ഏഴിമലയിലെ തേങ്ങലുകൾ
രാ​ജ‍്യ​ത്തി​നു​ത​ന്നെ അ​ഭി​മാ​ന​മാ​ണ് കണ്ണൂരിലെ ഏഴിമലയിൽ നാ​ലു പ​തി​റ്റാ​ണ്ടു​മു​മ്പ് ആ​സൂ​ത്ര​ണം​ ചെ​യ്യ​പ്പെ​ട്ട ഏ​ഴി​മ​ല നാ​വി​ക അ​ക്കാ​ദ​മി. 1987 ജ​നു​വ​രി ഏ​ഴി​നാ​ണ് അ​ന്ന​ത്തെ പ്ര​ധാ​ന​മ​ന്ത്രി രാ​ജീ​വ് ഗാ​ന്ധി ത​റ​ക്ക​ല്ലി​ട്ട​ത്. 550 കോ​ടി രൂ​പ ചെ​ല​വു പ്ര​തീ​ക്ഷി​ച്ച പ​ദ്ധ​തി 721 കോ​ടി ചെ​ല​വ​ഴി​ച്ചാ​ണ് പൂ​ർ​ത്തി​യാ​ക്കി​യ​ത്. 2009 ജ​നു​വ​രി എ​ട്ടി​ന് അ​ന്ന​ത്തെ പ്ര​ധാ​ന​മ​ന്ത്രി ഡോ. ​മ​ൻ​മോ​ഹ​ൻ സിം​ഗ് രാ​ജ‍്യ​ത്തി​നു സ​മ​ർ​പ്പി​ക്കു​ക​യും ചെ​യ്തു. 2,452 ഏ​ക്ക​ര്‍ ഭൂ​മി​യാ​ണ് ഏ​ഴി​മ​ല നാ​വി​ക അ​ക്കാ​ദ​മി​ക്കു​വേ​ണ്ടി സം​സ്ഥാ​ന സ​ര്‍​ക്കാ​ര്‍ ഏ​റ്റെ​ടു​ത്തു ന​ൽ​കി​യ​ത്. ഈ ​ഭൂ​മി​യി​ൽ കേ​ന്ദ്ര പ്ര​തി​രോ​ധ മ​ന്ത്രാ​ല​യം ലോ​കോ​ത്ത​ര നി​ല​വാ​ര​ത്തി​ല​ള്ള അ​ക്കാ​ദ​മി പ​ടു​ത്തു​യ​ർ​ത്തു​ക​യും​ ചെ​യ്തു. എ​ന്നാ​ൽ അ​ക്കാ​ദ​മി​ക്കു​വേ​ണ്ടി കു​ടി​യി​റ​ക്ക​പ്പെ​ട്ട​വ​ർ ഇ​പ്പോ​ഴും ന​ഷ്ട​പ​രി​ഹാ​ര​ത്തി​നാ​യി സ​മ​രം​ചെ​യ്തു​കൊ​ണ്ടി​രി​ക്കു​ന്നു.

