Cinema
ക​ള​ർ​ഫു​ൾ "പ്രേ​മ​ലേ​ഖ​നം'
Friday, July 21, 2017 10:16 PM IST
പ്രി​യ​പ്പെ​ട്ട ബ​ഷീ​ർ,

നീ ​എ​നി​ക്കാ​യി മാ​ത്രം ത​ന്ന പ്രേ​മ​ലേ​ഖ​നം ദാ ​ഇ​വി​ടെ ഇ​പ്പോ​ൾ എ​ല്ലാ​രും ക​ണ്ടി​രി​ക്ക​ണ്. ഇ​പ്പോ എ​ല്ലാ​രും നി​ന്‍റെ ഫാ​നാ​ണ്.​ എ​ന്തൊ​രു ഒ​ഴു​ക്കാ​ണ് നി​ന്‍റെ എ​ഴു​ത്തി​ന്. ക​ണ്ട​പാ​ടെ കാ​ണാ​ത്ത​പാ​ടെ എ​ന്നെ ത​ല്ലി​ക്കൊ​ല്ലു​മെ​ന്നാ​ണ് ക​രു​തി​യ​ത്. പ​ക്ഷേ, അ​ങ്ങ​നെ ഒ​ന്നും ഉ​ണ്ടാ​യി​ല്ല. എ​ത്ര മ​നോ​ഹ​ര​മാ​യാ​ണ് നീ ​ച​ക്ക​ര​ക​ട​വ് എ​ന്ന ഗ്രാ​മ​ത്തെ നി​ന്‍റെ എ​ഴു​ത്തി​ൽ പ​റി​ച്ച് ന​ട്ട​ത്. ഇ​ത്ര​യേ​റെ പ​ച്ച​പ്പു​ണ്ടാ​യി​രു​ന്നു ഈ ​നാ​ടി​നെ​ന്ന് നി​ന്‍റെ വ​ർ​ണ​ന​ക​ളി​ൽ നി​ന്നാ​ണ് മ​ന​സി​ലാ​യ​ത്. ക​ണ്‍​മു​ന്നി​ൽ മി​ഴി​വു​ള്ള കാ​ഴ്ച​ക​ൾ തെ​ളി​ഞ്ഞു വ​ന്ന​പ്പോ​ൾ നീ ​വ​ല്ല കാ​മ​റാ​മാ​നാ​ണോ​യെ​ന്നാ​ണ് (സ​ഞ്ജ​യ് ഹാ​രി​സ്) ഞാ​ൻ ആ​ലോ​ചി​ച്ച​ത്. ശ​രി​ക്കും ബ​ഷീ​റേ (ഫ​ർ​ഹാ​ൻ ഫാ​സി​ൽ) നീ ​പോ​ളി​ടെ​ക്നി​ക്ക് പ​ഠി​ച്ചി​ട്ട് വെ​റു​തെ നി​ൽ​ക്കു​ന്ന ഒ​രാ​ളാ​ണെ​ന്നു​ള്ള കാ​ര്യം മ​റ​ന്നുപോ​യി. പ​ക്ഷേ, നി​ന്‍റെ ഈ ​മു​ഴു​നീ​ള​യു​ള്ള ക​ത്തി​ന് (സി​നി​മ) പി​ന്നി​ൽ ആ​രു​ടെ​യോ കൈ​യു​ണ്ട്. ഇ​ത്ര​യും വ​ലി​ച്ച് നീ​ട്ടി നി​ന്നെ​ക്കൊ​ണ്ട് എ​ഴു​താ​ൻ പ​റ്റൂ​ലാ. ക​ഥ എ​ഴു​തു​ന്ന​വ​രു​ടെ​യോ അ​ല്ലേ​ൽ സി​നി​മ​യൊ​ക്കെ പി​ടി​ക്കു​ന്ന സം​വി​ധാ​യ​ക​ന്‍റെ​യോ(​അ​നീ​ഷ് അ​ൻ​വ​ർ)​കൈ​യു​ണ്ട് ഇ​തി​ൽ എ​നി​ക്കു​റ​പ്പാ​ണ്.



