തൊ​ണ്ണൂ​റു​ക​ളി​ൽ ജ​മ്മു കാ​ഷ്മീ​രി​ലെ ഭീ​ക​ര ഗ്രൂ​പ്പു​ക​ളു​ടെ കേ​ന്ദ്ര​മാ​യി​രു​ന്ന ബാ​രാ​മു​ള്ള ജി​ല്ല​യി​ലെ സോ​പോ​ർ അ​ട​ക്ക​മു​ള്ള ന​ഗ​ര​ങ്ങ​ളി​ൽ പ​ല​യി​ട​ത്തും ഇ​ന്ന​ലെ വോ​ട്ട​ർ​മാ​രു​ടെ നീ​ണ്ട ക്യൂ ​കാ​ണാ​നാ​യി. പ​ത്തു വ​ർ​ഷ​ത്തി​നു​ശേ​ഷം ന​ട​ക്കു​ന്ന നി​യ​മ​സ​ഭാ തെ​ര​ഞ്ഞെ​ടു​പ്പി​ന്‍റെ അ​വ​സാ​ന​ഘ​ട്ട വോ​ട്ടെ​ടു​പ്പി​ന് പ​തി​വി​ല്ലാ​ത്ത പ​ങ്കാ​ളി​ത്ത​വും ആ​വേ​ശ​വ​മു​ണ്ട്. ഭീ​ക​ര​ത​യും തീ​വ്ര​വാ​ദ​വും കൊ​ടി​കു​ത്തി വാ​ണി​രു​ന്ന കാ​ല​ങ്ങ​ൾ സാ​വ​ധാ​ന​മെ​ങ്കി​ലും മാ​റി​യ​തി​ൽ ആ​പ്പി​ൾ ക​ർ​ഷ​ക​ർ അ​ട​ക്ക​മു​ള്ള സാ​ധാ​ര​ണ​ക്കാ​ർ സ​ന്തോ​ഷ​ത്തി​ലാ​ണ്. അ​നു​ച്ഛേ​ദം 370 റ​ദ്ദാ​ക്കി​യ​ശേ​ഷ​മു​ള്ള തെ​ര​ഞ്ഞെ​ടു​പ്പി​ൽ മു​ന്പെ​ങ്ങും കാ​ണാ​തി​രു​ന്ന വാ​ശി​യി​ലാ​ണു രാ​ഷ്‌​ട്രീ​യ​നേ​താ​ക്ക​ളും പ്ര​വ​ർ​ത്ത​ക​രു​മെ​ന്ന​താ​ണ് ഇ​ത്ത​വ​ണ​ത്തെ തെ​ര​ഞ്ഞെ​ടു​പ്പി​നെ ശ്ര​ദ്ധേ​യ​മാ​ക്കു​ന്ന​ത്.