ജ​ല​രേ​ഖ​യാ​യ വാ​ഗ്ദാ​ന​ങ്ങ​ള്‍

അ​ഞ്ഞൂ​റേ​ക്ക​റോ​ളം വ​രു​ന്ന പൂ​ച്ചാ​ല്‍ ക​ട​പ്പു​റ​ത്തെ റ​വ​ന്യു ഭൂ​മി​യി​ലാ​ണ് പ​ദ്ധ​തി ന​ട​പ്പി​ലാ​ക്കു​ന്ന​ത് എ​ന്നാ​ണ് ആ​ദ്യ​ഘ​ട്ട​ത്തി​ല്‍ പ​റ​ഞ്ഞി​രു​ന്ന​ത്. എ​ന്നാ​ൽ അ​ക്കാ​ദ​മി​ക്കാ​യു​ള്ള ഭൂ​മി​യേ​റ്റെ​ടു​ക്ക​ൽ പി​ന്നീ​ട് ജ​ന​വാ​സ​കേ​ന്ദ്ര​ങ്ങ​ളി​ലേ​ക്കും ക​ട​ന്നു. 1982-83ൽ അക്കാദമിക്ക് ആവശ്യമായ സ്ഥലം കണ്ടെത്തി. തു​ട​ർ​ന്നു​ണ്ടാ​യ പ്ര​തി​ഷേ​ധ​ത്തെ പ​ല​വി​ധ വാ​ഗ്ദാ​ന​ങ്ങ​ള്‍ ന​ല്‍​കി​യാ​ണ് സ​ര്‍​ക്കാ​ര്‍​ മ​റി​ക​ട​ന്ന​ത്. ന​ഷ്ട​പ്പെ​ടു​ന്ന പൂ​ച്ചാ​ല്‍ സ്‌​കൂ​ളി​നു പ​ക​രം സ്‌​കൂ​ള്‍, ഏ​റ്റെ​ടു​ക്കു​ന്ന ഭൂ​മി​ക്ക് പൊ​ന്നും​വി​ല, ക​ളി​സ്ഥ​ല​ങ്ങ​ള്‍, ആ​ശു​പ​ത്രി, പു​ന​ര​ധി​വാ​സ കേ​ന്ദ്ര​ങ്ങ​ളി​ല്‍ വൈ​ദ്യു​തി, വെ​ള്ളം, റോ​ഡ്, കു​ടും​ബ​ത്തി​ലെ ഒ​രാ​ൾ​ക്ക് നേ​വ​ല്‍ അ​ക്കാ​ദ​മി​യി​ല്‍ തൊ​ഴി​ല്‍... ഇ​ങ്ങി​നെ വാ​ഗ്ദാ​ന​ങ്ങ​ള്‍ നിര​വ​ധി​യാ​യി​രു​ന്നു. 2,452 ഏ​ക്ക​ര്‍ ഭൂ​മി സ​ര്‍​ക്കാ​ര്‍ ഏ​റ്റെ​ടു​ത്ത​പ്പോ​ഴേ​ക്കും നൂ​റു​ക​ണ​ക്കി​നു കു​ടും​ബ​ങ്ങ​ൾ കു​ടി​യി​റ​ക്ക​പ്പെ​ട്ടു. പു​ന​ര​ധി​വാ​സ​ത്തി​നാ​യി അ​ന്ന് സ​ര്‍​ക്കാ​ര്‍ സെ​ന്‍റി​ന് അ​റു​ന്നൂറ് രൂ​പ തോ​തി​ല്‍ ന​ല്‍​കി​യാ​ണ് പാ​റ​ക്കെ​ട്ടു​ക​ളു​ള്‍​പ്പെ​ടെ​യു​ള്ള ശൂ​ന്യ​മാ​യ സ്ഥ​ലം വാ​ങ്ങി​യ​ത്. കു​ടി​യൊ​ഴി​പ്പി​ക്ക​പ്പെ​ട്ട​വ​ര്‍​ക്ക് "പെ​ന്നും​വി​ല'​യാ​യി ന​ല്‍​കി​യ​ത് സെ​ന്‍റി​ന് 460 രൂ​പ​യും പു​ന​ര​ധി​വാ​സ​ത്തി​നാ​യി പ​ത്തു സെ​ന്‍റ് സ്ഥ​ല​വും. കു​ല​ച്ച ഒ​രു തെ​ങ്ങി​നു ല​ഭി​ച്ച​ത് 8.25 രൂ​പ!

