ഗാന്ധിജിയുടെ 11 വ്രതങ്ങൾ

Friday, October 1, 2021 12:07 AM IST

1. അഹിംസ: മൃഗങ്ങളെ കൊല്ലാതിരിക്കല്‍ മാത്രമല്ല അഹിംസ. അത് സ്‌നേഹമാണ്. ചിന്തയിലും വാക്കിലും പ്രവൃ‍ത്തിയിലും സ്‌നേഹം നിലനിര്‍ത്തണം.

2. സത്യം: അസത്യം പറയാതിരിക്കല്‍ മാത്രമല്ല സത്യം. സത്യമെന്നത് ദൈവമാണ്. സത്യാന്വേഷി ദൈവത്തെയാണ് അന്വേഷിക്കുന്നത്.

3. ബ്രഹ്മചര്യം: ശാരീരിക അനുഷ്ഠാനം മാത്രമല്ല ബ്രഹ്മചര്യം. ബ്രഹ്മത്തിലേക്കുള്ള യാത്രയാണത്.

4. അസ്‌തേയ: മോഷ്ടിക്കാതിരിക്കല്‍. തന്‍റെ ആവശ്യങ്ങളെ പരിമിതപ്പെടുത്തി മറ്റുള്ളവര്‍ക്കുകൂടി ലഭ്യമാകേണ്ട വസ്തുക്കളെ ചൂഷണം ചെയ്യുന്നത് ഒഴിവാക്കുക.

5. അസംഗ്രഹ: ആര്‍ത്തി വെടിയുക. സമ്പത്തും സ്വത്തുക്കളും അനാവശ്യമായി സ്വന്തമാക്കുന്നതില്‍നിന്ന് അകന്നുനില്‍ക്കണം.

6. അധ്വാനം: കായികാധ്വാനം വേണ്ട ജോലികൾ മഹത്തരമാണ്. അധ്വാനിച്ചു ജീവിക്കണം.

7. ആസ്വാദ: മനുഷ്യ ശരീരത്തിന് ആവശ്യമായ ഭക്ഷമാണ് കഴിക്കേണ്ടത്. അനാവശ്യമായ ഭക്ഷണശീലം ഒഴിവാക്കണം.

8. നിർഭയത്വം: ഒന്നിനെയും ഭയക്കരുത്. ഭയമില്ലായ്മ മറ്റുള്ളവരെ ഉപദ്രവിക്കാനോ ശല്യപ്പെടുത്താനോ കാരണമാക്കരുത്.

9. സർവധർമഭാവന: എല്ലാ മതങ്ങളോടും ബഹുമാനം വേണം. എല്ലാ മതങ്ങളും മനുഷ്യനെ സത്യത്തിലേക്കാണു നയിക്കുന്നത്.

10. സ്വദേശി: സ്വന്തം രാജ്യത്തെ വസ്തുക്കൾ ഉപയോഗിക്കാൻ ശ്രദ്ധിക്കണം. പ്രാദേശിക ഉത്പന്നങ്ങൾ ഉപയോഗിക്കുന്നതിലൂടെ നമ്മുടെ സമീപത്തുള്ള ഒരു വ്യക്തിയെയാണ് സഹായിക്കുന്നത്.

11. അയിത്തോച്ചാടനം: മനുഷ്യർ പരസ്പരം ആദരവോടെയാണ് കഴിയേണ്ടത്. അയിത്തം പാപമാണ്. അയിത്തത്തിനിരയാകുന്നവർ ഹരിജനങ്ങൾ അഥവാ ദൈവത്തിന്‍റെ ജനമാണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.