കു​പ്‌​വാ​ര, ബാ​രാ​മു​ള്ള, ബ​ന്ദി​പു​ർ, ഉ​ധം​പു​ർ, സാം​ബ, ക​ഠ്വ, ജ​മ്മു തു​ട​ങ്ങി ഇ​ന്ന​ലെ വോ​ട്ടെ​ടു​പ്പ് ന​ട​ന്ന മ​ണ്ഡ​ല​ങ്ങ​ളി​ലൊ​ക്കെ വോ​ട്ട​ർ​മാ​രി​ൽ​നി​ന്നു ന​ല്ല പ്ര​തി​ക​ര​ണം ഉ​ണ്ടാ​യ​തി​ൽ ബി​ജെ​പി, കോ​ണ്‍ഗ്ര​സ്, നാ​ഷ​ണ​ൽ കോ​ണ്‍ഫ​റ​ൻ​സ്, പി​ഡി​പി അ​ട​ക്ക​മു​ള്ള പ്ര​ധാ​ന പാ​ർ​ട്ടി​ക​ളു​ടെ​യും ചെ​റു​പാ​ർ​ട്ടി​ക​ളു​ടെ​യും നേ​താ​ക്ക​ളും തെ​ര​ഞ്ഞെ​ടു​പ്പ് ക​മ്മീ​ഷ​നും സു​ര​ക്ഷാ​സൈ​നി​ക​രും ആ​ഹ്ലാ​ദ​ത്തി​ലാ​ണ്. ജ​നാ​ധി​പ​ത്യ രാ​ഷ്‌​ട്രീ​യ പ്ര​ക്രി​യ​യി​ൽ കാ​ഷ്മീ​രി​ലെ ജ​ന​ങ്ങ​ളി​ൽ ഒ​രു വി​ഭാ​ഗ​ത്തി​നെ​ങ്കി​ലും പ്ര​തീ​ക്ഷ​യു​ണ്ട്. മേ​ഖ​ല​യി​ലാ​കെ മാ​റ്റം പ്ര​ക​ട​മാ​ണ്. ബോം​ബു​ക​ളും തോ​ക്കു​ക​ളും ഭീ​തി​പ്പെ​ടു​ത്തി​യ നാ​ളു​ക​ളി​ൽ​നി​ന്നു സ​മാ​ധാ​ന​ത്തി​ന്‍റെ പു​തു​വെ​ളി​ച്ചം കാ​ണു​ന്ന​തി​ലാ​ണ് സാ​ധാ​ര​ണ ജ​ന​ങ്ങ​ളു​ടെ പ്ര​തീ​ക്ഷ. വി​ക​സ​ന​വും തൊ​ഴി​ലും വ​രാ​ൻ സ​ഹാ​യി​ക്കു​ന്ന ഏ​തു രാ​ഷ്‌​ട്രീ​യ​മാ​റ്റ​ത്തി​നും ജ​മ്മു​കാ​ഷ്മീ​ർ ഒ​രു​ക്ക​മാ​ണ്.

എ​ന്നാ​ൽ, ആ​ശ​ങ്ക​യും അ​ർ​ധ​ഗ​ർ​ഭ​മാ​യ മൗ​ന​വും പാ​ലി​ക്കു​ക​യാ​ണു മ​റ്റൊ​രു വി​ഭാ​ഗം വോ​ട്ട​ർ​മാ​ർ. ആ​പ്പി​ൾ തോ​ട്ട​ങ്ങ​ളാ​ൽ സ​ന്പ​ന്ന​മാ​യ ബാ​രാ​മു​ള്ള ജി​ല്ല​യി​ലെ പ​ല പ്ര​ദേ​ശ​ങ്ങ​ളും ഏ​താ​നും വ​ർ​ഷ​ങ്ങ​ൾ​ക്കു മു​ന്പു​വ​രെ തീ​വ്ര​വാ​ദി​ക​ളു​ടെ കേ​ന്ദ്ര​മാ​യി​രു​ന്നു. ഹി​സ്ബു​ൾ മു​ജാ​ഹി​ദീ​ൻ, തെ​ഹ്‌​രി​കെ ഇ ​ജി​ഹാ​ദ് ഇ ​ഇ​സ്‌​ലാ​മി, ജ​മാ​ത്ത് ഇ​സ്‌​ലാ​മി എ​ന്നി​വ​യു​ടെ ആ​സ്ഥാ​ന​മാ​യി​രു​ന്നു ബാ​രാ​മു​ള്ള​യി​ലെ സോ​പോ​ർ. കാ​ഷ്മീ​ർ താ​ഴ്‌വ​ര​യി​ൽ പ​ല​യി​ട​ത്തും ക​ല്ലേ​റു ന​ട​ത്തി​യ​വ​ർ ഇ​ന്നു തെ​രു​വി​ലി​ല്ല. എ​ങ്കി​ലും, കാ​ഷ്മീ​ർ താ​ഴ്‌വ​ര​യി​ൽ തീ​വ്ര​വാ​ദ​ത്തി​ന്‍റെ​യും ഭീ​ക​ര​ത​യു​ടെ​യും വേ​ര​റു​ത്തു​വെ​ന്ന് പ​റ​യാ​നാ​കി​ല്ല.