യു​ദ്ധ​കാ​ലാ​ടി​സ്ഥാ​ന​ത്തി​ല്‍ കു​ടി​യി​റ​ക്കി ക​ട​ന്നു​പോ​യ ഉ​ദ്യോ​ഗ​സ്ഥ​രെ പി​ന്നീ​ടി​തു​വ​ഴി ക​ണ്ട​തേ​യി​ല്ല. ആ​യി​ര​ത്തി ഇ​രു​ന്നൂ​റോ​ളം കു​ടും​ബ​ങ്ങ​ളെ ഏ​ഴി​മ​ല മ​ട​ക്കു​ക​ളി​ലെ ഓ​ണ​പ്പ​റ​മ്പ്, വ​ട്ട​പ്പ​റ​മ്പ്ചാ​ല്‍, ചെ​രി​ച്ചി​ല്‍, പ​ര​ത്തി​ക്കാ​ട്, ചി​റ്റ​ടി, ക​ക്ക​മ്പാ​റ തു​ട​ങ്ങി​യ പ്ര​ദേ​ശ​ങ്ങ​ളി​ലാ​ണ് പു​ന​ര​ധി​വ​സ​സി​പ്പി​ച്ച​ത്. ക​ന​കം വി​ള​യി​ച്ചി​രു​ന്ന മ​ണ്ണി​ല്‍​നി​ന്നു​ള്ള ഈ ​പ​റി​ച്ചുന​ട​ലി​ല്‍ അ​ടി​വേ​രു​ക​ളും പ്ര​തി​രോ​ധ​വും ന​ഷ്ട​മാ​യ ഈ ​ജ​ന​ത​യു​ടെ ക​ഷ്ട​കാ​ല​വും ഇ​തോ​ടെ​ ആരം​ഭി​ക്കു​ക​യാ​യി​രു​ന്നു. പി​ന്നീ​ട് ന​ര​ക​യാ​ത​ന​യു​ടെ പ​തി​റ്റാ​ണ്ടു​ക​ളാ​ണ് ക​ട​ന്നു​പോ​യ​ത്. വെ​ള്ള​വും വെ​ളി​ച്ച​വു​മെ​ത്തി​യി​ല്ല, സ്‌​കൂ​ളും ആ​ശു​പ​ത്രി​യു​മെ​ത്തി​യി​ല്ല. കോ​ള​നി​ക​ളെ ത​മ്മി​ല്‍ ബ​ന്ധി​പ്പി​ക്കു​ന്ന റോ​ഡ് ന​ന്നാ​ക്കി​യി​ല്ല. ഏ​ഴി​മ​ല ടോ​പ്പ് റോ​ഡ് ജ​ന​ങ്ങ​ള്‍​ക്കു ശാ​പ​മാ​യി​ മാ​റി. എ​ട്ട് കി​ലോ​മീ​റ്റ​റിനപ്പു​റ​ത്തു​ള്ള സ്‌​കൂ​ളു​ക​ളി​ലേ​ക്ക് ഈ ​വ​ഴി​യെ മ​ക്ക​ളെ അ​യ​യ്ക്കാ​ന്‍ ര​ക്ഷി​താ​ക്ക​ള്‍ മ​ടി​ച്ച​തോ​ടെ ഇ​വി​ടെ വി​ദ്യാ​ഭ്യാ​സം നി​ഷേ​ധി​ക്ക​പ്പെ​ട്ട ഒ​രു​ ത​ല​മു​റ​യു​മു​ണ്ടാ​യി.

