പത്താം ക്ലാസുകാർക്കുള്ള ചില സാധ്യതകൾ
ഓപ്പൺ സ്കൂൾ
സമാന്തര വിദ്യാഭ്യാസത്തിനു സാധ്യതയൊരുക്കി നാഷണൽ ഓപ്പൺ സ്കൂളും കേരള ഓപ്പൺ സ്കൂളും പ്രവർത്തിച്ചു വരുന്നുണ്ട്. റെഗുലറായി സ്കൂളിൽ പോയി പ്ലസ് ടു കോഴ്സ് പഠിക്കാൻ ബുദ്ധിമുട്ടുള്ളവർക്കും ഓപ്പൺ സ്കൂളിംഗിൽ താത്പര്യമുള്ളവർക്കുമായി ക്രമീകരിച്ചിട്ടുള്ളതാണ് ദേശീയതലത്തിലും സംസ്ഥാനതലത്തിലുമുള്ള ഈ സംവിധാനങ്ങൾ.
നാഷണൽ ഓപ്പൺ സ്കൂൾ https://nios.ac.in
കേരള ഓപ്പൺ സ്കൂൾhttp://scolekerala.org
അഫ്സൽ ഉലമ പ്രിലിമിനറി കോഴ്സ്
കോഴിക്കോട് സർവകലാശാലയുടെ കീഴിലുള്ള വിവിധ അറബിക് കോളജുകളിൽ അഫ്സൽ ഉലമ പ്രിലിമിനറി കോഴ്സ് നടത്തപ്പെടുന്നു. അഫ്സൽ ഉലമ പ്രിലിമിനറി കോഴ്സ്, പ്ലസ് ടു ഹ്യൂമാനിറ്റീസിന് തുല്യമായി അംഗീകരിച്ചിട്ടുണ്ട്. പ്രവേശനത്തിനും മറ്റു വിവരങ്ങൾക്കും യൂണിവേഴ്സിറ്റി വെബ്സൈറ്റ് പരിശോധിച്ച് കോളജുകളെ പരിചയപ്പെടാവുന്നതാണ്.
പ്രാക് ശാസ്ത്രി കോഴ്സ്
ഡൽഹിയിലെ സെൻട്രൽ സംസ്കൃത യൂണിവേഴ്സിറ്റിയിൽ സംസ്കൃത ഭാഷയ്ക്ക് പ്രാമുഖ്യവും പ്രാധാന്യവുമുള്ള XI, XII ക്ലാസുകളിൽ പഠിക്കാനവസരമുണ്ട്. വെബ്സൈറ്റ്http:// sanskrit.nic.in/
ആർട്സ് ഹയർ സെക്കൻഡറി
ചെറുതുരുത്തി കേരള കലാമണ്ഡലത്തിൽ ആർട്സ് ഹയർ സെക്കൻഡറിക്കൊപ്പം കഥകളി വേഷം, കഥകളി സംഗീതം, ചെണ്ട, മദ്ദളം, കൂടിയാട്ടം, തുള്ളൽ, മൃദംഗം, തിമില, മിഴാവ്, നൃത്തം, കർണാടക സംഗീതം എന്നിവയിലേതെങ്കിലും ഐച്ഛിക വിഷയമായി പഠിച്ച് പരിശീലനം നേടാൻ അവസരം. വെബ്സൈറ്റ് www.kalamandalam.org
സിഐപിഇടി
കേന്ദ്ര കെമിക്കൽ ആൻഡ് പെട്രോൾ കെമിക്കൽ വകുപ്പിന് കീഴിലുള്ള സ്ഥാപനമായ സെൻട്രൽ ഇൻസ്റ്റിറ്റ്യൂട്ട് ഓഫ് പെട്രോകെമിക്കൽ എൻജിനിയറിംഗ് ആൻഡ് ടെക്നോളജി (സിഐപിഇടി) നടത്തുന്ന വിവിധ ഡിപ്ലോമ കോഴ്സുകളായ പ്ലാസ്റ്റിക്ക് ടെക്നോളജി, പ്ലാസ്റ്റിക് മോൾഡ് ടെക്നോളജി എന്നീ വിഷയങ്ങളിലുള്ള ത്രിവത്സര ഡി
