സിറിയയിൽ അമേരിക്കൻ നേതൃത്വത്തിൽ വ്യോമാക്രമണം
Sunday, April 15, 2018 3:01 AM IST
ഡ​മാ​സ്ക​സ്/ വാ​ഷിം​ഗ്ട​ൺ: ബ്രി​ട്ട​ൻ, ഫ്രാ​ൻ​സ് എ​ന്നീ സ​ഖ്യ രാ​ജ്യ​ങ്ങ​ളു​ടെ സ​ഹ​ക​ര​ണ​ത്തോ​ടെ അ​മേ​രി​ക്ക സി​റി​യ​യി​ൽ ക​ന​ത്ത വ്യോ​മാ​ക്ര​മ​ണം ന​ട​ത്തി. നൂ​റി​ലേ​റെ ക്രൂ​സ് മി​സൈ​ലു​ക​ൾ തൊ​ടു​ത്തു നി​ര​വ​ധി സൈ​നി​ക​താ​വ​ള​ങ്ങ​ളും ഗ​വേ​ഷ​ണ കേ​ന്ദ്ര​ങ്ങ​ളും ത​ക​ർ​ത്തു. ആ​ള​പാ​യം റി​പ്പോ​ർ​ട്ട് ചെ​യ്തി​ട്ടി​ല്ല.

ഒ​രാ​ഴ്ച മു​ന്പ് കി​ഴ​ക്ക​ൻ ഗൂ​ത​യി​ലെ ഡൂ​മ​യി​ൽ സി​റി​യ​ൻ ഭ​ര​ണ​കൂ​ടം രാ​സാ​യു​ധം പ്ര​യോ​ഗി​ച്ച​തി​നു​ള്ള തി​രി​ച്ച​ടി​യാ​യാ​ണ് ഈ ​ആ​ക്ര​മ​ണം. യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പ് ഇ​തു തു​റ​ന്നുപ​റ​ഞ്ഞു. ഇ​തൊ​രു മു​ന്ന​റി​യി​പ്പാ​ണെ​ന്നും സി​റി​യ​ൻ പ്ര​സി​ഡ​ന്‍റ് ബ​ഷാർ അ​ൽ അ​സ​ദ് അ​തു മ​ന​സി​ലാ​ക്കി പ്ര​വ​ർ​ത്തി​ച്ചാ​ൽ ഇ​നി ആ​ക്ര​മ​ണ​മു​ണ്ടാ​കി​ല്ലെ​ന്നും ട്രം​പ് പ​റ​ഞ്ഞു. സി​റി​യ​യി​ൽ ക​ര​യു​ദ്ധ​ത്തി​നോ നീ​ണ്ട​പോ​രാ​ട്ട​ത്തി​നോ അ​മേ​രി​ക്ക ആ​ഗ്ര​ഹി​ക്കു​ന്നി​ല്ല. അ​വി​ട​ത്തെ ഇ​സ്‌​ലാ​മി​ക് സ്റ്റേ​റ്റ് (ഐ​എ​സ്) ഭീ​ക​ര​രെ തു​രു​ത്തു​ക​യാ​ണു ല​ക്ഷ്യം. അ​തു​നേ​ടി​യാ​ൽ യു​എ​സ് സേ​ന സി​റി​യ വി​ടു​മെ​ന്നു ട്രം​പ് അറിയിച്ചു.

സി​​​റി​​​യ​​​യി​​​ലെ ആ​​​ക്ര​​​മ​​​ണം പൂ​​​ർ​​​ണ വി​​​ജ​​​യ​​​മാ​​​യെ​​ന്നും ദൗ​​​ത്യം ല​​​ക്ഷ്യം സാ​​​ധി​​​ച്ചെന്നും ഇ​​​തി​​​ലും മെ​​​ച്ച​​​മാ​​​യി ഇ​​​തു ന​​​ട​​​ത്താ​​​നാ​​​വി​​​ല്ലെന്നും ട്രം​​​പ് പിന്നീട് ട്വീ​​​റ്റ് ചെ​​​യ്തു. മിസൈ​ൽ ആ​ക്ര​മ​ണ​ത്തെ അ​പ​ല​പി​ച്ച റ​ഷ്യ ഐ​ക്യ​രാ​ഷ്‌​ട്ര ര​ക്ഷാ​സ​മി​തി ഉ​ട​നെ വി​ളി​ച്ചു​കൂ​ട്ടി വി​ഷ​യം ച​ർ​ച്ച ചെ​യ്യ​ണ​മെ​ന്നാ​വ​ശ്യ​പ്പെ​ട്ടു. യു​എ​സ് ന​ട​പ​ടി സി​റി​യ​യി​ലെ സ​മാ​ധാ​ന​ശ്ര​മ​ങ്ങ​ൾ​ക്കു തി​രി​ച്ച​ടി​യാ​ണെ​ന്നു റ​ഷ്യ​ൻ പ്ര​സി​ഡ​ന്‍റ് വ്ലാ​ദി​മി​ർ പു​ടി​ൻ പ​റ​ഞ്ഞു. എ​ന്നാ​ൽ, തി​രി​ച്ച​ടി​ക്കു​മെ​ന്നു പു​ടി​ൻ പ​റ​ഞ്ഞി​ല്ല. ചൈ​ന​യും ആ​ക്ര​മ​ണ​ത്തെ കു​റ്റ​പ്പെ​ടു​ത്തി.

