"ഹലോ ഗൈസ്, ഇതാണ് ക്ലൂ ക്ലോസ് പൊടി'; വീഡിയോ ഏറ്റെടുത്ത് സോഷ്യൽ മീഡിയ

ഗ്ലൂക്കോസ് പൊടിയുടെ കുപ്പിയുമായി എത്തി വ്ലോഗ് ചെയ്യുന്ന കുട്ടിയുടെ വീഡിയോ വൈറലാകുന്നു. 'ഹലോ ഗൈസ്' എന്ന് പറഞ്ഞ് തുടങ്ങുന്ന കൊച്ചു മിടുക്കന്‍റെ രസകരമായ വീഡിയോയിലെ ഐറ്റം 'ക്ലൂ ക്ലോസ് പൊടിയാണ്'. കഴിഞ്ഞ എപ്പിസോഡില്‍ കാണിച്ച സ്‌നാപ്പ്ചാറ്റിനും നാടന്‍മുട്ടയ്ക്കു ശേഷം ഇത്തവണ കാണിക്കാന്‍ പോവുന്ന ക്ലൂക്കോസ് പൊടിയെകുറിച്ചും ഈ കുട്ടി വ്‌ലോഗര്‍ പറയുന്നുണ്ട്.

വളരെ മനോഹരമായാണ് തന്‍റെ ക്ലൂക്കോസ് പൊടിയെ കുറിച്ച് ഈ മിടുക്കന്‍ വിവരിച്ചിരിക്കുന്നത് എന്നതാണ് ശ്രദ്ധേയം. അവതരണത്തിനിടയില്‍ അമ്മ വരുമ്പോള്‍ കുട്ടിയുടെ മുഖത്ത് വിടരുന്ന ഭാവവും ഹൃദ്യമാണ്. ഗ്ലൂക്കോസ് പൗഡറിന്റെ പാക്കേജ് കൊണ്ടുവന്ന് അതിന്റെ പ്രത്യേകതകളെല്ലാം വീഡിയോയിൽ പറഞ്ഞ് തരുന്നുമുണ്ട് ഈ കൊച്ച് യൂട്യൂബർ.

എന്നാൽ തന്‍റെ വ്ലോഗ് പൂർത്തിയാക്കാൻ ഈ മിടുക്കന് കഴിഞ്ഞില്ല. കാരണം അതിന് മുമ്പ് തന്നെ അമ്മ വന്ന് ഷൂട്ടിങ് നിർത്തിച്ചു. അതോടെ ‘ക്ലൂക്ലൂസ് പൊടി’യുടെ കൂടുതൽ വിശേഷങ്ങളൊന്നും കേൾക്കാനാവാതെ ആ വീഡിയോ തീർന്നുപോവുകയും ചെയ്തു.

നടന്‍ ജയസൂര്യ ഫേസ്ബുക്കില്‍ പങ്കുവെച്ച വീഡിയോയ്ക്ക് നിരവധി പേരാണ് കമന്‍റുമായി എത്തിയിരിക്കുന്നത്. 'സ്നാപ്പ് ചാറ്റും നാടൻ മുട്ടയും' എന്ന വ്ലോഗിനുശേഷം അഭിമാനപുരസ്സരം ഞങ്ങളവതരിപ്പിക്കുന്ന അടുത്ത ഐറ്റം. 'ക്ലൂ ക്ലൂസ് പൊടിയും ഒരു യൂട്യൂബറുടെ അന്ത്യവും' ഇതിനുശേഷം ഇനി വ്ലോഗുകൾ ഉണ്ടായിരിക്കുന്നതല്ല ' എന്നായയിരുന്നു ഒരാളുടെ കമന്‍റ്. ഒരു യൂട്യൂബറെ മുളയിലേ നുള്ളിയ അമ്മ,” എന്നതാണ് മറ്റൊരു കമന്‍റ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.