മു​ന്‍ കാ​മു​കി തി​രി​കെ​യെ​ത്താ​ന്‍ 21 മ​ണി​ക്കൂ​ര്‍ മു​ട്ടു​കു​ത്തി നി​ന്ന് യു​വാ​വ്
Wednesday, April 5, 2023 5:00 PM IST
സാ​ധാ​ര​ണ​യാ​യി ചൈ​നീ​സ് ഉ​ത്പ​ന്ന​ങ്ങ​ളെ ഗ്യാ​ര​ണ്ടി ഇ​ല്ലാ​യെ​ന്ന് പ​റ​യാ​റു​ണ്ട​ല്ലൊ. പ്ര​ണ​യ​ത്തെ​യും ചൈ​നീ​സ് ഉ​ത്പ​ന്ന​മെ​ന്ന് ചി​ല വി​രു​ത​ന്‍​മാ​ര്‍ ട്രോ​ളാ​റു​ണ്ട്. എ​ന്നാ​ല്‍ ഒ​രു ചൈ​ന​ക്കാ​രന്‍റെ പ്ര​ണ​യം അ​ത്ര പെ​ട്ടെ​ന്ന് ന​ശി​ക്കു​ന്ന​ത​ല്ല എ​ന്ന ഒ​രു കാ​ര്യ​മാ​ണ് സ​മൂ​ഹ മാ​ധ്യ​മ​ങ്ങ​ളി​ല്‍ ഇ​പ്പോ​ള്‍ ച​ര്‍​ച്ച​യാ​കു​ന്ന​ത്.

ഒ​രു ചൈ​ന​ക്കാ​ര​ന്‍റെ പ്ര​ണ​യം ത​ക​ര്‍​ന്നി​ടംമു​ത​ലാ​ണ് ക​ഥ ആ​രം​ഭി​ക്കു​ന്ന​ത്. കാ​മു​കി അ​ദ്ദേ​ഹ​ത്തി​ല്‍ നി​ന്നും പി​രി​ഞ്ഞ് അ​വ​രു​ടേ​താ​യ ജീ​വി​ത വ​ഴി​യി​ല്‍ യാ​ത്രചെ​യ്യാ​ന്‍ തു​ട​ങ്ങി. എ​ന്നാ​ല്‍ വി​ര​ഹ​വേ​ദ​ന താ​ങ്ങാ​ന്‍ ത​നി​ക്കാ​കി​ല്ലെ​ന്ന് അ​പ്പോ​ഴാ​ണ് കാ​മു​ക​ന്‍ മ​ന​സി​ലാ​ക്കി​യ​ത്.

അ​തോ​ടെ ഇ​ദ്ദേ​ഹം കാ​മു​കി​യെ തി​രി​കെ നേ​ടാ​നു​ള്ള ശ്ര​മ​ങ്ങ​ള്‍ ആ​രം​ഭി​ച്ചു. എ​ന്നാ​ല്‍ യു​വ​തി​യു​ടെ മ​ന​സ് അ​ത്ര അ​ലി​ഞ്ഞി​ല്ല. പ​ക്ഷേ ഈ ​കാ​മു​ക​ന്‍ യു​വ​തി​യു​ടെ ഓ​ഫീ​സി​ന് മു​ന്നി​ല്‍ കൈ​യി​ല്‍ റോ​സാ​പ്പൂ​ക്ക​ളു​മാ​യി എ​ത്തി. യു​വ​തി​യു​ടെ വ​ര​വി​നാ​യി ഇ​യാ​ള്‍ കാ​ത്തി​രു​ന്നു.

എ​ന്നാ​ല്‍ ആ ​കാ​ത്തി​രി​പ്പ് കു​റേ നീ​ണ്ടു. 21 മ​ണി​ക്കൂ​റാ​ണ് ഈ ​കാ​മു​ക​ന്‍ മു​ട്ടു​കു​ത്തി നി​ന്ന​ത്. മാ​ര്‍​ച്ച് 28ന് ​ഉ​ച്ച​യ്ക്ക് ഒ​ന്നു​മു​ത​ല്‍ അ​ടു​ത്തദി​വ​സം രാ​വി​ലെ 10 വ​രെ​യാ​യി​രു​ന്നു ഈ ​നി​ല്‍​പ്. മ​ഴ​യും വെ​യി​ലും ഇ​തി​നി​ടെ വ​ന്നു. എ​ന്നി​ട്ടും ഈ ​യു​വാ​വ് പി​ന്‍​വാ​ങ്ങി​യി​ല്ല.

വി​വ​ര​മ​റി​ഞ്ഞ് ആ​ളു​ക​ള്‍ യു​വാ​വി​ന​ടു​ത്തേ​ക്കെ​ത്തി. സ​മൂ​ഹ മാ​ധ്യ​മ​ങ്ങ​ളും മാ​ധ്യ​മ​ങ്ങ​ളും ഈ ​പ്ര​ണ​യി​താ​വി​ന്‍റെ കാ​ര്യം വ​ലി​യ വാ​ര്‍​ത്ത​യാ​ക്കി. എ​ന്തി​നേ​റെ ചൈ​നീ​സ് പോ​ലീ​സ്‌​വ​രെ യു​വാ​വി​ന​രി​കി​ലെ​ത്തി.

അ​വ​ര്‍ അ​യാ​ളോ​ട് പി​ന്‍​മാ​റാ​ന്‍ ആ​വ​ശ്യ​പ്പെ​ട്ടു. പ​ക്ഷേ "താ​ന്‍ ഇ​വി​ടെ മു​ട്ടു​കു​ത്തു​ന്ന​ത് നി​യ​മ​വി​രു​ദ്ധ​മാ​ണോ? ഇ​ത് നി​യ​മ​വി​രു​ദ്ധ​മ​ല്ലെ​ങ്കി​ല്‍ ദ​യ​വാ​യി വെ​റു​തെ വി​ടൂ' എ​ന്നാ​ണ് യു​വാ​വ് പോ​ലീ​സി​നോ​ട് പ​റ​ഞ്ഞ​ത്.

എ​ന്താ​യാ​ലും വി​വ​ര​മ​റി​ഞ്ഞി​ട്ടും കാ​മു​കി എ​ത്തി​യി​ല്ല എ​ന്നാ​ണ് വി​വ​രം. "യു​വാ​വി​ന്‍റെ പ്ര​ണ​യം വ​ലി​യ​താ​യി​രി​ക്കാം എ​ന്നി​രു​ന്നാ​ലും പെ​ണ്‍​കു​ട്ടി​ക്ക് അ​വ​ളു​ടേ​താ​യ തീ​രു​മാ​ന​മെ​ടു​ക്കാ​നു​ള്ള സ്വാ​ത​ന്ത്ര്യ​മു​ണ്ട്. അ​ത് മാ​നി​ക്ക​ണം' എ​ന്നാ​ണൊ​രാ​ള്‍ സ​മൂ​ഹ മാ​ധ്യ​മ​ങ്ങ​ളിൽ കു​റി​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.