ്ട്! ര​ണ്ടു ദ​ശാ​ബ്ദം മാ​ത്രം നീ​ണ്ട ച​ല​ച്ചി​ത്ര​ജീ​വി​ത​ത്തി​ൽ സ​ത്യ​ൻ അ​ന​ശ്വ​ര​മാ​ക്കി​യ ക​ഥാ​പാ​ത്ര​ങ്ങ​ളു​ടെ നി​ല​യ്ക്കാ​ത്ത പ​ട്ടി​ക​യും അ​വ​യു​ടെ പേ​രി​ൽ നേ​ടി​യ അം​ഗീ​കാ​ര​ങ്ങ​ളു​മാ​ണ് അ​തി​നു​ത്ത​രം.

"ചെ​മ്മീ​നി​'ലെ പ​ള​നി​യും "അ​നു​ഭ​വ​ങ്ങ​ൾ പാ​ളി​ച്ച​ക​ളി​'ലെ ചെ​ല്ല​പ്പ​നും "ഓ​ട​യി​ൽ നി​ന്നി​'ലെ പ​പ്പു​വും "അ​ശ്വ​മേ​ധ​'ത്തി​ലെ ഡോ. ​തോ​മ​സും "മു​ടി​യ​നാ​യ പു​ത്ര​നി'​ലെ രാ​ജ​നും "വാ​ഴ്‌വേ​മാ​യ'ത്തി​ലെ സു​ധി​യും അ​ക്ബ​ർ ച​ക്ര​വ​ർ​ത്തി​യും ക​ണ്വ​മ​ഹ​ർ​ഷി​യും ത​ച്ചോ​ളി ഒ​തേ​ന​നു​മെ​ല്ലാം സ​ത്യ​നു മാ​ത്രം ജീ​വ​ൻ​ പ​ക​രാ​ൻ ക​ഴി​യു​ന്ന പാ​ത്ര​സൃ​ഷ്ടി​ക​ളാ​ണ്. മ​ല​യാ​ളസി​നി​മ​യു​ടെ ന​വോ​ത്ഥാ​ന​ര​ഥ്യ​ക​ളി​ലെ വി​ള​ക്കു​മാ​ട​ങ്ങ​ളാ​യി ഇ​ന്നും ഇ​വ​രെ​ല്ലാം പ്ര​കാ​ശം ചൊ​രി​ഞ്ഞു നി​ൽ​ക്കു​ന്നു.

ന​ട​ന​വൈ​ഭ​വം

ഭ​ര​ത​മു​നി​യു​ടെ നാ​ട്യ​ശാ​സ്ത്ര​ത്തി​ന് സ്വ​ന്തം ഭാ​ഷ്യം ച​മ​ച്ച ന​ട​ന​വൈ​ഭ​വം. ലോ​ക​സി​നി​മ​യി​ലെ ഏ​തൊ​രു മി​ക​ച്ച ന​ട​നോ​ടും തു​ല​നം ചെ​യ്യാ​വു​ന്ന നാ​ട്യ​സി​ദ്ധി​യാ​യി​രു​ന്നു സ​ത്യ​ന്‍റേ​തെ​ന്നാ​ണ് ചെ​മ്മീ​നി​ന്‍റെ ചി​ത്രീ​ക​ര​ണം പൂ​ർ​ത്തി​യാ​യ​പ്പോ​ൾ ത​ക​ഴി ശി​വ​ശ​ങ്ക​ര​പ്പി​ള്ള പ​റ​ഞ്ഞ​ത്. എ​ന്‍റെ പ​ള​നി​ക്കു ജീ​വ​ൻ ന​ൽ​കാ​ൻ മ​റ്റാ​ർ​ക്കാ​ണു ക​ഴി​യു​ക: വി​ശ്വ​സാ​ഹി​ത്യ​കാ​ര​ൻ ചോ​ദി​ച്ചു.

