ലോ​ക​ത്തി​ലെ ഏ​റ്റ​വും ചെ​റി​യ മ​ത്സ്യം; ശ​ബ്ദം വെ​ടി​യു​ണ്ട പോ​ലെ
Friday, March 1, 2024 1:06 PM IST
ഈ ​പ്ര​കൃ​തി​യി​ല്‍ എ​ന്തെ​ല്ലാം വി​സ്മ​യ​ങ്ങ​ള്‍ ഒ​ളി​ഞ്ഞി​രി​ക്കു​ന്നു. അ​വ​യി​ല്‍ ചി​ല​തൊ​ക്കെ ഏ​തെ​ങ്കി​ലു​മൊ​രു കാ​ല​ത്ത് വെ​ളി​വാ​ക്ക​പ്പെ​ടു​ന്നു. ശാ​സ്ത്രം അ​വ​യെ കു​റി​ച്ച് പ​ഠ​ന​ങ്ങ​ള്‍ ന​ട​ത്തു​ക​യും പു​തി​യ പു​തി​യ അ​റി​വ് ലോ​ക​ത്തി​ന് സ​മ്മാ​നി​ക്കു​ക​യും ചെ​യ്യു​ന്നു.

ആ ​ഗ​ണ​ത്തി​ലെ ഏ​റ്റ​വും പു​തി​യ ഒ​ന്നാ​ണ് ലോ​ക​ത്തി​ലെ ഏ​റ്റ​വും ചെ​റി​യ മ​ത്സ്യ​ങ്ങ​ളി​ലൊ​ന്നി​നെ കണ്ടെത്തി​യ​ത്. ഡാ​നി​യോ​ണ​ല്ല സെ​റി​ബ്രം എ​ന്ന മ​ത്‌​സ്യ​ത്തെ​യാ​ണ് ക​ണ്ടെ​ത്തി​യ​ത്. മ്യാ​ന്‍​മ​റി​ലെ അ​രു​വി​ക​ളി​ല്‍ കാ​ണ​പ്പെ​ടു​ന്ന ഈ ​മ​ത്സ്യ​ത്തി​ന് ഏ​ക​ദേ​ശം 12 മി​ല്ലി​മീ​റ്റ​ര്‍ വ​ലി​പ്പ​മു​ണ്ട്. ഒ​രു മ​നു​ഷ്യ​ന്‍റെ ന​ഖ​ത്തി​ന്‍റെ അ​ത്ര​മാ​ത്രം വീ​തി​യാ​ണ​ത്രെ ഇ​തി​ന്.

ഏ​റ്റ​വും കൗ​തു​ക​ക​ര​മാ​യ കാ​ര്യം ഈ ​മ​ത്‌​സ്യം ആം​ബു​ല​ന്‍​സ് സൈ​റ​ണി​ന്‍റേയോ വെ​ടി​യൊ​ച്ച​യു​ടെ​യോ തീ​വ്ര​ത​യ്ക്ക് സ​മാ​ന​മാ​യി 140 ഡെ​സി​ബെ​ലി​ലെ​ത്തു​ന്ന ശ​ബ്ദം ഇ​വ പു​റപ്പെ​ടു​വി​ക്കു​ന്നു എ​ന്ന​താ​ണ്. ഇ​ത്ത​ര​ത്തി​ല്‍ ഇ​ത്ര​യും ചെ​റി​യ ഈ ​മ​ത്‌​സ്യം പു​റ​പ്പെ​ടു​വി​ക്കു​ന്ന ശ​ബ്ദ സ്പ​ന്ദ​ന​ങ്ങ​ള്‍ ശാ​സ്ത്ര​ജ്ഞ​രെ അ​മ്പ​ര​പ്പി​ക്കു​ന്നു.

