ഭീകര ഗ്രൂപ്പിൽനിന്നു സ്ഥാനപതിക്കു ഭീഷണിയെന്നു ചൈന : Deepika.com International News |

Click here for detailed news of all items

ഭീകര ഗ്രൂപ്പിൽനിന്നു സ്ഥാനപതിക്കു ഭീഷണിയെന്നു ചൈന

Sunday, October 22, 2017 10:54 AM IST

ഇസ്‌ലാമാബാദ്: പാക്കിസ്ഥാനിലെ ചൈനീസ് സ്ഥാനപതിയെ ആക്രമിക്കാൻ ഭീകരഗ്രൂപ്പു പദ്ധതിയിടുന്ന സാഹചര്യത്തിൽ സ്ഥാനപതിയുടെ സുരക്ഷ വർധിപ്പിക്കണമെന്നു പാക്കിസ്ഥാനോടു ചൈന ആവശ്യപ്പെട്ടു.

ചൈനയിലെ സിൻജിയാംഗ് ആസ്ഥാനമായി പ്രവർത്തിക്കുന്ന ഈസ്റ്റ് ടർക്കിസ്ഥാൻ ഇസ്‌ലാമിക് മൂവ്മെന്‍റാണു ഭീഷണി മുഴക്കിയിട്ടുള്ളതെന്ന് പാക് ആഭ്യന്തരവകുപ്പിന് അയച്ച കത്തിൽ ചൈനീസ് എംബസി വ്യക്തമാക്കി.അബ്ദുൾവാലി എന്ന ഭീകരൻ ആക്രമണദൗത്യവുമായി പാക്കിസ്ഥാനിൽ നുഴഞ്ഞുകയറിയിട്ടുണ്ടെന്നു വ്യക്തമാക്കിയ എംബസി ഇയാളുടെ പാസ്പോർട്ട് വിവരങ്ങൾ കൈമാറി. എത്രയും വേഗം ഭീകരനെ അറസ്റ്റു ചെയ്ത് എംബസിക്കു കൈമാറാനും നിർദേശിച്ചു.

അഫ്ഗാനിസ്ഥാനിൽ സ്ഥാനപതിയായിരുന്ന യാവോ ജിംഗാണു പാക്കിസ്ഥാനിലെ പുതിയ ചൈനീസ് സ്ഥാനപതി. ചൈന-പാക് സാന്പത്തിക ഇടനാഴിയിലെ വികസന പ്രവർത്തനങ്ങളുമായി ബന്ധപ്പെട്ട് പാക്കിസ്ഥാനിൽ പ്രവർത്തിക്കുന്ന ചൈനീസ് ഉദ്യോഗസ്ഥർക്കു നേരേ നേരത്തെയും ആക്രമണമുണ്ടായിട്ടുണ്ട്. തങ്ങളുടെ ജോലിക്കാർക്കു സംരക്ഷണം നൽകാൻ സൈന്യത്തെ നിയോഗിക്കണമെന്നു പാക്കിസ്ഥാനോടു ചൈന ആവശ്യപ്പെട്ടിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.