►പു​തി​യ സ​ർ​ക്കാ​രി​ൽ പ്ര​തീ​ക്ഷ◄

അ​സ്വ​സ്ഥ​ത​യു​ള​വാ​ക്കു​ന്ന തീ​വ്ര​വാ​ദം നി​ശ​ബ്‌​ദ​മാ​യി ഇ​നി​യും തി​രി​ച്ചു​വ​ര​വ് ന​ട​ത്തി​യേ​ക്കു​മെ​ന്ന ഭീ​തി സാ​ധാ​ര​ണ​ക്കാ​രി​ൽ പ്ര​ക​ട​മാ​ണ്. “തീവ്ര​വാ​ദി​ക​ളു​ടെ സ്ലീ​പ്പ​ർ സെ​ല്ലു​ക​ൾ ഇ​പ്പോ​ഴു​മു​ണ്ട്. അ​നു​കൂ​ല​മാ​യ സ​ർ​ക്കാ​രും സാ​ഹ​ച​ര്യ​വും വ​ന്നാ​ൽ ഭീ​ക​ര ഗ്രൂ​പ്പു​ക​ൾ ഇ​നി​യും ത​ല​പൊ​ക്കും. ഭീ​ക​രാ​ക്ര​മ​ണ​ങ്ങ​ൾ ജ​ന​ങ്ങ​ളു​ടെ സ്വൈ​രജീ​വി​തം ത​ക​ർ​ത്തി​രു​ന്നു. ജ​നം മ​ടു​ത്തു. തൊ​ഴി​ലി​ല്ലാ​യ്മ​യാ​ണു വ​ലി​യ പ്ര​ശ്നം. ന​ല്ല വി​ദ്യാ​ഭ്യാ​സ​വും ജോ​ലി​യു​മാ​ണ് ചെ​റു​പ്പ​ക്കാ​ർ ആ​ഗ്ര​ഹി​ക്കു​ന്ന​ത്. അ​ടു​ത്ത വെ​ള്ളി​യാ​ഴ്ച തെ​ര​ഞ്ഞെ​ടു​പ്പി​ന്‍റെ ഫ​ലം വ​രു​ന്ന​തി​നെ​ക്കു​റി​ച്ച് പ്ര​തീ​ക്ഷ​യോ​ടെ​യാ​ണു കാ​ത്തി​രി​ക്കു​ന്ന​ത്.’’- ബി​രു​ദ വി​ദ്യാ​ർ​ഥി​യാ​യ അ​യി​ഷ അ​ജാ​സ് പ​റ​ഞ്ഞു.

ആ​പ്പി​ൾ തോ​ട്ട​ങ്ങ​ളാ​ൽ സ​ന്പ​ന്ന​മാ​ണു ബാ​രാ​മു​ള്ള അ​ട​ക്ക​മു​ള്ള വ​ട​ക്ക​ൻ കാ​ഷ്മീ​ർ താ​ഴ്‌വ​ര​ക​ൾ. ബാ​രാ​മു​ള്ള ജി​ല്ല​യി​ലെ ആ​പ്പി​ൾ ടൗ​ണ്‍ എ​ന്ന​റി​യ​പ്പെ​ടു​ന്ന സോ​പോ​റി​ലെ ആ​പ്പി​ൾ മാ​ർ​ക്ക​റ്റി​ൽ ദി​വ​സ​വും ആ​യി​ര​ക്ക​ണ​ക്കി​നു പെ​ട്ടി ആ​പ്പി​​ളാ​ണെ​ത്തു​ന്ന​ത്. ഏ​ഷ്യ​യി​ലെ​ത​ന്നെ ര​ണ്ടാ​മ​ത്തെ വ​ലി​യ ആ​പ്പി​ൾ വി​പ​ണി​യാ​ണു സോ​പോ​റി​ലേ​ത്. ഇ​ന്ത്യ​യി​ലെ വി​വി​ധ ന​ഗ​ര​ങ്ങ​ളി​ലേ​ക്കും വി​ദേ​ശ​ത്തേ​ക്കും നൂ​റു​ക​ണ​ക്കി​നു ലോ​ഡ് ആ​പ്പിളാ​ണ് ദി​വ​സ​വും ഇ​വി​ടെ​നി​ന്നു ക​യ​റ്റി​വി​ടു​ന്ന​ത്. 3,000 കോ​ടി​യി​ല​ധി​കം രൂ​പ​യാ​ണ് സോ​പോ​ർ ‘ഫ്രൂ​ട്ട് മ​ൻ​ഡി’യി​ലെ വാ​ർ​ഷി​ക വി​റ്റു​വ​ര​വ്.