റോ​ഡി​ന്‍റെ ദു​ര​വ​സ്ഥ​മൂലം‍ ത​ക്ക​സ​മ​യ​ത്ത് ചി​കി​ത്സ ല​ഭ്യ​മാ​ക്കാ​നാ​വാ​തെ​യു​ള്ള മ​ര​ണ​മാ​ണ്, വാ​ഗ്ദാ​ന​ലം​ഘ​ന​ത്തി​നെ​തി​രേ ഏ​ഴി​മ​ല ടോ​പ്പ് ഡെവ​ല​പ്‌​മെ​ന്‍റ് ക​മ്മി​റ്റി​യു​ടെ നേ​തൃ​ത്വ​ത്തി​ല്‍ എ​ട്ടു​വ​ര്‍​ഷ​ത്തോ​ളം നീ​ണ്ടു​നി​ന്ന പ്ര​ക്ഷോ​ഭസ​മ​ര​ങ്ങ​ളാ​യി പ​രി​ണ​മി​ച്ച​ത്. ഈ ​സ​മ​ര​പ​ര​മ്പ​ര​ക​ള്‍​ക്കൊ​ടു​വി​ലാ​ണ് ഏ​ഴി​മ​ല ടോ​പ്പ് റോ​ഡ് ടാ​ര്‍ ചെ​യ്ത് ഗ​താ​ഗ​ത യോ​ഗ്യ​മാ​ക്കി​യ​ത്; അ​തും അ​ശാ​സ്ത്രീയ രീതിയി​ലൂ​ടെ. ചെ​ങ്കു​ത്താ​യ ക​യ​റ്റ​വും ഇ​റ​ക്ക​വും കൊ​ടുംവ​ള​വു​ക​ളും നി​റ​ഞ്ഞ​താ​യ​തി​നാ​ല്‍ എ​ല്ലാ വാ​ഹ​ന​ങ്ങ​ളും ക​ട​ന്നു​വ​രാ​ത്ത അ​വ​സ്ഥ​യു​മാ​യി. ഈ ​റൂ​ട്ടി​ലൂ​ടെ​യു​ണ്ടാ​യി​രു​ന്ന ഏ​ക കെ​എ​സ്ആ​ര്‍​ടി​സി സ​ര്‍​വീ​സ് കൊ​റോ​ണ നി​യ​ന്ത്ര​ണ​ത്തി​ന്‍റെ പേ​രി​ല്‍ നി​ര്‍​ത്തി​വ​ച്ചി​ട്ട് ര​ണ്ടു​വ​ര്‍​ഷ​മാ​യി. ഏ​റെ​ക്കാ​ല​ത്തെ മു​റ​വി​ളി​ക്കുശേ​ഷം സ​ര്‍​ക്കാ​ര്‍ അ​വ​ശ്യ​സ​ര്‍​വീ​സാ​യി അ​നു​വ​ദി​ച്ച ഈ ​ബ​സ് സ​ര്‍​വീ​സ് പു​ന​രാ​രം​ഭി​ക്കു​ന്ന​തി​നു​ള്ള അ​ധി​കൃ​ത​രു​ടെ അ​ലം​ഭാ​വ​വും തു​ട​രു​ന്നു. പൂ​ച്ചാ​ലി​ല്‍ ന​ഷ്ട​പ്പെ​ട്ട സ്കൂ​ളി​നാ​യി പ​ര​ത്തി​ക്കാ​ട് നീ​ക്കി​വ​ച്ച സ്ഥ​ലം നാ​ലു​പ​തി​റ്റാ​ണ്ടാ​യി​ട്ടും കാ​ടു​പി​ടി​ച്ചു കി​ട​ക്കു​ക​യാ​ണ്.

