‘മിഥുനേ, പെരുംകുടി ബേബി കലക്കി’; അതു കേട്ടപ്പോൾ ചുറ്റുമുള്ളതൊന്നും കാണാൻ പറ്റിയില്ല’
ആൻ മരിയ കലിപ്പിൽ തീയറ്റർ നിറഞ്ഞോടുമ്പോൾ മിഥുൻ മാനുവൽ സന്തോഷത്തിലാണ്. ഒരുപാട് പേരാണ് ചിത്രം ഉഗ്രനാണെന്ന് അറിയിച്ച് ദിവസവും വിളിക്കുന്നത്. ഇതിനിടെ തനിക്ക് ഏറ്റവും സർപ്രൈസ് ആയി വന്ന ഫോൺകോളിനെക്കുറിച്ചു വാചാലനാകുകയാണ് സംവിധായകൻ. ഫേസ്ബുക്ക് പോസ്റ്റിലൂടെയാണ് മിഥുൻ തന്റെ സന്തോഷം അറിയിച്ചത്. ഹിറ്റ് സംവിധായകൻ ഭദ്രൻ ആണ് മിഥുനെ അപ്രതീക്ഷിതമായി വിളിച്ചത്. ആൻമരിയ കണ്ടുവെന്നും വളരെ നന്നായിട്ടുണ്ടെന്നും അതിലെ സിദ്ധിഖ് ചെയ്ത അച്ചായൻ കഥാപാത്രമായ പെരുംകുടി ബേബി കലക്കിയെന്നുമാണ് ഭദ്രൻ പറഞ്ഞത്. ഇതിഹാസമായ ആടുതോമാച്ചായനെ സൃഷ്‌ടിച്ച അദ്ദേഹത്തിന്റെ നാവിൽ നിന്ന് അത് കേട്ടപ്പോൾ താൻ ത്രില്ലടിച്ചുപോയെന്നും മിഥുൻ പറയുന്നു.

മികച്ച കളക്ഷനും അഭിപ്രായവും നേടി ഹിറ്റിലേക്കു നീങ്ങുകയാണ് ആൻമരിയ കലിപ്പിലാണ് എന്ന കൊച്ചു ചിത്രം. തെന്നിന്ത്യൻ ബാലതാരം സാറ അർജുനാണ് ടൈറ്റിൽ റോളിലെത്തുന്നത്. സണ്ണി വെയ്ൻ, അജു വർഗീസ്, സൈജു കുറുപ്പ്, സിദ്ധിഖ്, ലിയോണ ലിഷോയ് എന്നിവരും പ്രധാന വേഷങ്ങളിലെത്തുന്നു. ആട് ഒരു ഭീകരജീവിയാണ് എന്ന ചിത്രത്തിനു ശേഷം മിഥുൻ സംവിധാനം ചെയ്ത സിനിമയാണ് ആൻമരിയ. നേരത്തെ, ജൂഡ് ആന്റണി ജോസഫ് സംവിധാനം ചെയ്ത ഓം ശാന്തി ഓശാനയ്ക്ക് തിരക്കഥയൊരുക്കിയത് മിഥുനായിരുന്നു.

മിഥുൻ മാനുവലിന്റെ ഫേസ്ബുക്ക് പോസ്റ്റ്:
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Loading...