നാ​ട്യ​ശാ​സ്ത്ര​ത്തി​ന്‍റെ 27-ാം അ​ധ്യാ​യ​ത്തി​ൽ ഭ​ര​ത​മു​നി ര​ണ്ടു​ത​രം സി​ദ്ധി​ക​ളെ​ക്കു​റി​ച്ചു പ​യു​ന്നു​ണ്ട്. "ദൈ​വീ, മാ​നു​ഷീ'. സ​ത്യ​ന്‍റെ അ​ഭി​ന​യ​ത്തെ ക്രി​യാ​ത്മ​ക​മാ​യി വ്യ​വ​ഹ​രി​ച്ച​വ​രെ​ല്ലാം ഈ ​താ​ര​ത​മ്യം ന​ട​ത്തി​യി​ട്ടു​ണ്ട്. ആ ​സി​ദ്ധി മാ​നു​ഷി​ക​മാ​ണ്; ദൈ​വിക​വു​മാ​ണ്. ഡ​യ​ലോ​ഗ് പ്ര​സ​ന്‍റേ​ഷ​നി​ലെ ശ​ബ്ദ​വി​ന്യാ​സ​ത്തി​ൽ പ്ര​ക​ട​മാ​കു​ന്ന അ​നി​ത​ര​സാ​ധാ​ര​ണ​മാ​യ സ​ർ​ഗാ​ത്മ​ക​ത​യാ​ണ് സ​ത്യ​നി​ൽ ചാ​ർ​ത്ത​പ്പെ​ട്ട സ​വി​ശേ​ഷ​ത​ക​ളി​ൽ പ്ര​ധാ​നം. 15-ാം അ​ധ്യാ​യ​ത്തി​ൽ ഭ​ര​ത​മു​നി അ​തും പ​റ​ഞ്ഞി​ട്ടു​ണ്ട്. "നാ​ട്യ​ത്തി​ന്‍റെ ശ​രീ​രം വാ​ക്കാ​ണ്. വാ​ക്കി​നു മീ​തെ മ​റ്റൊ​ന്നി​ല്ല.'