രേ​ഖ​ക​ളും അ​പ്ര​ത്യ​ക്ഷ​മാ​യി

പ​ര​ത്തി​ക്കാ​ട് പ്ര​ദേ​ശ​ത്ത് പ​ട്ടി​ക​ജാ​തി, പ​ട്ടി​ക​വ​ര്‍​ഗ കു​ടും​ബ​​ങ്ങ​ള്‍​ക്ക് ഒ​രേ​ക്ക​റും മ​റ്റു​ള്ള​വ​ര്‍​ക്ക് വി​വി​ധ കേ​ന്ദ്ര​ങ്ങ​ളി​ൽ 10 സെ​ന്‍റ് വീത​വു​മാ​ണ് ന​ല്‍​കി​യ​ത്. പു​ന​ര​ധി​വാ​സ കോ​ള​നി​ക​ളി​ല്‍ നീ​ക്കി​വ​ച്ചി​രു​ന്ന ക​ളി​സ്ഥ​ല​ങ്ങ​ളും പൊ​തു​വ​ഴി​ക​ളും പി​ന്നീ​ട് കൈ​യേ​റ്റ​ത്താ​ല്‍ കാ​ണാ​താ​യി. സ​ര്‍​വേ ന​ട​ത്തി ക​ണ്ടെ​ത്താ​നാ​ണെ​ങ്കി​ല്‍ പു​ന​ര​ധി​വാ​സ​ത്തി​നാ​യി സ​ര്‍​ക്കാ​ര്‍ വി​ല​കൊ​ടു​ത്തു വാ​ങ്ങി​യ ഭൂ​മി​യു​ടെ​യും പു​ന​ര​ധി​വാ​സ​ത്തി​നാ​യി ന​ല്‍​കി​യ ഭൂ​മി​യു​ടെ​യും രേ​ഖ​ക​ള്‍ ഒ​രോ​ഫീ​സി​ലു​മി​ല്ല. സാ​ധാ​ര​ണ​ക്കാ​ര്‍​ക്കു ന​ൽകി​യ പ​ത്ത് സെ​ന്‍റ് വീ​ത​മു​ള്ള പ്ലോ​ട്ടു​ക​ള്‍​ക്കി​ട​യി​ല്‍ മൂ​ന്നു​മീ​റ്റ​ര്‍ വീ​തം റോ​ഡി​നാ​യി മാ​റ്റി​യി​ട്ടി​രു​ന്നു. ഇ​താ​ക​ട്ടെ ചെ​ങ്കു​ത്താ​യ പ്ര​ദേ​ശ​മാ​യ​തി​നാ​ല്‍ ന​ട​വ​ഴി​യാ​യി​പോ​ലും ഉ​പ​യോ​ഗി​ക്കാ​നും പ​റ്റു​ന്നി​ല്ല.


സ്ഥ​ല​മേ​റ്റെ​ടു​ത്ത് മൂ​ന്നു പ​തി​റ്റാ​ണ്ട് പി​ന്നി​ട്ട​പ്പോ​ഴേ​ക്കാ​ണ് മ​റ്റു വി​ക​സ​നപ​ദ്ധ​തി​ക​ളു​ടെ ഭാ​ഗ​മാ​യി കു​ടി​വെ​ള്ള​മെ​ത്തി​യ​ത്. കൃ​ഷി​യും മീ​ൻ​പി​ടി​ത്ത​വു​മാ​യി ക​ഴി​ഞ്ഞി​രു​ന്ന ജ​ന​ത​യു​ടെ തൊ​ഴി​ല്‍​മേ​ഖ​ല​യും ഈ ​പ​റി​ച്ചുന​ട​ലി​ല്‍ ന​ഷ്ട​മാ​യി. ച​ട്ട​ങ്ങ​ളി​ല്‍ അ​യ​വു വ​രു​ത്തി ഭൂ​മി ഏ​റ്റെ​ടു​ത്തു കൈ​മാ​റാ​ന്‍ ധൃ​തി കാ​ണി​ച്ച സം​സ്ഥാ​ന സ​ര്‍​ക്കാ​ര്‍ പി​ന്നീ​ട് ഏ​ഴി​മ​ല​യി​ലെ ജ​ന​ങ്ങ​ളു​ടെ വി​ലാ​പ​ങ്ങ​ള്‍​ക്കു ചെ​വികൊ​ടു​ത്തി​ല്ല എ​ന്ന ആ​രോ​പ​ണ​മാ​ണ് ഇ​ന്നും നി​ല​നി​ല്‍​ക്കു​ന്ന​ത്.

