കോ​ണ്‍ഗ്ര​സ് നേ​താ​ക്ക​ളാ​യ സോ​ണി​യാ ഗാ​ന്ധി​യെ​യും രാ​ഹു​ൽ ഗാ​ന്ധി​യെ​യും നാ​ഷ​ണ​ൽ ഹെ​റാ​ൾ​ഡ് കേ​സി​ൽ ദി​വ​സ​ങ്ങ​ളോ​ളം ഇ​ഡി ചോ​ദ്യം ചെ​യ്ത​പ്പോ​ൾ പ​ല​രും അ​റ​സ്റ്റ് പ്ര​തീ​ക്ഷി​ച്ചു. പ​ക്ഷേ ഒ​ന്നു​മു​ണ്ടാ​യി​ല്ല. തെ​ളി​വു​ണ്ടെ​ങ്കി​ൽ അ​റ​സ്റ്റ് ഒ​ഴി​വാ​കി​ല്ല. മു​ൻ കേ​ന്ദ്ര​മ​ന്ത്രി പി. ​ചി​ദം​ബ​ര​ത്തെ അ​റ​സ്റ്റ് ചെ​യ്തു ദി​വ​സ​ങ്ങ​ളോ​ളം ജ​യി​ലി​ല​ട​ച്ച കേ​സി​ൽ പി​ന്നീ​ട് എ​ന്തു​ണ്ടാ​യെ​ന്ന് അ​റ​സ്റ്റ് ചെ​യ്ത​വ​ർ പ​റ​യു​ന്നി​ല്ല. ജാ​ർ​ഖ​ണ്ഡ് മു​ഖ്യ​മ​ന്ത്രി ഹേ​മ​ന്ത് സോ​റ​ൻ, ക​ർ​ണാ​ട​ക ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ, ഡ​ൽ​ഹി ഉ​പ​മു​ഖ്യ​മ​ന്ത്രി മ​നീ​ഷ് സി​സോ​ദി​യ, ബി​ആ​ർ​എ​സ് നേ​താ​വ് കെ. ​ക​വി​ത, എ​എ​പി​യു​ടെ സ​ഞ്ജ​യ് സിം​ഗ് തു​ട​ങ്ങി​യ നേ​താ​ക്ക​ളു​ടെ അ​റ​സ്റ്റി​നു പി​ന്നി​ൽ രാ​ഷ്‌​ട്രീ​യം മ​ണ​ക്കു​ന്ന​വ​രെ കു​റ്റ​പ്പെ​ടു​ത്താ​നാ​കി​ല്ല.

ചീ​ഫ് ജ​സ്റ്റീ​സി​ന്‍റെ പൂ​ജ സി​ന്പി​ള​ല്ല

കേ​ജ​രി​വാ​ളി​ന്‍റെ ജാ​മ്യം വാ​ർ​ത്ത​യാ​യ​തു​പോ​ലെ സു​പ്രീം​കോ​ട​തി ചീ​ഫ് ജ​സ്റ്റീ​സ് ഡി.​വൈ. ച​ന്ദ്ര​ചൂ​ഡി​ന്‍റെ വ​സ​തി​യി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ചെ​ന്നു ഗ​ണ​പ​തി പൂ​ജ​യി​ൽ പ​ങ്കെ​ടു​ത്ത​തും വി​വാ​ദ​മാ​യി. ചീ​ഫ് ജ​സ്റ്റീ​സി​ന്‍റെ വീ​ട്ടി​ലെ സ്വ​കാ​ര്യ പൂ​ജ​യ്ക്ക് പ്ര​ധാ​ന​മ​ന്ത്രി​യെ ക്ഷ​ണി​ച്ച​തും അ​ദ്ദേ​ഹം ചെ​ന്ന​തും നി​സാ​ര​മ​ല്ല. സ​ഹ ജ​ഡ്ജി​മാ​രെ​പോ​ലും ക്ഷ​ണി​ക്കാ​ത്ത സ്വ​കാ​ര്യ ച​ട​ങ്ങി​നാ​ണ് മോ​ദി​യെ മാ​ത്രം ക്ഷ​ണി​ച്ച​തും ചെ​ന്ന​തും. ഫോ​ട്ടോ​ഗ്രാ​ഫ​റെ കൂ​ട്ടി​യാ​ണ് മോ​ദി പോ​യ​തെ​ന്ന​തും പ്ര​ധാ​ന​മാ​ണ്. സ്വ​കാ​ര്യ ച​ട​ങ്ങി​ന്‍റെ ഫോ​ട്ടോ സോ​ഷ്യ​ൽ മീ​ഡി​യ​യി​ലൂ​ടെ പ​ര​സ്യ​മാ​ക്കി​യ​തി​ലെ ല​ക്ഷ്യ​വും സം​ശ​യി​ക്ക​പ്പെ​ടും.