അ​തി​ർ​ത്തി​ക​ൾ ക​ട​ന്ന ഖ്യാ​തി

ഒ​രു വാ​ക്കി​ലൂ​ടെ, ഒ​രു മൂ​ള​ലി​ലൂ​ടെ, അം​ഗ​വി​ക്ഷേ​പ​ങ്ങ​ളി​ലൂ​ടെ വെ​ള്ളി​ത്തി​ര​യി​ൽ സ​ത്യ​ൻ സൃ​ഷ്ടി​ച്ച വി​കാ​ര​പ്ര​പ​ഞ്ചം അ​ഭി​ന​യ​സ്വാ​ഭാ​വി​ക​ത​യു​ടെ പു​തി​യ വ്യാ​ക​ര​ണ​മാ​യി മാ​റി. ഏ​റ്റെ​ടു​ക്കു​ന്ന ക​ഥാ​പാ​ത്ര​ങ്ങ​ളു​ടെ വൈ​വി​ധ്യ​ങ്ങ​ളോ​ടു കാ​ട്ടു​ന്ന ഹൃ​ദ​യ​പൂ​ർ​വ​ക​മാ​യ പ്ര​തി​ബ​ദ്ധ​ത സ​ത്യ​നെ​ന്ന മ​ഹാ​ന​ട​ന്‍റെ മു​ഖ​മു​ദ്ര​യാ​യി രൂ​പാ​ന്ത​ര​പ്പെ​ട്ടു. അ​ങ്ങ​നെ​യാ​ണ് പ​ള​നി​യും ചെ​ല്ല​പ്പ​നും പ​പ്പു​വും കേ​ര​ള​ത്തി​ന്‍റെ അ​തി​ർ​ത്തി​ക​ൾ ക​ട​ന്ന് ദേ​ശാ​ന്ത​ര​യാ​ത്ര​ക​ൾ ചെ​യ്ത​ത്. വി​ശ്വ​വി​ഖ്യാ​ത ഛായാ​ഗ്രാ​ഹ​ക​ൻ മാ​ർ​ക്ക​സ് ബാ​ർ​ട്‌​ലി ലോ​ക​സി​നി​മ​യി​ലെ അ​ഭി​ന​യസ​മ്രാ​ട്ടു​ക​ളാ​യ ചാ​ൾ​ട്ട​ണ്‍ ഹെ​സ്റ്റ​നോ​ടും സ്റ്റീ​ഫ​ൻ ബോ​യ്ഡി​നോ​ടു​മാ​ണ് സ​ത്യ​നെ ഉ​പ​മി​ച്ച​ത്. സ​ത്യ​നോ​ടൊ​പ്പം 21 ചി​ത്ര​ങ്ങ​ളി​ൽ നാ​യി​ക​യാ​യി​രു​ന്ന ഷീ​ല 50 വ​ർ​ഷ​ങ്ങ​ൾ​ക്കു ശേ​ഷ​വും പ​റ​യു​ന്ന​ത് അ​ഭി​ന​യ​ത്തി​ൽ എ​നി​ക്ക് മ​ത്സ​രി​ക്കേ​ണ്ടി​വ​ന്നി​ട്ടു​ള്ള​ത് സ​ത്യ​ൻ​മാ​ഷി​നോ​ടു മാ​ത്ര​മാ​യി​രു​ന്നെ​ന്നാ​ണ്. സ​ത്യ​ൻ സി​നി​മ​യി​ലേ​ക്കു കൈ​പി​ടി​ച്ചു കൂ​ട്ടി​ക്കൊ​ണ്ടു​വ​ന്ന മ​ധു​വി​ന്‍റെ പ്ര​സി​ദ്ധ​മാ​യ വാ​ക്കു​ക​ൾ ഇ​ന്നും പ്ര​സ​ക്ത​മാ​ണ്. ""സ​ത്യ​ൻ​മാ​ഷ് അ​ല​ങ്ക​രി​ച്ച സിം​ഹാ​സ​നം ഇ​പ്പോ​ഴും ഒ​ഴി​ഞ്ഞു​കി​ട​ക്കു​ന്നു.''


ഇ​ന്നും പ്ര​സ​ക്തം

പു​തി​യ ച​ല​ച്ചി​ത്ര​സം​സ്കാ​രം അ​ര​ങ്ങു​വാ​ഴു​ന്പോ​ഴും ച​ല​ച്ചി​ത്രാ​സ്വാ​ദ​ക​രും അ​ഭി​ന​യ​വി​ദ്യാ​ർ​ഥി​ക​ളും അ​ര നൂ​റ്റാ​ണ്ടു മു​ന്നി​ലെ സ​ത്യ​ൻ​ചി​ത്ര​ങ്ങ​ൾ തേ​ടി യൂ​ട്യൂ​ബി​ലും ഗൂ​ഗി​ളി​ലും പ​ര​തു​ന്ന​ത് വെ​റും കൗ​തു​ക​ത്തി​ന​ല്ല. ആ ​അ​ഭി​ന​യ​സൗ​കു​മാ​ര്യ​ത്തി​ന്‍റെ ദൃ​ശ്യ​വി​സ്മ​യ​ങ്ങ​ൾ അ​റി​യാ​നും അ​നു​ക​രി​ക്കാ​നു​മാ​ണ്.

