അറബിക് സർട്ടിഫിക്കറ്റ്/പിജി ഡിപ്ലോമ കോഴ്സ്: അപേക്ഷ ക്ഷണിച്ചു
അറബിക് പഠനവകുപ്പിൽ നടത്തുന്ന അറബിക് സർട്ടിഫിക്കറ്റ്/പിജി ഡിപ്ലോമ കോഴ്സുകളിലേക്ക് അപേക്ഷ ക്ഷണിച്ചു. അപേക്ഷാ ഫോം വെബ്സൈറ്റിൽ നിന്ന് ഡൗണ്ലോഡ് ചെയ്ത് പൂരിപ്പിച്ച് സർവകലാശാലാ ഫണ്ടിലേക്ക് അടച്ച 100 രൂപയുടെ ചലാൻ സഹിതം 16നകം പഠനവകുപ്പിൽ സമർപ്പിക്കണം. വിവരങ്ങൾ വെബ്സൈറ്റിൽ.
ബിടെക് പരീക്ഷാ അപേക്ഷ
പാർട്ട് ടൈം ബിടെക് (200 സ്കീം, 2008 പ്രവേശനം മാത്രം) ഒന്ന്, രണ്ട്, നാല്, ആറ് സെമസ്റ്റർ (ജൂണ് 2015), മൂന്ന്, അഞ്ച് സെമസ്റ്റർ (ഡിസംബർ 2015), ഏഴ്, എട്ട് സെമസ്റ്റർ (ഡിസംബർ 2014) സപ്ലിമെന്ററി പരീക്ഷകൾക്ക് പിഴകൂടാതെ 18 വരെയും 150 രൂപ പിഴയോടെ 22 വരെയും ഓണ്ലൈനിൽ അപേക്ഷിക്കാം. പാർട്ട് ടൈം ബിടെക് 2008 പ്രവേശനം വിദ്യാർഥികൾക്ക് ഇത് അവസാന അവസരമായിരിക്കും.
പരീക്ഷാഫലം
2016 ജൂണിൽ നടത്തിയ രണ്ടാം സെമസ്റ്റർ എംഎ ഫോക്ലോർ സ്റ്റഡീസ് (സിസിഎസ്എസ്) പരീക്ഷാഫലം വെബ്സൈറ്റിൽ ലഭ്യമാണ്.
ലാപ്ടോപ്പ് ആൻഡ് ഡെസ്ക്ടോപ്പ് എൻജിനിയറിംഗ് സർട്ടിഫിക്കറ്റ് കോഴ്സ് (2014 പ്രവേശനം) സപ്ലിമെന്ററി പരീക്ഷാഫലം (ഓഗസ്റ്റ് 2016) വെബ്സൈറ്റിൽ ലഭ്യമാണ്. പുനർമൂല്യനിർണയത്തിന് 20 വരെ ഓണ്ലൈനിൽ അപേക്ഷിക്കാം.
പുനർമൂല്യനിർണയ ഫലം
നാല്, ആറ് സെമസറ്റർ ബിബിഎഎൽഎൽബി നവംബർ 2015 പരീക്ഷയുടെ പുനർമൂല്യനിർണയ ഫലം വെബ്സൈറ്റിൽ ലഭ്യമാണ്. ഉത്തരക്കടലാസ് തിരിച്ചറിയാൻ ആഗ്രഹിക്കുന്നവർ 15 ദിവസത്തിനകം പരീക്ഷാഭവനുമായി ബന്ധപ്പെടണം.
ഹോസ്റ്റൽ മെസ് ക്വട്ടേഷൻ
മെൻസ് ഹോസ്റ്റൽ, ലേഡീസ് ഹോസ്റ്റൽ എന്നിവയുടെ മെസ് നടത്തിപ്പിന് വെവ്വേറെ ക്വട്ടേഷനുകൾ ക്ഷണിച്ചു. വിവരങ്ങൾ വെബ്സൈറ്റിൽ.