പ​ക്ഷേ​ങ്കി​ല് നീ ​ന​ല്ല​വ​ണ്ണം എ​ന്നെ അ​ങ്ങ് പൊ​ക്കി അ​ടി​ച്ചി​ട്ട് അ​വ​സാ​നം ആ​യ​പ്പോ​ഴേ​ക്കും എ​ങ്ങ​നേ​ലും ഒ​ന്നു എ​ഴു​തി തീ​ർ​ത്ത് പോ​കാ​ൻ വേ​ണ്ടി എ​ത്ര വെ​ട്ടും കു​ത്തു​മാ​ണ് ഇ​തി​ൽ ഇ​ട്ടു​വ​ച്ചി​രി​ക്കു​ന്ന​ത്. അ​ത് മാ​ത്രം എ​നി​ക്ക് ഇ​ഷ്ടാ​യി​ല്ല. വ​ല്ലാ​ത്തൊ​രു അ​ഭം​ഗി​യാണ് അതുണ്ടാക്കിയത്. അ​ടു​ത്ത ക​ത്തെ​ഴു​തു​ന്പോ​ൾ നീ ​അ​ത് ശ്ര​ദ്ധി​ക്കൂ​ലോ അ​ല്ലേ...

നി​ന്‍റെ ക​ത്തി​ൽ ഒ​രു ഗ്രാ​മം ത​ന്നെ ഉ​ണ്ട​ല്ലോ... നീ ​പ​റ​ഞ്ഞ​വ​രെ​യെ​ല്ലാം എ​നി​ക്ക​റി​യാ​ലോ... പി​ന്നെ എ​ന്തി​നാ​ണ് അ​വ​രെ ക​ത്തി​ലേ​ക്ക് വ​ലി​ച്ചി​ട്ട​ത്. എ​ന്നേ​ക്കാ​ൾ കൂ​ടു​ത​ൽ ഈ ​നാ​ടും നാ​ട്ടാ​രു​മെ​ല്ലാം വ​ന്ന​പ്പോ​ൾ ലേ​ശം അ​സൂ​യ അ​വ​രോ​ട് തോ​ന്നിപ്പോയി. അ​ത് തെ​റ്റാ​ണോ ബ​ഷീ​റേ. ഇ​നി മേ​ലാ​ൽ നീ ​എ​ഴു​തു​ന്ന ക​ത്തി​ൽ ഈ ​സു​ഹ്​റ(​സ​ന അ​ൽ​ത്താ​ഫ്) മാ​ത്ര​മേ പാ​ടു​ള്ളു. അ​ത് എ​ന്‍റെ അ​വ​കാ​ശ​മാ​ണെ​ന്ന് കൂ​ട്ടി​ക്കോ.



പി​ന്നെ, നീ ​എ​ന്‍റെ വീ​ട്ടി​ലെ റേ​ഡി​യോ​യെക്കു​റി​ച്ച് പ​റ​ഞ്ഞ​തും ടി​വി വ​ന്ന​പ്പോ​ഴു​ണ്ടാ​യ മാ​റ്റ​ങ്ങ​ളെ കു​റി​ച്ചെ​ല്ലാം പ​റ​ഞ്ഞ​ത് എ​നി​ക്ക് പെ​രു​ത്ത് ഇ​ഷ്ടാ​യി. പ​ക്ഷേ​ങ്കി​ല് നീ ​ഓ​ടി​ന് മു​ക​ളി​ൽ ക​യ​റി എ​ന്നെ നോ​ക്കി​യ കാ​ര്യ​മെ​ല്ലാം ക​ത്തി​ൽ കു​ത്തിക്കു​റി​ച്ച​ത് ബാ​പ്പ​യ്ക്ക്(​ജോ​യി മാ​ത്യു)​ലേ​ശം പോ​ലും പി​ടി​ച്ചി​ല്ല കേ​ട്ടോ.​ എ​ന്നെ നോ​ക്കി ബാ​പ്പ ക​ണ്ണു​രു​ട്ടി​യ​പ്പോ​ൾ ചെ​പ്പ​കു​റ്റി​ക്ക് അ​ടി വീ​ണൂ​ന്ന് ക​രു​തി​യ​താ... ബാ​പ്പ​യ്ക്ക് നീ ​നി​ന്‍റെ ക​ത്തി​ൽ(​സി​നി​മ​യി​ൽ) മു​ൻ​ഗ​ണ​ന കൊ​ടു​ത്ത​തുകൊ​ണ്ട് ര​ക്ഷ​പ്പെ​ട്ടു.



