പരീക്ഷാഭവൻ അദാലത്ത് ഇന്ന്
പരീക്ഷാഭവനുമായി ബന്ധപ്പെട്ട് വിദ്യാർഥികളുടെ പരാതികൾ പരിഹരിക്കുന്നതിന് ഇന്ന് അദാലത്ത് നടത്തും. സർവകലാശാലാ സെമിനാർ കോംപ്ലക്സിൽ രാവിലെ പത്തിന് വൈസ് ചാൻസലർ ഡോ.കെ.മുഹമ്മദ് ബഷീർ ഉദ്ഘാടനം ചെയ്യും. പ്രോവൈസ് ചാൻസലർ ഡോ.പി.മോഹൻ, പരീക്ഷാ സ്റ്റാൻഡിംഗ് കമ്മറ്റി കണ്വീനർ പ്രഫ.സി.പി.ചിത്ര, രജിസ്ട്രാർ ഡോ.ടി.എ.അബ്ദുൾ മജീദ്, പരീക്ഷാ കണ്ട്രോളർ ഡോ.വി.വി.ജോർജ്കുട്ടി, സിൻഡിക്കറ്റ് അംഗങ്ങൾ, പരീക്ഷാ ജോയിന്റ് കണ്ട്രോളർമാർ തുടങ്ങിയവർ പങ്കെടുക്കും. നിശ്ചിത തിയതിക്കകം അപേക്ഷ നൽകിയ വിദ്യാർഥികൾ അദാലത്തിൽ പങ്കെടുക്കേണ്ടതാണെന്ന് പരീക്ഷാ കണ്ട്രോളർ അറിയിച്ചു.
അഞ്ചാം സെമസ്റ്റർ ബിഎസ്സി/ബിസിഎ മൂല്യനിർണ ക്യാന്പ്
അഞ്ചാം സെമസ്റ്റർ ബിഎസ്സി/ബിസിഎ റഗുലർ (സിയുസിബിസിഎസ്എസ്), സപ്ലിമെന്ററി/ഇംപ്രൂവ്മെന്റ് (സിസിഎസ്എസ്) നവംബർ 2016 പരീക്ഷയുടെ മൂല്യനിർണയ ക്യാന്പ് ഇന്നു മുതൽ 22 വരെ വിവിധ കേന്ദ്രങ്ങളിൽ നടക്കും. അഫിലിയേറ്റഡ് കോളജുകളിലെ അധ്യാപകർ നിർബന്ധമായും പങ്കെടുക്കണമെന്ന് പരീക്ഷാ കണ്ട്രോളർ അറിയിച്ചു. വിവരങ്ങൾ വെബ്സൈറ്റിൽ.
ബിഎ അഫ്സൽഉൽഉലമക്ക് രജിസ്റ്റർ ചെയ്യാം
നടത്തിയ അഫ്സൽഉൽഉലമ പ്രിലിമിനറി പരീക്ഷയിൽ പുതുക്കിയ മാനദണ്ഡ പ്രകാരം പാസായവർക്ക് 16 വരെ ബിഎ കോഴ്സിന് ഓണ്ലൈനായി രജിസ്റ്റർ ചെയ്യാം. അപേക്ഷയുടെ പ്രിന്റൗട്ട് ബന്ധപ്പെട്ട രേഖകൾ സഹിതം 18ന് വൈകുന്നേരം അഞ്ചിന് വിദൂരവിദ്യാഭ്യാസ വിഭാഗത്തിൽ ലഭിക്കണം. വിവരങ്ങൾ വെബ്സൈറ്റിൽ.
പിഎച്ച്ഡി പ്രവേശന പരീക്ഷ
2017 അധ്യയന വർഷത്തെ പിഎച്ച്ഡി പ്രവേശനത്തിന്, പ്രവേശന പരീക്ഷ ഒഴിവാക്കപ്പെട്ടിട്ടുള്ള വിഭാഗം അപേക്ഷകർക്ക് ഓണ്ലൈൻ രജിസ്ട്രേഷനുള്ള ലിങ്ക് വെബ്സൈറ്റിൽ ലഭ്യമാണ്. 2017ലെ പിഎച്ച്ഡി പ്രവേശന വിജ്ഞാപനം അനുസരിച്ച് മുന്പ് രജിസ്റ്റർ ചെയ്തവർ വീണ്ടും രജിസ്റ്റർ ചെയ്യേണ്ടതില്ല. അപേക്ഷാ ഫീ ജനറൽ 550 രൂപ (എസ്സി/എസ്ടി220 രൂപ). പ്രവേശന യോഗ്യത, റഗുലേഷൻ എന്നിവ സംബന്ധിച്ച വിവരങ്ങൾ വെബ്സൈറ്റിൽ. മൂന്നാം സെമസ്റ്റർ ബിവോക് ഫാർമസ്യൂട്ടിക്കൽ കെമിസ്ട്രി (2015 പ്രവേശനം) റഗുലർ പരീക്ഷകൾക്ക് ഓണ്ലൈനിൽ അപേക്ഷിക്കാനുള്ള അവസാന തിയതി 22.
പരീക്ഷാഫലം
2016 ഒക്ടോബറിൽ നടത്തിയ രണ്ടാം സെമസ്റ്റർ എംഎസ്സി റേഡിയേഷൻ ഫിസിക്സ് (സിസിഎസ്എസ്) പരീക്ഷാഫലം വെബ്സൈറ്റിൽ. 2016 ജൂണിൽ നടത്തിയ രണ്ടാം സെമസ്റ്റർ എംഎസ്സി മാത്തമാറ്റിക്സ്, എംഎസ്സി സൈക്കോളജി (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് എംഎസ്സി മാത്തമാറ്റിക്സിന് 27 വരെയും സൈക്കോളജിക്ക് 24 വരെയും ഓണ്ലൈനിൽ അപേക്ഷിക്കാം.