കു​ട്ടി ആ​രാ​ധ​ക​ന് സ​മ്മാ​ന​മാ​യി റാ​ക്ക​റ്റ്; ര​ഹ​സ്യം വെ​ളി​പ്പെ​ടു​ത്തി ജോ​ക്കോ​വി​ച്ച്
ഫ്ര​ഞ്ച് ഓ​പ്പ​ണി​ലെ ഏ​റ്റ​വും ആ​വേ​ശ​നം നേ​ടി​യ പോ​രാ​ട്ട​മാ​യി​രു​ന്നു നൊ​വാ​ക്ക് ജോ​ക്കോ​വി​ച്ച് - സ്റ്റെ​ഫാ​നോ സി​റ്റ്സി​പാ​സ് മ​ത്സ​രം. ആ​ദ്യ ര​ണ്ട് സെ​റ്റ് ന​ഷ്ട​മാ​യ​ശേ​ഷം തി​രി​ച്ച​ടി​ച്ച് തു​ട​ർ​ച്ച​യാ​യി മൂ​ന്ന് സെ​റ്റ് നേ​ടി​യാ​ണ് നൊ​വാ​ക്ക് ജോ​ക്കോ​വി​ച്ച് കി​രീ​ടം സ്വ​ന്ത​മാ​ക്കി​യ​ത്. പ​ക്ഷെ മത്സര ശേഷം സ്റ്റേ​ഡി​യ​ത്തി​ൽ നൊ​വാ​ക്ക് ജോ​ക്കോ​വി​ച്ചിനേക്കാൾ ശ്ര​ദ്ധ​നേ​ടി​യ​ത് ഒ​രു കു​ഞ്ഞു ബാ​ല​നാ​ണ്. ജോ​ക്കോ​വി​ച്ച് ത​ന്‍റെ പ്രി​യ​പ്പെ​ട്ട റാ​ക്ക​റ്റ്സ​മ്മാ​നി​ച്ച ബാ​ല​ൻ.

മ​ത്സ​ര​ശേ​ഷം സി​റ്റ്സി​പാ​സി​ന് കൈ​കൊ​ടു​ത്ത​ശേ​ഷം ജോ​ക്കോ നേ​രെ പോ​യ​ത് ഗ്യാ​ല​റി​യി​ലെ ഈ ​കു​ട്ടി​യു​ടെ അ​ടു​ത്തേ​ക്കാ​യി​രു​ന്നു. ത​ന്‍റെ പ്രി​യ​പ്പെ​ട്ട റാ​ക്ക​റ്റ് ഒ​രു കു​ട്ടി​ക്ക് സ​മ്മാ​നി​ച്ച​ശേ​ഷ​മാ​ണ് ജോ​ക്കോ​വി​ച്ച് സ്വ​ന്തം ഇ​രി​പ്പി​ട​ത്തി​ലേ​ക്ക് മ​ട​ങ്ങി​യ​ത്. അ​പ്ര​തീ​ക്ഷി​ത​മാ​യി ല​ഭി​ച്ച ആ ​സ​മ്മാ​നം ക​ണ്ട് ആ ​കു​ഞ്ഞു​ബാ​ല​ൻ സ​ന്തോ​ഷ​ത്താ​ൽ തു​ള്ളി​ച്ചാ​ടു​ന്ന വീ​ഡി​യോ സോ​ഷ്യ​ൽ മീ​ഡി​യ​ക​ളി​ൽ വൈ​റ​ലാ​ണ്. ആ ​റാ​ക്ക​റ്റ് സ​മ്മാ​നി​ക്കാ​നു​ള്ള കാ​ര​ണം പി​ന്നീ​ട് വാ​ർ​ത്താ​സ​മ്മേ​ള​ന​ത്തി​ൽ ജോ​ക്കോ വി​ശ​ദീ​ക​രി​ച്ചു.



ആ ​കു​ട്ടി ആ​രാ​ണെ​ന്ന് എ​നി​ക്ക് അ​റി​യി​ല്ല. ഗ്യാ​ല​റി​യി​ലി​രു​ന്ന് അ​വ​ന്‍റെ പ​രി​ശീ​ല​ന​വും ഉ​പ​ദേ​ശ​വും പ്ര​ചോ​ദ​ന​വു​മാ​ണ് എ​ന്നെ കി​രീ​ട​ത്തി​ലേ​ക്ക് ന​യി​ച്ച​ത്. മ​ത്സ​രം മു​ഴു​വ​ൻ ഗ്യാ​ല​റി​യി​ൽ എ​ന്‍റെ സ​മീ​പ​ത്താ​യി​രു​ന്നു അ​വ​ൻ ഇ​രു​ന്ന​ത്.

ആ​ദ്യ ര​ണ്ട് സെ​റ്റ് ന​ഷ്ട​മാ​യ​തി​ന് പി​ന്നാ​ലെ അ​വ​ൻ എ​ന്നെ പ്ര​ചോ​ദി​പ്പി​ച്ചു​കൊ​ണ്ടി​രു​ന്നു. ഇ​ട​ക്കി​ടെ ഉ​പ​ദേ​ശി​ച്ചു. ആ​ദ്യ സെ​ർ​വ് ശ​രി​യാ​യി ചെ​യ്യാ​നും പി​ന്നീ​ട് ബാ​ക് ഹാ​ൻ​ഡി​ലൂ​ടെ പോ​യി​ന്‍റ് നേ​ടാ​നും അ​വ​ൻ എ​ന്നെ ഉ​പ​ദേ​ശി​ച്ചു.

അ​വ​ൻ അ​ക്ഷ​രാ​ർ​ത്ഥ​ത്തി​ൽ എ​ന്നെ പ​രി​ശീ​ലി​പ്പി​ക്കു​ക​യാ​യി​രു​ന്നു. അ​തെ​നി​ക്ക് വ​ള​രെ ര​സ​ക​ര​മാ​യി തോ​ന്നി. അ​തു​കൊ​ണ്ടാ​ണ് മ​ത്സ​ര​ശേ​ഷം എ​ന്‍റെ റാ​ക്ക​റ്റ് ന​ൽ​കി​യ​ത്. അ​ത് അ​ർ​ഹി​ക്കു​ന്ന​ത് അ​വ​നാ​ണെ​ന്ന് തോ​ന്നി.

മ​ത്സ​ര​ത്തി​ലു​ട​നീ​ളം പി​ന്തു​ണ​ച്ച​തി​നും പ്രോ​ത്സാ​ഹി​പ്പി​ച്ച​തി​നു​മു​ള്ള സ്നേ​ഹോ​പ​ഹാ​ര​മാ​യി​രു​ന്നു അ​ത്-​ജോ​ക്കോ​വി​ച്ച് പ​റ​ഞ്ഞു. മ​ത്സ​ര​ശേ​ഷം ആ​രാ​ധ​ക​നാ​യ മ​റ്റൊ​രു കു​ട്ടി​യോ​ട് സം​സാ​രി​ക്കു​ന്ന ജോ​ക്കോ​വി​ച്ചി​ന്‍റെ ചി​ത്ര​വും പു​റ​ത്തു​വ​ന്നി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.