International News
ഗുരുത്വാകർഷണ തരംഗങ്ങൾ കണ്ടെത്തിയവർക്കു നൊബേൽ
ഗുരുത്വാകർഷണ തരംഗങ്ങൾ കണ്ടെത്തിയവർക്കു നൊബേൽ
Tuesday, October 3, 2017 12:02 PM IST
സ്റ്റോ​ക്ഹോം: ഗു​രു​ത്വാ​ക​ർ​ഷ​ണ ത​രം​ഗ​ങ്ങ​ളു​ടെ ക​ണ്ടു​പി​ടിത്തം ഇ​ക്കൊ​ല്ല​ത്തെ ഭൗ​തി​ക​ശാ​സ്ത്ര നൊ​ബേ​ലി​ന് അ​ർ​ഹ​മാ​യി. ജ​ർ​മ​നി​യി​ൽ ജ​നി​ച്ച് അ​മേ​രി​ക്ക​യി​ലെ​ത്തി​യ റെ​യ്ന​ർ വൈ​സ്, അ​മേ​രി​ക്ക​ക്കാ​രാ​യ ബാ​രി സി. ​ബാ​രി​ഷ്, കി​പ് എ​സ്. തോ​ൺ എ​ന്നി​വ​രാ​ണു പു​ര​സ്കാ​രം പ​ങ്കു​വ​ച്ച​ത്. 7.2 കോ​ടി രൂ​പ ​വ​രു​ന്ന സ​മ്മാ​ന​ത്തു​ക​യു​ടെ പ​കു​തി വൈ​സി​നും ബാ​ക്കി മ​റ്റു ര​ണ്ടു​ പേ​ർ​ക്കും കൂ​ടി​യാ​ണ്.

ഗു​രു​ത്വ​ത​രം​ഗ​ങ്ങ​ൾ ക​ണ്ടെ​ത്തി​യ ലി​ഗോ (ലേ​സ​ർ ഇ​ന്‍റ​ർ ഫെ​റോ​മീ​റ്റ​ർ ഗ്രാ​വി​റ്റേ​ഷ​ണ​ൽ വേ​വ് ഒ​ബ്സ​ർ​വേ​റ്റ​റി​)യി​ൽ പ്ര​വ​ർ​ത്തി​ച്ച​വ​രാ​ണു മൂ​വ​രും. ഇ​രു​പ​തി​ലേ​റെ രാ​ജ്യ​ങ്ങ​ളി​ലെ ആ​യി​ര​ത്തി​ലേ​റെ ഗ​വേ​ഷ​ക​ർ ലി​ഗാേ​ായു​മാ​യി ബ​ന്ധ​പ്പെ​ട്ടി​ട്ടു​ണ്ട്. മ​ല​യാ​ളി​ക​ളും ഇ​തി​ലു​ണ്ട്.

ലി​ഗോ​യു​ടെ മു​ഖ്യ​രൂ​പ​ക​ല്പ​ന വൈ​സി​ന്‍റേ​താ​ണ്. 1970ക​ളി​ൽ അ​ദ്ദേ​ഹം അ​തു സം​ബ​ന്ധി​ച്ച രൂ​പ​രേ​ഖ ത​യാ​റാ​ക്കി​യി​രു​ന്നു. പ്ര​പ​ഞ്ച​ത്തി​ലെ ത​മോ​ദ്വാ​ര​ങ്ങ​ളി​ൽ​നി​ന്നു പു​റ​പ്പെ​ട്ട ഗു​രു​ത്വ​ത​രം​ഗ​ങ്ങ​ളാ​ണു ലി​ഗോ ക​ണ്ടെ​ത്തി അ​ള​ന്ന​ത്.

ഒ​രു അ​ണു​കേ​ന്ദ്ര​ത്തി​ന്‍റെ ആ​യി​ര​ത്തി​ലൊ​രം​ശം പോ​ലു​മി​ല്ലാ​ത്ത ഗു​രു​ത്വ​ത​രം​ഗ​ങ്ങ​ൾ ക​ണ്ടെ​ത്താ​ൻ ര​ണ്ട് ലേ​സ​ർ ഇ​ന്‍റ​ർ​ഫെ​റോ​മീ​റ്റ​റു​ക​ളാ​ണു ലി​ഗോ​യി​ൽ ഉ​പ​യോ​ഗി​ച്ച​ത്.
ഇ​വ മൂ​വാ​യി​രം കി​ലോ​മീ​റ്റ​ർ അ​ക​ല​ത്തി​ലാ​ണു സ്ഥാ​പി​ച്ച​ത്. 1300 കോ​ടി വ​ർ​ഷം മു​ന്പ് ര​ണ്ടു ത​മോ​ദ്വാ​ര​ങ്ങ​ൾ സം​യോ​ജി​ച്ച​പ്പോ​ൾ പു​റ​പ്പെ​ട്ട ഗു​രു​ത്വ ത​രം​ഗ​ങ്ങ​ളാ​ണു ലി​ഗോ 2015-ൽ ​പി​ടി​ച്ചെ​ടു​ത്ത​ത്. പി​ന്നീ​ടു മൂ​ന്നു ത​വ​ണ​കൂ​ടി ഈ ​ത​രം​ഗ​ങ്ങ​ൾ പി​ടി​ച്ചെ​ടു​ക്കാ​നാ​യി.