ന​ഷ്ട​പ​രി​ഹാ​ര​ത്തി​നാ​യി ഇ​ന്നും നെ​ട്ടോ​ട്ടം

കു​ടി​യി​റ​ക്ക​പ്പെ​ട്ട​വ​രി​ൽ നൂ​റോ​ളം പേ​ർ ഇ​പ്പോ​ഴും മ​തി​യാ​യ ന​ഷ്ട​പ​രി​ഹാ​രം ല​ഭി​ച്ചി​ല്ലെ​ന്ന പ​രാ​തി​ക്കാ​രാ​ണ്. നാ​ൽ​പ്പ​തോ​ളം പേ​രു​ടെ കേ​സ് പ​യ്യ​ന്നൂ​ർ കോ​ട​തി​യി​ൽ ഇ​പ്പോ​ഴും ന​ട​ക്കു​ന്നു. ക​ണ്ണൂ​ർ ജി​ല്ലാ ക​ള​ക്ട​ർ​ക്കു പ​രാ​തി ന​ൽ​കി കാ​ത്ത​ിരി​ക്കു​ന്ന​വ​രു​മു​ണ്ട്. പ​രാ​തി​ക്കാ​ർ​ക്കു സ​ർ​ക്കാ​ർ അ​നു​വ​ദി​ച്ച ന​ഷ്ട​പ​രി​ഹാ​രം​പോ​ലും കൃ​ത‍്യ​മാ​യി വി​ത​ര​ണം ചെ​യ്യാ​തെ ലാ​പ്സാ​ക്കി ക​ള​യു​ന്ന അ​തീ​വ​ഗു​രു​ത​ര​മാ​യ അ​വ​ഗ​ണ​ന​പോ​ലും ഇ​വി​ടെ ന​ട​ക്കു​ന്നു.

2019 ന​വം​ബ​ര്‍ മു​ത​ല്‍ 2020 മേ​യ് വ​രെ മൂ​ന്നു ഘ​ട്ട​ങ്ങ​ളി​ലാ​യി അ​വാ​ര്‍​ഡ് തു​ക​യി​ന​ത്തി​ല്‍ സ​ര്‍​ക്കാ​ര്‍ അ​നു​വ​ദി​ച്ച ഫ​ണ്ടാ​ണ് വി​ത​ര​ണം ചെ​യ്യാ​തി​രു​ന്ന​തി​നാ​ല്‍ കാ​ല​ഹ​ര​ണ​പ്പെ​ട്ട​ത്. പ​രാ​തി​ക്കാ​ര്‍​ക്ക​നു​കൂ​ല​മാ​യ കോ​ട​തി​യു​ടെ ഉ​ത്ത​ര​വു​ണ്ടാ​യി​ട്ടും ന​ഷ്ട​പ​രി​ഹാ​രം ന​ല്‍​കാ​നാ​യി സ​ര്‍​ക്കാ​ര്‍ ഫ​ണ്ട​നു​വ​ദി​ച്ചി​ട്ടും ചി​ല ഉ​ദ്യോ​ഗ​സ്ഥ​ര്‍ ഇ​തു വി​ത​ര​ണം ചെ​യ്യാ​ൻ കൂ​ട്ടാ​ക്കാ​ത്ത​ത് നീ​തി​നി​ഷേ​ധ​ത്തി​ന്‍റെ പാ​ര​മ‍്യ​മാ​യേ കാ​ണാ​നാ​കൂ. ഇ​ത്ത​ര​ത്തി​ൽ കു​ടി​യൊ​ഴി​പ്പി​ക്ക​പ്പെ​ട്ട​വ​ര്‍​ക്കാ​യി സ​ര്‍​ക്കാ​ര്‍ അ​നു​വ​ദി​ച്ച ഫ​ണ്ട് വി​ത​ര​ണം ചെ​യ്യാ​ത്ത​തി​നെ​തി​രേ ന​ല്‍​കി​യ പ​രാ​തി​യി​ല്‍ ന​ഷ്ട​പ​രി​ഹാ​രം 15 ദി​വ​സ​ത്തി​ന​കം കൊ​ടു​ത്തുതീ​ര്‍​ക്ക​ണ​മെ​ന്ന് ക​ഴി​ഞ്ഞ വ​ര്‍​ഷം ഫെ​ബ്രു​വ​രി നാ​ലി​നു ന​ട​ന്ന ത​ളി​പ്പ​റ​മ്പ്-​പ​യ്യ​ന്നൂ​ര്‍ താ​ലൂ​ക്ക് അ​ദാ​ല​ത്തി​ല്‍ തീ​രു​മാ​ന​മു​വു​ണ്ടാ​യി. ഇ​രു​പ​തോ​ളം പേ​രു​ടെ പ​രാ​തി​ക​ള്‍ ഒ​ന്നി​ച്ചു പ​രി​ഗ​ണി​ച്ചു​കൊ​ണ്ടാ​ണ് മ​ന്ത്രി​മാ​ര്‍ ബ​ന്ധ​പ്പെ​ട്ട അ​ദാ​ല​ത്തി​ല്‍ ഉ​ദ്യോ​ഗ​സ്ഥ​ര്‍​ക്ക് നി​ർ​ദേ​ശം ന​ല്‍​കി​യ​ത്. എ​ന്നാ​ല്‍ ഇ​ക്കാ​ര്യ​ത്തി​ലും ഇ​തു​വ​രെ തീ​രു​മാ​ന​മാ​യി​ട്ടി​ല്ല. വി​ല​പേ​ശ​ൽ ശ​ക്തി​യി​ല്ലാ​ത്ത, സം​ഘ​ട​നാ​ബ​ല​മി​ല്ലാ​ത്ത സാ​ധാ​ര​ണ​ക്കാ​ർ നാ​ടി​ന്‍റെ സു​ര​ക്ഷ​യ്ക്കാ​യി സ​ഹി​ച്ച ത‍്യാ​ഗ​ത്തി​നു കി​ട്ടി​യ പ്ര​തി​ഫ​ല​മാ​ണ് ഈ ​ക്രൂ​ര​മാ​യ അ​വ​ഗ​ണ​ന.