ബെ​ര്‍​ലി​നി​ലെ ചാ​രി​റ്റേ സ​ര്‍​വ​ക​ലാ​ശാ​ല​യി​ലെ ഗ​വേ​ഷ​ക​ര്‍ ഈ ​മ​ത്സ്യ​ത്തി​ന് ശ​ബ്ദ​മു​ണ്ടാ​ക്കാ​നു​ള്ള പ്ര​ത്യേ​ക സം​വി​ധാ​ന​മു​ണ്ടെ​ന്ന് ക​ണ്ടെ​ത്തി. ശ​ബ്ദ ഉ​ല്‍​പ്പാ​ദ​ന പ്ര​ക്രി​യ​യി​ല്‍, ഒ​രു പ്ര​ത്യേ​ക പേ​ശി നീ​ന്ത​ല്‍ മൂ​ത്ര​സ​ഞ്ചി​ക്ക് സ​മീ​പം സ്ഥി​തി​ചെ​യ്യു​ന്ന ഒ​രു വാ​രി​യെ​ല്ലി​നെ ത​രു​ണാ​സ്ഥി​യി​ലേ​ക്ക് മാ​റ്റു​ന്നു. പു​റ​ത്തി​റ​ങ്ങു​മ്പോ​ള്‍, ഈ ​വാ​രി​യെ​ല്ല് നീ​ന്ത​ല്‍ മൂ​ത്ര​സ​ഞ്ചി​യി​ല്‍ ത​ട്ടി ഡ്ര​മ്മിം​ഗ് ശ​ബ്ദം പു​റ​പ്പെ​ടു​വി​ക്കു​ന്നു.

എ​ന്നാ​ല്‍ ഇ​വ​യി​ലെ ആ​ണ്‍ മ​ത്‌​സ്യ​ങ്ങ​ള്‍ മാ​ത്ര​മാ​ണ​ത്രെ ഇ​ത്ത​ര​ത്തി​ല്‍ ശ​ബ്ദം ​പു​റ​പ്പെ​ടു​വി​ക്കു​ന്ന​ത്. അ​തി​നു​കാ​ര​ണം അ​വ​യ്ക്കാ​ണ് കൂ​ടു​ത​ല്‍ ബ​ല​പ്പെ​ട്ട വാ​രി​യെ​ല്ലു​ക​ള്‍ ഉ​ള്ള​ത്. എ​ന്നാ​ല്‍ എ​ന്തി​നാ​ണ് ഡാ​നി​യോ​ണ​ല്ല സെ​റി​ബ്രം ഇ​ത്ര​യും ഉ​ച്ച​ത്തി​ലു​ള്ള ശ​ബ്ദ​ങ്ങ​ള്‍ ഉ​ണ്ടാ​ക്കു​ന്ന​തെ​ന്ന് ശാ​സ്ത്ര​ജ്ഞ​ര്‍ ഇ​തു​വ​രെ ക​ണ്ടെ​ത്തി​യി​ട്ടി​ല്ല.

വ്യ​ക്ത​മ​ല്ലാ​ത്ത വെ​ള്ള​ത്തി​ല്‍ ത​ട​സ​ങ്ങ​ള്‍ തി​രി​ച്ച​റി​ഞ്ഞ് നീ​ന്താ​ന്‍ ഇ​ത് സ​ഹാ​യി​ക്കു​മെ​ന്ന് ചി​ല​ര്‍ ക​രു​തു​ന്നു. അ​ത​ല്ല ഇ​ന​ത്തി​ലെ മ​റ്റ് ആ​ണ്‍ ഡാ​നി​യോ​ണ​ല്ല സെ​റി​ബ്ര​ല്ല​ത്തോ​ട് മാ​റി​നി​ല്‍​ക്കാ​ന്‍ മു​ന്ന​റി​യി​പ്പ് ന​ല്‍​കു​ന്ന​താ​ണെ​ന്നും ചി​ല​ര്‍ ക​രു​തു​ന്നു; ഒ​രു​ത​രം വെ​ല്ലു​വി​ളി​പോ​ലെ​യെ​ന്ന് പ​റ​യാം. ശാ​സ്ത്രം കൂ​ടു​ത​ല്‍ ഉ​ത്ത​ര​ങ്ങ​ള്‍ ക​​ണ്ടെ​ത്തു​മെ​ന്ന് പ്ര​ത്യാ​ശി​ക്കാം.

എന്തായാലും മ്യാ​ന്‍​മ​റി​ലെ ബാ​ഗോ യോ​മ പ​ര്‍​വ​ത​നി​ര​യു​ടെ തെ​ക്ക്, കി​ഴ​ക്ക​ന്‍ ച​രി​വു​ക​ളി​ല്‍ പ്ര​ക്ഷു​ബ്ധ​മാ​യ താ​ഴ്ന്ന ഉ​യ​ര​ത്തി​ലു​ള്ള അ​രു​വി​ക​ളി​ല്‍ കാ​ണ​പ്പെ​ടു​ന്ന ഒ​രു സൈ​പ്രി​നി​ഡ് മ​ത്സ്യ ഇ​ന​മാ​യ ഡാ​നി​യോ​ണ​ല്ല സെ​റി​ബ്രം കൗ​തു​ക​ങ്ങ​ളു​ടെ ക​ല​വ​റ​യാ​യി തു​ട​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.