ചീ​ഫ് ജ​സ്റ്റീ​സ് ധ​ന​ഞ്ജ​യ ച​ന്ദ്ര​ചൂ​ഡും ഭാ​ര്യ ക​ൽ​പ​ന​യും ചേ​ർ​ന്ന് മോ​ദി​യെ കു​നി​ഞ്ഞു കൈ​കൂ​പ്പി സ്വീ​ക​രി​ക്കു​ന്ന​തു വീ​ഡി​യോ​യി​ൽ കാ​ണാം. പൂ​ജ​യി​ൽ മോ​ദി​യും പ​ങ്കാ​ളി​യാ​യി. മോ​ദി ആ​ര​തി നേ​രു​ന്പോ​ൾ ചീ​ഫ് ജ​സ്റ്റീ​സും ഭാ​ര്യ ക​ൽ​പ​ന​യും കൈ​കൂ​പ്പി നി​ൽ​ക്കു​ന്നു. മ​ത​വി​ശ്വാ​സ​വും ആ​ചാ​ര​ങ്ങ​ളും വ്യ​ക്തി​ക​ളു​ടെ സ്വ​കാ​ര്യ കാ​ര്യ​മാ​ണ്. വീ​ട്ടി​ൽ സ്വ​കാ​ര്യ​മാ​യി ന​ട​ത്തു​ന്ന ച​ട​ങ്ങി​ന്‍റെ വീ​ഡി​യോ പ്ര​ധാ​ന​മ​ന്ത്രി പ​ര​സ്യ​മാ​ക്കി​യ​തി​ലൂ​ടെ ഹൈ​ക്കോ​ട​തി​ക​ളി​ലെ​യും വി​ചാ​ര​ണ​ക്കോ​ട​തി​ക​ളി​ലെ​യും ജ​ഡ്ജി​മാ​ർ​ക്കും പൊ​തു​ജ​ന​ങ്ങ​ൾ​ക്കും തെ​റ്റാ​യ സ​ന്ദേ​ശ​മാ​ണു ന​ൽ​കു​ന്ന​ത്. പ്ര​തി​പ​ക്ഷ നേ​താ​ക്ക​ൾ​ക്കെ​തി​രേ അ​ട​ക്കം മോ​ദി​ക്കു രാ​ഷ്‌​ട്രീ​യ താ​ത്പ​ര്യ​ങ്ങ​ളു​ള്ള നി​ര​വ​ധി കേ​സു​ക​ൾ സു​പ്രീം​കോ​ട​തി ചീ​ഫ് ജ​സ്റ്റീ​സും ജ​ഡ്ജി​മാ​രും പ​രി​ഗ​ണി​ക്കു​ന്നു​മു​ണ്ട്.