പ്ലോമ കോഴ്സിന് പത്താം ക്ലാസ് യോഗ്യത മതി. വെബ് സൈറ്റ് https://www. cipet.gov.in
എൻടിടിഎഫ് ഡിപ്ലോമ
എൻടിടിഎഫ് നൽകുന്ന വിവിധ ഡിപ്ലോമ, സർട്ടിഫിക്കറ്റ് കോഴ്സുകൾ നൽകുന്നുണ്ട്. വെബ്സൈറ്റ് https://www.nttftrg.com
ഹാൻഡ്ലൂം ടെക്നോളജി
കണ്ണൂരിൽ പ്രവർത്തിക്കുന്ന ഇന്ത്യൻ ഇൻസ്റ്റിറ്റ്യൂട്ട് ഓഫ് ഹാൻഡ്ലൂം ടെക്നോളജിയിൽ വിവിധ സർട്ടിഫിക്കേറ്റ് കോഴ്സുകളുണ്ട്.വെബ്സൈറ്റ് http://iiht kannur.ac.in
സിഫ് നെറ്റിൽ ഡിപ്ലോമ
കേന്ദ്ര സർക്കാറിന്റെ പൂർണ നിയന്ത്രണത്തിലുള്ള സ്ഥാപനമായ സെൻട്രൽ ഇൻസ്റ്റിറ്റ്യൂട്ട് ഓഫ് ഫിഷറീസ് നോട്ടിക്കൽ & എൻജിനിയറിംഗ് ട്രയിനിംഗ് (CIFNET) കൊച്ചി, ചെന്നൈ, വിശാഖപട്ടണം കേന്ദ്രങ്ങളിൽ നടത്തുന്ന വെസല് നാവിഗേറ്റര്, മറൈന് ഫിറ്റര് എന്നീ ഡിപ്ലോമ കോഴ്സുകളിലും പത്താം ക്ലാസുകാർക്ക് ചേരാനവസരമുണ്ട്. വെബ്സൈറ്റ് https://cif net.gov.in
സെക്രട്ടേറിയൽ പ്രാക്ടീസ്
കേരള സാങ്കേതിക വിദ്യാഭ്യാസ ഡയറക്ടറുടെ കീഴിൽ പ്രവർത്തിക്കുന്ന സർക്കാർ കൊമേഴ്സ്യൽ ഇൻസ്റ്റിറ്റ്യൂട്ട് നടത്തുന്ന രണ്ടുവർഷത്തെ ഡിപ്ലോമയാണ്, ഡിപ്ലോമ ഇൻ സെക്രട്ടേറിയൽ പ്രാക്ടീസ്. വെബ്സൈറ്റ് www.dtekerala.gov.in
പാരാമെഡിക്കൽ
സർട്ടിഫിക്കേറ്റ് കോഴ്സ് ഇൻ ഫാർമസി (ഹോമിയോ) തിരുവനന്തപുരം, കോഴിക്കോട് സർക്കാർ ഹോമിയോപ്പതി കോളേജിലെ സർട്ടിഫിക്കറ്റ് ഫാർമസി (ഹോമിയോപ്പതി) കോഴ്സിലേക്കുള്ള പ്രവേശനം എൽബിഎസ് വഴിയാണ്. വെബ്സൈറ്റ്www.lbscentre.in
ആയുർവേദിക് നഴ്സിംഗ്, ഫാർമസി, തെറാപ്പിസ്റ്റ് എന്നീ കോഴ്സുകളും പത്താം ക്ലാസുകാർക്കു മുന്നിലുള്ള സാധ്യതകളാണ്. കൂടാതെ എയിംസ് ഋഷികേശ് നടത്തുന്ന ഡിപ്ലോമ ഇൻ പ്ലാസ്റ്റർ ടെക്നിഷ്യൻ കോഴ്സും പത്താം ക്ലാസുകാർക്കുള്ള അവസരമാണ്.
ഡോ. ഡെയ്സണ് പാണേങ്ങാടന്