“പു​തി​യ സ​ർ​ക്കാ​ർ അ​ധി​കാ​ര​ത്തി​ൽ വ​രു​ന്പോ​ൾ ആ​പ്പി​ൾ ക​ർ​ഷ​ക​ർ​ക്കു ന്യാ​യ​വി​ല ല​ഭ്യ​മാ​ക്കാ​ൻ ന​ട​പ​ടി​യെ​ടു​ക്കു​മെ​ന്ന പ്ര​തീ​ക്ഷ​യി​ലാ​ണു ക​ർ​ഷ​ക​ർ. കേ​ന്ദ്ര​ഭ​ര​ണംകൊ​ണ്ട് സാ​ധാ​ര​ണ​ക്കാ​ർ​ക്കു മെ​ച്ച​മി​ല്ല. പ​തി​റ്റാ​ണ്ടു​ക​ളാ​യി പ​ര​ന്പ​രാ​ഗ​ത ആ​പ്പി​ൾ ഇ​ന​ങ്ങ​ളാ​ണു കൃ​ഷി ചെ​യ്തി​രു​ന്ന​ത്. എ​ന്നാ​ൽ, രു​ചി​യും ഡി​മാ​ൻ​ഡു​മു​ള്ള പു​തി​യ ഇ​ന​ങ്ങ​ളി​ലേ​ക്ക് കൃ​ഷി വ്യാ​പി​പ്പി​ച്ചു. മെ​ച്ച​പ്പെ​ട്ട വി​ല ല​ഭി​ക്കു​ന്ന​തും വി​പ​ണി​യി​ൽ ആ​വ​ശ്യ​ക്കാ​രു​ണ്ടെ​ന്ന​തു​മാ​ണ് പ്ര​ധാ​നം.’’ -സോ​പോ​റി​ലെ ആപ്പി​ൾ ക​ർ​ഷ​ക​നാ​യ ആ​രി​ഫ് ബ​ട്ട് ദീ​പി​ക​യോട് പ​റ​ഞ്ഞു.

►സ്ഥാ​നാ​ർ​ഥി​പ്ര​ള​യ​ത്തി​ലും ക​ളി◄


ഏ​ഷ്യ​യി​ലെ ഏ​റ്റ​വും വ​ലി​യ ശു​ദ്ധ​ജ​ല ത​ടാ​ക​ങ്ങ​ളി​ലൊ​ന്നാ​യ വു​ലാ​ർ ത​ടാ​കം സോ​പോ​റി​നും ബ​ന്ദി​പു​ർ ജി​ല്ല​യ്ക്കും ഇ​ട​യി​ലാ​ണ്. വി​വി​ധ രാ​ഷ്‌​ട്രീ​യ ​പാ​ർ​ട്ടി​ക​ളു​ടെ​യും സ്ഥാ​നാ​ർ​ഥി​ക​ളു​ടെ​യും വ​ലി​യ പ്ര​ചാ​ര​ണ ബോ​ർ​ഡു​ക​ൾ ന​ഗ​ര​ത്തി​ലെ​ങ്ങു​മു​ണ്ട്. നാ​ഷ​ണ​ൽ കോ​ണ്‍ഫ​റ​ൻ​സ്, പി​ഡി​പി, കോ​ണ്‍ഗ്ര​സ് സ്ഥാ​നാ​ർ​ഥി​ക​ളു​ടെ വോ​ട്ടു​ക​ൾ ഭി​ന്നി​പ്പി​ക്കു​ന്ന​തി​നാ​യി ചെ​റു​പാ​ർ​ട്ടി​ക​ളെ​യും സ്വ​ത​ന്ത്ര​രെ​യും കൂ​ടു​ത​ലാ​യി രം​ഗ​ത്തി​റ​ക്കി​യ​ത് ബി​ജെ​പി​യു​ടെ ത​ന്ത്ര​മാ​ണെ​ന്നാ​ണു റി​പ്പോ​ർ​ട്ടു​ക​ൾ.

