ഉൾനാടൻ ജലഗതാഗത ക്രൂ സർട്ടിഫിക്കേഷൻ പ്രോഗ്രാം; ആദ്യ ബാച്ച് 30 മുതൽ
കോട്ടയം: മഹാത്മാഗാന്ധി സർവകലാശാലയിലെ സ്കൂൾ ഓഫ് ടൂറിസം സ്റ്റഡീസ് നടത്തുന്ന ഇൻലാന്റ് വെസൽ ക്രൂ സർട്ടിഫിക്കേഷൻ പ്രോഗ്രാമിലെ ആദ്യ ബാച്ചിന്റെ പരിശീലനം 30ന് ആരംഭിക്കും. തിയറി ക്ലാസുകളോടൊപ്പം പ്രായോഗിക പരിശീലനം കൂടി ഉൾപ്പെട്ട 100 മണിക്കൂർ ദൈർഘ്യമുള്ള പ്രോഗ്രാമിൽ വിദ്യാർഥികൾക്കു ജലഗതാഗത വാഹനനിയന്ത്രണത്തിൽ പരിശീലനം നൽകും. പത്താം ക്ലാസ് വിദ്യാഭ്യാസമുള്ളവർക്ക് അപേക്ഷിക്കാം. പ്രായപരിധിയില്ല.
വിവരങ്ങൾ സ്കൂൾ ഓഫ് ടൂറിസം സ്റ്റഡീസ് വെബ് സൈറ്റായ sts.mgu.ac.in സന്ദർശിക്കുക. ഫോൺ: 9447723704, 04812733374.
പരീക്ഷയ്ക്ക് അപേക്ഷിക്കാം
രണ്ടാം സെമസ്റ്റർ എംഎ, എംഎസ്സി, എംകോം, എംഎസ്ഡബ്ല്യു, എംഎ ജെഎംസി, എംടിടിഎ, എംഎച്ച്എം(സിഎസ്എസ് 2023 അഡ്മിഷൻ റഗുലർ, 2022 അഡ്മിഷൻ ഇംപ്രൂവ്മെന്റ്, 2019,2020,2021,2022 അഡ്മിഷനുകൾ റീഅപ്പിയറൻസ്), രണ്ടാം സെമസ്റ്റർ എംഎൽഐബിഐഎസ്സി(2023 അഡ്മിഷൻ റഗുലർ, 2022 അഡ്മിഷൻ ഇംപ്രൂവ്മെന്റ്, 2020,2021,2022 അഡ്മിഷനുകൾ റീഅപ്പിയറൻസ്) പരീക്ഷകൾക്കു മേയ് രണ്ടു മുതൽ ഏഴു വരെ ഫീസ് അടച്ച് അപേക്ഷിക്കാം. ഏട്ടു മുതൽ പത്തു വരെ ഫൈനോടു കൂടിയും 11 മുതൽ 15 വരെ സൂപ്പർ ഫൈനോടു കൂടിയും അപേക്ഷ സ്വീകരിക്കും. കൂടുതൽ വിവിരങ്ങൾ സർവകലാശാലാ വെബ്സൈറ്റിൽ.
പരീക്ഷാ തീയതി
ഒന്നാം സെമസ്റ്റർ ഐഎംസിഎ(2023 അഡ്മിഷൻ റഗുലർ, 2017,2018,2019,2020,2021,2022 അഡ്മിഷനുകൾ സപ്ലിമെന്ററി), ഡിഡിഎംസിഎ(2014,2015,2016 അഡ്മിഷൻ മെഴ്സി ചാൻസ്) പരീക്ഷകൾ മേയ് രണ്ടിന് ആരംഭിക്കും. ടൈം ടേബിൾ സർവകലാശാല വെബ്സൈറ്റിൽ.
പ്രൊജക്ട്/ വൈവ വോസി
ആറാം സെമസ്റ്റർ ബിഎസ്സി സ്റ്റാറ്റിസ്റ്റിക്സ് എഐ(സിബിസിഎസ് 2021 അഡ്മിഷൻ റഗുലർ, 2017,2018,2019,2020 അഡ്മിഷൻ സപ്ലിമെന്ററി മാർച്ച് 2024) പരീക്ഷയുടെ പ്രൊജക്ട്/ വൈവ വോസി പരീക്ഷകൾ മേയ് മൂന്നിനു കാലടി ്രീ ശങ്കര കോളജിൽ നടക്കും. ടൈം ടേബിൾ വെബ്സൈറ്റിൽ.
ആറാം സെമസ്റ്റർ ബിഎ ഇംഗ്ലീഷ്കോർ മോഡൽ ഒന്ന്, രണ്ട് (സിബിസിഎസ് പുതിയ സ്കീം 2021 അഡ്മിഷൻ റഗുലർ, 2017,2018,2019,2020 അഡ്മിഷൻ റീഅപ്പിയറൻസ് ഫെബ്രുവരി 2024) പരീക്ഷയുടെ പ്രൊജക്ട്/ വൈവ വോസി പരീക്ഷകൾ 30 മുതൽ നടക്കും. ടൈം ടേബിൾ വെബ്സൈറ്റിൽ.
പരീക്ഷാ ഫലം
സ്കൂൾ ഓഫ് നാനോസയൻസ് ആന്റ് നാനോടെക്നോളജി ജനുവരിയിൽ നടത്തിയ ഒന്നാം സെമസ്റ്റർ എംഎസ്സി ഫിസിക്സ്(നാനോസയൻസ് ആന്റ് നാനോടെക്നോളജി), എംഎസ്സി കെമിസ്ട്രി(നാനോസയൻസ് ആന്റ് നാനോടെക്നോളജി) ഫാക്കൽറ്റി ഓഫ് സയൻസ്(20232025 ബാച്ച് റഗുലർ, 20222024 ബാച്ച് റീഅപ്പിയറൻസ്) പരീക്ഷാഫലം പ്രസിദ്ധീകരിച്ചു.
പുനർ മൂല്യനിർണയത്തിനും സൂക്ഷ്മ പരിശോധനയ്ക്കുമുള്ള അപേക്ഷകൾ നിശ്ചിത ഫീസ് അടച്ച് മേയ് മൂന്നു വരെ സ്കൂൾ ഓഫീസിൽ സമർപ്പിക്കാം.