ഞെ​ട്ട​ൽ മാ​റാ​തെ നി​യ​മ​ലോ​കം

ചീ​ഫ് ജ​സ്റ്റീ​സി​ന്‍റെ വ​സ​തി​യി​ലെ പ്ര​ധാ​ന​മ​ന്ത്രി പ​ങ്കു​വ​ച്ച പൂ​ജ​യു​ടെ വീ​ഡി​യോ ക​ണ്ട​പ്പോ​ൾ ഞെ​ട്ടി​പ്പോ​യെ​ന്ന് മു​ൻ കേ​ന്ദ്ര നി​യ​മ​മ​ന്ത്രി​യും സു​പ്രീം​കോ​ട​തി ബാ​ർ അ​സോ​സി​യേ​ഷ​ൻ പ്ര​സി​ഡ​ന്‍റു​മാ​യ ക​പി​ൽ സി​ബ​ൽ പ​റ​ഞ്ഞു. വ്യ​ക്തി​പ​ര​മാ​യി സ​ത്യ​സ​ന്ധ​ത പു​ല​ർ​ത്തു​ന്ന​യാ​ളാ​ണു ച​ന്ദ്ര​ചൂ​ഡ് എ​ന്ന​തു​കൊ​ണ്ടു മാ​ത്രം പ്ര​ശ്നം ഇ​ല്ലാ​താ​കി​ല്ലെ​ന്ന് മു​തി​ർ​ന്ന അ​ഭി​ഭാ​ഷ​ക​രാ​യ ക​പി​ൽ, പ്ര​ശാ​ന്ത് ഭൂ​ഷ​ണ്‍, ഇ​ന്ദി​ര ജ​യ്സിം​ഗ് തു​ട​ങ്ങി​യ​വ​ർ ചൂ​ണ്ടി​ക്കാ​ട്ടു​ന്നു. ആ​ളു​ക​ളു​ടെ മ​ന​സി​ൽ എ​ന്തു സ്വാ​ധീ​നം ചെ​ലു​ത്തു​ന്നു എ​ന്ന​താ​ണു പ്ര​ശ്നം. രാ​ജ്യ​ത്തെ പ​ര​മോ​ന്ന​ത ജു​ഡീ​ഷ​റി​യെ​ക്കു​റി​ച്ച് ഉ​ണ്ടാ​കു​ന്ന സം​ശ​യ​ങ്ങ​ൾ സാ​ധാ​ര​ണ​ക്കാ​രെ ബാ​ധി​ക്കും.

ഗ​ണേ​ശ ഉ​ൽ​സ​വം ഏ​റ്റ​വും പ്ര​ധാ​ന​മാ​യ മ​ഹാ​രാ​ഷ്‌​ട്ര​യി​ൽ നി​യ​മ​സ​ഭാ തെ​ര​ഞ്ഞെ​ടു​പ്പു ന​ട​ക്കാ​നി​രി​ക്കു​ന്പോ​ഴു​ള്ള ആ ​സ​ന്ദ​ർ​ശ​ന​ത്തി​നും ചി​ത്ര​ത്തി​നും രാ​ഷ്‌​ട്രീ​യ മാ​ന​ങ്ങ​ളു​മു​ണ്ട്. രാ​ജ്യ​ത്തെ ഏ​റ്റ​വും പ്ര​ബ​ല​രാ​യ ര​ണ്ടു ഭ​ര​ണ​ഘ​ട​നാ പ​ദ​വി​ക​ളി​ലു​ള്ള​വ​രാ​ണ് പ്ര​ധാ​ന​മ​ന്ത്രി​യും ചീ​ഫ് ജ​സ്റ്റീ​സും. രാ​ഷ്‌​ട്ര​പ​തി, പ്ര​ധാ​ന​മ​ന്ത്രി, ഗ​വ​ർ​ണ​ർ, മു​ഖ്യ​മ​ന്ത്രി തു​ട​ങ്ങി​യ​വ​ർ ന​ട​ത്തു​ന്ന ഇ​ഫ്താ​ർ വി​രു​ന്നു​പോ​ലെ നി​ര​വ​ധി മ​ന്ത്രി​മാ​രും ജ​ഡ്ജി​മാ​രും പ​ങ്കെ​ടു​ക്കു​ന്ന ച​ട​ങ്ങി​ൽ ചീ​ഫ് ജ​സ്റ്റീ​സും ജ​ഡ്ജി​മാ​രും പ​ങ്കെ​ടു​ക്കു​ന്ന​തു പോ​ലെ​യ​ല്ല, വീ​ട്ടി​ലെ സ്വ​കാ​ര്യ പൂ​ജ​യ്ക്ക് പ്ര​ധാ​ന​മ​ന്ത്രി​യെ ചീ​ഫ് ജ​സ്റ്റീ​സ് വീ​ട്ടി​ലേ​ക്കു വി​ളി​ക്കു​ന്ന​ത്. ജ​സ്റ്റീ​സ് കെ.​ജി. ബാ​ല​കൃ​ഷ്ണ​ൻ അ​ട​ക്കം മു​ൻ ചീ​ഫ് ജ​സ്റ്റീ​സു​മാ​ർ പ്ര​ധാ​ന​മ​ന്ത്രി​യു​ടെ ഇ​ത്ത​രം പ​ര​സ്യ വി​രു​ന്നു​ക​ളി​ൽ പ​ങ്കെ​ടു​ത്തി​ട്ടു​മു​ണ്ട്. അ​തി​ൽ തെ​റ്റു പ​റ​യാ​നാ​കി​ല്ല.