അ​ല്ലാ, പ്രേ​മ​ലേ​ഖ​നം എ​ന്നു പ​റ​ഞ്ഞ് എ​ന്‍റെ കൈ​യി​ൽ ത​ന്ന ക​ത്തി​ൽ എ​ന്തി​നാ​ണ് നീ ​പാ​ട്ടെ​ല്ലാം എ​ഴു​തിവ​ച്ച​ത്. വ​രി​ക​ൾ​ക്ക് അ​നു​സ​രി​ച്ച് നീ ​സ്വ​പ്നം കാ​ണൂ​ന്ന് പ​റ​ഞ്ഞ​പ്പോ​ൾ നി​റ​യെ നി​റ​ങ്ങ​ളു​ള്ള കി​നാ​വു​ക​ൾ മ​ന​സി​ൽ തെ​ളി​ഞ്ഞു വ​ന്നു. ന​ല്ല അ​ഴ​കു​ള്ള കി​നാ​വു​ക​ൾ(​പാ​ട്ട് സീ​നു​ക​ൾ).​ നീ ചു​മ്മാ ഇ​ങ്ങ​നെ എ​ന്നെ കൊ​തി​പ്പി​ക്ക​ല്ലേ.



നി​ന്‍റെ ച​ങ്ങാ​തി​മാ​ര് (ഹ​രീ​ഷ് ക​ണാ​ര​നും സം​ഘ​വും) കാ​ട്ടി​യ വി​കൃ​തി​ക​ളൊ​ക്കെ ബ​ഹു​ര​സാ​യി​ട്ട് വ​ർ​ണി​ച്ചി​ട്ടു​ണ്ട​ല്ലോ.​അ​തൊ​ക്കെ വാ​യി​ച്ച​പ്പോ​ൾ പ​ല​വ​ട്ടം മു​ഖ​ത്ത് ചി​രി​വി​ട​ർ​ന്നു. പി​ന്നെ ന​മ്മു​ടെ നാ​ട്ടാ​രെക്കു​റി​ച്ചു​ള്ള നി​ന്‍റെ അ​ഭി​പ്രാ​യം അ​തെ​നി​ക്ക് ഇ​ഷ്ടാ​യി. എ​ത്ര നി​ഷ്ക​ള​ങ്ക​രാ​ണ​ല്ലേ അ​വ​ര്. ഒ​രു രാ​ഷ്ട്രീ​യ​വും ഇ​ല്ലാ​ത്ത നീ, ​എ​ന്തി​നാ​ണെ​ടോ നാ​ട്ടി​ലെ ക​മ്മ്യൂ​ണി​സ്റ്റ്കാ​രെയും പി​ന്നെ എ​ന്‍റെ ബാ​പ്പാ​ന്‍റെ പാ​ർ​ട്ടി​യേ​യും കു​റി​ച്ചെ​ല്ലാം ഓ​ർ​ത്ത് ബേ​ജാ​റാ​കു​ന്ന​ത്. അ​വ​രെ ക​ണ​ക്കി​ന് നീ ​ചീ​ത്ത വി​ളി​ക്കു​ന്നു​ണ്ട​ല്ലോ. ഓ ​നി​ന​ക്കെ​ന്‍റെ ഉ​മ്മൂ​മ്മാ​യെ(​ഷീ​ല) കു​റി​ച്ച് എ​ഴു​തീ​ട്ടും എ​ഴു​തീ​ട്ടും തീ​രാ​ത്ത പോ​ലെ. എ​ന്താ​യാ​ലും നീ ​എ​ന്‍റെ ഉ​മ്മൂ​മ്മാ​യെ ന​ല്ല​പോ​ലെ സോ​പ്പി​ടു​ന്നു​ണ്ട്. ഉ​മ്മൂ​മ്മാ​യ്ക്ക് അ​ത് ന​ല്ല​വ​ണ്ണം ര​സി​ച്ചി​ട്ടു​മു​ണ്ട് കേ​ട്ടോ.​ നി​ന്നെ കു​റി​ച്ച് പ​റ​യു​ന്പോ​ൾ നൂ​റു നാ​വാ​ണ്.