സ​മ​രം ചെ​യ്ത ഫാ​ക്ട​റി​ത്തൊ​ഴി​ലാ​ളി​ക​ളെ മ​ർ​ദി​ച്ച ഗു​ണ്ട​ക​ളെ നേ​രി​ട്ട​തി​ന് നീ​ണ്ട ജ​യി​ൽ​വാ​സം ക​ഴി​ഞ്ഞ് മ​ട​ങ്ങി​വ​ന്ന തൊ​ഴി​ലാ​ളി​നേ​താ​വ് ചെ​ല്ല​പ്പ​ൻ വീ​ട്ടി​ലെ​ത്തി​യ​പ്പോ​ൾ "ന​മ്മു​ടെ മ​ക​ൾ മ​രി​ച്ചു​പോ​യി' എ​ന്നു കേ​ട്ട് നി​‌​സം​ഗ​ത​യോ​ടെ ചു​വ​ടു​വ​ച്ച് മ​ക​ളു​ടെ കു​ഴി​മാ​ട​ത്തി​നു മു​ന്നി​ൽ ചെ​ന്നു​നി​ൽ​ക്കു​ന്നു. തേ​ങ്ങ​ല​ട​ക്കി, ഈ​റ​ന​ണി​ഞ്ഞ്, ശ​ബ്ദ​മി​ല്ലാ​തെ ഏ​താ​നും നി​മി​ഷ​ങ്ങ​ൾ. ഇ​ന്ത്യ​ൻ സി​നി​മ​യി​ൽ എ​ക്കാ​ല​ത്തെ​യും സ​മാ​ന​ത​ക​ളി​ല്ലാ​ത്ത അ​ഭി​ന​യ​ത്തി​ക​വി​ന്‍റെ ഹി​മാ​ല​യ​ൻ ദൃ​ശ്യം! ആ​യി​ര​ങ്ങ​ളാ​ണ് നി​ത്യേ​ന ഈ ​അ​പൂ​ർവ​മു​ഹൂ​ർ​ത്ത​ത്തി​ന് ക​ണ്ണും കാ​തും അ​ർ​പ്പി​ക്കാ​ൻ സോ​ഷ്യ​ൽ മീ​ഡി​യ​യി​ൽ ക​ര​സ്പ​ർ​ശം ന​ട​ത്തു​ന്ന​ത്.

ഒ​രു കാ​ല​ഘ​ട്ട​ത്തെ സ്വ​ന്തം ഇ​തി​ഹാ​സ​മാ​ക്കി മാ​റ്റി​യ ക​ലാ​കാ​രാ, നൂ​റ്റാ​ണ്ടു​ക​ൾ പി​ന്നി​ട്ടു ജീ​വി​ച്ചാ​ലും!


മലയാളസിനിമയുടെ തങ്കത്തിളക്കം

മാ​നു​വ​ൽ മാ​ഷി​ന്‍റെ​യും എ​മി​ലി​യു​ടെ​യും മ​ക​നാ​യ സ​ത്യ​നേ​ശ​ൻ എ​ന്ന യു​വാ​വി​നെ സ​ത്യ​ൻ എ​ന്ന പേ​രു ന​ല്കി ച​ല​ച്ചി​ത്ര ലോ​ക​ത്തേ​ക്കാ​ന​യി​ച്ച​ത് മെ​രി​ലാ​ൻ​ഡ് സ്റ്റു​ഡി​യോ ഉ​ട​മ പി. ​സു​ബ്ര​മ​ണ്യ​മാ​ണ്. ര​ണ്ടു ദ​ശാ​ബ്ദം മാ​ത്രം നീ​ണ്ടു​നി​ന്ന അ​ഭി​ന​യ​ജീ​വി​ത​ത്തി​ൽ ജ​ന​പ്രി​യ​ത​യി​ലെ​ന്ന​പോ​ലെ അ​വാ​ർ​ഡു​ക​ളും അം​ഗീ​കാ​ര​ങ്ങ​ളും സ്വ​ന്ത​മാ​ക്കി​യ​തി​ലും സ​ത്യ​ൻ മു​ന്നി​ലാ​യി​രു​ന്നു.

മ​ല​യാ​ള​സി​നി​മ​യ്ക്ക് ആ​ദ്യ​മാ​യി ല​ഭി​ച്ച ദേ​ശീ​യ അം​ഗീ​കാ​രം 1955-ൽ ​പി. ഭാ​സ്ക​ര​ൻ സം​വി​ധാ​നം ചെ​യ്ത് സ​ത്യ​ൻ അ​ഭി​ന​യി​ച്ച "നീ​ല​ക്കു​യി​ലി​'നാ​ണ്. മി​ക​ച്ച ര​ണ്ടാ​മ​ത്തെ ചി​ത്ര​ത്തി​നു​ള്ള വെ​ള്ളി​മെ​ഡ​ൽ. മ​ല​യാ​ള​ത്തി​ന് ആ​ദ്യ​മാ​യി സ്വ​ർണ​മെ​ഡ​ൽ നേ​ടി​ത്ത​ന്ന​ത് 1966-ൽ ​രാ​മു കാ​ര്യാ​ട്ട് സം​വി​ധാ​നം ചെ​യ്ത് സ​ത്യ​ൻ നാ​യ​ക​നാ​യ ചെ​മ്മീ​നാ​ണ്.

