ശ്രീദേവിക്ക് ഇതെന്തുപറ്റി! : Bollywood News

ബോളിവുഡിലെ ഏറ്റവും സുന്ദരിയായ നായികമാരിൽ ഒരാളാണ് ശ്രീദേവി. അന്പത് പിന്നിടുന്പോഴും ശ്രീദേവിയുടെ ഈ സൗന്ദര്യം ആരാധകരെ അസൂയപ്പെടുത്തുന്നുണ്ട്. അതുകൊണ്ടുതന്നെ നടിയുടെ സൗന്ദര്യത്തക്കുറിച്ചുള്ള പല ഗോസിപ്പുകളും ഇതിന് മുന്പും വന്നിരുന്നു. എന്നാൽ ഇപ്പോൾ പ്രചരിക്കുന്ന ശ്രീദേവിയുടെ ചില ചിത്രങ്ങൾ കൂടുതൽ സംശയങ്ങളും ചോദ്യങ്ങളും ജനിപ്പിക്കുന്നു.

അനുരാഗ് ബസുവിന്‍റെ സിനിമയുടെ പൂജയ്ക്ക് പങ്കെടുക്കാനെത്തിയ ശ്രീദേവിയുടെ ചിത്രങ്ങളാണ് വൈറലാകുന്നത്. ശ്രീദേവിയുടെ ചുണ്ടുകളെന്താ ഇങ്ങനെ വീർത്തിരിക്കുന്നത് എന്നാണ് ആരാധകരുടെ ചോദ്യം. കണ്ടാൽ തിരിച്ചറിയാൻ പോലും പ്രയാസമാണ്. ചുണ്ടിന്‍റെ സൗന്ദര്യം കൂട്ടാൻ വേണ്ടി ശ്രീദേവി പ്ലാസിറ്റ്ക് സർജറി ചെയ്തിട്ട് പണി പാളിയതാണോ എന്ന സംശയവും ഉയരുന്നു. ഇത്തരത്തിൽ പണികിട്ടിയ ഹോളിവുഡ് താരങ്ങളുടെ ചിത്രങ്ങളുമായി താരതമ്യം ചെയ്ത് ട്രോളുകളും ഇറങ്ങുന്നു. മൂക്കിന്‍റെയും ചുണ്ടിന്‍റെയും സൗന്ദര്യം വർധിപ്പിക്കാൻ ശ്രീദേവി വിദേശത്ത് പോയി പ്ലാസ്റ്റിക് സർജറി നടത്തിയതായ വാർത്തകൾ നേരത്തെ പുറത്ത് വന്നിരുന്നു. എന്നാൽ നടി അത് നിഷേധിച്ചു.

കൃത്യമായ വ്യായാമവും ഭക്ഷണ രീതിയുമാണ് തന്‍റെ സൗന്ദര്യം നിലനിർത്തുന്നത് എന്നാണ് ശ്രീദേവി പറഞ്ഞത്. ടെന്നീസ് കളിക്കും .. യോഗ ചെയ്യും. ഭക്ഷണ രീതിയിൽ നിയന്ത്രണമുണ്ട്. മനസ്സിന്‍റെ സന്തോഷമാണ് മുഖത്ത് കാണുന്നത് എന്നൊക്കെയാണ് ശ്രീദേവി സൗന്ദര്യത്തെക്കുറിച്ച് പറഞ്ഞത്.