ഇ​ട​യ്ക്കൊ​ക്കെ നി​ന്‍റെ എ​ഴു​ത്ത് (​അ​ഭി​ന​യം) ഓ​വ​റാ​കു​ന്നി​ല്ലേ​യെ​ന്ന് തോ​ന്നി​പ്പോ​യി.​ നി​ന​ക്കു​ണ്ടാ​യ ഈ ​വ​ലി​യ കു​റ​വ് ഏ​റെ​ക്കു​റെ അ​റി​യാ​തെ പോ​യ​ത് നാ​ട്ടു​കാ​ര് കാ​ര​ണ​മാ​ണ്. അ​വ​രെക്കുറി​ച്ചു​ള്ള നി​ന്‍റെ പ​റ​ച്ചി​ലു​ക​ള​ത്ര​യും എ​ന്നെ കു​ടു​കു​ടാ ചി​രി​പ്പി​ച്ചു.​ എ​ന്നെ മാ​ത്ര​മ​ല്ല കേ​ട്ടോ ഈ ​ക​ത്ത് വാ​യി​ച്ച​വ​രെ​ല്ലാം ചി​രി​ച്ച് ചി​രി​ച്ച് ക​ര​യു​ന്ന​ത് എ​ന്‍റെ ക​ണ്ണുകൊ​ണ്ട് ക​ണ്ട​താ​ണ്. ഈ ​നാ​ടും നാ​ട്ടു​കാ​രു​മാ​ണ് നി​ന്‍റെ ക​ത്തി​ന്‍റെ (​സി​നി​മ) ക​രു​ത്ത്. അ​തു പ​ക്ഷേ, നി​ന്‍റെ എ​ഴു​ത്തി​ന്‍റെ ഗുണംകൊണ്ട് കുളമായി എന്ന് പറഞ്ഞാൽ മതിയല്ലോ...



നീ ​ഇ​തി​ൽ പ​റ​യു​ന്ന മ​റ്റൊ​രു പ്ര​ണ​യ​മു​ണ്ട​ല്ലോ, അ​തെ​ന്തോ പൊ​രു​ത്ത​ക്കേ​ടു​ക​ളു​ടെ ഇ​ട​യി​ൽ​പ്പെ​ട്ട് വ​ല്ലാ​ണ്ട് ഞെ​രു​ങ്ങിപ്പോയ​പോ​ലെ. എ​നി​ക്ക് മ​ന​സി​ലാ​കും, വാ​ക്കു​ക​ൾ കി​ട്ടാ​നു​ള്ള ബു​ദ്ധി​മു​ട്ടും പി​ന്നെ എ​ങ്ങ​നെ എ​ഴു​തി നി​ർ​ത്തു​മെ​ന്നു​ള്ള അ​ങ്ക​ലാ​പ്പു​മെ​ല്ലാം. ഇതെല്ലാം നി​ന്‍റെ ക​ത്തി​ൽ പ്ര​ക​ട​മാ​ണ്. എ​ങ്കി​ലും ഈ ​ക​ത്ത് എ​നി​ക്ക് പ്രി​യ​പ്പെ​ട്ട​താ​ണ​ല്ലോ. അ​തു​കൊ​ണ്ട് കു​റ​വു​ക​ളെ​ല്ലാം ഞാ​ന​ങ്ങ് സ​ഹി​ച്ചു.

എ​ന്ന്, സ്വ​ന്തം
സു​ഹ്​റ..



വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.