വൈ​സ് (ജ​ന​നം 1932) മാ​സ​ച്യു​സെ​റ്റ്സ് ഇ​ൻ​സ്റ്റി​റ്റ്യൂ​ട്ട് ഓ​ഫ് ടെ​ക്നോ​ള​ജി (എം​ഐ​ടി)​യി​ൽ പ്ര​ഫ​സ​റാ​ണ്. ബാ​രി​ഷും (ജ​ന​നം 1936) തോ​ണും (ജ​ന​നം 1940) ക​ലി​ഫോ​ർ​ണി​യ ഇ​ൻ​സ്റ്റി​റ്റ്യൂ​ട്ട് ഓ​ഫ് ടെ​ക്നോ​ള​ജി (കാ​ൽ​ടെ​ക്)​യി​ൽ പ്ര​ഫ​സ​ർ​മാ​രാ​ണ്.


ഐൻസ്റ്റൈൻ പറഞ്ഞ തരംഗം

ആ​ൽ​ബ​ർ​ട്ട് ഐ​ൻ​സ്റ്റൈ​ന്‍റെ പൊ​തു ആ​പേ​ക്ഷി​ക​താ സി​ദ്ധാ​ന്ത​ത്തി​ൽ ആ​ണു ഗു​രു​ത്വ​ത​രം​ഗ​ങ്ങ​ൾ സം​ബ​ന്ധി​ച്ച ആ​ദ്യ​ പ​രാ​മ​ർ​ശം. ഇ​വ പ്ര​കാ​ശ​വേ​ഗ​ത്തി​ൽ സ​ഞ്ച​രി​ച്ച് പ്ര​പ​ഞ്ചം മു​ഴു​വ​നും നി​റ​യു​ന്നു. ദ്ര​വ്യം ത്വ​ര​ണം ചെ​യ്യു​ന്ന (വേ​ഗം മാ​റു​ന്പോ​ൾ) എ​ല്ലാ സ​ന്ദ​ർ​ഭ​ങ്ങ​ളി​ലും ഇ​തു​ണ്ടാ​കു​ന്നു. സം​സാ​രി​ക്കു​ന്പോ​ഴും കാ​ർ ഓ​ടു​ന്പോ​ഴും ന​ക്ഷ​ത്ര​ങ്ങ​ൾ പൊ​ട്ടി​ച്ചി​ത​റു​ന്പോ​ഴു​മെ​ല്ലാം ഇ​വയു​ണ്ടാ​കും. എ​ന്നാ​ൽ ഇ​വ​യെ ഉ​പ​ക​ര​ണ​ങ്ങ​ൾകൊ​ണ്ടു നി​രീ​ക്ഷി​ക്കാ​ൻ ക​ഴി​യി​ല്ലെ​ന്നാ​ണ് ഐ​ൻ​സ്റ്റൈ​ൻ ക​രു​തി​യ​ത്.

ന്യൂ​ട്രീ​നോ​ക​ൾ, ബ്ര​ഹ്‌​മാ​ണ്ഡ ര​ശ്മി​ക​ൾ തു​ട​ങ്ങി​യ​വ​യേ​ക്കാ​ൾ ആ​ഴ​ത്തി​ൽ പ്ര​പ​ഞ്ച​ഘ​ട​ന സം​ബ​ന്ധി​ച്ചു വി​വ​ര​ങ്ങ​ൾ ന​ല്കാ​ൻ ഗു​രു​ത്വ​ത​രം​ഗ​ങ്ങ​ൾ​ക്കു ക​ഴി​യും. സ്ഥ​ല​കാ​ല നൈ​ര​ന്ത​ര്യ​ത്തി​നു ഭം​ഗം വ​രു​ത്താ​ൻ ഈ ​ത​രം​ഗ​ങ്ങ​ൾ​ക്കു ശേഷിയുണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.