സ​ർ​ക്കാ​ർ തി​രി​ഞ്ഞു​നോ​ക്കി​യി​ല്ല: ക​ല​ശ​ക്കാ​ര​ന്‍ രാ​ഘ​വ​ന്‍

ഞാ​ന്‍ പ​ര​ത്തി​ക്കാ​ട് പു​ന​ര​ധി​വാ​സ കോ​ള​നി​യി​ലെ താ​മ​സ​ക്കാ​ര​നാ​ണ്. കു​ടി​യൊ​ഴി​ഞ്ഞ​വ​രെ​പ്പ​റ്റി പി​ന്നീ​ട് യാ​തൊ​രു​വി​ധ അ​ന്വേ​ഷ​ണ​വും സ​ര്‍​ക്കാ​രി​ന്‍റെ ഭാ​ഗ​ത്തു​നി​ന്ന് ഉ​ണ്ടാ​യി​ട്ടി​ല്ല. കു​ടി​യൊ​ഴി​ഞ്ഞു പോ​രു​മ്പോ​ള്‍ എ​ന്‍റെ പേ​രി​ല്‍ അ​ഞ്ച് സെ​ന്‍റും അ​മ്മ​യു​ടെ പേ​രി​ല്‍ മു​ക്കാ​ല്‍ ഏ​ക്ക​റു​മാ​ണ് ഉ​ണ്ടാ​യി​രു​ന്ന​ത്. പു​ന​ര​ധി​വാ​സ​മെ​ന്ന പേ​രി​ല്‍ ല​ഭി​ച്ച​ത് ചെ​ങ്കു​ത്താ​യ മ​ല​യാ​ണ്.

കു​ത്ത​നെ​യാ​യി​രു​ന്നു സ്ഥ​ല​ത്തേ​ക്കു​ള്ള വ​ഴി. ഇ​തി​ലെ ന​ട​ന്നു​ക​യ​റാ​നും ഇ​റ​ങ്ങാ​നും ആ​വു​ന്നി​ല്ല. കു​ടി​യൊ​ഴി​പ്പി​ക്ക​പ്പെ​ട്ട​പ്പോ​ള്‍ തു​ട​ങ്ങി​യ ദു​രി​ത​മാ​ണ് ഇ​പ്പോ​ഴും തു​ട​രു​ന്ന​ത്. നേ​വ​ല്‍ അ​ക്കാ​ദ​മി പ്ര​ദേ​ശ​ത്തെ കാ​ടു​ക​ളി​ല്‍​നി​ന്നു കൂ​ട്ട​ത്തോ​ടെ​യെ​ത്തു​ന്ന കു​ര​ങ്ങു​ക​ള്‍ ക​രി​ക്കു​ക​ള്‍​പോ​ലും ന​ശി​പ്പി​ക്കു​ക​യാ​ണ്. വാ​ന​ര​പ്പ​ട തേ​ങ്ങ​യും ക​രി​ക്കു​ക​ളും പ​റി​ച്ചി​ട്ടു ത​ക​ർ​ത്ത മേ​ൽ​ക്കൂ​ര​യ്ക്കു താ​ഴെ ഭീ​തി​യോ​ടെ​യാ​ണു ക​ഴി​യു​ന്ന​ത്. വാ​ഗ്ദാ​ന​ങ്ങ​ള്‍ ന​ല്‍​കി സ​ര്‍​ക്കാ​ര്‍ ഞ​ങ്ങ​ളെ വ​ഞ്ചി​ക്കു​ക​യാ​യി​രു​ന്നു.