ബാ​രാ​മു​ള്ള​യി​ൽ മാ​ത്രം 25 സ്ഥാ​നാ​ർ​ഥി​ക​ളാ​ണു മ​ത്സ​ര​രം​ഗ​ത്തു​ള്ള​ത്. സി​റ്റിം​ഗ് എം​എ​ൽ​എ​യാ​യ പി​ഡി​പി​യു​ടെ മു​ഹ​മ്മ​ദ് റ​ഫീ​ഖ് റാ​ഥ​ർ, നാ​ഷ​ണ​ൽ കോ​ണ്‍ഫ​റ​ൻ​സി​ന്‍റെ ജാ​വി​ദ് ഹ​സ​ൻ ബെ​യ്ഗ്, കോ​ണ്‍ഗ്ര​സി​ന്‍റെ മി​ർ ഇ​ക്ബാ​ൽ അ​ഹ​മ്മ​ദ് എ​ന്നി​വ​ർ​ക്കു വെ​ല്ലു​വി​ളി ഉ​യ​ർ​ത്താ​ൻ എ​ൻ​ജി​നി​യ​ർ റാ​ഷി​ദി​ന്‍റെ അ​വാ​മി ഇ​ത്തേ​ഹാ​ദ് പാ​ർ​ട്ടി (എ​ഐ​പി) സ്ഥാ​നാ​ർ​ഥി അ​ട​ക്ക​മു​ള്ള​വ​ർ സ​ജീ​വ പ്ര​ചാ​ര​ണ​ത്തി​ലാ​ണ്. ജ​യി​ലി​ൽ കി​ട​ന്നു ലോ​ക്സ​ഭ​യി​ലേ​ക്കു ജ​യി​ച്ച എ​ൻ​ജി​നി​യ​ർ റാ​ഷി​ദി​ന്‍റെ പ​ല സ്ഥാ​നാ​ർ​ഥി​ക​ളു​ടെ​യും പ്ര​ചാ​ര​ണ​ച്ചെ​ല​വ് ബി​ജെ​പി​യാ​ണു ന​ൽ​കു​ന്ന​തെ​ന്ന് നാ​ഷ​ണ​ൽ കോ​ണ്‍ഫ​റ​ൻ​സ് ആ​രോ​പി​ക്കു​ന്നു.

►വോ​ട്ട​ർ​ക്കും നേ​താ​വി​നും ആ​വേ​ശം◄

വോ​ട്ട​ർ​മാ​രി​ലെ ആ​വേ​ശ​മാ​ണ് ഇ​ത്ത​വ​ണ പ്ര​ചാ​ര​ണ​ത്തി​ന്‍റെ ശ​ക്തി​യെ​ന്നു സോ​പോ​റി​ന് അ​ടു​ത്തു​ള്ള വ​ഗൂ​ര-ക്രീ​രി മ​ണ്ഡ​ല​ത്തി​ലെ കോ​ണ്‍ഗ്ര​സ് സ്ഥാ​നാ​ർ​ഥി ഇ​ർ​ഫാ​ൻ ഹ​ഫീ​സ് ലോ​ണ്‍ പ​റ​ഞ്ഞു. നാ​ഷ​ണ​ൽ കോ​ണ്‍ഫ​റ​ൻ​സി​ന്‍റെ പി​ന്തു​ണ കൂ​ടി​യു​ള്ള​തി​നാ​ൽ വി​ജ​യം ഉ​റ​പ്പാ​ണെ​ന്ന് അ​ദ്ദേ​ഹം ത​റ​പ്പി​ച്ചു​പ​റ​യു​ന്നു. എ​ന്നാ​ൽ, വി​ജ​യം ആ​വ​ർ​ത്തി​ക്കു​മെ​ന്ന് പി​ഡി​പി സ്ഥാ​നാ​ർ​ഥി​യും മു​ൻ​മ​ന്ത്രി​യും സി​റ്റിം​ഗ് എം​എ​ൽ​എ​യു​മാ​യ സെ​യ്ദ് ബ​ഷാ​ര​ത് ബു​ഖാ​രി പ​റ​ഞ്ഞു. പി​ഡി​പി​യി​ലെ പ​ല പ്ര​വ​ർ​ത്ത​ക​രും കോ​ണ്‍ഗ്ര​സി​ലേ​ക്കു മാ​റി​യ​താണ് ഇ​ത്ത​വ​ണ മ​ത്സ​രം ക​ടു​പ്പി​ച്ച​ത്.