സം​ശ​യ​ത്തി​ന് അ​തീ​ത​മാ​ക​ട്ടെ

സീ​സ​റി​ന്‍റെ ഭാ​ര്യ സം​ശ​യ​ത്തി​ന് അ​തീ​ത​യാ​യി​രി​ക്ക​ണം എ​ന്ന​തു പ്ര​ധാ​ന​മാ​ണ്. പൊ​തു​ജ​ന മ​ന​സി​ൽ സം​ശ​യം ഉ​ള​വാ​ക്കു​ന്ന പ്ര​വൃത്തി​ക​ൾ പ​ര​മോ​ന്ന​ത ന്യാ​യാ​ധി​പ​നും രാ​ഷ്‌​ട്ര​ത്തി​ന്‍റെ ഭ​ര​ണ​നാ​യ​ക​നും ഒ​ഴി​വാ​ക്കേ​ണ്ടി​യി​രു​ന്നു. ജു​ഡീ​ഷ​റി​ക്കു ഹാ​നി​ക​ര​മാ​കു​ന്ന സം​വാ​ദ​ത്തി​നും വി​വാ​ദ​ത്തി​നുമാ​ണു വ​ഴി​മരുന്നിട്ടത്. ഭ​ര​ണ​ഘ​ട​ന​യു​ടെ സം​ര​ക്ഷ​ക​ർത​ന്നെ ഇ​തി​നു മു​തി​ര​രു​ത്. പ​രോ​ക്ഷ ബ​ന്ധ​മു​ള്ള കേ​സു​ക​ൾ പ​രി​ഗ​ണി​ക്കു​ന്ന​തി​ൽനി​ന്നു സ്വ​മേ​ധ​യാ പി​ന്മാ​റു​ന്ന​തു മു​ത​ൽ ജ​ഡ്ജി​മാ​രു​ടെ പെ​രു​മാ​റ്റച്ച​ട്ട​ങ്ങ​ൾ വ​രെ ആ​രെ​യും ഓ​ർ​മി​പ്പി​ക്കേ​ണ്ട കാ​ര്യ​മ​ല്ല. നീ​തി​പീ​ഠ​ത്തി​ന്‍റെ നി​ഷ്പ​ക്ഷ​ത​യെ​ക്കു​റി​ച്ചു​ള്ള ഊ​ഹാ​പോ​ഹ​ങ്ങ​ളും സം​ശ​യ​ങ്ങ​ളും അ​പ​ക​ട​ക​ര​മാ​ണ്.