ശ​നി​യാ​ഴ്ച പു​ല​ർ​ച്ചെ അ​മേ​രി​ക്ക​യും ബ്രി​ട്ട​നും ഫ്രാ​ൻ​സും ചേ​ർ​ന്നു ന​ട​ത്തി​യ ആ​ക്ര​മ​ണ​ത്തെ ജ​ർ​മ​നി പി​ന്തു​ണ​ച്ചു. ഡ​മാ​സ്ക​സി​നു സ​മീ​പം സൈ​നി​കാ​വ​ശ്യ​ത്തി​നു​ള്ള ര​ണ്ടു ഗ​വേ​ഷ​ണ​ശാ​ല​ക​ൾ, അ​ഞ്ചു സൈ​നി​ക താ​വ​ള​ങ്ങ​ളും ഡി​പ്പോ​ക​ളും, ഹോം​സ് ന​ഗ​ര​ത്തി​ന​ടു​ത്ത് ഒ​രു ഗ​വേ​ഷ​ണ​കേ​ന്ദ്രം എ​ന്നി​വ​യാ​ണു ല​ക്ഷ്യ​മി​ട്ട​ത്. റ​ഷ്യ​വ​ഴി മു​ന്ന​റി​യി​പ്പ് ല​ഭി​ച്ച​തി​നാ​ൽ ഇ​വി​ട​ങ്ങ​ളി​ൽ​നി​ന്നു സൈ​നി​ക​രെ​യും മ​റ്റു ജ​ന​ങ്ങ​ളെ​യും മൂ​ന്നു​ദി​വ​സം മു​ന്പേ ഒ​ഴി​പ്പി​ച്ചി​രു​ന്നു.


നൂ​റി​ലേ​റെ മി​സൈ​ലു​ക​ൾ വ​ന്ന​തി​ൽ 71 എ​ണ്ണം വീ​ഴ്ത്തി​യ​താ​യി സി​റി​യ അ​വ​കാ​ശ​പ്പെ​ട്ടെ​ന്നു റ​ഷ്യ​ൻ ടി​വി റി​പ്പോ​ർ​ട്ട് ചെ​യ്തു. ആ​ക്ര​മ​ണ​ത്തി​ൽ പ​ങ്കെ​ടു​ത്ത യു​ദ്ധ വി​മാ​ന​ങ്ങ​ൾ ഭ​ദ്ര​മാ​യി മ​ട​ങ്ങി​യെ​ത്തി. മെ​ഡി​റ്റ​റേ​നി​യ​ൻ സ​മു​ദ്ര​ത്തി​ലെ​യും പേ​ർ​ഷ്യ​ൻ ഗ​ൾ​ഫി​ലെ​യും ചെ​ങ്ക​ട​ലി​ലെ​യും യു​എ​സ് വി​മാ​നവാ​ഹി​നി ക​പ്പ​ലു​ക​ൾ ജ​ർ​മ​നി​യി​ലെ നാ​റ്റോ താ​വ​ളം എ​ന്നി​വ​യി​ൽ നി​ന്നാ​ണു വി​മാ​ന​ങ്ങ​ൾ പു​റ​പ്പെ​ട്ട​ത്. ബ്രി​ട്ട​ന്‍റെ ടൊ​ർ​ണാ​ഡോ, ഫ്രാ​ൻ​സി​ന്‍റെ റ​ഫാ​ൽ, അ​മേ​രി​ക്ക​യു​ടെ ബി-1 ​വി​മാ​ന​ങ്ങ​ളി​ലും മെ​ഡി​റ്റ​റേ​നി​യ​ൻ, ചെ​ങ്ക​ട​ൽ എ​ന്നി​വി​ട​ങ്ങ​ളി​ലെ യു​ദ്ധ​ക്ക​പ്പ​ലു​ക​ൾ എ​ന്നി​വ​യി​ലുംനി​ന്നുമാ​ണു ടോമ ഹോക് മി​സൈ​ലു​ക​ൾ തൊ​ടു​ത്ത​ത്.

സി​റി​യ​യെ സ​ഹാ​യി​ക്കു​ന്ന ഇ​റാ​നും ആ​ക്ര​മ​ണ​ത്തെ അ​പ​ല​പി​ച്ചു. സി​റി​യ​യി​ലെ കു​ർ​ദ് സ്വാ​ത​ന്ത്ര്യ​വാ​ദി​ക​ളെ ഇ​ട​യ്ക്കി​ടെ അ​തി​ർ​ത്തി​ക​ട​ന്ന് ആ​ക്ര​മി​ക്കു​ന്ന തു​ർ​ക്കി ആക്രമണത്തെ സ്വാ ഗതം ചെയ്തു. തു​ർ​ക്കി​യി​ലെ നാ​റ്റോ താ​വ​ള​ത്തി​ൽ നി​ന്നാ​യി​രു​ന്നി​ല്ല ആ​ക്ര​മ​ണം എ​ന്നും തുർക്കി വെ​ളി​പ്പെ​ടു​ത്തി.

സി​റി​യ​ൻ വി​മ​ത​സേ​ന​യി​ൽ​പെ​ട്ട​വ​രെ ന​ശി​പ്പി​ക്കാ​നാ​ണു ക​ഴി​ഞ്ഞ ശ​നി​യാ​ഴ്ച ഡൂ​മ​യി​ൽ രാ​സാ​യു​ധം പ്ര​യോ​ഗി​ച്ച​ത്. അ​തി​ൽ 70 ലേ​റെ​പ്പേ​ർ കൊ​ല്ല​പ്പെ​ട്ടു.