ജ​മ്മു​-കാ​ഷ്മീ​ലെ 90 അം​ഗ നി​യ​മ​സ​ഭ​യി​ലേ​ക്ക് മൂ​ന്നു ഘ​ട്ട​മാ​യി ന​ട​ന്ന വോ​ട്ടെ​ടു​പ്പ് പൂ​ർ​ത്തി​യാ​യ​തോ​ടെ പ്ര​ധാ​ന രാ​ഷ്‌​ട്രീ​യ​പാ​ർ​ട്ടി​ക​ളെ​ല്ലാം പ്ര​തീ​ക്ഷ​യി​ലാ​ണ്. അ​നു​ച്ഛേ​ദം 370 തി​രി​കെ കൊ​ണ്ടു​വ​രാ​ൻ ക​ഴി​ഞ്ഞി​ല്ലെ​ങ്കി​ലും ജ​മ്മു​-കാ​ഷ്മീ​രി​ന് പൂ​ർ​ണ സം​സ്ഥാ​ന പ​ദ​വി ന​ൽ​കു​മെ​ന്ന​താ​ണു പ്ര​ധാ​ന പാ​ർ​ട്ടി​ക​ളു​ടെ വാ​ഗ്ദാ​നം. എ​ന്നാ​ൽ, സം​സ്ഥാ​ന പ​ദ​വി എ​ടു​ത്തു​ക​ള​ഞ്ഞ്, കേ​ന്ദ്ര​ഭ​ര​ണ പ്ര​ദേ​ശ​മാ​ക്കി​യ ബി​ജെ​പി​യു​ടെ ഇ​ക്കാ​ര്യ​ത്തി​ലു​ള്ള വാ​ഗ്ദാ​നം വി​ശ്വ​സി​ക്കാ​നാ​കി​ല്ലെ​ന്ന് കാ​ഷ്മീ​രി വോ​ട്ട​ർ​മാ​രി​ൽ പ​ല​രും പ​റ​ഞ്ഞു. ഭ​ര​ണം ല​ഭി​ച്ചാ​ൽ പൂ​ർ​ണ അ​ധി​കാ​ര​ങ്ങ​ളോ​ടെ​യു​ള്ള നി​യ​മ​സ​ഭ​യും സ​ർ​ക്കാ​രും ന​ൽ​കു​മെ​ന്ന കോ​ണ്‍ഗ്ര​സ്- നാ​ഷ​ണ​ൽ കോ​ണ്‍ഫ​റ​ൻ​സ് സ​ഖ്യ​ത്തി​ന്‍റെ വാ​ഗ്ദാ​നം വോ​ട്ടെ​ടു​പ്പി​ൽ പ്ര​തി​ഫ​ലി​ച്ചേ​ക്കും.

►വോ​ട്ടെ​ണ്ണ​ലി​നു​ശേ​ഷ​വും ക​ളി◄

ജ​മ്മു മേ​ഖ​ല​യി​ൽ​നി​ന്ന് 30 സീ​റ്റ് നേ​ടാ​നാ​യാ​ൽ ചെ​റു​പാ​ർ​ട്ടി​ക​ളെ​യും സ്വ​ത​ന്ത്ര​രെ​യും കൂ​ട്ടി ഭ​ര​ണം പി​ടി​ക്കാ​മെ​ന്ന ത​ന്ത്ര​മാ​ണു ബി​ജെ​പി​യു​ടേ​ത്. ജ​മ്മു​വി​ൽനി​ന്ന് ആ​ദ്യ​മാ​യൊ​രു ഹി​ന്ദു മു​ഖ്യ​മ​ന്ത്രി എ​ന്ന വാ​ഗ്ദാ​ന​ത്തി​ൽ ജ​മ്മു മേ​ഖ​ല​യി​ലെ മ​ഹാ​ഭൂ​രി​പ​ക്ഷം വോ​ട്ട​ർ​മാ​രെ​യും സ്വാ​ധീ​നി​ക്കാ​മെ​ന്ന് ബി​ജെ​പി ക​ണ​ക്കു​കൂ​ട്ടു​ന്നു. ജ​മ്മു​വി​ലും കാ​ഷ്മീ​ർ താ​ഴ്‌വ​ര​യി​ലും കൂ​ടു​ത​ൽ സീ​റ്റ് നേ​ടു​മെ​ന്ന് കോ​ണ്‍ഗ്ര​സി​ന് ആ​ത്മ​വി​ശ്വാ​സ​മു​ണ്ട്. ഭാ​ര​ത് ജോ​ഡോ യാ​ത്ര​യും രാ​ഹു​ൽ ഗാ​ന്ധി​യു​ടെ​യും പ്രി​യ​ങ്ക ഗാ​ന്ധി​യു​ടെ​യും പ്ര​ചാ​ര​ണ​വും വോ​ട്ട​ർ​മാ​രെ സ്വാ​ധീ​നി​ക്കു​മെ​ന്ന് കോ​ണ്‍ഗ്ര​സ് നേ​താ​ക്ക​ൾ പ​റ​ഞ്ഞു.