ഉണ്ടായിരുന്ന തൊ​ഴിലും പോയി: വെ​മ്പി​രി​ഞ്ഞ​ന്‍ മാ​ധ​വി

പൂ​ച്ചാ​ലി​ല്‍നി​ന്നും 85 സെ​ന്‍റ് സ്ഥ​ലം വി​ട്ടു​കൊ​ടു​ത്താ​ണ് ഞാ​ന്‍ പ​ര​ത്തി​ക്കാ​ട് പു​ന​ര​ധി​വാ​സ കോ​ള​നി​യി​ലെ​ത്തി​യ​ത്. പി​ന്നാ​ക്ക വി​ഭാ​ഗ​ത്തി​ല്‍​പ്പെ​ട്ട​വ​ര്‍​ക്കു​ള്ള ഒ​രേ​ക്ക​ര്‍ സ്ഥ​ലം കി​ട്ടി​യ​തി​നാ​ല്‍ സ​ര്‍​ക്കാ​ര്‍ ന​ല്‍​കി​യ പ​ണ​മു​പ​യോ​ഗി​ച്ച് ആ​ദ്യ​മാ​യി കി​ണ​ര്‍​ കു​ഴി​ച്ചു.

താ​ത്കാ​ലി​ക ഷെ​ഡും നി​ര്‍​മി​ച്ച​തോ​ടെ പ​ണം തീ​ര്‍​ന്നു. ത​ഴ​പ്പാ​യ നി​ര്‍​മാ​ണ​മാ​യി​രു​ന്നു ഞ​ങ്ങ​ള്‍ താ​മ​സി​ച്ചി​രു​ന്ന പൂ​ച്ചാ​ലി​ല്‍ ചെ​യ്തി​രു​ന്ന​ത്. അ​തി​നാ​വ​ശ്യ​മാ​യ കൈ​ത​ക​ള്‍ അ​വി​ടെ യ​ഥേ​ഷ്ടം ല​ഭ്യ​മാ​യി​രു​ന്നു. കു​ടി​യൊ​ഴി​പ്പി​ക്ക​ലി​നു ശേ​ഷം ര​ണ്ടു​വ​ര്‍​ഷ​ത്തോ​ളം അ​ക്കാ​ദ​മി പ​രി​ധി​യി​ല്‍ നി​ന്നും കൈ​ത ല​ഭി​ച്ചി​രു​ന്നെ​ങ്കി​ലും പി​ന്നീ​ട് അ​ങ്ങോ​ട്ടു​ള്ള പ്ര​വേ​ശ​ന​വും വി​ല​ക്കി. ഇ​തോ​ടെ കു​ല​ത്തൊ​ഴി​ലും ഇ​ല്ലാ​താ​യി. എ​ന്നെ​പ്പോ​ലെ പ​ര​മ്പ​രാ​ഗ​ത തൊ​ഴി​ൽ കൈ​വി​ടേ​ണ്ടി​വ​ന്ന പ​ല​രു​മു​ണ്ട്.

വികസനത്തിന്‍റെ പുറന്പോക്കു കാഴ്ചകൾ / പീറ്റർ ഏഴിമല

(തുടരും)

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.