ഡ്രൈ​വ​റി​ല്ലാ​തെ ഇ​റ​ക്ക​ത്തി​ൽ ഉ​രു​ണ്ടു​നീ​ങ്ങി ബ​സ്, നി​ല​വി​ളി​ച്ച് കൂ​ട്ടി​ക​ൾ; ര​ക്ഷ​ക​നാ​യി പ​ത്തു​വ​യ​സു​കാ​ര​ൻ
Wednesday, March 2, 2022 12:06 PM IST
വി​ദ്യാ​ർ​ഥി​യാ​യ 10 വ​യ​സു​ള്ള ആ​ദി​ത്യ​ന്‍റെ അ​വ​സ​രോ​ചി​ത ഇ​ട​പെ​ട​ൽ​മൂ​ലം വ​ൻ അ​പ​ക​ടം ഒ​ഴി​വാ​യി. ഡ്രൈ​വ​ർ ഇ​ല്ലാ​ത്ത സ​മ​യ​ത്ത് നീ​ങ്ങി​ത്തു​ട​ങ്ങി​യ സ്​കൂ​ൾ ബ​സി​ന്‍റെ ബ്രേ​ക്ക് ച​വി​ട്ടി നി​ർ​ത്തി സ​ഹ​പാ​ഠി​ക​ളു​ടെ ര​ക്ഷ​ക​നാ​യി മാ​റി​യി​രി​ക്കു​ക​യാ​ണ് ആ​ദി​ത്യ​ൻ. ശ്രീ​മൂ​ല​ന​ഗ​രം അ​ക​വൂ​ർ സ്കൂ​ളി​ലെ അ​ഞ്ചാം ക്ലാ​സ് വി​ദ്യാ​ർ​ഥി​യാ​ണ്. തി​ങ്ക​ളാ​ഴ്ച വൈ​കു​ന്നേ​രം അ​ഞ്ചി​നാ​യി​രു​ന്നു സം​ഭ​വം.

സ്കൂ​ൾ ക​ഴി​ഞ്ഞ് കു​ട്ടി​ക​ൾ വീ​ട്ടി​ലേ​ക്ക് പോ​കാ​നാ​യി ബ​സി​ൽ ക​യ​റി​യി​രി​ക്കു​ക​യാ​യി​രു​ന്നു. ചെ​റി​യ ഇ​റ​ക്ക​മു​ള്ള ഭാ​ഗ​ത്താ​ണ് ബ​സ് പാ​ർ​ക്ക് ചെ​യ്തി​രു​ന്ന​ത്. ഡ്രൈ​വ​ർ ചാ​യ കു​ടി​ക്കാ​നാ​യി അ​ടു​ത്ത ക​ട​യി​ൽ പോ​യി​രി​ക്കു​ക​യാ​യി​രു​ന്നു. ഇ​തി​നി​ടെ ബ​സ് പ​തു​ക്കെ നീ​ങ്ങി​തു​ട​ങ്ങി​യി​രു​ന്നു. ബ​സി​ലെ കു​ട്ടി​ക​ൾ ക​ര​ച്ചി​ലും ബ​ഹ​ള​വു​മാ​യി ഒ​ച്ച​വ​ച്ചു.

ഗ്രൗ​ണ്ടി​ൽ കി​ട​ന്ന ബ​സ് ത​നി​യെ നീ​ങ്ങു​ന്ന​ത് ക​ണ്ട് ആ​ദി​ത്യ​ൻ ഓ​ടി​വ​ന്നു വ​ണ്ടി​യി​ൽ ക​യ​റി ബ്രേ​ക്ക് ച​വി​ട്ടി വാ​ഹ​നം നി​ർ​ത്തു​ക​യാ​യി​രു​ന്നു. 25 ഓ​ളം വി​ദ്യാ​ർ​ഥി​ക​ളാ​ണ് ബ​സി​ൽ ഉ​ണ്ടാ​യി​രു​ന്ന​ത്. ശ്രീ​മൂ​ല​ന​ഗ​രം പ​ഞ്ചാ​യ​ത്തി​ലെ ശ്രീ​ഭൂ​ത​പു​രം വാ​രി​ശേ​രി വീ​ട്ടി​ൽ രാ​ജേ​ഷി​ന്‍റെ മ​ക​നാ​ണ് ആ​ദി​ത്യ​ൻ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.