അ​ഭി​ന​യ​ത്തി​നു​ള്ള ആ​ദ്യ അ​വാ​ർ​ഡ് ല​ഭി​ക്കു​ന്ന​ത് 1955-ൽ ​മ​ദ്രാ​സ് ഫി​ലിം ഫാ​ൻ​സ് അ​സോ​സി​യേ​ഷ​നി​ൽ​നി​ന്നാ​ണ്. അ​വ​രു​ണ​രു​ന്നു എ​ന്ന ചി​ത്ര​ത്തി​ലെ അ​ഭി​ന​യ​ത്തി​ന് മ​ല​യാ​ള​ത്തി​ലെ മി​ക​ച്ച ന​ട​നു​ള്ള അ​വാ​ർ​ഡ് ല​ഭി​ച്ചു. ഒ​രു മ​ല​യാ​ളന​ട​ന് ആ​ദ്യ​മാ​യാ​ണ് ഈ ​അ​വാ​ർ​ഡ് ല​ഭി​ക്കു​ന്ന​ത്. ഏ​റ്റ​വും മി​ക​ച്ച മ​ല​യാ​ളന​ട​നു​ള്ള ദേ​ശീ​യ അ​വാ​ർ​ഡു​ക​ൾ 1961-ൽ ​"മു​ടി​യ​നാ​യ പു​ത്ര​നി​'ലൂ​ടെ​യും 1963-ൽ ​ഡോ​ക്ട​ർ എ​ന്ന ചി​ത്ര​ത്തി​ലൂ​ടെ​യും സ​ത്യ​നു ല​ഭി​ച്ചു.

1969 -ൽ ​സം​സ്ഥാ​ന സ​ർ​ക്കാ​ർ ആ​ദ്യ​മാ​യി ച​ല​ച്ചി​ത്ര അ​വാ​ർ​ഡു​ക​ൾ പ്ര​ഖ്യാ​പി​ച്ച​പ്പോ​ൾ "ക​ട​ൽ​പ്പാ​ല'​ത്തി​ലെ അ​ഭി​ന​യ​ത്തി​ന് സ​ത്യ​ൻ ന​ല്ല ന​ട​നാ​യി തെ​ര​ഞ്ഞ​ടു​ക്ക​പ്പെ​ട്ടു. 1971-ലും ​ന​ല്ല ന​ട​നു​ള്ള സം​സ്ഥാ​ന അ​വാ​ർ​ഡ് "ക​ര​കാ​ണാ​ക്ക​ട​ലി'​ലൂ​ടെ സ​ത്യ​ൻ നേ​ടി.

സ​ത്യ​ൻ അ​ധ്യാ​പ​ക​നാ​യി​രു​ന്ന തി​രു​വ​ന​ന്ത​പു​രം സെ​ന്‍റ് ജോ​സ​ഫ്സ് സ്കൂ​ളി​ന്‍റെ മു​ന്നി​ൽ സ​ത്യ​ന്‍റെ പ്ര​തി​മ സ്ഥാ​പി​ക്കാ​ൻ സം​സ്ഥാ​ന​ സ​ർ​ക്കാ​ർ തീ​രു​മാ​നി​ച്ചി​രു​ന്നു​വെ​ങ്കി​ലും ഇനിയും അ​തു യാ​ഥാ​ർ​ഥ്യ​മാ​യി​ട്ടില്ല.

ജ​സ്റ്റി​ൻ ബ്രൂ​സ്

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.