ഇ​ന്ത്യാ​ഗേ​റ്റി​ൽ നി​സാ​ൻ-​ജി​ടി​ആ​റി​ൽ മൂ​ളി​പ്പ​റ​ന്ന് ബി​ജെ​പി മ​ന്ത്രി​യു​ടെ അ​ന​ന്ത​ര​വ​ൻ
രാ​ജ്യ​ത​ല​സ്ഥാ​ന​ത്തെ അ​തീ​വ​സു​ര​ക്ഷാ മേ​ഖ​ല​യാ​യ വി​ജ​യ് ചൗ​ക്കി​ൽ നി​സാ​ൻ-​ജി​ടി​ആ​റി​ൽ യു​വാ​വി​ന്‍റെ പ്ര​ക​ട​നം. ശ​നി​യാ​ഴ്ച പു​ല​ർ​ച്ചെ നാ​ലോ​ടെ​യാ​ണ് ഇ​ന്ത്യാ​ഗേ​റ്റി​നു സ​മീ​പം യു​വാ​വ് കാ​റു​മാ​യി പോ​ലീ​സി​നെ വെ​ള്ളം​കു​ടി​പ്പി​ച്ച​ത്.

രാ​ഷ്ട്ര​പ​തി ഭ​വ​ൻ ഉ​ൾ​പ്പെ​ടെ​യു​ള്ള അ​തി​സു​ര​ക്ഷാ മേ​ഖ​ല​ക​ളി​ൽ ര​ണ്ടു കോ​ടി വി​ല​മ​തി​ക്കു​ന്ന കാ​റി​ൽ പാ​റി​പ്പ​റ​ന്ന യു​വാ​വ് പോ​ലീ​സ് നോ​ക്കി​നി​ൽ​ക്കെ സ്ഥ​ലം​വി​ട്ടു. ഒ​രു ദി​വ​സ​ത്തെ തെ​ര​ച്ചി​ലി​നു​ശേ​ഷ​മാ​ണ് പോ​ലീ​സി​ന് കാ​റി​ന്‍റെ ഉ​ട​മ​യെ ക​ണ്ടെ​ത്താ​നാ​യ​ത്. സി​സി​ടി​വി ദൃ​ശ്യ​ങ്ങ​ളി​ൽ​നി​ന്നാ​ണ് പോ​ലീ​സ് കാ​റി​ന്‍റെ ന​ന്പ​ർ തി​രി​ച്ച​റി​ഞ്ഞ​ത്.

ഹ​രി​യാ​ന ധ​ന​മ​ന്ത്രി​യും ബി​ജെ​പി നേ​താ​വു​മാ​യ ക്യാ​പ്റ്റ​ൻ അ​ഭി​മ​ന്യു​വി​ന്‍റെ അ​ന​ന്ത​ര​വ​ൻ സ​ർ​വേ​ഷ് സി​ന്ധു​വാ​ണ് കാ​റി​ൽ അ​ഭ്യാ​സം ന​ട​ത്തി​യ​ത്. ഗു​ഡ്ഗാ​വു​മാ​യി അ​തി​ർ​ത്തി പ​ങ്കി​ടു​ന്ന കാ​പ​സേ​ഡ​യി​ലെ ഫാം​ഹൗ​സി​ൽ​നി​ന്ന് ഈ ​കാ​ർ ക​ണ്ടെ​ത്തി.

സാ​ധാ​ര​ണ സ്പീ​ഡി​ലാ​ണ് സി​ന്ധു കാ​ർ ഓ​ടി​ച്ചി​രു​ന്ന​തെ​ന്നും വി​ശാ​ല​മാ​യ റോ​ഡ് ക​ണ്ട​തോ​ടെ​യാ​ണ് ഇ​യാ​ൾ വേ​ഗ​ത വ​ർ​ധി​പ്പി​ച്ച​തെ​ന്നും പോ​ലീ​സ് പ​റ​യു​ന്നു. ഇ​വി​ടെ​നി​ന്നു പോ​കു​ന്ന​തി​നു മു​ന്പ് മൂ​ന്നു ത​വ​ണ ഇ​യാ​ൾ പോ​ലീ​സ് ട്രാ​ഫി​ക് ബൂ​ത്തി​നു വ​ലം​വ​ച്ചു. അ​പ​ക​ട​ക​ര​മാ​യി വാ​ഹ​ന​മോ​ടി​ച്ച​തി​ന് സി​ന്ധു​വി​ന് നോ​ട്ടീ​സ് അ​യ​യ്ക്കു​മെ​ന്ന് പോ​ലീ​സ് അ​റി​യി​ച്ചു.

ജാ​പ്പ​നീ​സ് കാ​ർ നി​ർ​മാ​താ​ക്ക​ളാ​യ നി​സാ​ന്‍റെ ഏ​റ്റ​വും പ്ര​സി​ദ്ധ​മാ​യ സ്പോ​ർ​ട്സ് കാ​റാ​ണ് നി​സാ​ൻ-​ജി​ടി​ആ​ർ. 2017-ൽ ​പു​റ​ത്തി​റ​ക്കി​യ കാ​റി​ന്‍റെ പ​രി​ഷ്ക​രി​ച്ച പ​തി​പ്പു​ക​ൾ നി​ല​വി​ൽ വി​പ​ണി​യി​ൽ എ​ത്തു​ന്നു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.




Copyright @ 2020 , Rashtra Deepika Ltd.