എ​ന്നാ​ൽ, വ്യ​ക്ത​മാ​യ ഭൂ​രി​പ​ക്ഷം നേ​ടി സ​ർ​ക്കാ​ർ രൂ​പവത്ക​രി​ക്കു​മെ​ന്ന് കോ​ണ്‍ഗ്ര​സു​മാ​യി സ​ഖ്യ​ത്തി​ൽ മ​ത്സ​രി​ക്കു​ന്ന നാ​ഷ​ണ​ൽ കോ​ണ്‍ഫ​റ​ൻ​സ് നേ​താ​വ് ഒ​മ​ർ അ​ബ്‌​ദു​ള്ള ത​റ​പ്പി​ച്ചു​പ​റ​യു​ന്നു. ജ​മ്മു മേ​ഖ​ല​യി​ൽ ബി​ജെ​പി​ക്കു തു​ല്യ​മോ, കൂ​ടു​ത​ലോ സീ​റ്റ് നേ​ടു​മെ​ന്ന് കോ​ണ്‍ഗ്ര​സ് അ​വ​കാ​ശ​പ്പെ​ട്ടു. തൂ​ക്കു​സ​ഭ വ​ന്നാ​ൽ ബി​ജെ​പി​യെ അ​ധി​കാ​ര​ത്തി​ൽ​നി​ന്നു മാ​റ്റി​നി​ർ​ത്തു​ന്ന​തി​നാ​ണ് മു​ൻ​തൂ​ക്ക​മെ​ന്ന് പി​ഡി​പി നേ​താ​വ് മെ​ഹ​ബൂ​ബ മു​ഫ്തി വ്യ​ക്ത​മാ​ക്കി.

ആ​വ​ശ്യ​മെ​ങ്കി​ൽ മെ​ഹ​ബൂ​ബ​യു​ടെ പി​ന്തു​ണ​യും തേ​ടു​മെ​ന്ന് ബി​ജെ​പി ഇ​ന്ന​ലെ അ​വ​കാ​ശ​പ്പെ​ട്ടു. ആ​ർ​ക്കും ഭൂ​രി​പ​ക്ഷ​മി​ല്ലെ​ങ്കി​ൽ പി​ഡി​പി​യും ചെ​റു​പാ​ർ​ട്ടി​ക​ളും സ്വ​ത​ന്ത്ര​രും വി​ല​പേ​ശ​ലി​നാ​യി കാ​ത്തി​രി​ക്കു​ക​യാ​ണ്. ജ​മ്മു​കാ​ഷ്മീ​രി​ലെ ഭൂ​രി​പ​ക്ഷം വോ​ട്ട​ർ​മാ​രും പോ​ളിം​ഗ് ബൂ​ത്തി​ലെ​ത്തി​യ​തിലും കാ​ര്യ​മാ​യ അ​ക്ര​മ​സം​ഭ​വ​ങ്ങ​ൾ ഒ​ഴി​വാ​യ​തി​ലു​മാ​ണ് ജ​ന​ങ്ങ​ളു​ടെ​യും നേ​താ​ക്ക​ളു​ടെ​യും പ്ര​തീ​ക്ഷ. വോ​ട്ടെ​ണ്ണ​ൽ ന​ട​ക്കു​ന്ന എ​ട്ടി​ലെ ജ​ന​വി​ധി​യെ ആ​ശ്ര​യി​ച്ചാ​കും ഇ​നി​യു​ള്ള ക​ളി​ക​ൾ.